Túsindirme sózlik / Qaraqalpaqsha adam atlarınıń túsindirme sózligi

ism; 3) «usı qız maǵan kózime nur bolsın, kózimniń ráwshanı bolsın, jetelep júrsin» dep kempir apası qoyǵan ism; 4) bizlerdi kózdiń qarashıǵınday e tip asırasın, kózimizdiń ráwshanı, nurı bolsın dep qoyılǵan ism; 5) úyimizdiń shamshıraǵı, ráwshanı bolsın dep qoyılǵan ism.

Ráwshanay — ómiri nurlı, jarqın hám ayday sulıw qız bolsın dep qoyılǵan ism.

Ráhát — lázzetli, ráhátli, tınısh, baxıtlı ómir kórsin dep qoyılǵan

ism.

Reyimbay, Reyimbek — miyrim-shápáátli, mehir-múriwbetli adam bolsın dep qoyılǵan ismler.

Reyimbergen, Reyimberdi — «Alla bizge ul bala berdi, inam etti» dep qoyılǵan ismler.

Reyimqul – Alla bizge ul bala berdi dep qoyılǵan ism.

Reyimnazar — Allanıń názeri, mehiri túsip júrsin dep qoyılǵan

ism.

Reyimniyaz, Reyimulla – Alla bizge ul bala inam etti dep qoyılǵan ismler.

Reyipnazar – Allanıń názeri, mehiri túsip júrsin dep qoyılǵan

ism.

Reyipniyaz – Alla bizge perzent berdi, inam etti dep qoyılǵan ism.

Renat — rus tilindegi revolyu сiya, nauka, trud sózleriniń qısqarıwınan jasalǵan ism.

Rita – belgili, tanıqlı qız bolsın dep qoyılǵan ism.

Rishat, Rishod – 1) esli, sanalı, aqıllı jigit bolsın dep qoyılǵan ism; 2) tuwrı jol, ádalat hám haqıyqat jolınan júretuǵın insan bolsın dep qoyılǵan ism.

Roza, Rozagúl, Rozaxan — 1) roza gúldey shıraylı qız bolsın dep qoyılǵan ismler; 2) oraza ayında tuwılǵanı ushın qoyılǵan ismler.

Rozımbay – ramazan (oraza) ayında tuwılǵanı ushın qoyılǵan ism. Ruslan – 1) arıslanday aybatlı, dáwjúrek jigit bolsın dep qoyılǵan

ism; 2) rus shayırı A.S.Pushkinniń (1799 – 1837) «Ruslan i Lyudmila» poemasına baylanıslı qoyılǵan ism; 3) «Ruslan » (An - 124) samoltınday bekkem, kúshli bolsın dep qoyılǵan ism.

Ruslanbay, Ruslanbek – arıslanday aybatlı, dáwjúrek, kúshli jigit bolsın dep qoyılǵan ismler.

Ruwxıya – 1) kóz tiymesin, jaman kózlerden saqlasın dep qoyılǵan ism; 2) súykimli, shıraylı qız bolsın dep qoyılǵan ism.

Rufat – boks boyınsha jáhán chempionı Rufat Riskievtey ataqlı sportshı bolsın dep qoyılǵan ism.

Rústem, Rústembay, Rústembek – parsı hám tájik shayırı

Firdawsiydiń (940 – 1020 yamasa 1030) «Shaxnama» dástanındaǵı Rustamday kúshli, márt, batır jigit bolsın dep qoyılǵan ismler.

82

S

Saadat, Saadatxan – mártebesi bálent, baxıtlı qız bolsın dep qoyılǵan ismler.

Sabina – qádirli, súyikli, mehriyban qız bolsın dep qoyılǵan ism.

Sabiyra, Sabrina – sabırlı, shıdamlı, tártipli, tınıq qız bolsın dep qoyılǵan ismler.

Sabır – 1) sabırlı, shıdamlı, qanaatshıl adam bolsın dep qoyılǵan ism; 2) akademik Sabır Kamalovtay (1924 – 2009) ilimpaz hám jaqsı insan bolsın dep qoyılǵan ism.

Sabırbay, Sabırbek, Sabırjan, Sabırqul — 1) sabırlı, shıdamlı, tózimli adam bolsın dep qoyılǵan ismler; 2) «sabır etip kútken bala» dep qoyılǵan ismler.

Sabırgúl, Sabırxan — sabırlı qız bolsın dep qoyılǵan ismler.

