ХУДОЖЕСТВЕН»

САМОДЕЯТЕЛЬНОСТЯМ

КӨДЛӘЧНРТ

БАЛАКАН АЛЕКСЕЙ

• ҖИВРТӘ БАҺ НАСН •

һурвн бөлггә, дөрвн һарцта шог наадн

НЕГДГЧ БӨЛГ

Айс. Җөөлнәр арһул экләд, улм-улм чан- һрад, өсәд, өргҗәд, тег мет, эн-зах уга делгрңһү болна.

(Көшгин өмн)

1-ч у мшач:

һоож, делгр, асхр, айсм, һәрд мет нис, дум.

Өргн теегим дүүргәд җиңн, Өнр улсим магтн цеңн.

2-ч у м ш а ч:

Җивртә баһ насн — Җирһлин алтн һасн, Бульглсн болд зүркн, Буслсн халун дурн.

1-ч- у м ш а ч:

Баһ насна тускар,

Байрта җирллин тускар...

2-ч у м ш а ч:

Ленинә комсомолии тускар Лавтрха дууһан дуулий.

(Көшг секгднә).

НЕГДГЧ ҺАРЦ

Сценә ард зургт: Өргн тег. Өөдән күчтә вольтта электролиний, нефтин вышке, өргн зам улан хаалһ, терүн деер ачлһ ачсн ма- шид үзгднә. Теегин нег үзгтнь трактормуд һазр хаһлҗ йовна, талдан нег үзгтнь үкр- мүд, хөд идшлж йовна.

(Зергләд зогссн баһчуд дуулна)

Баһчудин дун:

Шунмһа баһ цогцан Шин бәәдлд нерәдий,

2 Альманах № 2 (28)

Шимтә байн теегән Шавшсн җирһләр кеерүлий.

Эгл комсомол гиҗ Эврә нерәрн амлгдий, Эңкр Төрскән батлҗ Эркн тосхачнр болцхай.

Ильичин революции заль Идр насна булг, Ишкий, алхий, гүжрий, Иргч мана тулг.

Булңгдан хурасн чидлән Баатр төртән орлцулий, Баһ насна күчән

Бәрсн көдлмшдән ирлцүлий.

Күңкл Ленино нертә Комсомол, уралан зүтк. Коммуна партии чинртә Коммунизмин шивә тосх.

Ильичин революции заль Идр насна булг.

Ишкий, алхий, гүҗрий, Иргч — мана тулг.

1-ч көвүн:

Дурна хаҗуд җирһл батрдг, Дууна ардас би дахдг.

2-ч кәвүн:

Баһ-насн — элҗр, Байрин дун —тунжр.

Баһчуд, ода биилий, Билг-Эрдмән үзүлий.

Биич кевүн эерглсн баһчуд дундас һарч ирнә, көвүд күүкд йилһрәд З^ИИ"Р"|

17

\КОАМ. /V

Б иич:

Бадм, гармаһан ав, Баһчудин айс тат.

(Гармач «Ишкмндг» айс татна, кевун биилнэ).

1-ч көвүн:

, Бадмин татсн гарма Басл җиңнсн айста, Биич баахн көвүн Билгтэ болн эрдмтэ.

К, ө в ү д:

Хэдрис, хэдрис!!.

Холькад од, Хатхад од, Халхаснь шовшад од, Хәврһәснь көтләд од, Хэдрис, хэдрис!!

2-ч кевүн:

Көдләд шиңгәсн һоснь Кевтә болчкад янзта, Күүкдин өмн тавшхларн Кецү сәәхн сүртә.

Көв үд:

Хэдрис, хэдрис!...

Холькад од, Хатхад од, Халхаснь шовшад од, Хәврһәснь көтләд од, Хэдрис, хэдрис...

(Биич көвүн күүкдин өмн одад ишкмннә).

Күүкд:

Бос, бос, Киштә, Бадмин гармад дуһр.

Үлгүр бол, күчтә, Үй-үйәрн нуһр.

(Биич күүкн босна, гармач «Чпчрдг» татна).

1-. күүкн:

Нигт хар үснь Нурһн деернь баглрна, Нәрнке зүснь Нүднә өмн саглрна.

Күүкд:

Хәрс-лә, хәрс-лә...

