Kenesbay Raxmanov - O dunyaga mirat

AQSAQ ÓLIK: Oǵan da óeim sebepker. Basqa jer qapılıp qalǵanday tap kurortta óldim.

TASPOLAT: Iytke sarı may jaqpaydı degendey bolǵan eken!

AQSAQ ÓLIK: Awa! Qaltaǵa on mıń manat salıp kurortqa ketiwim bar.

Ǵoddaslap jurmen. Murnımrıń pushıǵınan xabarım joq, sánkiyip sala berippen degendey, ayaǵımnıń aqsaqlıǵın umıtıp kurorttıń toqshılıǵı kóterip qatın quwatuǵın báleni shıǵardım. Bir gozzal janımdı aldı da turdı.

TASPOLAT: Pax!

AQSAQ ÓLIK: Sonnan bir kuni keshte sonıń menen kinoǵa bardım. Jaqınnan tansa basladıq.

TASPOLAT: Oshaqtaǵı kómir janıp bolsa, taǵı sal. Keyin aytarsań. AQSAQ ÓLIK: (Oshaqqa uńiledi) Kómir janıp bolıptı, naotaǵası. Xaw,

salǵanday kómir de qalmaptı ǵoy?

TASPOLAT: Onda ne qılamız? Kómirge zayavka beriw kerek. (Dozaqtıń Administratorı keledi)

DOZAQTÍŃ ADMINISTRATORÍ: Biyjoldaslar! Hallarıńız qalay? TASPOLAT: Hal shataq, dozaqtıń administratorı! Jumıssız qaldıq, kómir

tawsıldı.

DOZQTÍŃ ADMINISTRATORÍ: Kómiri tawsıldı? Ey, ózleriń qanday israpxor óliksizler-ey! Ele kvartaldıń pitiwine bir ay bar, al, sizler bir kvartaldıń kómirin jaǵıp tawısqansız! Ekonomlaw, yaǵnıy unemlew degendi bilesiz be?

TASPOLAT: Biz tájriybesizlik etip, onıń ustine dozaqtıń temperaturasın tómenletip alıwdan qorıqtıq. Endigi kvartaldıń esabınan bermes pe eken, zayavka bersek?...

DOZAQTÍŃ ADMINISTRATORÍ: Bermiydi. Tártip qatal.

AQSAQ ÓLIK: Bizler sovxozda aldımızdaǵı bes jıllıqtıń esabınan-aq

ala beretuǵın edik...

DOZAQTÍŃ ADMINISTRATORÍ: Bull senıń sovxozıń emes! O dúnyada onday miriwbetsizlik bolmaydı. Endi dozaqtaǵılar tońlap óledi ǵoy.

21

hámmesi jerdiń astınan alıp atırǵan joq pa?

DOZAQTÍŃ ADMINISTRATORÍ: Mexanizimlerimiz joq. Bull kelspeydi. Ele de men baslıqqa barıp, aldın alayın. Grafikimiz de orınlanbay qalsam, is shataq!

TASPOLAT:Ne grafik?

DOZAQTÍŃ ADMINISTRATORÍ: Ayına otız adam órtewmiz kerek ǵo. AQSAQ ÓLIK: Otız adam? Órtep ne qılamız?

DOZAQTÍŃ ADMINISTRATORÍ: Awır gunalardı órtep, dozaqtı tazalańqırap turmasaq bolmaydı.

TASPOLAT:Máselen, qanday gunalardı?

DOZAQTÍŃ ADMINISTRATORÍ: Xár ayda xár qıylı. Máselen, bir ayda gileń xaramılardı, yaǵnıy bir-biriniń kózine shóp salǵan biyopalardı

órtesek, ekinshi ayda jatıp isherlerdi, ushinshi ayda paraxorlardı, tórtinshi ayda gelle keserlerdi, besinshi ayda jaǵımpazlardı, altınshı ayda ótirikshilerdi hám taǵı basqalardı hám taǵı basqalardı órtey beremiz.

AQSAQ ÓLIK: Qudayǵa shukir, meni órtemeydi eken.

TASPOLAT: (Ózinshe) Tezirek bul jerden taban taydırmasam bolmaydı

eken.

DOZAQTÍŃ ADMINISTRATORÍ: (aqsaq ólikke) Sen qanday guná islegenseń?

AQSAQ ÓLIK: men araqqa jarılıp óldim.

TASPOLAT: Ótirik! Baǵana qatın quwdım dep ediń ǵoy?