Saǵıyda — baxıtlı, ráhátli ómir súrsin, ırısqı-nesiybeli qız bolsın dep qoyılǵan ism.

Saǵınbay, Saǵınbek — ul balaǵa intizar bolıp, saǵınıp júrgende tuwılǵan balaǵa qoyılǵan ismler.

Saǵındıq — 1) uzaq waqıt intizar bolıp, saǵınıp júrgende tuwılǵan balaǵa qoyılǵan ism; 2) «usı baladan keyin qız bolsın, qızdı saǵındıq» dep qoyılǵan ism.

Sadatdin – baxıt-saadatlı jigit bolsın dep qoyılǵan ism.

Sadıq — 1) ata-anasına sadıq dos hám hadal, pák bala bolsın dep qoyılǵan ism; 2) Qaraqalpaqstan xalıq shayırı, Ózbekstan xalıq jırshısı Sadıq Nurımbetovtay (1900 — 1972) ataqlı adam bolsın dep qoyılǵan ism; 3) e l-xalıqqa sadıq, hadal insan bolsın dep qoyılǵan ism.

Sadıqbay, Sadıqbek – 1) e line, xalqına sadıq adam bolsın dep qoyılǵan ismler; 2) ata-anasına sadıq bala bolsın dep qoyılǵan ismler.

Saylawbay, Saylawbek — 1) xalıq deputatların saylaw kúni tuwılǵanı ushın qoyılǵan ismler; 2) Ózbekstan Respublikası Prezidentin saylaw kúni tuwılǵanı ushın qoyılǵan ismler.

Saylawbiyke, Saylawgúl, Saylawxan — xalıq deputatların saylaw kúni tuwılǵanı ushın qoyılǵan ismler.

Sayımbet – oraza ayında tuwılǵanı ushın qoyılǵan ism.

Sayıpnazar – 1) Allanıń názeri, mehiri túsip júrsin dep qoyılǵan ism; 2) Allanıń názeri, mehiri túsiwi nátiyjesinde tuwılǵan bala dep qoyılǵan ism.

Saqıy, Saqıybay, Saqıybek — qolı ashıq, saqıy, mehriyban, ǵamxor adam bolsın dep qoyılǵan ismler.

Saqıyra – saqıy insan bolsın, hámmege jaqsılıq etip júrsin dep qoyılǵan ism.

Salamat — 1) densawlıǵı bekkem, mıqlı, qarıwlı jigit bolsın dep

83

qoyılǵan ism; 2) saw-salamat tuwıldı dep qoyılǵan ism; 3) aman qalsın, saw-salamat bolıp ketsin dep qoyılǵan ism; 4) 2000-jıl — Salamat

áwlad jılı tuwılǵanı ushın qoyılǵan ism; 5) 2014-jılı – Salamat bala jılı tuwılǵanı ushın qoyılǵan ism.

Salamatdin — saw-salamat júrsin dep qoyılǵan ism.

Salamatxan — saw-salamat júrsin, uzaq jasasın dep qoyılǵan ism.

Salawat – 1) salamat bolsın, uzaq ómir kórsin dep qoyılǵan ism; 2) sawlatlı, shıraylı jigit bolsın dep qoyılǵan ism.

Salawatdin — saw-salamat júrsin, ómiri uzaq bolsın dep qoyılǵan

ism.

Saltanat, Saltanatxan — 1) saltanatlı ómir súrsin, mártebeli, baxıtlı qız bolsın dep qoyılǵan ismler; 2) usı qızdan keyin bir azamat tuwılsın dep qoyılǵan ismler; 3) Jańa jıl bayramı qarsańında tuwılǵanı ushın qoyılǵan ismler.

Salıy, Salıybay– miyrimli, qayırqom, hújdanlı, jaqsıadam bolsın dep qoyılǵan ismler.

Salıyxa – mehriyban, bawırman, miyrimli, diyanatlı qız bolsın dep qoyılǵan ism.

Samatbay, Samatbek – samat urıwınıń balası bolǵanı ushın qoyılǵan ismler.

Sanabar – sanalı, aqıllı qız bolsın dep qoyılǵan ism.

Sansızbay – bay, dáwletli adam bolsın dep qoyılǵan ism. Saparay – sapar ayında tuwılǵanı ushın qoyılǵan ism.

