Abulqasim Otepbergenov - Tanlamali shigarmalar 5
.pdfQarasań kóziń toymas, taldırmash bel, shashı súmbil, Íshqıńda zar júrgenińde, shalqana salar sonı bil, Halayıqtıń mazarına barıp bir-bir tamasha qıl, Ullılardan alıp ibret kerek bawrıń kabap qılsań.
Ullılardan alıp ibret ushsań eger sen uyadan,
Hámde aǵla bolsań eger kókte nur shashqan ziyadan, Waqtı kelip qularsań, bilgil bir kúni qıyadan, Hámiyshe jaqsılıq qılǵıl, keterseń pániy dúnyadan, Qıyamet abu toyına kerek xunu jiger qılsań.
Qálbińnen shaytandı quwıp, qashqıl qurı qıyallardan, Sal kewlińe jaqsılıqtı, jaqtırıwshı zıyalardan, Nápsińdi tıy, dawalı, haram passıq dúnyalardan, Quda pármanın tutqan bolar ol áwliyalardan, Bolarsań áwliyalardan raziyattı kóbirek qılsań.
Jigitler qurı súlder, súyretilip júrgen saya, Jáyxun sen baq bárqulla kóktegi quyasha-aya, Bul álamat ómirge shúkirlik qılǵıl qudaya,
Xoja Axmet masiyat penen ómiriń qılmaǵıl zaya, Bolarsań layıqı háziret, eger taat sáhár qıyalsań.
***
Jan saw bolsa ǵam jeme, ǵam basıńa jetedi, Pitpeytuǵın is bolmas, bas saw bolsa pitedi, Jan sebiller dúnya dep, janǵa jábir etedi, Ǵániymet bil bul dúnya bársheńizden ótedi, Isenbegil malıńa, bir kún qoldan ketedi.
Jerdi basıp júrgenge kúni-túni shúkir qıl, Hám Allańdı umıtpa: onı tilde zikir qıl, Bul bes kúnlik dúnyada ádalatlı húkim qıl, Ata-ana tuwısqan, qayda ketti pikir qıl, Tórt ayaqlı aǵash at bir kún saǵan jetedi.
Bizler turǵan bul dúnya túbi tesik bir keme, Jıljır áste tereńge, batar keter bir demde,
«Alsam-ólsem», deyip sen qızba hárgiz kórgenge, Dúnya ushın ǵam jeme, haqtan ózgeni deme, Kisi malını jeme, dozaq ishre kútedi.
Dúnya deyip juwırıp ne kórmedi sorlı bas, Tuwısqanlar mal ushın bir-birine boldı qas, Áke menen balası kórispeydi arazlas, Qanalasıń, qarındas hesh kim bolmaydı joldas, Márdana bol ǵárip bas, ómiriń jeldey ótedi.
Hár demińdi ǵániymet,hár kúnińdi baxıt bil, Kózdi ashıp jumǵansha óter pániy dúnya bul, Jáyhun bárhá basıńdı menmenlikten saqıt qıl, Xoja Axmet taát qıl, ómiriń qaldı neshe jıl, Haslıń bilseń topıraq, jáne soǵan ketedi.
11
***
Birew haqın jegenler, haram ishre qalǵanlar, Bastan ayaq ótirik, iyman satar zańǵarlar, Birew mańlay terinen, ullı saray salǵanlar, Dúnya meniń degenler jáhán malın alǵanlar, Kárkas qustay mısalı, ol haramǵa batmıshlar.
Imam bolıp jamanın, eń aldında turǵanlar,
Haqtı umıtıp kewilin shaytan jaylap alǵanlar,
Nápsi ushın quranǵa qıyanetler qılǵanlar,
Qazı imam bolǵanlar náhaq dawa urǵanlar,
Aqtı qara qılǵanlar, ol tamuqta yatmıshlar.
Jemge toyǵan qorazday mánsap ushın kelgenler,
Mánsábini abıray, ataq deyip bilgenler,
Dúnyasına másirip, kókirek kerip júrgenler,
Para alǵan hákimler, bárhá haram jegenler,
Kóp ármanda ókinip, qorqıp-qurıp qalmıshlar.