AQSAQ ÓLIK: Onım ras. Biraq, ólimim araqtan boldı meniń qaltamdaǵı aqshalardı alıw ushın jańaǵı qatın maǵan araq ishkize bergen, ishkize bergen.

22

Sóytip, araqqa jarılıp óldim. Inanbasańız kadrlar bólimindegi dokumentlerimdi kórińler.

DOZAQTÍŃ ADMINISTRATORÍ: Araqqa jarılıp ólgenlerdi órtemegen menen seniń qatın quwǵan gunań uyińdegi zayıbıńnıń kóeine shóp salǵanıń. Sonlıqtan seni de órtep jiberiwge statya bar.

AQSAQ ÓLIK: Biz xojalıq jumısındaǵı adamlarmız ǵoy. Oshaq basındaǵılardı órtemegende ne qıladı.

DOZAQTÍŃ ADMINISTRATORÍ: Maǵan salsa xesh qaysıńızdı da

órtemes edim. Joqarıdan buyrıq bolsa, ne qılayın? Orınlamasam, ózime zıyanı tiyedi. Óliklerdi órtew men ushın tamasha dep oylaysız ba? (xızmetker kiredi)

XÍZMETKER: Dozaq suwıp baratır. Apatshılaq bolajaq. Ishtegi dozaqıylar qutırınıp, meni quwıp shıqtı.

DOZAQTÍŃ ADMINISTRATORÍ: Ne deydi?

XÍZMETKER:Tońdıq dep kiyim sorap atır.

DOZAQTÍŃ ADMINISTRATORÍ:Tońatuǵının bilse uylerinen nege qıs kiyimleri menen kelmeydi. Biziń kiyim tigetuǵın fabrikamız bar ma?

Dárwazanı bekkem qulıplań. Bir quw gelleni qıstırıp «ómir ushın qáwipli!» dep bir hayaldıń emsheginiń suti menen jazıp qoyıńlar! Kómirdiń azayıwına baylanıslı, ózine tuser nırqınıń qımbatlawına baylanıslı endigiden bılay sutkasına bir márte ot jaǵıladı. Men baslıqqa kettim. Uchaskalardı aralap ketpey turıp jolıǵıp qalayın. (ketedi)

TASPOLAT:biyxızmetkerler! Dozaqtan beyishke ótiwdiń joq pa? XÍZMETKER: Ol ańsat! Dawkes, shataq, óliklerden qutılıw ushın

maqtaǵan harakteristika menen ayına eki iret ol jaqqa adam ótkerip turadı. Al, juwas,mómin bolsań mángi dozaqta qala bereseń. Kómir tawsılǵan bolsa, endi dozaqtan da qorqıwǵa bolmaydı ǵoy.

AQSAQ ÓLIK: Ishi suwıtıp ketse de jaman bolatuǵın shıǵar.

XÍZMETKER: Kunine bir ret jaqsa...

TASPOLAT:Kunine bir ret jaǵatuǵın da kómir qalmaptı.

XÍZMETKER:Onda dozaqtı jabatuǵın shıǵar.

23

TASPOLAT: Burın jabıldı ma?

XÍZMETKER: Bıltır on kun jabıldı. Jabılǵan menen adamların bosatqan joq. Vıveskasın «Zindan» dep ózgertti de qoydı. Xaw, men jańaǵı tapsırmalardı orınlayın. (ketedi)

TASPOLAT: Esittiń be, shataq, dáwkes bolsaq bizdi qutqarıp, beyishke jiberedi eken.

AQSAQ ÓLIK: Mende onday minez joq edi.

TASPOLAT: Minezdi ózgertiw qıyın emes. Bılay eteyik.

AQSAQ ÓLIK: Qalay?

TASPOLAT: Dozaqtıń oshaǵın qulatayıq.

AQSAQ ÓLIK: Mańlayımız qurıp qalmay ma?

TASPOLAT: Sóytsek, bizlerdi dozaqtan beyishke quwıp jiberedi. Beyishke barsaq hurdiń qızları menen sáyir etemiz.

