11-ameliy PT_A

11-ámeliy sabaq. Hár bir tapsırma ushın keńeytpe blokın ámelge asırıw.

Jumıstıń maqseti: Bul jumıstıń baslı tiykarǵı maqseti –MOODLE platformasında hár bir tapsırma ushın arnawlı keńeytpe blokların jaratıw hám olardı effektivli qollanıw kónlikpelerin qáliplestiriw. Keńeytpe blokları arqalı oqıtıwshılar tapsırmalarǵa qosımsha resurslar, metodikalıq kórsetpeler hám úyreniw materialların baylanıstıra aladı, bul arqalı studentlerdiń oqıw procesin jaqsılap, tapsırmalardı orınlaw ushın kerek bolǵan barlıq maǵlıwmatlardı bir jerde toplaw imkaniyatına iye boladı. Sonday-aq, jumıs studentlerdiń MOODLE sistemasın qollanıw tájiriybesin jaqsılawǵa hám oqıw materiallarına jetiw processin optimallastırıwǵa baǵdarlanǵan. Keńeytpe blokları oqıtıwshılarǵa oqıw processin kóbirek interaktiv hám effektivli etiwge múmkinshilik beredi.

Ámeliy bólim: MOODLE sistemasında hár bir tapsırma ushın keńeytpe blokın ámelge asırıw procesi bir neshe basqıshtan turadı. Dáslep, MOODLE sistemasına oqıtıwshı sıpatında kirip, kerekli kurstı ashıwıńız kerek. Bettiń joqarǵı oń jaǵındaǵı "Redaktorlawdı qosıw" túymesin basıń. Bunnan soń, kurstıń kerekli bóliminde "Háreket qosıw" knopkasın basıp, ashılǵan menyudan "Tapsırma" opciyasın tańlań. Tapsırmanıń atın, sıpatlamasın, múddetin hám ballaw sistemasın ornatıp, onı saqlań.

Tapsırmanı jaratqannan soń, kurs betine qaytıp, betniń oń jaǵındaǵı "Blok qosıw" menyusınan "HTML" blogın tańlań. Payda bolǵan HTML blogınıń konfiguraciyasına ótiw ushın shesternya belgisin basıp, "Konfiguraciya" opciyasın tańlań. "Blok ataması" maydanına tapsırmaǵa sáykes at beriń, mısalı: "Tapsırma №1 ushın resurslar". "Mazmun" degende HTML redaktorı ashıladı, onda siz tapsırmanı orınlaw ushın resurslar, sіltemeler, kórsetpeler hám basqa da paydalı maǵlıwmatlardı HTML formatta kirgize alasız. Oqıtıwshılar ushın paydalı keńes:

<h4>, <ul>, <li>, <a href>, <strong> sıyaqlı HTML tegların qollanıw arqalı mazmundı jaqsı strukturalawǵa boladı.

Keńeytpe bloktıń kóriniw sheklewlerin ornatıw áhmiyetli basqısh bolıp tabıladı. Jaratılǵan bloktıń konfiguraciya menyusına ótip, "Qay jerde bul blok kórinedi" bólimine ótiń. "Bul blok qaysı bette kórinedi" degende "Keń etip kórsetiw" túymesin basıń. "Tip bloka stranicı" degende "Aktivnost: Zadanie" opciyasın tańlań. "Tapsırmanıń ID nomeri" degende, keńeytpe bloktı baylanıstırmaqshı bolǵan tapsırmanı tańlań. Usılayınsha, blok tek sol tańlanǵan tapsırma betinde kórinetuǵın boladı. Ózgerislerdi saqlaǵannan soń, tapsırma betine ótip, bloktıń durıs kórinip turǵanın tekseriń.

Ámeliy keńes retinde, HTML blogında tek ǵana tekst emes, al súwretlerdi, videolardı hám basqa da media kontentti qosqanıńızdı este saqlań. CSS stillerdi qollanıp, bloktı kórkemlew múmkinshiligińiz de bar. Mısalı, <div style="background-color: #f5f5f5; padding: 10px; border-left: 4px solid #0066cc;"> sıyaqlı stillerdi qollanıw arqalı

mazmundı kóbirek kózge tartımlı qılıwǵa boladı. Tapsırmalardıń mazmunına qaray bloklardı kategoriyalar boyınsha shólkemlestirip, oqıw processin jáne de jaqsılawǵa boladı. Studentler ushın bloktıń mazmunın tusinikli hám jetkilikli qılıp jazıń, sebebi bul olardıń tapsırmanı tabıslı orınlawına tikkeley tásir etedi.

