Kenesbay Raxmanov - Injiqtin muhabbati
.pdfǴarrıbay: Haw, apam menen arańızda bolmadı ma?
Qudıyar: Bizlerdiń zamanımızda muhabbat ne jesin!
Ǵarrıbay: Muhabbat degen atam zamanlardan berli bar ǵoy, aǵa. Jańaǵı Aysholpan pútkilley es-aqılımdı alıp ketti, aǵa! Endi onı kórmesem muhabbat zardabınan óletuǵın shıǵarman.
Qudıyar: Ósh-áy! Muhabbattan ólip atırǵan adam bar ma?! Adamdı tek ájel óltiredi.
Ǵarrıbay: Sol qız meniń ájelim, aǵa! Qaytıp kórmesem ólemen…
Qudıyar: Nege birge ketpediń? Ele de ket, mınaw turǵan ferma… Bul jerde bostanbosqa ólip atırǵansha qasında bol, dári-dármaǵın kóterisip júr.
Ǵarrıbay: Qoy, uyalaman!
Qudıyar: Usı ınjıqlıǵıń bolsa, bunnan da bos qalasań ǵoy. (Júzi jadıraǵan Aysholpan keledi, qolında xat.)
Ǵarrıbay: (juwırıp aldınan shıǵadı.) Keldiń be, Aysholpan?
Aysholpan: Atam da oyanıptı ǵoy. Má, Ǵarrıbay, seniń atıńa bir xat kelgen eken.
Ǵarrıbay: Haw, haw! (konvertti ashadı.) Má, Aysholpan, búgin kózim hesh nárseni kórejaq emes, kózlerim seniń ay júzińe shaǵılısıp qalıptı, Aysholpan! Sen oqı.
Aysholpan: (xattı oqıydı) Húrmetli Ǵarrıbay Qudıyar ulı! Siziń «Awıllıq poselka qanday bolıwı kerek» degen konkursımızǵa jibergen bas jobańızdıń joybarı kelip túsken otız miynettiń ishinde birinshi orındı jeńip aldı. Shın júrekten qutlıqlaymız! Sıylıǵıńızdı respublikalıq arxitektorlar awqamınan alıwıńızǵa boladı. Siziń jobańız boyınsha awıllıq poselkanıń tırnaǵı eń dáslep óz awılıńızdan baslanadı. Sálem menen… Ooo, Ǵarrıbayım, qutlıqlayman!
(qushaqlasadı.)
Qudıyar: Bunıńdı qashan islep júrseń, balam? Awqatıńdı kór, kelin! (ózinshe)
Mańlayım, kelin dep salıppan-aw!
Aysholpan: Sizdi de qutlıqlayman, ata! Bul úlken tabıs ǵoy.
Ǵarrıbay: Bul seniń de tabısıń, Aysholpan… birotala keldiń be, meniki bolıp keldiń be, muhabbatım meniń!…
Aysholpan: Awa! Senlikpen… seniń muhabbatıńman!...
Qudıyar: Ne deydi-aw! Bizler qurı jasap otqan ekenbiz ǵoy. Onda Bozatawǵa xabar eteyik, qızım?
Aysholpan: Bizler Ǵarrıbay ekewimiz barıp qaytamız.
Ǵarrıbay: Qoysa, aǵa! Aǵa deppen-aw, Aysholpan… men… uyalaman…
Qudıyar: Áy, seniń uyalmaǵan kúniń bar ma? Áńgime seniń uyalǵanıńda bolıp turǵan joq. Qız benen kúyew ata-enesiniń úyine xabar etetuǵın dástúr joq ǵoy!
Ǵarrıbay: Men barmayman!
31
Qudıyar: Sen barmasań, Ǵarrıbay degen birewdi taptım, soǵan turmısqa shıqtım dep kelinniń ózi aytıp qayta ma, lámser? Ele jańaǵı aqshańdı da alıp qaytıwıń kerek…
Ǵarrıbay: Qoysa, aǵa, uyalaman… aqsha sorap júremen be?
Aysholpan: Ata, elge dástúr bolmasa, bizler baslaymız. Bizge basqa hesh nárseniń keregi joq. Tek, mınaw ekewimizdiń júregimiz bir jerden soǵıp tursa boldı.
Ǵarrıbay: (zalǵa) Meni qutlıqlańlar, adamlar! Men muhabbatımdı taptım! Men
ómirdegi jolımdı taptım! Men ómir boyı júregimde jasap hám maǵan tınımsız azap berip kiyatırǵan saǵınıshımnıń dawasın taptım! Ol-meniń Aysholpanım eken!
Qudıyar: Sen qızıl sózlerińdi qoy, balam. Toydıń tayarlıǵına kiriseyik! Erteńgi toyımızǵa mirát etemiz, xalayıq, kelińler! Toyxananıń tóri sizlerdiki!
TAMAM
28-30-noyabr 1993-jıl.
32