Халыад од, Хурлзад од, Дөрв-тавинь Дурлулҗ чад! Хәрслә, хәрс-лә... Хәрс-лә, хәрс-лә...

2-ч күүкн:

Сар мет сәәхрәд од, Дахуль кевтә делкә кед.

К үүкд:

Хэрс-лә, хэрс-лә...

Хальгад од,

Хурлзад од,

Дөрв-тавинь дурлулҗ, чад!

Хәрс-лә, хәрс-лә...

Хәрс-лә, хәрс-лә...

1-ч күүкн:

Көвүдин зүрк көндәҗ чад, Күргн болхинь келүлҗ мед.

1-ч көвүнь:

Сар угад одн,

Сәәхн күүкд тадн, Санаһитн дахсн бидн — Салу бииләд яахв?

2-ч күүкн:

«Зөв махлад толһа амрдг, Зөвин үгд зүркн хандг».

Зөрәд күүкд өмнәснь босий, Зуг атаһан өгхмн биш.

(Дервн кевүн, дөрвн күүкн «Шарка-бар- кад» биилнә).

1-ч көвүн:

һарарн — деләд, һосарн — селәд.

Хәдрис, хәдрис.

1-ч к ү үкн :

Хормаһарн — сарсаһад, Халхарн — минчиһәд. Хәрс-лә, хәрс-лә...

2-ч көвүд:

Мөчәрн нуһрад, Цогцарн дуһрад. Хэдрис, хэдрис...

2-ч күүкн:

Зулаһарн — залрад, Зүүркәрн — зальрад.

Хәрс-лә, хәрс-лә...

(Улм сүртәһәр, улм шуугатаһар, улм дө- гәтәһәр биилцхәиә).

Хойр күүкн:

Ни-негн баһчудин

Нәр-наадн сәәхн...

Хойр көвүн:

Нәрн шинҗтә икчүдин Нерн-усн сәәхн.

Цуһар:

Хэдрис, хэдрис!!

Хәрс-лә, хәрс-лә!!

18

ХОЙРДГЧ БӨЛГ

Айс. Үсәрәд арһул эклчкәд, дарунь баһчу- дин маршд хүврәд, тургн-түргнәр күңкнәд, сонссн әмтнә өрчиг өргҗүләд оркна.

(Көшгин өмн).

1-ч у м ш а ч:

Тачкн, җиңн, цеңн, инәдн, Теегин салькн мет альвл, Терүг дахад дурн бусл, Таңһчин баһчудин зүрк усл. 2-чумшач:

Арвн долата насн,

Алтн халун цусн, Иньг хәәсн зүркн» Ик хүвтә дурн.

(Көшг секгднә).

ХОЙРДГЧ ҺАРЦ

Сценә ард: негдгч һарцин зург. (Тракто- ристк күүкн һарч ирнә. Хувц-хунрнь тоорм, халх, урлнь салмд будгдж. Сууһад, нүд- нәннь нульмс арчна).

Күүкн:

«Барсин сүуләс — бәрдго, Бәрсн хөөн— тәвдго...» Би даалһвран яахв?

Баһчудт ю келхв?

Чацһар уульна.

Айс. Марш чакһрад, сүрәлкәд, әврләд од- на. (Шофер ковүн орж ирнә, һартан суулһ бәрж).

Көв үн:

һаң догшн болад һазрин өрәлд күрвв, Радиатрин усн буслад Республикин дундурт түрвв. К ү үкн:

Гүрмтә йовдл учрв,

Генткн мотор унтрв,

Эргүлхлә көндрҗ өгхш, Эвдрсн һазрнь олдхш.

(Экрәд ульна, шофер үзнә).

Көв үн:

Халун нарта өдрәр

Хур юңгад орҗ бәәхмб?

Дүүвр сәәхн нүднәс

Дусал яһад дусж бәәхмб?

(Күүкн чочад одна, нульмсан арчна)

Күүкн:

Үүлн угаһар орсн

Зунин хур хәләҗ зогсхар,

Үзл уга давен

Залушг йовдл болх билә.

Ковүн:

Машинам усн буслад

Муульта гүрмлә харһув...

Буру гилго, зөв өгхләчн, Би суулһан нүдндчн тоснав.

К үүкн:

Бичә өңгәр давс үрәтн, Бийдтн мөңгәр дакҗ олдшго.

