ДОРҖИН БАСН,

э

Тә залу

Нанд икл кесгәс нааран Бадм гидг нәәж бәәнә. Сән дөт күн ги- һәд би нам энүнәс хар авдмн угав.Болв нег дәкж мадна хоорнд бол­ен йовдлын тускар умшачнр танд келҗ медүлх дурн нанд бәәнә. Юңгад гихлә, кедү чигә хоорндан дөт, итклтә болв чигн, кен-негнәни .■ заң-бәәриг улм сәәнәр медх кергтә гисн иткмҗ эн йовдл үүдәнә.

Не, тегәд, мини нәәж Бадм нег дәкҗ нанур күрч ирв.

— Ю-хәмнь, Бамб мини, сән менд бәнчи! Юн болж одва? Ямаран өңг һарсмчи? — болв.

— Менд, менд! Ханжанав! Кесгәс нааран үзлцәд угавдн... Болв яһсмчи гидгчнь юмби? Яһсн угальви. Цуһар сән...

— Бамб, чамаг му бәәнә гиҗ сонслав- Түржәнә гилджәлә. Тегәд, яһад тиигәд одсн болхви гиж ухалад, медҗ авхар орж ирүв. Деңгән чигн күргҗ чадхмн болвзгов...

— Яһад, кен келнә? Юундан би түрх биләви? Кен тиим үг келәд. йовна.

— Кесгәснь соңсув... нам алн болад бәәләв...

— Дими үг. Тиим юмн альд бәәх билә. Би ода урдкасн нам хол деер бәәнәв.

— Нам гиһич! Тегәд чамаг юмнд көдлхш, түржәнә, му бәәнә гил- джәлү?

— Яһад тиигх биләви? Мел худл! Хуучн ормдан көдлә бәәнәв. Кех керг дала. Олврм сән...

— Тиим болтхал. Нанд келхләрн, амрсн олвр уга, әрә-мөчлдәд торлдҗана гих бәәдлтәһәр келлджәлә,—болад Бадм сүл үгән төвкнсн нанд йир икәр сана зовсн дүрстәһәр, дүңгәлһж, утар татҗ келв.

— Ухаллчнь,—амрсн юмн биш, бүкл зун дөчн арслң җалв авнав- Деернь бичәд бас ю-кү олнав-болж тесҗ ядад би керцгә дууһар Бад- мд хәрү өгүв.

— Тиим болхла, һарһдгчнь ик болжана, тегәд күрдго болхгов,— гиҗ Бадм немҗ келв.

«Ода эн яһҗадг болна? Ю кехәр седҗәдг болна?»— гиһәд дотран кирд гиһәд одсн бийнь, би терүг үгәрн хәрү цухрахар шиидүв.

— Яһжах күмч, негән давтад бәәх! Түрҗәх биш, касст мөңг тәвсн дегтртәв, медгдҗәнү?

— А-а, тиим болхла, чи дегәд хатуч болж одсн болҗанач. Мөңгән һарһхдан әрвләд бәәдг болхговч. Үүрмүдчнь өгйәһәр мөңг сурх гиһәд зөрц тиим зәңг тархасн болвзгоч? — гиҗ Бадм уйдлтан ута дүрстәһәр келв.

— Төрүц мел тиим биш. Кергтә болен саамд үүрмүдтән кенднь болв чигн дөң болхдан белмб! — гиж би <һацлдн келәд оркув.

— О-о, иим үг соңсна гидг йир таалмҗта! Болв зәрмдән күн, «уух уга бәәҗ —цәәсг, унх уга бәәҗ —жорасг» гишң юм һарһдг би­лэ” Чи тиим үлгүртә юм келжәдг болвзгоч? — гиж Бадм дөөгслн дүр- тәһәр мусг инәҗ келв.