Case qurallarınıń ulıwma klassifikaсiyası

CASE texnologiyasınıń payda bolıwı CASE quralları programmalastırıw metodologiyasında paydalanıladı. Programmalastırıw sistemasın jaratıw hám ayqın (anıq) dárejedegi programmalastırıw tilleriniń payda bolıwı, programmanıń strukturalıq hám mudullik metodları, olardı qollap-quwatlawshı proetlestiriw tilleri hám quralları, sistemalı jantasıw hám taǵı basqalar.Bunnan basqada, CASE texnologiyalarınıń payda bolıwı menen tómendegi faktorlardı keltirip shıǵaradı:

• Programmisterdi hám analitiklerdi tayarlaw, programmalastırıwdıń strukturalıq hám mudullik konsepsiyaların islep shıǵıw;

• Kompyutrlerdiń joqarı dárejede islewi hám keń kólemde islep shıǵarılıp atırǵan proektlestiriwde joqarı dárejeli grafikalıq mudullerden paydalanıw imkaniyatın jaratıw;

• Tarmaq texnologiyalarınıń kiritiliwi , hár túrli maǵlıwmatlar bazasınan paydalanıw hám hár túrli programmalastırwdıń jumısların bir-biri menen baylanıstırıw imkaniyatların jaratıw, óz ishine proekt ushın zárúr bolǵan barlıq maǵlıwmatlardı saqlaydı.

CASE-texnologiya bul - IS dı proektlestiriw metodları jıyını hámde predmet tarawın kórgizbeli túrde modellestiriwge, IS nı islep shıǵıw hám gúzetiwdiń barlıq stadiyalarında bul modeldi analizlewge hám qollanbanı paydalanıwshılardıń informaсiyalıq talaplarına sáykes islep shıǵıwǵa múmkinshilik beretuǵın instrumentallıq qurallar jıyını sanaladı.

CASE-texnologiyanıń tradiсiyalıq texnologiyalardan artıqmashlıqları:

1. Avtomatlastırılǵan tekseriw hám generaсiyalaw esabınan islenetuǵın programmalıq qollanbanıń sapasınıń jaqsılanıwı.

2. Qollanbanıń komponentlerin qayta paydalanıw múmkinshiligi.

3. IS dı gúzetiw hám sharayatqa beyimlestiriwdi qollaw.

4. Sistemanı dúziw waqıtın qısqartıwǵa hám ol proektlestiriwdiń aldıńǵı stadiyalarında keleshektegi sistemanıń prototipin alıwǵa hám bahalawǵa múmkinshilik beredi.

5. Proektti hújjetlestiriw boyınsha bir túrdegi jalıqtırıwshı jumıslardan islep shıǵıwshılardı azat etedi, sebebi qollanbanıń ózindegi programma dokumentatordan paydalanıladı.

6. IS nı real waqıt rejiminde kollektivlik islep shıǵıw múmkinshiligi.

Metod – bul IS komponentleriniń táriypin generaсiyalaw texnikası yamasa proсedurası(máselen maǵlıwmatlar strukturasın hám aǵımın proektlestiriw).

Notaсiya- arnawlı grafikalıq simvollar diagrammalar menen sistemanıń strukturasın, maǵlıwmatlar elementlerin, qayta islew etapların sáwlelendiriw hámde sistema proektin formal hám tabiyǵıy tilde táriyplew.

CASE instrumentallıq quralları – arnawlı programmalar bolıp, olar IS proektlestiriw hám analizlew diń bir yamasa birneshe metodologiyasın qollaydı.

Zamanagóy CASE sistemalar tómendegi belgileri boyınsha klassifikaсiyalanadı:

1. Proektlestiriwdiń qanday metodologiyaların qollawı boyınsha: funkсional baǵdarlanǵan, obektke baǵdarlanǵan hám kompleks baǵdarlanǵan.

2. Diagrammalardı dúziwdiń grafikalıq notaсiyaların qollawı boyınsha: fiksirlengen bolek notaсiyalar hám keń tarqalǵan notaсiyalar.

3. Integrallanǵanlıq dárejesi boyınsha: tools, toolkit, workbench.

4. Esaplaw texnikasınıń tipii hám arxitekturası boyınsha: JEEM baǵdarlanǵan, lokal tarmaqǵa, global tarmaqǵa hám aralas tipke.

5. Proektti kollektivlik islep shıǵıw rejimi boyınsha: kollektivlik islep shıǵıwdı qollamaydı, real waqıt rejimine baǵdarlanǵan, podproektlerdi birlestiriw rejimine baǵdarlanǵan.

OS tipii boyınsha: WINDOWS 95 háqarı; UNIX basqarıwı menen, hár qıylı OS (WINDOWS, UNIX, OS/2) menen.

CASE sistemalardı tańlawda tómendegilerdi esapqa alıw kerek:

• Proektlik maǵlıwmatlar, arxiv yamasa sózliktiń bar bolıwı.

• Basqa CASE sistemalar menen interfeysler múmkinligi.

• Eksport import múmkinligi.

• Kóp paydalanıwshı rejimi.

• Ashıq arxitektura.

• Jańa metodologiyalar menen keńeytiw.

• Proektlestiriw metodologiyasın qollawshı grafikalıq qurallardıń bar bolıwı.

• Proektlik hújjetlestiriw sapasın támiynlew.

• Proektlik sheshimler haqqında esabatlardı avtomat generaсiyalaw.

• Programmalar kodların generaсiyalaw.

• Proektti jobalastırıw hám basqarıw.