AQSAQ ÓLIK: Ras pa? Al qolıńa swymeńdi ! ( olar oshaq qulatıwǵa beyimlenedi )

3.BEYISHTIŃ ADMINISTRATORÍNDA

Administrator hám qız

BEYISHTIŃ ADMINISTRATORÍ: Siz biziń beyishimizgebıyıl kelgen mıńınshı óliksiz. Sonıń ushın beyish administraсiyası tárepinen shólkemlestirilgen syurpriz bar, sonı sizge tapsırıuǵa ruxsat etińiz. ( ol qaǵazǵa oralǵan sauǵa beredi )

Oǵan qosımsha beyish administraсiyası yubileylik ólikke mına adresti jazǵan. Bul beyish tilinde bılay jazılǵan : « Zib tennaj ısyaiсartsinima nadzımagasob nagalta

ıshnınım ekkilo ignám milo zimyelit »

QÍZ: Raxmet! Men buǵan onsha tusinbesem de meniń ushın jaqsı tilekler ekenin sezip turman. Ózimniń mıńınshı ólik bolıp bosaǵańızdan atlaǵanıma

ókinbeymen.

24

BEYISHTIŃ ADMINISTRATORÍ: Endi qarındasım, men jumıs babında bir neshe sauallar beriwge májbwrmen. Keshiriwińizdi ótinemen.

QÍZ: Soray beriń. Bul jerge kelgeli talay sorawǵa tap boldım. BEYISHTIŃ ADMINISTRATORÍ: Aytpaqshı, siz biyhwrmetli ólik

bolǵanlıqtan siz tuwralı « Jánnet jazı » gazetasında maqala basılmasa bolmayı. Men onıń redaktorın shaqırtayın. ( qol shappatlaydı. Xızmetker kiredi ) Maǵan redaktordı shaqırıń. ( Xızmetker ketedi )

QÍZ: Sizlerden de gazeta shıǵa ma? Onıń ne keregi bar?

BEYISHTIŃ ADMINISTRATORÍ: O, gazeta biziń turmısımızdıń aynası emes pe? Ishki tártipti, sırtqı waqıyalardı biz usı gazetamız arqalı bilip otıramız. Qarawımızdagılardıń kewlin kóterip turıw ushın ayrım waqıtları ótirik nárselerdi de basıwǵa tuwra keledi. Xaqıyqatlıqtı jaza bereyik desek baslıqlarımızdan qorqamız.

QÍZ: Feletonlar da basılıp turama?

BEYISHTIŃ ADMINISTRATORÍ: Alla-jalla ayta kórmeńiz. Burınları basılatuǵın edi. Soń sen tiymeseń, men tiymeymenge kóshtik. Feletonnıń dawı kóbeyip ketti. Onıń wstine feletonnıń geroyları qasaqana wlkenlerimizdiń jekjatları bolıp shıǵadı.

( redaktor kiredi )

REDAKTOR: Ebnikum?

BEYISHTIŃ ADMINISTRATORÍ: Zińilek.

REDAKTOR: Melás, niyejox!

BEYISHTIŃ ADMINISTRATORÍ: Melás! Zıńırıto.

REDAKTOR: Naqtrıqash zisneke?

BEYISHTIŃ ADMINISTRATORÍ: Pág yadnanım.Lub zık nizib ıglıyıb

ıshınınım zimigilo. Ísu ılaruut adatezag alakam uısab mızal. REDAKTOR: Lukam!

BEYISHTIŃ ADMINISTRATORÍ: Nem rizax rallaus nemreb, pızaj zınırıto.

25

REDAKTOR.Pejá, niyejox!

BEYISHTIŃ ADMINISTRATORÍ: (qızǵa) Biz beyish tilinde sóylesip atırmız. Redaktorımız basqa tildi qálemeydi. Ele siz de bull tildi uyrenip ketesiz. Onda sawallar beremen.

QÍZ:Maǵan óz tilimde bere beriń.

BEYISHTIŃ ADMINISTRATORÍ: Álbette, álbette! Bular sawal da emesaw. Ótinish esabında. Bizge qalay kelip qaldıńız

QÍZ: Men talayım kelispegen nasharman. Ákem gurlegen adam edi. Basshı jumısta isleydi. Mal - dúnya kóp , onlaǵan qat jay, tur - turinen mashina. Xesh nársege zar bolmadım. Qatarlarımnıń aldında boldım, orta mektepti altın medal menen pitkerdim. Biraq, papam ózinen bir qarıs joqarı xamaldardıń aldında pıshıq bolıp qalatuǵın edi.

