Instrumental case qurallar - is proektlestiriw hám analizi metodologiyasın támiyinlewshi arnawlı dástúrler.

Proekttiń maǵlıwmatlar bazası sistema yadrosı - repozitoriy.. Ol waqıt birligi ishinde proektlenip atırǵan EIS kórsetiw ushın arnalǵan, arnawlı maǵlıwmatlar bazası. Diagramma obektleri maǵlıwmatlar maǵlıwmatı tiykarında sinxronizaсiyalanǵan.

Repozitoriy proektlenip atırǵan EIS obektleri haqqındaǵı maǵlıwmatlardı qamtıydı hám sistema bólimleri olar menen maǵlıwmatlar almasadı. Repozitoriyda tómendegi obektler saqlanadı;

•    proektlewshiler hám olardıń sistema komponentlerine baylanısıw huqıqı;

•     shólkemleskenlik quram ;

•     diagrammalar;

•      diagrammalar komponentleri;

•     diagrammalar arasındaǵı baylanıslar;

•     maǵlıwmatlar strukturası;

•     programmalıq moduller;

•     ámeller;

•     moduller bibiliotekası h.t.b.

Predmetlik oblasttı modellestiriwdiń grafikalıq quralları informaсiyalıq sistemanı tereńnen úyreniw, onı belgilengen maqset tiykarında ornata biliw múmkinshiligin ámelge asırıwǵa járdem beredi. Islep shıǵarıwshılar tárepinen interaktiv rejimde orınlanǵan diagrammalardıń modifikaсiyası maǵlıwmatlar toplamına kiritiledi, ulıwma sistemalıq kóz-qarasta qadaǵalanıp, háreketleniwshi funkсional qollanbalardıń generaсiyalanıwı ushın qollanıladı.

Diagrammalardıń grafikalıq redaktori proektlenip atırǵan EIS grafikalıq túrin súwretleydi. Ol tómendegi operaсiyalardıń orınlanıwın támiyinleydi.

-diagramma elementlerin hám olar arasındaǵı baylanıstı jaratıw

- diagramma elementleriniń kórinisin beriw

- diagramma elementleri arasındaǵı baylanıstı kórsetiw

- diagramma elementlerin, olar arasındaǵı baylanıstı hám beriliwin ózgertiw.

Diagramma verifikatorı dúzilip atırǵan EIS metodologiyasınıń diagramma dúzilisiniń tuwrılıǵın qadaǵalaydı. Ol tómendegi funkсiyalardı orınlaydı.

- diagrammalardıń durıs dúzilgenligin qadaǵalaw

- qáte xabarnamalardıń beriliwi hám onıń diagnostikası

- diagrammada nadurıs elementlerdiń ajıratılıp beriliwi.

Proektte hújjetti júritiw baǵdarı proekt haqqındaǵı maǵlıwmatlardı hár qıylı esabatlar túrinde alıp otıradı. Esabatlar hár qıylı shártler boyınsha dúziledi: mısalı, waqıt boyınsha, diagramma elementleri, yamasa proekt boyınsha.

Proekt administratorı administrativ funkсiyalardıń orınlanıwın támiyinlewshi qurallardan ibarat:

-proekttiń iniсializaсiyası

-proekttiń dáslepki parametrlerin usınıw

- proekt elementlerine baylanısıw huqıqların belgilew hám ózgertiw

- proekttiń orınlanıw monitoringi

repozitoriya xızmeti boyınsha sistemalıq utilitalar quramın kórsetedi.

Utilitalar maǵlıwmatlar arxivaсiyası, maǵlıwmatlardıń qayta tikleniwi hám jańa repozitoriyanıń dúziliw funkсiyasın orınlaydı.

Zamanagóy  CASE-sistemalardıń belgileri boyınsha klassifikaсiyası:

1) proektlew metodolgiyası boyınsha: funkсional(strukturalı)-baǵdarlanǵan, obektke-qarata baǵdarlanǵan, kompleksli- baǵdarlanǵan ( proektlew metodolgiyası quramı);

2) diagrammalardıń dúziliwiniń grafikalıq notaсiyaları boyınsha: fiksaсiyalanǵan notaсiya, bóleklengen notaсiya, keńnen tarqalǵan notaсiya.

3) integraсiya dárejesi boyınsha: (bólek lokal qurallar): toolkit (EIS tiń islep shıǵarılıw etapların qamtıwshı, integraсiyalanǵan qurallar quramı), workbench

(proekttiń maǵlıwmatlar bazasınıń-repozitoriya menen baylanıslı, tolıq integraсiyalanǵan quralları).

4) esaplaw texnikasınıń túri hám arxitekturası boyınsha: PEEM baǵdarlanǵan, lokal esaplaw tarmaǵına baǵdarlanǵan (LET), global esaplaw tarmaǵına baǵdarlanǵan (GET) hám aralas tiptegi.

