Abulqasim Otepbergenov - Tanlamali shigarmalar 7

Alla amanatın almastan burın, Shájdege bas qoyıp, kúni-tún júgin. Sawaptan, gúnanı kóp islep tursań, Umıtpa sendaǵı bendeseń, qulsań. Biyrubar aldında hámme teppe teń, Onıń qúdireti, márhámatı keń. Onnan paydalanıp táwbege kelgil, Tariyxtan sabaq al, bir zeyin bergil. Kórdińbe zulımlıq qarar tapqanın? Shaytan jeteginde ketpegil xanım!

597

Iblis uya qoyǵan otqan taxtıńa,

Bir kún qara baylap dáwlet, baxtıńa. Aqır maqset, muradına jetedi, Qádir-qımbatıńdı bir pkl etedi. Sharapqa hirs qoyıp, múkkeńnen kettiń, Máslikte aqlıǵıń basına jettiń.

Tariyxta bolmaǵan gúnanı endi, Jazasın tartasań, keshirilmeydi. Seni oylap qattı, oyǵa talaman,

Ǵarǵıs aldıma dep Yaratqan haqtan!» 598

Nawayı háziret Payǵambar sıpat, Aldın boljap bilgen, kúshli karamat. Aytqanı keshikpey boldı da turdı, Bayqara bayǵustı mańlaydan urdı. Ǵarǵısqa ushırap, náreste qanı, Tuttı. Shaxtıń shıqtı dep oylap janı. Basa-bas, shabıwıl, urda-tut waqtı, Ájelge hesh iláj, , shara da yoqtı. Shaxıń attan qulap suluq bop qaldı, Oyladı láshkerler paymana toldı.

599

Sóytip asıǵısta dus kelgen jerge, Kómdi Bayqaranı tepkilep górge. Hár kim tumlı-tusqa bası menen ǵay, Kiriwge tesik joq, otırarǵa jay.

Bas másele bastıń amanlıǵı dep, Qanlar keshti erler, qurban boldı kóp.

Dushpan tar-mar bolıp, quwılǵannan soń, Qıs ótip, báhárde jibigennen toń.

Shaxtı maxbaraǵa, arnawlı jerge, Kómiw ushın jáne basqa bir górge.

600

Keldi alaman ashıwǵa górdi, Ashıp, ájáyıp bir jaǵdaydı kórdi. Bolmaǵan burında, házirde haslan, Kózleri alarıp, betke urıp qan.

Hámme ań-tań bolıp, hayranlar qaldı, Kewilge ǵulǵula, táshwishler saldı. Shalq ortasına kómilgen shaxtıń, Házirgi jaǵdayǵa, ahwalǵa baǵıń.

Múkkesine tómen eki búgilip, Jatar edi shaxıń jerge úńilip.

601

Qábir jan háwleti qattı tırnalǵan, Shaxtıń tırnaqları, bet-awızı qan.

Ya Tawfıyıq! Ya Jabbar! Deyip, alaman, Ózińde eń kúshli qúdiretli párman. Ózińde esap bar, jańılmaysań hesh, Haqlıqta teńi joq, tabılmaysań hesh. Kóreseń, sezeseń, bilip turasań, Sonlıqtan jáhánde biyik, uluǵsań.

Insan jánjel menen urısqa ósh dım, Qansha gúnaların, qılmısın keshtiń.

602

Dúnyanı ózgeshe túsinip júrmiz, Kózi bar soqırmız, tili bar gúńbiz. Nápsiniń qurbanı bolıp ketemiz, Nırqqa sıymas qılmıs, jaza etemiz. Eremiz iblistiń waswasasına, Gúnasız, jazıqsız birew basına. Mıńda bir báleler salıp atamız, Bastan-ayaq gúnalarǵa batamız. Bolǵan sayın bolabersek deymiz biz, Qaznam zerge tolaberse deymiz biz.

603

Miynetsiz baylıqtıń zawalı barın, Esabın beriwdiń bıyıl ya jarın. Umıtıp ketemiz hátte Qudaydı, Táshwishten arılmay baslar udayı. Mushtay ǵana girttay jumalaq jerdiń, Urıssız, qaǵıssız qay jerin kóriń? Qay orında, qan tambaǵan jeri bar? Qay orında, mázi-mayrıq eli bar? Qay orında, kózden aqpaǵan jaslar? Qay orında, ǵamsız, ǵawǵasız baslar?

604 Bárine-bárine ózimiz sebep, Jerdiń jarıǵınan shıqqan yańlı kep. Ayaqqa biyjuwap tiken kirmeydi, Onı bende onsha bilebermeydi. Esapta ekenin hár bir qádemiń, Ólshewli ekeni hár alǵan demiń. Pármanına qattı boysındıradı, Qılmasań sózsiz moyın sındıradı. Umıtpa sol ushın Yaratqan Haqtı, Onnan basqa Iláh, Qúdiret yoqtı.

605

Al endi oqıwshım juwmaq jasayman, Men seni maqullap, seni xoshlayman. Sen de meni xoshlap, maqullap turǵıl, Adam degen misli qırmızı bir gúl.

Sen meniń gúlimseń, men seniń gúliń,

Tuwısqan, biradar birińe biriń.

Eger meniń kewlim xosh bolsın deseń, Keleshek-áwlattıń ǵamın jegil sen.

Ol ushın aylana, jer menen aspan, Urıs-jánjellerden bolsın ol AMAN!

2006-jıl. 27-dekabr