Көвүн:

Үр күүкн бурупим зөвшә, Үлү үгим бичә гемшә...

Нааран һаран ас, Нама бичә бас.

(Күүкн һаран өгнә, көвүн татад босхна).

Күүкн:

Тракторм эвдрҗ одв, Тәрәнә көдлмш зогсв. Келсн үгдән күршго Күчр ичр учрв.

Көвүн:

Санаһан бичә зов, Сән седкләр дөңннәв, Тракторчн хама бәәнә? Терүгичн одад хәләй. (һарч одцхана).

Айс. Марш.

(Трактор күрҗңнсн дун соңсгдна). Айс. Марш.

(Көвүн орж ирнә).

Көв үн:

Күүкд улсд трактор Кен иткҗ өгдв?

Баахн эвдрлһнәс көлтә Бүкл часдан зогсҗ. (биилн йовж).

Би — маши залачв, Би — ахлачин җолачв, Сальк өрж гүүлгдв, Седкл сөрж дуулдв.

(Күүкн суулһта ус бәрсн орж нрнә).

Күүкн:

Үр кәвүн чамд

Ус авч ирвв.

Үнн седклдчн ханжанав,

Ут хаалһ дурдҗанав. (Күүкн һарч одна).

Көвүн:

Көк машиндән дуртав Күүкдлә көөлддн угав, Теегин салькнла урлддв Төвшүнәр зүркән бәрдв. (Күүкнә орксн ус авна, дуулна).

Би —маши залачв,

Би — ахлачин жолачв, Сальк ерҗ гүүлгдв, Седкл серж дуулдв. (Күүкн орж ирнэ).

2*

19

К үүкн: ., .

Ханҗ бәәнәв, үр, Хаалһтн өлзәтә болтха.

(Күүкн гүүһәд һарч одна).

Кө в үн:

Нерән... Нерән келтн?..

Нанас зулҗ одв...

Соньн җигтә юмн

Сәәхн күүкн бәәҗ...

(Күүкн тачкнад инәһәд орж ирнә).

Күүкн:

Нүднәм нульмс хагсасн

Теегин һәрд минь,

Намаг бичә март,

(Күүкн гүүж одад көвүг үмсчкәд һарч одна).

Тракторин мотор минь.

Көв үн:

(Нүднь ормаһад, хәәкрнә).

Теңгр цокчкв, манахс, Тегәд яахв, би??.

(Толһаһан бәрнә).

Ток цоксн мет

Толһам эргәд оддмб?

Зүн хатхсн мет

Зүркм менрәд оддмб?

Түрүн үмслһнәс әрүн

Тегәд юн бәәхв?

Нүр үздг герт чирәһән хәләнә. Халхднь күүкнә үмссн һазрт хар салмнн ик төгрг орм үлдҗ.

Энүгинь болв чигн

Эңкрлҗ зүркндән залхлта, Альчуртан наалдулҗ авхлта, Авдртан герәслҗ хадһлхлта.

(Көвүн һарч одна).

1-ч у мшач:

Дун төрсн хөөн...

2-ч умшач:

Нисл уга бәәдго.

1-ч у м ш а ч.:

Дурн ирсн хөөн...

2-ч у м ш ач:

Нуувчар тесҗ чаддго.

1-ч у м ш ач.:

Көвүн күүкиг олх, Көөркү иньгүд болх.

2-ч умшач:

Хәәсн күн олддмн, Харһсн зүркс ханьцдмн.

(Кешг хаагдна).

ҺУРВДГЧ ҺАРЦ

Айс. Үсәрсн дурн-седклин айс, жөелнәр, саатулад эңсәд бәәнә.

ө ш г и н өмн).

1-ч у м ш а ч:

Үсәрт, манурт, серҗңн, асхн, Үүрмүдиг иньг кеҗ батл, Сар — бичә ичҗ бишрк.

Сәәхн иньгүдин хаалһ шинрк.

2-ч умшач:

Хаврин асхн серүн, Ханьцсн зүркс әрүн. Теднә кишг — дурн, Төвкнүнә түшг —үрн.

(Көшг секгднә).

Сценә ард: негдгч һарцин зург. (Хөөч көвүн гирлгән үүрсн һарч ирнә. Бүслүртнь шилтә керолнн йовна, дуулна).