Yarın aldap bárqulla ózgelerdi súygenler,
Barın joǵın solarǵa árwanaday iygenler,
Besinshiden ayırılıp altınshıǵa tiygenler,
Tatlı-tatlı jegenler, túrli-túrli kiygenler,
Lázzet ishre bolǵanlar, topıraq ara yatmıshlar.
Mańlayınıń terinen hadal dúnya jıyǵanlar,
Jetim-jesir, ǵáripke shóreginen qıyǵanlar,
Haram-pasıq mal-múlikten nápsilerin tıyǵanlar,
Mómin qullar sadıqlar ıqrarında turǵanlar,
Hasıl bolıp muradı ullı baxıt qushmıshlar.
Saadiy Sheraziy ǵázzeline muxammes
09-02-2010j.
Naz etip, jilwa etip, júzleri qalım baratır, Hár sózi dártke dawa, sózleri palım baratır, Naması lal etiwshi, tillalı tarım baratır,
Áy Sarban axista júr, aramı janım baratır, Tánnen dili-janım alıp, ol dilistanım baratır.
Basımızǵa tosattan baxıt qusı kelse qonıp,
Qoy ústinde torǵaylar, jumalayıp qalsaq, ońıp,
Axırında árman bop, qalmasaq shillede tońıp,
Qalarmanba alıs bolıp, biyshara hám mayus bolıp,
Qálbim firaq tıǵı tilip, ta ústixanım baratır.
Kewlim aytar sen onnan miyrim-shápáátti kútpe,
Jerde turıp, ál aspanda sholpandı háwes etpe,
Bári bir biyúmit bolma, qolıń silteyip ketpe,
Toqtat shamalı ey sarban, kárwandı jedelletpe,
Sárwi ráwan ıshqında, jan, ruxı-rawanım baratır.
Eki dúnya sira endi kele bermes bunday shaq,
12
Bileyik basqa házir qonıp, turǵanın dáwlet-baq,
Bul kúnlerdiń qádirin bilmey, júrmeyik deyip «Wax!», Qayt kózlerime qoy ayaq, dilbarım ketpe jıraq,
Áy nazanın, kókke bul shaq, axu-piǵanım baratır.
Saǵan ıshqım túskeli, ońı-túsimde kúlmedim,
Quwanısh, shadlıq degendi, ómirde bir bilmedim,
Arttırǵanım dárt penen, qayǵı-qásiret bilgenim,
Tún boyı uyqı bilmedim, basqanı kózge ilmedim,
Biraq arnayı qılmadım, qoldan inanım baratır.
Bul ne degen talpınıw, bul ne degen inta, ıqlas,
Jolına eriydi tawlardaǵı hám qara tas,
Kóreberer, kóneberer ekende bul sorlı bas,
Sabır áyle der maǵan kópler, yar waslın qılma háwes,
Bul maǵan ılayıq is emes, ol xanumanım baratır.
Bizge nesip etpedi, oyın-zawıq hámde sapa,
Kóz ashqalı kórgenimiz dárt hám jabiru-japa,
Ráhmetinen kewil bir jılımadı Jáyxun qapa,
Qılma pıǵan, áy Saadiy hesh arzımas ol biyopa,
Taqattı qoymas bul jana, aqılu-iymanım baratır.
Nizamiy ǵázzeline muxammes
13-10-1998j.
Saqıy túrgel, jatpa sen, tań sarǵayıp, boldı sáhár,
Íshq jolında júrgenlerge tabılmas waq, bunday mágár, Kese, gúzeńdi tayarlap, qolıńa alǵıl tilla tar,
Saqıy máy ber, biykar otırma sen, keldi báhár, Baxıt ta biykarshılıqtan iske berdi ıxtıyar.