Saparbay – 1) sapar ayında tuwılǵanı ushın qoyılǵan ism; 2) ómir jolı uzaq bolsın dep qoyılǵan ism; 3) ákesi saparǵa keterden aldın tuwılǵan, «saparım biyqáter bolsın» dep qoyılǵan ism; 4) anası qıdırıp baratırǵanda bosanǵanı ushın qoyılǵan ism; 5) ákesi sapardan kelgen waqıtta tuwılǵanı ushın qoyılǵan ism.

Saparbek — 1) sapar ayında tuwılǵanı ushın qoyılǵan ism; 2) ómir jolı bekkem, uzaq hám mol bolsın degen tilek penen qoyılǵan ism; 3) ákesi saparda júrgende tuwılǵan balaǵa qoyılǵan ism; 4) anası jolda baratırǵanda bosanǵanı ushın qoyılǵan ism.

Saparbiybi, Saparbiyke — sapar ayında tuwılǵanı ushın qoyılǵan ismler.

Sapargeldi — sapar ayında tuwılǵanı ushın qoyılǵan ism.

Sapargúl — 1) sapar ayında tuwılǵanı ushın qoyılǵan ism; 2) ákesi saparda júrgende tuwılǵan qızǵa qoyılǵan ism; 3) ákesi saparǵa shıǵıp baratırǵanda tuwılǵan qızǵa qoyılǵan ism; 4) anası Tashkentke qıdırıp barǵanda bosanǵanı ushın qoyılǵan ism; 5) anası qıdırıp baratırǵanda tolǵatıp, jolda bosanǵanı ushın qoyılǵan ism.

Sapargúlayım – sapar ayında tuwılǵanı ushın qoyılǵan ism.

Saparjan – sapar ayında tuwılǵanı ushın qoyılǵan ism. Saparmurat — sapar ayında tuwılǵanı ushın qoyılǵan ism. Saparnazar – sapar ayında tuwılǵanı ushın qoyılǵan ism.

84

Saparniyaz — sapar ayında tuwılǵanı ushın qoyılǵan ism.

Saparxan – 1) sapar ayında tuwılǵanı ushın qoyılǵan ism; 2) anası saparda júrgende bosanǵanı ushın qoyılǵan ism.

Saparımbet — sapar ayında tuwılǵanı ushın qoyılǵan ism.

Sarabiybi, Sarabiyke, Saragúl, Saraxan — qızlardıń e ń jaqsısı, aǵlası, gózzalı bolıp júrsin dep qoyılǵan ismler.

Saratan – jazda (iyulde) ıssı waqıtta tuwılǵanı ushın qoyılǵan

ism.

Sarqıtbay – shańaraqtaǵı sońǵı perzent bolǵanı ushın qoyılǵan

ism.

Sarıbay — 1) sarı bala bolıp tuwılǵanı ushın qoyılǵan ism;

2) tımsalshı Sarıbay shayırday (XIX ásirdiń ekinshi yarımı) belgili adam bolsın dep qoyılǵan ism.

Sarıbek – sarı bala bolıp tuwılǵanı ushın qoyılǵan ism.

Sarıbiyke – sarı qız bolıp tuwılǵanı ushın qoyılǵan ism.

Sarıgúl — 1) sarı qız bolıp tuwılǵanı ushın qoyılǵan ism; 2) ákesisarı gúllerdi jaqsıkórgeniushın qoyılǵan ism; 3) sarı gúllerdey bolıp jaynap-jasnap júrsin dep qoyılǵan ism; 4) ilimpaz hám jazıwshı Sarıgúl Bahadırovaday belgili adam bolsın dep qoyılǵan ism.

Sarıqul, Sarımbet – sarı bala bolıp tuwılǵanı ushın qoyılǵan ismler.

Sarıxan – sarı qız bolıp tuwılǵanı ushın qoyılǵan ism.

Satıpaldı – óziniń balasın ózi satıp alǵanı ushın qoyılǵan ism. Sawlatbay, Sawlatbek – sın-sımbatlı, sawlatlı jigit bolsın dep

qoyılǵan ismler.

Safiya – taza, ádepli, iybeli qız bolsın dep qoyılǵan ism.

Saxara – tańda (sáhárde) tuwılǵanı ushın qoyılǵan ism. Sahawatdin – sahawatlı, insaplı, múriwbetli insan bolsın dep

qoyılǵan ism.

Sayahat — ákesi saparda, sayahatta júrgende tuwılǵan balaǵa qoyılǵan

ism.

Sábit, Sábitbek – mıqlı, turaqlı jigit bolsın dep qoyılǵan ismler.