BEYISHTIŃ ADMINISTRATORÍ: Sıylaytuǵın shıǵar. Bızler bolsaq basshılarımızdı qorqqanımızdan sıylaymız. Aldınan kese ótsek ornımızdan qalpaqtay ushırama dep qorqamız. Al, jer ustindegiler qorqqanınan emes,adamgershilik retinde sıylasa kerek. Gápińizdi bólgenim ushın keshirersiz, dawam eteberiń.

QÍZ: Bilmeymen, qorıqsın, sıylasın, tubinde ákemniń sol qoyan jurekligi basıma jetti. Universitette oqıytuǵın edim. Bir kwnleri mamam aytadı. Qızım deydi, keshqurın basımnan sıypap , papań seni Maratqa beretuǵın bolıptı. Maratı kim deymen janım shıǵıp. Papańnıń aqsaqalınıń balası she deydi mamam. Men ol balanı tanıytuǵın edim. Birge oqıymız. Wlken adamnıń balası bolǵan soń kókiregi ál aspanda. Hesh kimdi pisent etpeydi. Sabaǵınan tuk bilmeydi. Hátte, oqıytuǵın auditoriyaǵa qaltasına araq salıp keledi.

BEYISH ADMINISTRATORÍ: Muǵallimler tártip bermey me?

QÍZ: Bir saparı bir muǵallimimiz shıdamay ketip, tártip bermekshi bolıp edi, jańaǵı bala « sendey peshkalardı ornınan ushırıp jiberemen!» dep sırtqa atıldı. Shınında da solay boldı, sol muǵallimdi qaytıp kórmedik. Gáptiń qısqası, papam meni sonday bir láuetekke ılayıq kóripti. Bunı heshkim esitpegey. Papamnıń aldına barıp ózimniń ármanlarımdı, ele turmısqa shıqqım kelmeytuǵının, Universitetti

26

pitkegen soń aspiranturaǵa barıp oqıǵım keletuǵınımdı ayttım. Papam sen sol wyge kelin bolsań ilim kondidatı tuwe, doktorlıqtı da satıp alıp beredi dedi.

BEYISHTIŃ ADMINISTRATORÍ: Ne deydi-áy?

QÍZ: Maǵan onday ótirik dańqtıń keregi joq! Men onıń balasın qálemeymen dedim. Papam qáleyseń, soǵan tiyeseń! dedi. Tiymeymen, oǵan tiygennen ólgenim jaqsı! dedim. Papam izinde jalınıuǵa qaradı. Meniń keleshegimdi oylasań-o dedi ol. Aqsaqalınıń sózin eki etsem, yamasa balańdı biziń qız qálemeydi desem neshe pullıq kisi bolǵanım, qızım-aw! dep jıladı papam. Up-ulken adamnıń, ulken bir basshınıń jılaǵanın birinshi kóriwim. Ayap kettim.

BEYISHTIŃ ADMINISTRATORÍ: Awa-dá, hámeldar bolıwda qıyın basımızda bar auxal ǵoy.

QÍZ: Oǵan qosılıp men de jıladım. Talayımnıń kelispegenine jıladım. Qız bala bolıp jaratılǵanıma jıladım. Tek qaǵazda jazılǵanı bolmasa, erkekler menen hayallardıń hesh qashan da teń bola almaytuǵınına tusinip jıladım... Dúnya kozime basqash kórine basladı. Bull dúnyadan twńilip kettim. Óziniń baxıtın oylaǵan, meniń baqtıma qara baylaǵan ákemdi jek kóre basladım. Oqıwǵa da zawqım soqpay qaldı. Tek, basımda bir oy qaldı. Ne qılıwım kerek? Ne qılıwım kerek! Tiyiwim kerek pe? Adam emes, adamgershilikli qásiyeti joq, iytten de aqılsız jarımestiń qoynında jiyirkinbey jatıwım kerek pe? Joq! Joq!!! MUmkin emes!

BEYISHTIŃ ADMINISTRATORÍ: Siz oǵan twsinirip aytpadıńız ba? QÍZ: Kimge? Jarımeske me?

BEYISHTIŃ ADMINISTRATORÍ: Awa.

QÍZ: Ol gápke twsinetuǵın dońız ba? Bunı esitpegey, esitse pwtkil Universitetke masqara bolǵanım. Esitpegey! Esitpegey! Esitpey turıp bir ilajın islewim kerek. Erteńine papam, mamamnan meniń ne qılǵanımdı sorattı. Papamnıń kewlin jıǵıwdan qorqıp ózimniń qayıl bolǵanımdı ayttım.

BEYISHTIŃ ADMINISTRATORÍ: Aqırı qayıl bolıpsız - dá?