Men onı kórip, huwıshtan ayrıldım gáptiń haǵında, Ármansızban ólsem eger, til tartpastan qushaǵında, Kórip qalayıq nigardı, ayday tolısqan shaǵında, Men opa tuqımın ekken edim, ıshqı baǵında,
Ol nálsheler ósip-ónip, miywalar bermekte qatar.
Telbelerdey tentiretip, qayta-qayta qatnatıp,
Esitpes axu-zarımdı hám atar tasada jatıp,
Sóytip qoyadı asıma záhár hám zaqqımdı qatıp,
Háwirdi bawırım qanı menen suwǵarıp, jasnatıp,
Qoyǵan edim, álhappız sóylewge keldi sháriyar.
Ol bir qol jetpes biyikte, paxırıń páste edi, Ákesin óltirgen yańlı ol maǵan óshtey edi,
Mıń pushayman qılǵan menen báribir keshte endi, Biyqarar kewlim hámiyshe azap-uqıbette edi, Qorqınıshtan waz keship, kewil hám taptı qarar.
Baxıt qusı qonıp basqa, berdi bizge tajı-taxt,
Izlegen menen tabılmas bunday pursat, bunday waqıt,
Yar dıydarı zer-zerbaraq bilseń eger sonıńday qıt,
13
Qayda bizge tosattan, bunday ullı ıǵbal-baxıt,
Qullıq qılıp, xızmetine taxt turǵıl sen, keldi nigar.
Endi waspın táriplewge ilxam tulparın jedellet, Qolda barıńdı berseńde Jayxun jıldam janına jet, Barıp ayaqqa bas qoyıp, jalın-jalbar, ármansız et, Ey Nizamiy kóksine qolıńdı qoyıp, shúkirlik et, Ǵarq bolıw waqtı keldi, bolsa keme, tayar kenar.
Jalaliddin Rumiy ǵázzeline muxammes
08-12-2013j.
Qáddi-boyı suńǵaq sıman, kelip meni hayrana qıl. Dártińnen hal boldı jaman, baǵıp, janım amana qıl. Hám dártlerden etip aman, hásiretten biygana qıl.
Ey júzleri gúl-gúl nıshan, kúlbemdi, kel, wayrana qıl. Dilden alıp aqlu-iyman, qále tamam diywana qıl.
Hár ne barım bolsın saǵan, berermen tapsırdım jandı. Pútin etkil hár qashanda insap penen hám iymandı. Oylama panıy dúnyada, artıqsha zıyat bir maldı. Xumxanaǵa kir bastırıp, qolıńa al paymanamdı. Ápsanaǵa shekler qoyıp, záhitligim ápsana qıl.
Alǵıl bizden dúnya-maldı, qaldırǵıl insap-iymandı. Sheshkil óziń qıyın haldı, jaǵdayım ábden jamandı. Úzbegil sen tilla tardı, esitkil nalısh, nalamdı.
Saqıy, keltir, ol jamdi, bizden alıp aramdı. Tárk áyleyip álemdi, kewimdi buz, butxana qıl.
Aytshı óziń men náylermen, shekerler ishinde qant bolsań.
Hárne kewlimde ıqrarım, shártim, qasamım, ant bolsań.
Bul on segizmıń álemniń iyesi, qudiret zat bolsań.
Ashıqlar ishre aǵlasań, qadaxǵa jan tik, márt bolsań.
Jámshit jamınan dárt esit, bastı oǵan paymana qıl.
Intizar etip diydarǵa, súydirmegeniń be, sonsha sen? Íshqı dártinde otlı ton, kiydirgeniń be, sonsha sen? Mehir menen muxabbattı, iydirmegeniń be, sonsha sen? Ey ıshq, japa menen meni kúydirgeniń be, sonsha sen? Yar janına bir dem barıp, kórip dıydar janana qıl.
Meniń joq hesh maqset-muradım, diydardan basqa ol zattan. Men bir ol haqta jazılǵan, mángi óshpes hasıl xatpan. Qutqaradı meni ózi jala-dóhmet, malamattan.