Sáliyma – salamat júrsin, ómiri uzaq bolsın dep qoyılǵan ism. Sálmenbay, Sálmenbek– erjetsin, eseysin, úlken bolsın dep qoyılǵan

ismler.

Sánemay, Sánembiybi, Sánemgúl, Sánemjan, Sánemxan — shıraylı, sımbatlı qız bolsın dep qoyılǵan ismler.

Sánigúl – qızlardıń sulıwı, sáni bolsın dep qoyılǵan ism.

Sánkibay – elge dańqı shıqsın, sán bolsın dep qoyılǵan ism.

Sápiwra — 1) hadal, pák, taza qız bolsın dep qoyılǵan ism; 2) sapar ayında tuwılǵanı ushın qoyılǵan ism; 3) Sápiwra shayırday (1892 – 1916) shayır qız bolsın dep qoyılǵan ism.

Sárbinaz, Sárbinazxan — 1) qáddi-qáwmeti kelisken, shıraylı, nazlı qız bolsın dep qoyılǵan ismler; 2) «Qırıq qız» dástanındaǵı

85

Sárbinazday aqıllı, parasatlı, ádil, márt qız bolsın dep qoyılǵan ismler; 3) sárwi talday shaqalanıp, gúllep rawajlansın dep qoyılǵan ismler.

Sárdar, Sárdarbek – 1) jigitlerdiń sárdarı bolıp júrsin dep qoyılǵan ismler; 2) jetekshi, jolbasshı, baslıq bolsın dep qoyılǵan ismler.

Sársenbay, Sársenbek — hápteniń úshinshi kúni (sárshembi) tuwılǵanı ushın qoyılǵan ismler.

Sársenbiyke, Sársengúl — hápteniń úshinshi kúni (sárshembi) tuwılǵanı ushın qoyılǵan ismler.

Sátbay, Sátlimurat, Sátmurat, Sátnazar, Sátniyaz, Sátulla — qutlı bala bolsın, sátli, baxıtlı ómir súrsin dep qoyılǵan ismler.

Sátlibiyke, Sátligúl– ómiri sátli, mazmunlı bolsın, qutlı, ırısqınesiybeli qız bolsın dep qoyılǵan ismler.

Sáwirbek – sáwirde (aprelde) tuwılǵanı ushın qoyılǵan ism.

Sáwlegúl, Sáwlexan — 1) kúnniń nurı, sáwlesi túsip turǵan waqıtta tuwılǵanı ushın qoyılǵan ismler; 2) ómiri nurlı, shadlı bolsın dep qoyılǵan ismler; 3) adamlarǵa sáwlesi túsip júrsin dep qoyılǵan ismler.

Sáhárgúl — tań sáhárde tuwılǵanı ushın qoyılǵan ism. Sáhibjamal – 1) shıraylı, sımbatlı qız bolsın dep qoyılǵan ism;

2) usı qızdan keyin ul bala tuwılsın dep qoyılǵan ism. Sáhibzada – sulıw, sımbatlı qız bolsın dep qoyılǵan ism.

Sveta — 1) ómir jolı svettey jaqtı, nurlı, aydın bolsın dep qoyılǵan ism; 2) awılına elektr togı kelgen jılı tuwılǵanı ushın qoyılǵan ism; 3) elektr togı óship-janıp turǵan payıtta tuwılǵanı ushın qoyılǵan ism; 4) Qaraqalpaqstanǵa xızmet kórsetken artist Sveta Shınıqulovaǵa uqsaǵan belgili qosıqshı bolsın dep qoyılǵan ism;

5)úyimizge jarıqlıq, nur alıp kelsin dep qoyılǵan ism.

Svetlana – jolı svettey jaqtı, ashıq bolsın dep qoyılǵan ism.

Sevara – jaǵımlı, súykimli, qádirli, áziyz qız bolsın dep qoyılǵan

ism.

Segizbay – 1) shańaraqtaǵı segizinshi perzent bolǵanı ushın qoyılǵan ism; 2) 8-martta tuwılǵanı ushın qoyılǵan ism.

Seyilbek – anası seyil e tip júrgende tolǵatıp, bosanǵanı ushın qoyılǵan ism.

Seyilxan — 1) seyil, toy-tamasha kúni tuwılǵanı ushın qoyılǵan ism; 2) anası kóshede seyil etip, qıdırıp júrgende tolǵatıp, bosanǵanı ushın qoyılǵan ism.

Seytnazar – áwliyelerdiń názerinen tuwılǵan bala dep qoyılǵan

ism.