QÍZ: Basqa jolı qalmadı. Papam awırıp qalar dep qorıqtım. Sonnan olar ayaǵı jerge tiymey quwanısıp ketti. Keshte aqsaqalınıń wyine barıp, quwanıshlı xabardı bildiretuǵının ayttı. Ármanlarımnıń kwli kókke ushtı. Jaslıǵımdı joǵalttım,

27

ómirimniń baǵın erte qazan urdı. Sonshama baxıtlı zamanda sonshama baxıtsız qız bolıp qaldım. Jigerim qum boldı, juregim muń boldı. Ishten bozladım, jismime ot twsti, ax shektim ... hesh kim sezbedi... keshte olar ketken soń ... bul dúnya ǵa, artımda qalıp baratırǵan ármanlı dúnya ǵa jaydıń iyneginen uzaq tigildim de, xosh alliyar aytıp uksus tolı shiysheni awzıma kóterdim. Arjaǵı esimde joq. Kózimdi bir ashsam aq xalatlı vrachlardıń hámmesi bas ushımda bolıp atır eken. Papamdı kórdim, mamamdı kórdim. Ayaq ushımda qan jılap tur eken. Jılamańlar dedim olarǵa. Ómirge ıqlası qalmaǵan adamdı ólim soqpaǵınan qaytarıp bolmas ekenin hámmesi de tusingen sıyaqlı. Vrachlardıń tur-tusinen tek ákemniń abırayı ushın meni aman alıp qalıwǵa tırısıp atırǵanın bayqar edim. Eń sońǵı kórgenim vrachlardıń appaq xalatları edi.

Endigi jolım da appaq sıyaqlanadı. Sol xalatlar maǵan appaq kepindey bolıp elesledi. Xosh dep erinlerimdi jıbırlattım. Bunı xesh kim esitpedi... Sóytip, kózlerimdi jumdım. On segiz jıl jarqırap, ómirdiń qızıǵına bir rette toymaǵan qarar kózlerimdi mángige jumdım....

BEYISHTIŃ ADMINISTRATORÍ: Ayanıshlı, ayanıshlı. Endi hámmesin umıtıwńız kerek. Ekinshi ómirińizdi kóz jassız baslaysız.

QÍZ: Endi bári bir emes pe? Eki dúnyada da pák bolıp qalaman. BEYISHTIŃ ADMINISTRATORÍ: (redaktorǵa) z bárin jazıp aldıńız ba? REDAKTOR: Xá, álbette! Men oylap qaldım bul maqalaǵa jayǵaspaydı.

Xojeyin, eger ruxsat etseńiz, bunı feleton etip jazsam qalay boladı? ózińiz bilesiz, kópten berli feleton shıqpay ketti.

BEYISHTIŃ ADMINISTRATORÍ: Feleton etsek, bas geroyı mınaw qarındasımız bola ma?

REDAKTOR: Joq, jańaǵı ulkenniń balası, bunıń ákesi, onıń ákesi boladı. BEYISHTIŃ ADMINISTRATORÍ: Xaw, olar ele anaw dúnyada ǵoy.

Seniń jazǵanıńdı qalay oqıydı.

REDAKTOR:Olar oqıy almaytuǵın bolǵanlıqtan feleton jazayıq dep atırmandá, xojeyin.

BEYISHTIŃ ADMINISTRATORÍ: Xá, gáp buyaqta dese! Meyli, ruxsat!

28

REDAKTOR:Xojeyin, onnan keyin bir gáp, redakсiyamızǵa bir ólik

kelip jur ǵoy, shayır edim dep...

BEYISHTIŃ ADMINISTRATORÍ: Dozaqtan qashıp jurgen bolmasın,

bizge jollaması bar ma? REDAKTOR: Bar.

BEYISHTIŃ ADMINISTRATORÍ: Ózleriń biliń. Áwel sınap kóriń, taǵı

muxabbattan basqanı jaza admaytuǵın shayır bolıp jurmesin.

REDAKTOR: Gápiniń rámáwzine qaraǵanda, patriot qosıqlardı kóp

jazaman deydi.

BEYISHTIŃ ADMINISTRATORÍ: O dúnyanıń patriot shayırı bolaman

dese oǵan tak deytuǵın adam joq. Taǵı satirik shayır bolıp, masqaramızdı shıǵarıp jurmesin. Qaytip ólgen eken?

