15-ameliy PT_A

15-ámeliy sabaq. Dizimge alıw iskerligi.

Jumıstıń maqseti:

Studentlerdi Moodle oqıw platformasına dizimge alıw (registraciya) processi menen tanıstırıw, olarǵa sistemaǵa kiriw, jeke profildi jaratıw hám tiykarǵı funkciyaların paydalanıw kónlikpelerin qáliplestiriw.

Ámeliy bólim:

1. Moodle platformasına kiriw

Moodle platformasına kiriw ushın, aldı menen óz oqıw ornıńızdıń Moodle sistemasınıń veb-saytına kiriwińiz kerek. Ádette, bul adres universitet vebsaytındaǵı "Aralıqtan oqıtıw" yamasa "Elektron oqıw platforması" sıltemesinde jaylasqan boladı. Mısalı, adres tómendegidey bolıwı múmkin: https://moodle.universitetiniz.uz

2. Dizimge alıw (registraciya) processi

Moodle platformasına birinshi ret kirip atırǵan bolsańız, dizimge alınıwıńız kerek. Bul process tómendegidey:

1.Bas bette "Dizimge alıw" yamasa "Sozdat novuyu uchetnuyu zapis" degen siltemeni tabıw hám onı basıw kerek.

2.Ashılǵan bette kerekli maǵlıwmatlardı toltırıw:

o Login (paydalanıwshı atı) o Qupiya sóz (parol)

o Elektron pochta adresi

o Tolıq atı-familiyańız (familiya, atı, ákesiniń atı) o Qala

oMámleket

3.Barlıq maǵlıwmatlardı toltırǵannan keyin, "Akkaunt jaratıw" yamasa "Sozdat moy novıy akkaunt" túymesin basıw kerek.

4.Sistemadan elektron pochtańızǵa tastıyıqlaw xatı jiberiledi. Pochtańızǵa kirip, xattı ashıp, tastıyıqlaw siltemesin basıw kerek.

5.Tastıyıqlaw sıltemesin basqannan keyin, siziń akkauntıńız aktivlestiriledi hám siz Moodle platformasına kiriw múmkinshiligine iye bolasız.

3.Sistemaǵa kiriw

Dizimge alınǵannan keyin, sistemaǵa kiriw ushın:

1.Bas bette "Kiriw" yamasa "Vxod" degen túymeni basıw kerek.

2.Ashılǵan bette tiyisli maydanlarǵa:

o Login (paydalanıwshı atı)

oQupiya sóz (parol) maǵlıwmatların kirgiziw kerek.

3."Kiriw" yamasa "Vxod" túymesin basıw arqalı sistemaǵa kiriw múmkin.

4.Jeke profildi toltırıw

Sistemaǵa kirip bolǵannan keyin, jeke profildi toltırıw kerek:

1.Oń joqarıdaǵı óz atıńız kórsetilgen menyu túymesin basıp, "Profil" yamasa "Redaktirovat informaciyu" sıltemesin tańlań.

2.Ashılǵan bette qosımsha maǵlıwmatlardı toltırıw:

oFotosúwret qoyıw (ózińizdiń fotosúwretińizdi júklew ushın "Dobavit" túymesin basıw kerek)

o Qısqasha ózińiz haqqında maǵlıwmat o Qızıǵıwshılıq tarawları

oKontakt maǵlıwmatları

3.Barlıq kerekli maǵlıwmatlardı toltırǵannan keyin, "Saqlaw" yamasa "Soxranit" túymesin basıw kerek.

5.Kurslarǵa jazılıw

Moodle platformasında kurslarǵa jazılıw ushın:

1.Bas bette "Kurslar" yamasa "Vse kursı" sıltemesin tabıw hám onı basıw kerek.

2.Ashılǵan bette ózińizge kerekli kurslardı izlep tabıw. Kurs atamaların qarap shıǵıw yamasa izlew funkciyasın paydalanıw múmkin.

3.Qızıqtırǵan kurstı tańlap, oǵan kiriw.

4.Eger kurs "kiriw gilti" talap etse, oqıtıwshıdan alınǵan giltti kirgiziw kerek.

5."Kursqa jazılıw" yamasa "Zapisatsya na kurs" túymesin basıw arqalı kursqa jazılıw múmkin.

Máseleniń qoyılıwı, ámeliy tapsırmalar:

1.Moodle platformasına kiriw hám dizimge alınıw processin tamamlań.

2.Ózińizdiń jeke profilińizdi toltırıń:

o Fotosúwret qoyıń

o Ózińiz haqqında qısqasha maǵlıwmat jazıń

oQızıǵıwshılıq tarawlarıńız benen bólisiń

3.Kem degende 3 kursqa jazılıń, olardıń ishinen birewi "kiriw gilti" talap etiwi kerek.

4.Sistemaǵa basqa qurılmadan (mısalı, telefon yamasa planshet) kiriw hám jumıs islewdi úyreniń.

5.Dizimge alınǵannan keyin, Moodle platformasında ózińizdiń dáslepki tájiriybeńiz haqqında 10-15 gáp jazıń.

Joqarıdaǵı tapsırmalardı orınlaw arqalı, siz Moodle platformasınıń tiykarǵı múmkinshilikleri menen tanısıp, onı paydalanıw boyınsha tájiriybe jıynaysız. Bul sizge keleshekte elektron oqıw resurslarınan paydalanıw kónlikpelerin rawajlandırıwǵa járdem beredi.