12-ameliy PT_A
.pdf
12-ámeliy sabaq. Tekseriw (tekseriw, dizayn sheshimlerin tastıyıqlaw) hám ámelge asırılǵan bloklardı integraciyalaw.
Jumıstıń maqseti: Bul jumıstıń tiykarǵı maqseti – MOODLEda jaratılǵan bloklardı testlew, olardıń dizayn sheshimlerin tastıyıqlaw hám olardı kurs strukturasına effektivli integraciyalaw kónlikpelerin úyretiw. Studentlerge oqıw processin optimallastırıw ushın bloklardı durıs jaylastırıw, olardıń izlenisin tekseriw hám olardı basqa MOODLE resursları menen úylesimli integraciyalaw usılların úyretiw arqalı, studentlerdiń onlayn oqıw ortalıǵın professional dárejede basqarıw múmkinshiliklerin rawajlandırıw.
Ámeliy bólim: MOODLE platformasında bloklardı tekseriw hám integraciyalaw procesi izbe-iz ámelge asırılıwı kerek. Dáslep, MOODLE sistemasına administrator yamasa oqıtıwshı sıpatında kirip, ózińizdiń kursıńızdı tańlań. Redaktorlaw rejimin qosıw ushın bettiń joqarǵı oń múyeshindegi "Redaktorlawdı qosıw" túymesin basıń. Endi siz kursıńızda jaratılǵan barlıq bloklardı kórip hám olardı teksere alasız.
Bloklardı tekseriw processinde dáslep olardıń vizual kórinisine itibar beriń. Blok dizaynı kurstıń ulıwma kórinisine sáykes keliwi, oqıwshılar ushın túsinikli hám qollanıwǵa qolaylı bolıwı kerek. Bloktıń shrift, tús hám jaylasıw parametrleri kurs dizaynınıń basqa elementleri menen úylesimli bolıwın támiyinleń. Blok ataması tolıq hám túsinikli bolıp, bloktıń mazmunın anıq sáwlelendiriwi kerek. Eger blokta súwretler yamasa basqa media elementler bar bolsa, olardıń durıs kórinip tur ma, júkleniwine itibar beriń.
Funkcional tekseriw barısında bloktıń barlıq elementleriniń jumıs islep atırǵanına isenim payda etiń. Bloktaǵı hár bir sіltemeni ashıp, olardıń durıs betlerge aparıp atırǵanına isenim payda etiń. Eger blokta interaktiv elementler bolsa (formalar, túymeler, t.b.), olardıń durıs islep atırǵanın tekseriń. Bloktıń hár qıylı brauzerlerde, sonday-aq mobil qurılmalarda qalay kórinetuǵının tekserip kóriń, sebebi MOODLE paydalanıwshıları túrli qurılmalardan sistemaǵa kire aladı.
Bloklardı integraciyalawdıń kelesi basqıshı - olardıń kurstıń basqa bólimleri menen óz-ara baylanısın támiyinlew. Bloktıń qay jerde kórinetuǵının sazlaw ushın,
bloktıń joqarǵı oń múyeshindegi shesternya belgisin basıp, "Bloktı konfiguraciyalaw" opciyasın tańlań. Ashılǵan bette "Bul blok qaysı bette kórinedi" degende, múmkin bolǵan varianttlardı kóriw ushın "Keń etip kórsetiw" túymesin basıń. "Bloktıń kóriniw huqıqların beriw" bóliminde, kimler bul bloktı kóre alatuǵının ornatıń. Mısalı, bloktı tek belgili bir topar studentlerge kórsetiw ushın, "Bloktı kóre alatuǵın roller" opciyasında kerekli rollerdi belgileń.
Bloktıń basqa MOODLE resursları hám aktivleri menen integraciyalawına itibar beriń. Bloktaǵı maǵlıwmatlar kurstıń basqa bólimlerinde berilgen maǵlıwmatlarǵa sáykes keliwi kerek. Mısalı, blokta kórsetilgen múddetler kurs kalendarındaǵı múddetlerge tuwrı keliwi kerek. Bloktıń mazmunı oqıw programması hám tapsırmalar menen úylesimli bolıwın támiyinleń. Bloktaǵı qosımsha resurslar (fayllar, sіltemeler) studentler ushın durıs huqıqlar menen beriwi kerek.
Integraciyalaw processin juwmaqlaw ushın, bloktıń turaqlı jumıs islewin támiyinlew kerek. Bloktı kurstıń jumıs versiyasında testlep kóriń, keyin studentlerge kórinetuǵın rejimde tekserip kóriń. Kurstıń rezervlik versiyasın jaratıń, sonıń arqasında eger blok durıs islemese, kurstı qayta tiklew múmkinshiligi payda boladı. Bloktıń jumısına baylanıslı kerі baylanıstı jıynaw ushın, studentlerden yamasa sheriklerińizdiń pikirlerin sorań. Bul sizge bloktıń effektivligin bahalawǵa hám kerek bolsa, dúzetiwler kirgiziwge járdem beredi.
Máseleniń qoyılıwı, ámeliy tapsırmalar
1.Kursta jaratılǵan bloktı tekseriw: Ózińizdiń kursıńızda bar bolǵan bir bloktı tańlap alıń. Bloktı vizual hám funkcional jaqtan tekseriń. Bloktıń dizaynı kurs dizaynına sáykes kele me? Barlıq sіltemeler hám interaktiv elementler durıs isley me? Hár qıylı qurılmalarda (kompyuter, planshet, telefon) blok durıs kórine me?
2.Blok konfiguraciyasın sazlaw: Tańlanǵan bloktıń konfiguraciyasın ashıń (shesternya belgisi arqalı). Bloktıń kóriniw sheklewlerin ózgertiń: bloktı tek belgili bir kurs bóliminde yamasa tek belgili bir tapsırmada kórinetuǵın qılıń. Bloktıń kóriniw huqıqların sazlań: bloktı tek oqıtıwshılar yamasa tek belgili bir topar studentler kóre alatuǵın qılıń.
3.Bloktı basqa MOODLE resursları menen integraciyalaw: Tańlanǵan bloktı kurstıń basqa bólimleri menen baylanıstırıń. Mısalı, blokta kurs kalendarına, forumǵa yamasa tapsırmaǵa baylanıs jaratıń. Bloktıń mazmunın kurstıń basqa bólimlerinde berilgen maǵlıwmatlarǵa sáykes keltiriń.
4.Blok testin ótkiziw hám optimallastırıw: Student rejiminde kursqa kirip,
bloktıń qanday kórinishi bar ekenin hám qalay isleytuǵının tekseriń. Bloktıń jumısına baylanıslı keri baylanıstı jıynań (sheriklerińizden yamasa
studentlerden). Alınǵan keri baylanıs tiykarında bloktı optimallastırıń. Ózgerislerden soń bloktı jáne bir ret testlep kóriń.
5.Huqıqlar menen islew hám qáwipsizlikti támiyinlew: Bloktıń huqıqlar hám qáwipsizlik sazlawların tekseriń. Blokta paydalanılǵan fayllar hám resurslarǵa durıs huqıqlar berilgenine isenim payda etiń. Bloktıń mazmunı intellektual múlk huqıqların buzbaytuǵının tekseriń.