Дөчн тавта теег минь

Хальмг теегм кеерсн, Халяд, торһар чичрнә.

Холдан,

цааһан гердсн, Хормаһарн сарсана. Улан,

улан альчурнь Улмар өөдән делснә. У-өргн,

теег минь, Улан-шарнь йилһрнә.

Домбр эндән күнкнсн, Дууна айс асхрна.

Дөчн тавта теег минь

Дөрвн үзггән дүрклнә. Хальмг теегм кеерсн, Халяд, торһар чичрнә.

Холдан,

цааһан гердсн, Хормаһарн сарсана.

ДУРН

Дурнас даву угань Дуунд чигн ордг. Дурнд нүдн угань Даңгин келн болдг.

Зөв седклән хәәсн Зөрәд би һарлав.

Зуурм кесг харһсн — Зүркнә келс соңслав:

«Биш,— гинә,— хай!» Бийим цааран көтлнә. «Зовлкта, аль байртай? Зуг медхшив» болна.

Дуран олхар седәд, Дәкәд, һарад йовлав.

Москва, 1964.

Балһсд, селәд кедәд, Басл чигн тенләв.

Сергәж, келхд, дарад Сибирь түрүлх зөвтә. Хасг, Узбек һазрар, Хальмг теегәр хәәһәд.

Хамгин хотл эргсәр, Харһад бәәснь лавта. Арһулдич! Чи хәәвчи? Арһмҗ-деес таслвчи?

Альдаһар, чи гүүвчи? Альков! Дурн, келхнчи!

ЦАХ

Эргнд мел теңгс налаһад, Эрвәх баран эс харгдна. Дольган-дольганла...

коөлдн наадад, Догдлад, альвлад, көөс цахрна. Дөрвн үзгтән хәләх дутман Дор-цаһан,

Деер-цаһан.

Цуһар генткн байрлад оддг:

Валентина Терешковад

Цах!

Цах!

Цах!

Гилдсн, һазр! һазр!

һазр!

Күләлдсн, һал керм кевәрн шуугдг. Ода болхла мел талдан. Орчлң бүклдән хүүв кенә.

4

Цах!

Уктна.

Келн болһн өврмҗ кеһәд: Космос!

Космос!

Космос!

гилднә.

ХАЛЬМГ ТЕЕГМ ӘВРТӘ!

һашута дәәнә көләр һарсн һазрасн хаһцлав. Кесг җилин туршар Кедү һазр эргләв?

Обь, Иртыш хойрт Өөмж баһасн өссн, Эмнг Сиврин һазрт Эмәл чигн тохлцсн.

Догшн Арал теңгст Дольга өрәд шүүсн. Урал һолын көвәд Урсад чигн суусн.

Хар һазр көкрәд Хавр болад ирдг. «һалун шовуһан» дуулад һа^ран санҗ, гейүрдг...

Тегәд, хүвм учрад, Теегән түшсн бәәнәв, Хамг тоотм дуркләд, Хальмг нерм туурнав.

/965. Комсомольск.

♦♦♦

Иигҗ бәәх нанд, Үүл бишнй! Харһна! Инәг-инәг гиһәд Үгсэд, залу келҗәнә:

«Тана тег бәәрлхд Тал хаҗһр бишлә.

Зуг...

салькнь номһрад, Зуна һацгнь серүдхлә,

Би хүвдән таасад Бәәр кехәр шиидхлә...

Хүүһәс әәсн залуг Күүнә тоод авхви? Халунас бийән әрвлсиг Кен гиҗ санхви?

Хү болен салькта, Халунь чаңһ, һаңта, Хамг тотнь-пилгәтә, Хальмг теегм әвртә!

САНҺҖИН БОСЯ

ӨС, ЭЛСТМ, ТУУР!

Зун җил хооран Зогссн темәд үзгднә: Алдр чидлнь уралан Асхата элснд тулгдна.

Элсн теегтән эзн, Эн дурарн байн, Элснәс талин эзн Энд уга бәәсмн.

Темән тергнәсн тотхн Теглг хальмг бууна, Хәләцән теегт тусхн Хальмгар. Элстә!— гинә.

Элсн шарлн нартад Эргәс тошҗ наадна, Хальмг альхндан семрәд Хошан буулһҗ таасна.