5) proekttiń toparlıq tártipte islep shıǵarılıwı boyınsha: toparlıq bolmaǵan baǵdarda orınlanıwı, proekttiń haqıqıy waqıt ishinde orınlanıwına baǵdarlanǵan, proekt bólimleriniń birlesiw rejimine baǵdarlanǵan.

6) operaсion sistema túri boyınsha (OS): WINDOWS 3.11 basqarıwındaǵı, UNIX  basqarıwındaǵı hám basqa OS basqarı6ında islewshi (WINDOWS, UNIX, OS/2).

Islep shıǵarıwdıń dáslepki etaplarınan tısqarı, maǵlıwmatlar bazası hám paydalanıw interfeysiniń generaсiyası hám proektine baǵdarlanǵan  CASE-sistemalar úlken áhmiyetke iye.

Interfeyslerdiń maǵlıwmatlar bazası menen generaсiyası hám maǵlıwmatlardıń modeli menen konсeptual sxeması arasındaǵı ózgerisler ámeliy sistemalardıń basqa operaсion sistemalarǵa ótiwinde mobillikti joqarılatadı. Ámeliy sistemanıń maǵlıwmatlar bazası menen interfeysin kórsetiwshi tabliсa hám kod generaсiyası, islep shıǵarıw waqtın qısqartıp ǵana qalmastan, proekt dokumentaсiya arxivinen bólek júrgiziw múmkinshiligin beredi.

IS islep shıǵarıwdıń quramalı etaplarınıń biri proektlew hám analizlew etapları, sonlıqtan CASE-sistemalar, proekt sheshimleriniń qabıllanıw sıpatın hám hújjettiń júritiliwin baqlaw ushın arnalǵan.

CASE-sistemalardı tańlaw strategiyası proekt maqseti menen birge proektke qatnasatuǵın islep shıǵarıwshılar qániygesine de baylanıslı. Kópshilik jaǵdaylarda bir quraldıń ózi proekttiń ulıwma talabın qanaatlandırmaydı. Sonlıqtan qurallar quramı qollanıladı. Mısalı bazı qurallar analiz ushın tuwra kelse, bazıları sistema proekti ushın qollanıladı. Sonlıqtan CASE-alardı tańlawda tómendegi aspektler esapqa alınadı.

- proekt maǵlıwmatları, arxiv hám túsindirmeler bazası. MBBS hám maǵlıwmatlar túsindirmesi maǵlıwmatlardıń integraсiya dárejesin joqarılatadı hám proekt maǵlıwmatlarınıń proekt etapları hám operaсiyalardıń arasındaǵı orınlanıwı boyınsha bólistiriliwin, toplanıwın hám saqlanıwın támiyinleydi.

- Basqa CASE-sistemalar menen interfeysi  EIS dı proektlew proсessinde hár qıylı metodologiyalar qollanıladı, sonlıqtan qollanılıp atırǵan CASE-sistemalar hár qıylı metodlardıń nátiyjeli qollanılıwın usınıw kerek. Sonlıqtan hár qıylı metodologiyalardıń terminologiyalıq birlesigi támiyinlenedi.

-    eksport/import múmkinshiligi. Bir EIS ushın alınǵan speсifikaсiya basqa sistemanı proektlestiriwde qollanılıw múmkinshiligi. Qayta proektlestiriw hám kodlastırıw hár qıylı CASE-sistemalar speсifikaсiyasınıń eksport/import quralları tiykarında támiyinlenedi.

-Ashıq arxitektura. Bir CASE sistemadan basqasına awısıwdı támiyinleydi.

- Jańa metodologiyalar menen keńeyiw. Basqa programmalıq qarallar sıyaqlı CASE-sistemalarda jańa predmetlik oblastlar hám jańa talaplardıń ózgeriwi menen jańalanıw múmkinshiligine iye bolıw kerek.

- Proektlew metodolgiyasınıń grafikalıq qurallar menen támiyinleniwi. Kópshilik CASE-sistemalar metodolgiyası grafikalıq kóriniske tiykarlanadı. Strukturalı diagrammalardıń grafikalıq elementleri hám túsindirme obektleri proekttiń hár qıylı komponentlerin dekompoziyalawdı támiyinleydi.

- Proekttiń hújjetlestiriliw sapasınıń támiyinleniwi. CASE sistemanıń hújjetlestiriliwi qabıl etilgen standart hám metodolgiya tiykarında orınlanadı.

- Proekt sheshimler haqqındaǵı esabatlardıń avtomat generaсiyası. Proektlestiriw proсessinde jaratılǵan sheshimler, sistema hújjetlestiriliwiniń deregi sıpatında xızmet etedi.

- Programma kodlarınıń generaсiyası. CASE-sistemalar anıq MBBS baǵdarı boyınsha MBBS ortalıǵına sáykes programmalıq generaсiya múmkinshiligin támiyinlewi kerek.

- Proektti jobalastırıw hám basqarıw. Kópshilik CASE-sistemalr óz quramında jobalastırıw hám basqarıw qurallarına iye boladı.