Көв үн:

Торһн нооста хөөһән Тооһинь өскҗ асрнав, Тоомсрта иньг Кермнән Теркә зүркндән өкәрлнәв.

(һарч одна).

(Саальч күүкн цаһан халат өмссн, ээм дееһәрн һар арчдг кенчр сундлҗ хайсн, (Дуулад һарч одна, кевүн орж ирнә).

К ү үкн:

(Гердәд хәләнә, дуулна).

Арвн долан үкриг Арднь орҗ саанав, Альвн иньг Санҗан Аашна гиһәд саннав.

(һартан үкр саадг суулһта һарч ирнә).

Көв үн:

Сәәхн иньг Кермнм

Санҗан мартен болхий, Сарин сарулд бахтҗ Сергәд эс һархий.

(Күләһәд зогсна, хәәһәд һарч одна. Күүкн гейүрсн орж ирнә, дуулна).

Күүкн:

Хәәртә иньг Санҗм

Хәәмнь нама‘һан мартхий.

Хаврин үсәртсн асхар Харһхар эс ирхий.

(Күүкд күләһәд, дуулад зогсҗаһад, эңкрнь эс үзгдхлә, гейүрәд һарч одна, көвүн әәмсн бәәдлтә орҗ ирнә, дуулна).

20

Көв үн:

Удан болад бәәв

Уршг учрсн болхий?.. (Нег мөсләд).

Бәәсн ферминь орнав, Бийәрн күрәд меднэв.

(Көшгин барун енцгт күрәд, гердэд зогсна, күүкн әәмсглсн һарч нрнә, дуулна).

Күүкн:

Харалта юмн бәәсмб, Харшла харһсн болхий? (Нег меслэд).

Хош талнь однав,

Харһж. күундәд меднэв...

(Нег-негән үзәд, тосад гүүлднә).

С а н җ:

Өрән цолвң-минь, Өрчдк зүркн-минь, Җирһлинм түшг-минь, Җивртә кишг—минь.

Кермн:

Сөөһин сар-минь,

Седклин киләсн-минь, Җирһлим нарн-минь, Җивртә нерм-минь. (Көшг хаагдна).

ҺУРВДГЧ БӨЛГ

Анс. Күч-көлс омшагч март. (Көшгин өмн)

1-ч умшач:

Тачкн, күрҗңн, шин тосхлт, Теегт мөңк балһсн цутхгд. Шин уульнцсар цецгәрҗ баахр, Шавшсн җирһләр дүрклҗ сәәхр.

2-ч умшач:

Баһ насиг хатурулсн Билгтә кедлмш-өргн. Баһчудин ниицәг нигтрүлсн Баатр комсомол—мергн.

(Айс. Марш арһулдна.)

1-ч умшач:

Тадн Манҗиг таньдг болхт, Терүнә көдлмш таңһчдан туурна. 2-ч умшач:

Көвүнә һардсн ни баһчуд, Коммунистическ бригад нер зүүв. 1-ч умшач:

Манҗин бригад магтмҗ уга, Күмн әмтнд келн болна.

2-ч умшач:

Тедниг ахнр таанр хәләтн... Көвүн, еөрк көшгән сек.

. (Көшг секгднә).

ДӨРВДГЧ ҺАРЦ

Сценә ард: чилгр сәәхн өдр, делгү тос­хлт, өндәлһсн эрсмүд үзгднә, күнд аца өр- гдг ик-ик кранмуд бәәцхәнә, балһсна ууль- нцс, көк модд, икңкнь уласн модн. Наад бийд, тосхжах герин өнцг бәәнә.

Коммунистическ күч-көлснә бригадпн көвүд, күүкд көдлмшин хувцтаһан.

Делгр, Цаһан, Баатр, Болха, Шарка. Зула.

Зул а:

Гудок хәәкрҗ оркв, Герүрн, манахс, хәрцхәй. .

Дел гр:

Сальк өрҗ соңсдг

Соньр чикм энчн, Герән санад бәәдг Гейүртә күн бәәсмч.

Баатр:

Шин ханьцсн гергн Шикрин һолла әдл, Түрүн өдрмүд гидг Терүнәс үлү әмтәхн- (Цуһар пнәлднә).

Ш а р ка:

Санаһан бичә зов

Саглричн күн авхго.

Кемр әәҗ бәәхлә.

Көдлмшд орулҗ орк.