REDAKTOR: Soqır ishek bolıp.

BEYISHTIŃ ADMINISTRATORÍ: Usı zamanda adam soqır ishekten

óleme? Onda bir abırayı joq shayır boldı ǵoy. Meylińiz, áwel korrektor etip alıń, soń talantı jarıp baratırsa bólimge ótkerersiz. Ájelge de xayransań, tomtom kitapların shıǵarıp atırǵan abıraylılarınan jibermey, qaydaǵı bir shayırlarǵa ósh.

REDAKTOR: Ataǵına qızatuǵın maxaw ádetimiz bar-dá, xojeyin. Bolmasa, turli bále usınday mayda shuydelerden shıǵadı. Bilesiz be, xázir

ol jaqlar talant penen siyrek esaplasadı. Yaǵnıy onıń jasına qaraydı. BEYISHTIŃ ADMINISTRATORÍ: Jasıńa qaraǵanı qalay? REDAKTOR: Máselen, sizdi shayır yamasa jazıwshı deyik. Siz eliwge

shıqsańız, kitaplarıńızdı tom-tom etip basadı da, bir ataq beredi . Onnan keyin siz jazdıńız ba, jazbadıńız ba, hesh kimniń isi joq, jasıńız alpısqa keledi. Taǵı bayaǵı jazǵanlarıńızdı tom-tom etip basıp shıǵaradı da, sizge taǵı bir ataq beredi. Ordenmedal taǵı bar. Sóytip, siz qudaydan ómir tilep jure beresiz, onday jeńil-jelpi kwneltip jurgenlerge quday da qarasıp, ájeldi jaqınlatpaydı. Sóytip jurgende siz jetpiske kelip qalasız. Bayaǵı bala waqta, jaslıq waqta jazǵanlarıńızdı taǵı tom-

29

tom etip basıp shıǵaradı da, sizge taǵı ataq, orden-medal beredi. Mine, sóytip kete beredi. Siz, xojeyin, óytip ataǵı barǵa qıza bermeń.

BEYISHTIŃ ADMINISTRATORÍ: Bári onday emes shıǵar-aw. REDAKTOR: Endi, arpa ishinde bir biyday boladı ǵoy.Sol biydayıń tezirek

qolǵa iline qoysa táwir bolar edi-aw. Endi ruxsat bolsa, men jumıslarıma barayın. BEYISHTIŃ ADMINISTRATORÍ: Aytpaqshı, baslıǵımızdıń yubileyinen

xabarıń bar ma? REDAKTOR: Joq ǵoy.

BEYISHTIŃ ADMINISTRATORÍ: Keshe telegramma aldım. Usı aydıń ayaǵında baslıǵımızdıń ólgen kuniniń 20 jıllıǵı keń twrde belgilenedi.

QÍZ: Ólgen kuniniń? Ólse qalay baslıq boladı?

BEYISHTIŃ ADMINISTRATORÍ: Haw, bizde ólgen kun belgilenedi, tuwılǵan kun emes. Bizler hámmemiz ólgenbiz. Siz de ólgensiz. Usını umıt pa. ( redaktorǵa ) Sonlıqtan, redaktor, birinshi betti, ekinshi betti baslıǵımızdıń yubileyine arnaysań. Ulken etip portretin berińler. Baslıqqa sadıq ólilerden intervyu alıńlar. Biziń atımızdan qutlıqlaw jazıńlar! Onıń bashılıq etken dáwirinde óliklerdiń aman ekenin, bir de birewıi tirilip ketpegenin maqtanısh etińler! Tabıslar tileymen!

REDAKTOR: Raxmet! (shıǵıp ketedi)

BEYISHTIŃ ADMINISTRATORÍ: Siziń baǵanaǵı gáplerıińiz ezip jiberip, dáslepki pikirimnen qaytardı.

QÍZ: Ol qanday pikir edi?

BEYISHTIŃ ADMINISTRATORÍ: Sizdi dachama aparıp, bir aqsham miyman etsem be degen niyette edim.

QÍZ: Endi men monashka bolıp qalatuǵın shıǵarman. BEYISHTIŃ ADMINISTRATORÍ: Óytip, siz dinge isenesiz be? QÍZ: Isenbesem de...

BEYISHTIŃ ADMINISTRATORÍ:Onıń ustine bizde monastır joq. Juriń, barlıq qayǵını umıtıń, dachada dem alıp qaytayıq.

QÍZ: Qorqaman.

30