Seksenbay — 1) ákesi 80 jasqa kelgende tuwılǵan balaǵa qoyılǵan ism; 2) atası 80 jasqa shıqqanda tuwılǵan balaǵa qoyılǵan ism; 3) 1980-

jılı tuwılǵanı ushın qoyılǵan ism.

86

Seksengúl – kempir apası 80 jasqa shıqqandatuwılǵan qızǵa qoyılǵan

ism.

Serebiybi, Serebiyke, Seregúl, Serexan — qızlardıń ishinde serelenip júrsin, ájayıp qız bolsın dep qoyılǵan ismler.

Siypatdin, Siypulla – qılıshtay ótkir, keskir jigit bolsın dep qoyılǵan ismler.

Subxanbergen – Alla bizge perzent berdi, inam etti dep qoyılǵan ism.

Sulayman — 1) Sulayman payǵambarday mártebeli, ullı insan bolsın dep qoyılǵan ism; 2) Sulayman patshaday (1495 — 1566) mártebeli, dáwletli adam bolsın dep qoyılǵan ism.

Sultanbay, Sultanbek — 1) sultanlarday dáwletli, mártebeli jigit bolsın, e l basqarsın dep qoyılǵan ismler; 2) jigitlerdiń sultanı bolıp júrsin dep qoyılǵan ismler; 3) Sultan Wáyis baba yar bolsın, qollap júrsin dep qoyılǵan ismler.

Sultanmurat — jigitlerdiń sultanı bolsın, murat-maqsetine jetip júrsin dep qoyılǵan ism.

Sultannazar — jigitlerdiń sultanı bolsın dep qoyılǵan ism. Sultanniyaz — jigitlerdiń sultanı bolsın dep qoyılǵan ism.

Sulıwbiybi, Sulıwbiyke, Sulıwgúl, Sulıwjan — shıraylı, sımbatlı qız bolsın dep qoyılǵan ismler.

Sulıwxan — 1) sulıwlardıń sulıwı, xanı bolsın dep qoyılǵan ism;

2) Ózbekstan hám Qaraqalpaqstan xalıq artisti Sulıwxan Mámbetovaday (1933 – 2001) e lge belgili insan bolsın dep qoyılǵan ism; 3) sulıw bolıp tuwılǵanı ushın qoyılǵan ism.

Sulıwshash – 1) shashları shıraylı hám uzınlaw bolıp tuwılǵanı ushın qoyılǵan ism; 2) shashları uzın, sulıw qız bolsın dep qoyılǵan ism.

Suwpandiyar – Alla yar bolıp, qollap júrsin dep qoyılǵan ism. Súyewbay, Súyewbergen – 1) Alla bizge súyew, tirek, tayanısh berdi dep

qoyılǵan ismler; 2) ata-anasına, tuwısqanlarına kómekshi, tirek, tayanısh bolsın dep qoyılǵan ismler.

Súyinbay, Súyinbek, Súyindik — perzentli bolǵanımızǵa shad boldıq, quwandıq, kewilimiz toldı, súyindik dep qoyılǵan ismler.

Súyinbiyke – qızlı bolǵanımızǵa quwandıq, kewlimiz toldı, súyindik dep qoyılǵan ism.

Súnnetáliy, Súnnetbay, Súnnetbek, Súnnetulla – Allanıń qúdireti menen súnnetlengendey bolıp tuwılǵanı ushın qoyılǵan ismler.

Sıdıq, Sıdıqbay, Sıdıqbek– tuwrı sózli, haqıyqatshıladam bolsın dep qoyılǵan ismler.

Sıdıqnazar – Allanıń názeri túsip berilgen bala dep qoyılǵan

ism.

Sımbat – sımbatlı, shıraylı qız bolsın dep qoyılǵan ism.

Sırǵabay, Sırǵabek — 1) qulaǵınıń tómengi jaǵında sırǵa taǵıp qoyǵanday zıyat et ósip turǵanı ushın qoyılǵan ismler; 2) usı baladan keyingisi qız bolsın dep qoyılǵan ismler.

87

Sırǵabiybi, Sırǵabiyke, Sırǵagúl, Sırǵaxan — 1) qulaǵında sırǵaday shandıq penen tuwılǵanı ushın qoyılǵan ismler; 2) qulaǵınıń qasında sırǵaǵa uqsaǵan meńi bolǵanı ushın qoyılǵan ismler; 3) qulaǵında shúyel bolǵanı ushın qoyılǵan ismler; 4) sırǵaday sulıw, shıraylı qız bolsın dep qoyılǵan ismler; 5) altın sırǵaday jaltırap

júrsin dep qoyılǵan ismler.

