Ц. ГАЙТАВ

Алтн һасар

«Сухэбаатрин туск дун» гидг поэмин тасрха

Талхм-тачклад һалв көдлсәр, Теңгст оңһц төөрәд киисдг, Теңгрт гилвксн Алтн һасар, Тегәд, эн үзгән чиклдг.

Үүнәс бийән гетлгхин эркд Үснә өрм-дееҗинь халвад Ард-моңһл өөдән цацад, Алтн һаснд, гиҗ нерәддг.

Кезәнә-кезәнәс мана орнд Кемр күүнә әмнь һархла, Үзгинь Алтн һаснур хәләлһҗ Үкәртнь тәвҗ, оршадг гилә.

Эргән цокҗ Селенга хурдлна, Эрвң Орхон, Тола дахлцна, Алтн һасна үзгүр урсна.

Аршан болен усан тууна.

Мана теегин бичкн һолмуднь Ардаран, Ардаран бас адһна. Моңһл орна цуг көвүднь Ардаран, Ардаран улмар шилтнә.

Тер үзгәс хар мөр

Теднүр ирх гиһәд биш, Тер бийәс хәәртә бурхн Теднүр залрх гиһәд биш.

Нарнд ицәд, цуһар өңгәҗ Насан барла, дөңгинь ядла, Алтн махмудта бурхдт мөргҗ Арһнь тасрла, хоосн үлдлә.

Бүр-бүр хур орҗ, Сер-сер салькн көдлнә. Цевр аһар чееҗ байсаҗ, Цецгин сәәхн үнрәр каңкнна.

Тиим герлтә залиг манд Темдгтә Алтн һасн илгәнә, Тегәд чигн моңһл улсин Теркә зүркнь тиигән татна.

Сухэбаатр Чойбалсанан дахулҗ Тер үзгүр мөрлсн болдг, Сө-өдрин тооһинь алдҗ Тер хойр адһла гидг-

Хэнтей уулас эк татвчн Хурдн Тола Керулениг даххш, Көдә тег өргн болвчн Көшсн болҗ эн зогсхш.

Улм-улмар уралан шудрҗ, Уснь олн һолмудла ниилнә, Эрвң Селенгала өнчән негдүлҗ Өнр Байкалур эн адһна.

Тер мет Моңһлин элчнр — Төрскн партии итклтә көвүд Хәәртә орнанни сәәһинь хәәҗ Хаалһин утас эс әәҗ,

Теңгрт гилвксн Алтн һасар Тедн хаалһ-үзгән келә;

Одн элчнрин седклинь медсәр Орсин орнур эдниг көтллә.

һазрин холас мендинь медхәр һарһсн ээҗүрн көвүднь ирсәр, Көөркс, улм шилтҗ соньмссн, Кекрсн Байкалин ус һәәхсн,

Орс улсла энд харһҗ Отг-нутган, нерән келлә, Ах-дүүһинәр һаринь атхҗ Амрг иньгинәр теднлә мендллә.

32