3 у л а:

Таднд үг келхәр Тагчг бәәсн деер.

Ц а һ а н:

Үгд үг бәәдмн

Үн, Шарка келҗәнә.

Гергән нааран дууд Гертән бичә суулһ.

Баатр:

Зург кеҗ залхар Зула гер авла...

(Хавтхан уудлна).

Будг кергтә болхла, Бэр, мини белг.

(Өгнә).

Уланарнь урлинь буд, Харарнь хойр күмсгинь...

(Цуһар элк хатад инәлднә, Зула Баатриг бәрхәр көөлднә).

21

Зула:

Зуг бәргдҗ өг,

Зэтичн чамд өгсв, (Кеөлдәд һарч однхана).

Ш а р ка:

Цаһан, Манҗ яһла?

Цуһар хәрхәр бәәцхәнә.

Цаһан:

Би харушг бишв, Бригадир яһсиг медхшв.

Б о л х а:

(Инәнә).

Чолу тәвх болһн

Чееҗәрн саналдлһн юмб?

Дааврта харушг мет Дораһар шаһадгнь кемб?

Ш а р ка:

Бригадирт дуртаһан, Цаһан, Бичә нуухар сед.

Цаһан:

Кенд дурлхан таднас, Күүкд, сурш угав...

Кү эс дамбрлҗ Күргд эврсән олцхатн.

(Цуһар инәлднә).

Дел гр:

Цаһан, чик келвч, Эднчн хордад игжәнэ...

Бол ха:

(Делгрүр).

Цаһаниг татҗ келхәр Эврән күрг белдхнч.

Дел гр:

Терүнд бичә зов, Тадна керг уга.

(Манж, Баатр, Зула һурвн орж ирнә).

М а н җ:

Болха, эндр Зулата

Балһс эргҗ хартн, Өздң улс харһхла Өршәңһү угаһар бәртн.

Зул а:

(Адһад келнә).

Манҗ, би...

Б а атр:

(Инәнә).

Медгдҗ бәәнә.

М а н җ:

Кел, кел, Зула,-

Керг бәәхлә цәәлһ.

Б а а т р: *

Зулан керг темдгтә, Зүркнднь Саглр хадата-..

Зул а:

Баатр, тагчг эс болхлачн, Бахлуричн тасчад хайҗ оркхв..

(Баатр тал босна).

М а нж:

Юн болҗ одв, көвүд?

Баатр:

Юн болсинь Зулаһас сур.

3 у л а:

Баатрла көдлш угав, Бийим наад бәрнә.

М а н җ:

Бичкн күүкд кевтә Баатр яһҗ бәәхмч?

Баатр:

Бригадир күн зовлң хувацх зәвтә, Биичн үзжәхшчи?.. Зула гергнүрн адһҗана.

М а н ж:

Медгдҗ бәәнә.

Манахс, яһий?

Делгр, Зулан орчд Дружинә харулд од.

Д елгр:

Нанд бас керг бәәнә.

Нег күн кинод дуудла.

Б ол ха:

Зулад би зөв өгчәхшв.

Хувцан өмсәд хәрү иртхә.

Баахн гергән хәрүләд суухар, Бригадт хамдан хоюрн көдлтхә, М а н җ:

Эндр Зулаг сулдхий, Энүнә седклиг хуваций.

Б ол х а:

Болш уга, болшго, Би зөв өгчәхшв..-

(Гүүж одад Зулаг күзүднә).

Эндр хамдан балһс... (Саглр орж ирнә).

22

Саглр:

(Ормаһад).

Зула... Ай.

(Хәрү гүүһәд һарч одна).

Зула:

Саглр.

(Ардаснь гүүж һарна).

Б ол х а:

Саглр. Зула...

(Гүүһәд һарна).

Цуһар:

Саглр. Зула..- Болха...

(Гүүлдҗ һарад, Саглр Зула хойриг һар- таснь чирәд орҗ ирцхәнә)

Бол ха:

Бичә өөл, Саглр, Би наадлад тигләв...

С а гл р:

Уга, уга, Болха, Учринь Зула цәәлһв...

(Манҗур эргнә).

Бригадир, танур би кергтә ирләв.

Зулатаһан хамдан зуг көдлс гиләв.

Ц а һ а н:

(Гүүҗ одад, Саглриг теврнэ).