Sırlıbay – sırlı, sabırlı, shıdamlı jigit bolsın dep qoyılǵan

ism.

Sırımbet — sabırlı, shıdamlı, tózimli jigit bolsın dep qoyılǵan

ism.

T

Tabınbay – Allaǵa sıyınıp, tabınıp júrgende tuwılǵan balaǵa qoyılǵan ism.

Taǵıbergen, Taǵıniyaz – Alla bizge jáne perzent berdi, inam etti dep qoyılǵan ismler.

Tazabay, Tazabek — 1) haq kewil, hújdanlı, pák bala bolsın dep qoyılǵan ismler; 2) Jańa jıl bayramı qabatında tuwılǵanı ushın qoyılǵan ismler; 3) jańa imaratqa kóship kelgen jılı tuwılǵanı ushın qoyılǵan ismler; 4) taza ırısqı-nesiybe alıp kelsin dep qoyılǵan

ismler; 5) ómirge jańadan perzent keldi dep qoyılǵan ismler. Tazabiybi, Tazabiyke – 1) kewili taza, azada qız bolsın dep qoyılǵan

ismler; 2) úyimizge taza ırısqı-nesiybe alıp kelsin dep qoyılǵan ismler; 3) Jańa jıl bayramı qabatında tuwılǵanı ushın qoyılǵan ismler.

Tazagúl — 1) kewili taza, gúldey názik, sulıw, azada qız bolıp júrsin dep qoyılǵan ism; 2) taza ırısqı-nesiybe alıp kelsin degen tilek penen qoyılǵan ism; 3) taza ashılǵan gúldey shıraylı qız bolsın dep qoyılǵan ism; 4) Jańa jıl bayramı qabatında tuwılǵanı ushın qoyılǵan ism;

5)jańa imaratqa kóship barǵan jılı tuwılǵanı ushın qoyılǵan ism;

6)ay shıqqan kúni tuwılǵanı ushın qoyılǵan ism; 7) 2001-jılı jańa ásirde tuwılǵanı ushın qoyılǵan ism.

Tazaxan — 1) kewili taza, azada, tártipli qız bolsın dep qoyılǵan ism; 2) Jańa jıl bayramı qarsańında tuwılǵanı ushın qoyılǵan ism;

3)jańa imaratqa kóship barǵan jılı tuwılǵanı ushın qoyılǵan ism;

4)jolı taza, izindegilerge órnek bolsın dep qoyılǵan ism.

Taymasbek – gápinen qaytpaytuǵın, bir sózli jigit bolsın dep qoyılǵan ism.

Talant – qábiletli, talantlı jigit bolsın dep qoyılǵan ism.

Talwasbay, Talwasbek – maqsetine e risiwde talmasın, aldıǵa talpınsın dep qoyılǵan ismler.

Tamara, Tamaraxan — 1) SSSR xalıq artisti, oyınshı hám qosıqshı, baletmeyster Tamara xanumday (Tamara Petrosyan, 1906 — 1991) ataqlı

88

insan bolsın dep qoyılǵan ismler; 2) Ózbekstan hám Qaraqalpaqstan xalıq artisti Tamara Doshumovaday e lge belgili insan bolsın dep qoyılǵan ismler.

Tanabay – kúshli, mıqlı, bekkem jigit bolsın dep qoyılǵan ism.

Tańabergen, Tańatar — tań atıp kiyatırǵan waqıtta tuwılǵanı ushın qoyılǵan ismler.

Tańbay, Tańjarbay — tań atıp kiyatırǵan payıtta tuwılǵanı ushın qoyılǵan ismler.

Tańsulıw – tańda tuwılǵanı ushın qoyılǵan ism.

Tańsıqbay – ábden tańsıq, qumar, háwes bolıp kórgen bala dep qoyılǵan ism.

Tasqınbay – ómiri tasqınday bolıp ótsin dep qoyılǵan ism.

Tasliyma – janı tastay qattı, bekkem qız bolsın, uzaq jasasın dep qoyılǵan ism.

Taspolat — janı tas hám polattay bekkem, mıqlı,kúshli jigit bolsın, uzaq jasasın dep qoyılǵan ism.

Tastaybek – tastay qattı, bekkem, mıqlı jigit bolsın dep qoyılǵan

ism.