Ámeliy tapsırmalar

Tapsırma 1: MOODLE sistemasına kiriw hám tapsırmanı tańlaw

1.MOODLE sistemasına ózińizdiń oqıtıwshı login hám parolińiz benen kiriń.

2.Tapsırma qosıw kerek bolǵan kurstı ashıń.

3.Redaktorlaw rejimin qosıń: "Redaktorlawdı qosıw" túymesin basıń.

Tapsırma 2: Jańa tapsırma jaratıw

1.Kurstıń kerekli bóliminde "Háreket qosıw" knopkasın basıń.

2.Ashılǵan menyuda "Tapsırma" opciyasın tańlań.

3.Tapsırmanıń tiykarǵı parametrlerin toltırıń:

o Tapsırma atın jazıń (mısalı: "Semestrlik jumıs №1") o Tapsırmanıń sıpatlamasın kirgiziń

o Tapsırmanıń múddetin belgileń o Ballaw sistemasın ornatıń

Tapsırma 3: Keńeytpe blokın jaratıw hám tapsırmaǵa baylanıstırıw

1.Tapsırmanı saqlaǵannan soń, kurs betine qaytıń.

2.Bettiń oń jaǵındaǵı "Blok qosıw" menyusın tabıń.

3."Blok qosıw" knopkasın basıń hám ashılǵan dizimnen "HTML" blogın tańlań.

4.Jańa HTML blogı siziń kursıńızdıń oń tárepinde payda boladı.

5.Bloktıń joqarǵı oń múyeshindegi shesternya belgisin basıń hám

"Konfiguraciya" opciyasın tańlań.

Tapsırma 4: Keńeytpe bloktı konfiguraciyalaw

1."Blok ataması" maydanına tapsırmaǵa sáykes at beriń (mısalı: "Tapsırma №1 ushın resurslar").

2."Mazmun" degende HTML redaktorı ashıladı.

3.Tómendegi mazmundı kirgiziń:

4.<h4>Tapsırmanı orınlaw ushın resurslar</h4><ul> <li><a href="URL_ADRESI">Ádebiyat 1</a></li> <li><a href="URL_ADRESI">Video sabaq</a></li> <li><a href="URL_ADRESI">Qosımsha materiallar</a></li></ul><p>Tapsırmanı orınlaw

ushın kórsetpeler:</p><ol> <li>Birinshi basqısh...</li> <li>Ekinshi basqısh...</li> <li>Úshinshi basqısh...</li></ol><p><strong>Tapsırmanı tapsırıw múddeti:</strong> [KÚNDІ KIRGIZIŃ]</p>

5. "Saqlaw ózgerislerdi" túymesin basıń.

Tapsırma 5: Bloktıń kóriniw sheklewlerin ornatıw

1.Jańa jaratılǵan bloktıń konfiguraciya menyusına jáne bir ret kiriń (shesternya belgisi arqalı).

2."Konfiguraciya" opciyasın tańlań.

3."Qay jerde bul blok kórinedi" bólimine ótiń.

4."Bul blok qaysı bette kórinedi" degende "Keń etip kórsetiw" túymesin basıń.

5."Tip bloka stranicı" degende "Aktivnost: Zadanie" opciyasın tańlań.

6."Tapsırmanıń ID nomeri" degende, keńeytpe bloktı baylanıstırmaqshı bolǵan tapsırmanı tańlań.

7."Saqlaw ózgerislerdi" túymesin basıń.

Tapsırma 6: Bloktıń jumısın tekseriw

1.Kurs betine qaytıń.

2.Siz jaratqan tapsırmaǵa ótiń.

3.Tapsırma betinde oń jaqta siz jaratqan keńeytpe blogı kórinip tur ma, sonı tekseriń.

4.Bloktıń mazmunı durıs kórinip tur ma, tekseriń.

5.Bloktaǵı sіltemeler jumıs islep tur ma, tekseriń.

Tapsırma 7: Keńeytpe bloktı redaktorlaw

1.Eger blokqa ózgerisler kirgiziw kerek bolsa, bloktıń shesternya belgisin basıń.

2."Konfiguraciya" opciyasın tańlań.

3.Kerekli ózgerislerdi kirgiziń.

4."Saqlaw ózgerislerdi" túymesin basıń.

Qosımsha maǵlıwmatlar hám keńesler

HTML blogında tek ǵana tekst emes, al súwretlerdi, videolardı hám basqa da media kontentti qosa alasız.

Blok mazmunına siz CSS stillerdi qollanıp, onı kórkemlew múmkinshiligińiz bar.

Tapsırmalardı kategoriyalar boyınsha bloklardı shólkemlestiriw múmkin.

Keńeytpe bloklardı MOODLE plaginleri menen integraciyalaw múmkin.