Чик седвәр, чик ухан, Олн дунд оньдин сергәмҗтә.

Ш а рка: (Саглриг үмсчкәд, тевриә).

Герән эргнә гидг Генн күүнә йовдл. Көдлмш уга суудг Керго хаҗһр бәәдл.

Болха:

(Саглрт һаран өгнә).

Хамдан ни көдлхлә Хаалһ гиигн болдг. Зергү олнла йовхла Зүркн җирһлән олдг.

Зул а:

Көвүд, күүкд, тадн, Кемр зөвтә гихләтн, Би Саглрта хоюрн Балһсна харулд һарнав.

Цуһар:

Зөвтә үг, Зөвтә йовдл-

М анж:

Ода, баһчуд, хәрий, Олна зергләнд орлций...

Б а а т р:

Шарка/Делгр, Цаһан

Школдан оратдг болвзгот.

Күүкд: Цаһан, Шарка, Болха.

С а гл р:

(Дуулцхана).

Шунмһа баһ цогцан Шин бәәдлд нерәдий, Шимтә байн теегән

Шавшсн җирһләр кеерүлий.

(Цуһар һархар седцхәнә).

Делгр:

Баһчуд, манахс, зогстн, Би таднд келх...

Б а атр:

(Гүүж одад, һараснь бәрнә).

Делгр» Делгр, яһвчи?

Д елгр:

1 аднас нуусн нег

Теркә нуувч билә...

Б ол х а:

Нуувч?..

Ш а р к а:

Манас...

Цаһан:

...нуусн...

Болха:

...нуувч?

Делгр:

Терүгән келхәр бәәнәв, Тадниг деңнх гиҗәнәв.

Байр:

Кел.

Зул а:

Цәәлһ.

М а нҗ:

Дөңннәвдн.

Делгр:

Хәрд һарчанав.

Болха:

Ю-юн?

Ш а р к а:

Яһна, яһна гинчи?

Ц а һ а н:

Үнәрий?

Делгр:

Хүв кишгәрн күн

Худл келҗ наадхий?

Таднд, үүрмүд, соңсххдан Тотхад йовдг биләв.

23

Бол ха:

Делгр, яһҗ бәәснчн энвн?

Шарка:

Дашката уг бичэ сонсхич?

Цаһ а и:

Генткн юн гидг

Гүрмтә зәңг келвч?

Саглр:

Юңгад гүрмтә болҗахмб?

Юн хаҗһр бәәнә?

Энтн ик байр Эклх бүлин хавр.

(Делгрүр).

Үр күүкн, Делгр, Үмснәв чамаг, хәәмнь...

(Үмснә).

Хүвтә кишгтә бол, Хаалһчн сарул йов.

Б а а тр: (Генткн сана авна).

Би иткҗ бәәхшв...

Делгр:

Баатрин иткл керго-

Зул а:

Мә, чамд, Медж бәәнч.

Б а атр:

Хамдан көдлә бәәҗ

Хоцрад үлднә гидг эн.

Б о л х а:

«Деглә гер—өркән барж.

Деегүр саната—бийән барж».

Ц а һ а н:

Байрта зәңг, манахс, Баатр хоосн үлдҗ...

Шарка:

Делгр хүвән олв, Дөңнх мана төр.

М а н җ:

Комсомолии хүрм кехмн, Күчтә нәр һарһхмн.

Цу һар:

Чик, чик...

Хүрм, хүрм...

Кехм, кехм..-

(Дуулцхана)!.

Күч-көлснә частр:

Курз, алх, сүк, носилк

Кран, лебеди хамгар сольгдна, Күмн әмтнә күч-көлсн Коммунизмин батөргә делднә.

Көдләд шунсн хөөн Кезәд чигн нерн, Коммуна партии даалһвр— Керг, төрин нарн.

Хурц билг, эрдм, сурһуль Хар көдлмшиг гиигн кенә, Хамг әмтнә куч-көлсн Хальмг теегим жигтәһәр кеерүлнә.

Тохмнь угатя көдлмшч улс Техник, инженер болҗ һарв, Төрскн нутгин—йосн өнр Тер—күч-көлснә чинр.

Көдләд ончрсн хөөн Кезәд чигн нерн. Коммуна партии килмҗ— Күч-көлсчнрин нарн.

1960—1964 жж.

♦♦♦