Tatlıbiybi, Tatlıbiyke, Tatlıgúl, Tatlıxan – tatlı, shiyrin, mazmunlı ómir kórsin dep qoyılǵan ismler.

Tatlımurat — tatlı, mazmunlıómir keshirsin, murat-maqsetine jetip júrsin dep qoyılǵan ism.

Tawbay – 1) mártebesi tawday biyik bolsın dep qoyılǵan ism;

2) qáddi tawlarday biyik bolsın dep qoyılǵan ism.

Tawmurat, Tawnazar — mártebesi tawday biyik adam bolsın, muratmaqsetine jetip júrsin dep qoyılǵan ismler.

Tawıpaldı – usı balanı tawıp alǵanı ushın qoyılǵan ism.

Tashkentbay — 1) Tashkent qalasında tuwılǵanı ushın qoyılǵan ism;

2)ákesi Tashkentte oqıp júrgende tuwılǵan balaǵa qoyılǵan ism;

3)Tashkentte oqısın dep qoyılǵan ism; 4) ájaǵası Tashkentten kelgen kúni tuwılǵan balaǵa qoyılǵan ism; 5) atası menen kempir apası Tashkentte júrgende tuwılǵan balaǵa qoyılǵan ism; 6) kún qattı ıssı bolǵan kúni tuwılǵanı ushın qoyılǵan ism.

Tashkentgúl – Tashkentte tuwılǵanı ushın qoyılǵan ism.

Tájetdin — 1) denesinde qanday da bir belgi (qal) menen tuwılǵanı ushın qoyılǵan ism; 2) tajı-taqtlı bolsın dep qoyılǵan ism.

Tájibay, Tájibek – denesiniń bir jerinde qal (táj) bolǵanı ushın qoyılǵan ismler.

Tájibiybi, Tájibiyke — denesinde qanday da bir belgi (qal) menen tuwılǵanı ushın qoyılǵan ismler.

Tájigúl — 1) denesiniń bir jerinde qal (táj) bolǵanı ushın qoyılǵan ism; 2) patshanıń tajındaǵı gúldey sulıw qız bolsın dep qoyılǵan ism.

Tájiqal – denesinde qal bolǵanı ushın qoyılǵan ism.

89

Tájiqoraz – denesinde qal bolǵanı ushın qoyılǵan ism.

Tájimbet – denesiniń bir jerinde qal bolǵanı ushın qoyılǵan

ism.

Tájimurat — 1) denesinde qanday da bir belgi (qal) bolǵanı ushın qoyılǵan ism; 2) mártebesi bálent bolsın dep qoyılǵan ism.

Tájiniyaz – denesiniń bir jerinde qal bolǵanı ushın qoyılǵan ism.

Tájixan — denesinde qanday da bir belgi (qal) bolǵanı ushın qoyılǵan ism.

Táńirbay, Táńirbek, Táńirjan, Táńirqul – Táńirim bizge perzent berdi dep qoyılǵan ismler.

Táńirbergen, Táńirberdi — 1) Táńirim bizge perzent berdi, inam etti dep qoyılǵan ismler; 2) tań atqan waqıtta tuwılǵanı ushın qoyılǵan ismler.

Tárbiya – ádepli, tárbiyalı qız bolsın dep qoyılǵan ism.

Tátlixan – tatlı, shiyrin, mazmunlı ómir súrsin dep qoyılǵan ism. Táwekel – táwekelshi, áwmetli jigit bolsın dep qoyılǵan ism. Telman – germaniyalı mámleketlik ǵayratker Ernst Telmannıń

(1886 – 1944) húrmetine qoyılǵan ism.

Temirbay — 1) temirdey mıqlı, kúshli, ǵayratlı jigit bolsın dep qoyılǵan ism; 2) 18-iyul – Temirshiler kúni tuwılǵanı ushın qoyılǵan ism; 3) atası temirshi bolǵanı ushın qoyılǵan ism; 4) kempir apası túsinde usı balanı temir tabaqqa salıp shomıldırǵanı ushın qoyılǵan ism.

Temirbek — temirdey bekkem, mıqlı, kúshli bolsın, uzaq ómir súrsin dep qoyılǵan ism.

Temirtas – temir hám tastay mıqlı, bekkem jigit bolsın dep qoyılǵan ism.

Temirxan – temirdey mıqlı, kúshli, ǵayratlı jigit bolsın dep qoyılǵan ism.

