Ertek, aytis, janiltpash, naqillar

Aqsaq shóje jer qazadı.

(Tamshı)

Appaq ǵana dasturxan,

Jerdiń júzin qaplaǵan.

(Qar)

Tarsıldap jerge túsedi,

Onı kórgen balalar,

Quwırmash pa desedi,

Kúnniń kózin kóriwden,

Ǵaybana bolıp ketedi.

(Burshaq)

Esikten kirer eńkeyip,

Tórge shıǵar dińkiyip.

(Suwıq)

Altı qasqır atın jeydi,

Jiligin shaqpay mayın jeydi.

(Boran)

Ursań tayaq ótpeydi,

Quwsań ayaq jetpeydi.

(Samal)

Bir nárse bar kórinbes,

Uslasań da bilinbes,

Tirishilikke dım zárúr,

Onısız ómir súrilmes.

(Hawa)

Juwırıp jete almadım,

Qol saldım tuta almadım.

(Kóleńke)

Qurıq bastı eki tawıq,

Biri ıssı, biri suwıq.

(Jaz-qıs)

Bir qasqırdı altı qasqır alıp,

Terisin tespey etin jeydi.

(6 ay qıs, 6 ay jaz)

Júrgen jeri mereke.

(Adam)

Eki bala ayaqlasıp atır,

Tura sala tayaqlasıp atır.

(Kirpik)

Mıń qoydı bir shıbıq penen aydadım.

(Shash, páki)

Qara tawım qarlı boldı,

Bir jawsa ketpeytuǵın zerli boldı.

(Shashtıń aǵarıwı)

Hámme waqıt awzımda,

Hesh juta almadım.

(Til)

Jar basında jartı sıpıra.

(Qulaq)

Birge jatıp, birge turar,

Ozıwǵa birden umtılar,

Ekewi máńgi jarısıp,

Kórmegen ele qalısıp.

(Ayaqlar)

Bes janlı bir jansızǵa mingesedi.

(Bes barmaq)

Súyek te emes, et te emes,

Ol denege pitedi,

Ósse alıp turmasań,

Úlken zıyan etedi.

(Tırnaq)

Basında jalǵız tawdıń bir bayterek,

Putaǵı iyilmeydi tómen qarap,

Ayǵırdıń úyirindey úyirilse de,

Esabın taba almaydı adam sanap.

(Saqal-murt)

Eki oshaqqa bir kósew.

(Jaq, til)

Túbitten de jumsaǵım,

Ishi tolı aq mayım,

Kiyim-kenshek belbawım,

Jerden óngen baylıǵım.

(Paxta)

Áste-áste, boyı páste,

Ot otlaydı, suw ishpeydi,

Onıń ózi hasıl nárse.

(Pille)

Jerge urdım baltanı,

Awzı gúmis qaltanı,

Jerden bir bala shıqtı,

Ullı eldiń sultanı.

(Biyday)

Qatar-qatar atalar,

Aq saqallı babalar.

(Júweri)

Bir nárse uzın boylı sállesi bar,

Qoynında qundaqlanǵan balası bar,

Aytayın bunıń mánin sorasańız,

Aq arıw uyıqlap jatqan anası bar.

(Qamıs)

Bala-bala, balalar,

Bala boylı salalar,

Tuyaǵınan suw iship,

Múyizinen balalar.

(Mákke)

Mınaw nege muńayadı,

Bası nege qıysayadı,

Dógeregi bozarıp,

Kózi nege qızaradı.

(Tarı)

Atası balasın júkleydi,

Balası atasın júkleydi,

Soysań qanı joq,

Shójesiniń sanı joq.

(Qawın)

Kók ógizim kóginde jatıp semiredi.

(Ǵarbız)

Uzın-uzın áwliye,

Onnan da uzın áwliye,

Torańǵıldıń túbinde,

Tońqayıp jatqan áwliye.

(Asqabaq)

Kishkene ǵana boyı bar,

Qabat-qabat tonı bar.

(Piyaz)

Jazda inge tıǵılıp,

Jatırǵan qızıl túlkini,

Quyrıǵınan suwırıp,

Ákeldi aǵam bir kúni.

(Geshir)

Kishkene ǵana boyı bar,

Qırmızıdan tonı bar.

(Burısh)

Altın qorada as kórdim.

(Ayǵabaǵar)

Qısta mazar,

Jazda bazar.

(Júzim)

Hám qızıl, hám tatlı,

Tatqan jandı tańırqattı.

(Alma)

Kishkene ǵana zerenshe,

Ishi tolı mıyıqsha.

(Ánar)

Jipek yańlı japıraǵı,

Sallanadı putaǵı,

Ózi shınjırlı túkli,

Mazası paldan tatlı.

(Shabdal)

Ákesi úsh jasında,

Balası bazarǵa ketti.

(Erik)

Qızıl sıyırım jalap tur.

(Qazan, ot)

Qarasha biy atlansa,

Bala-shaǵa quwanar.

(Qazan)

Qarabay aǵam attan tústi,

Balaları juwırıp keldi.

(Qazan-tabaq)

Keregeniń basında,

Ǵalı qorjın.

(Tutqısh)

Arqańa mindim qan boldım,

Qapıǵa keldim qul boldım,

Otqa jandım kúl boldım.

(Otın)

Kishkene ǵana meshel,

Súńgip barıp suw isher.

(Qasıq)

Ot basında ompayǵan,

Kókiregi tompayǵan.,

(Quman)

Kishkene ǵana aq tana,

Múyizim bar dep maqtana.

(Shaynek)

Taq-taq etedi,

Teńindey jerdi aladı.

(Kese)

Kóriner anadaydan sarı bolıp,

Qaynaydı ot penen suw jarı bolıp,

Erte sáske bolǵanda suw ishedi,

Kárwannıń jez buwdaǵı narı bolıp.

(Samovar)

Biziń úyde bir kisi,

Awzında bar qırıq tisi.

(Qorjın)

Kishkene ǵana boyı bar,

Qulash-qulash shashbawı bar.

(Iyne)

Digirman-digirman tas kórdim,

Shaqmaqtan tas kórdim.

(Shıra)

Ózi dánnen tuwılǵan,

Beli qısıp buwılǵan,

Úy ishinde sıpırıq,

Aldına túsip juwırǵan.

(Sipse)

Qara tawıq qaqırlaydı,

Qanatları saqırlaydı.

(Qayshı)

Qarańgı úyde jolbarıs,

Adam tiyse gúrkirer.

(Digirman)

Ákesi awzın ashtı,

Balası tewip qashtı.

(Keli-kelsap)

Awzı tolı álamat,

Ishi qızıl bálamat,

Túnde bardım urlıqqa,

Alıp qayttım kún shıǵa.

(Tandır)

Ap etip alıstı,

Eki erni qabıstı.

(Arsha)

Aq kúshigim juwıra-juwıra buwaz boldı.

(Urshıq)

Kishkene ǵana boyı bar,

Pırıldap aspanǵa ushar,

Mamıqtan kiygen tonı bar,

Shalqayıp júrip suw isher.

(Shıǵırshıq)

Jansız shabadı,

Janlı uradı.

(Balta)

Eliw ayaqlı eki qulaqlı,

Saladı eliw ayaq penen,

Qara tıńnan jalǵız joldı.

(Jarǵı)

Esik bete búkir terek,

Gúrespege adam kerek.

(Iyinaǵash)