Teńelbay — 1) tezirek ákesine teńelsin, izin bassın dep qoyılǵan ism; 2) aǵalarına súyew bolsın, solarǵa teńelsin dep qoyılǵan ism; 3) qatarınan qalmasın, teń júrsin dep qoyılǵan ism; 4) xalıq penen, el menen teń bolıp júrsin dep qoyılǵan ism; 5) bir ayaǵı kelte bolıp tuwılǵan, «eki ayaǵı teń bolıp ketsin» dep qoyılǵan ism.

Teńizbay, Teńizbek — 1) kewili teńizdey keń bolıp, tasıp júrsin dep qoyılǵan ismler; 2) teńizdey shalqıǵan dáwletli adam bolsın dep qoyılǵan ismler.

Tilegen — Alladan tilenip, soranıp alǵan bala dep qoyılǵan ism.

Tilekles – ata-anasına, jaqınlarına tilekles bolıp júrsin dep qoyılǵan ism.

Tilemis — «Alladan sorap, tilep alǵan bala» dep qoyılǵan ism.

Tilepbay, Tilepbek – Alladan tilep aldıq dep qoyılǵan ismler. Tilepbergen, Tilepberdi — Alladan tilep, árman etip alǵan bala dep

qoyılǵan ismler.

90

Tilewbay, Tilewbek – 1) tileklerimizdi orınlaytuǵın bala bolsın dep qoyılǵan ismler; 2) tilegimiz qabıl bolıp, perzentli boldıq dep qoyılǵan ism.

Tilewbergen, Tilewberdi – Alla bizge tilegen, árman e tken balanı berdi dep qoyılǵan ismler.

Tilewbiybi, Tilewbiyke – «Alladan tilep alǵan qız» dep qoyılǵan ismler.

Tilewjan, Tilewimbet, Tilewli – Alla bizge perzent berdi dep qoyılǵan ismler.

Tilewles – adamlarǵa tilekles bolıp júrsin dep qoyılǵan ism.

Tilewmurat — tilegimiz, muratımız qabıl boldı, perzentli boldıq dep qoyılǵan ism.

Tilewnazar, Tilewniyaz — tilegimiz qabıl bolıp, Alla bizge ul bala berdi dep qoyılǵan ismler.

Tilewxan — 1) kóp ul baladan keyin tuwılǵan, «tilep alǵan qız» dep qoyılǵan ism; 2) usı qızdan keyingisi ul bala bolsın dep qoyılǵan

ism.

Tillabay – 1) altınday qádirli, qımbatlı, áziyz adam bolsın dep qoyılǵan ism; 2) aqshaǵa bay bolsın dep qoyılǵan ism.

Tillabiybi, Tillabiyke – altınday qádirli, qımbatlı, áziyz qız bolsın dep qoyılǵan ismler.

Tillagúl – altınday qádirli, áziyz, sulıw qız bolsın dep qoyılǵan

ism

Tillaxan — 1) altınday qádirli, qımbatlı, áziyz qız bolsın dep qoyılǵan ism; 2) qızlardıń tillası bolıp júrsin dep qoyılǵan ism;

3) aqshası kóp bolsın dep qoyılǵan ism.

Timur, Timurbay, Timurbek – temirdey bekkem, mıqlı, shıdamlı jigit bolsın dep qoyılǵan ismler.

Toǵaytóre – 1) dayısınıń úyinde tuwılǵanı ushın qoyılǵan ism;

2) toǵaydıń tóresi, baslıǵı bolsın dep qoyılǵan ism.

Toydash — úyinde toy bolǵan kúni tuwılǵan, «toydı ashtı» dep qoyılǵan ism.

Toydıgúl – toy kóp bolsın, kúnimiz bárqulla toyday bolsın dep qoyılǵan ism.

Toydıq, Toydıqxan — 1) qızlar jeterli boldı, qızdan toydıq, endigisi ul bala bolsın dep qoyılǵan ismler; 2) perzentler jeterli boldı, toydıq, qanaat qıldıq dep qoyılǵan ismler; 3) úyinde toy bolǵan kúni tuwılǵanı ushın qoyılǵan ismler.

Toylıbay – toy bolǵan kúni tuwılǵanı ushın qoyılǵan ism.

Toysulıw – qızlar jeterli boldı, toydıq dep qoyılǵan ism. Toyımbet – toy bolǵan kúni tuwılǵan balaǵa qoyılǵan ism.

Toqjan – ırısqı-nesiybeli hám janday áziyz bala bolsın dep qoyılǵan ism.

91