Ey aftab, ál-aspan ara júzdi jasırdıń uyattan. Qáleseń sen pitne jáne, qos tulımshaǵıń shana qıl.
Endi hesh bir máni shıqpas, meniń mına turısımnan,
Diydarı abzaldur maǵan, nesiybe hám ırısımnan.
Jayxun kewliń berip oǵan, darıyǵ bol bar qılmısıńnan.
Kel, Shámsiy Tábriziy, bul jaq kettim aqıl-huwshımnan.
Aqıl-xuwshıma ot qoyıp meyli meni diywana qıl.
14
Xisraw Dexlewiy ǵázeline taxmis
16-04-2010j.
Saw basıma al endi, hesh sawda kerek yoqdur, Xámde artıqmash táshwish hesh ǵawǵa kerek yoqdur, Qulaq sal sózerime hesh dawa kerek yoqdur,
Dedim men «Saǵan dilden bir xana kerek yoqdur». Dedi ol: «Ǵáziynemge wayrana kerek yoqdur!».
Ne deseń deybergil sen óziń namısım-arım,
Men seniń bir puxarań óziń sultan-patshayım,
Dálkek hám mazaqqa óziń kórgenseń-qayım,
Dedim; «Sóziń otına janım jaǵayın yarım!».
Dedi ol; «Shıraǵıma parwana kerek yoqdur!».
Ayaǵına jıǵılıp aytsam gápimniń shının,
Ol párwa etpes sira hám buzbas túri, sının,
Kúler masqaralap sırttan qarap turǵan jıyın,
Dedim:»Kózime ja qıl bir jaqta qarashıǵım!»,
Dedi «Kiremen tánha, hámxana kerek yoqdur!».
Ayaǵına payandoz, taj bolayın basına,
Kóz bolayın gáwhardan júzigińniń qasına,
Biraqta endi meni qorlama hám bassınba,
Hám dedim; «Men bolayın sol májliste qasıńda!»,
Dedi ol: «Bul májliste diywana kerek yoqdur!».
Gáp-sózsiz bawızlap, mıltıqsız, oqsız atpa,
Xám taǵı jer asıma záhár-zaqqımıń qatpa,
Saǵan ashıq bolǵannıń kúni kúlpet ǵam hám datpa,
Hám dedim: «Meni ey yar, ǵam demine baylatpa!»,
Dedi ol: «Bul qus maǵan bedana kerek yoqdur!».
Jáyxun jalınǵan menen juwap bermes sorawǵa,
Ar eter ol burılıp, biz tárepke qarawǵa,
Názeri qorqınıshlı, usar ot hám alawǵa,
Dedim: «Kim bolar hamdam hájrińde bul Xisirawǵa!».
Dedi ol; «Hayalımdur biygana kerek yoqdur!».
Hafız Sheraziy ǵázzeline muxammesler
Túrgel janım lábińdi lápke qoyıp qant áyle,
Ashıp júzińdi quyash hám onnan zıyat áyle,
Yahshı-yahshı sóz aytıp, maqsetim murad áyle,
Sóytip altın keseni máy quyıp abad áyle,
Tolar bas keseside topıraq penen yad áyle.
Dúnya bul tap ózińdey dolanǵan janan eken,
Sol jananǵa qol jetpey, ah shekken jaman eken,
Gá shadlıq, gá ókinish ármanlı zaman eken,
Bul qara jer biz ushın eń sońǵı mákan eken,
Salıp ǵul-ǵula jer kókke way dat páryad áyle.
15
Daq túspes atıńa jerdi qayra basıp júrsem, Meniń sadıqlıǵıma tánhá óziń kepilseń, Biyopalıq etsem óz qolıń menen óltir sen, Eger sánem Alla buyrıǵıń bárjay keltirsem, Nazdı qoy, saya salıp topıraǵımdı shad áyle.
Qasıń qalıspas hasla Áliydiń qılıshınan, Qalıń ziyat dedik Samarqand, Buxarasınan, Naz benen óltiriwdi úyrengen sánem jasınan, Basıma mıń báleler keldi zúlpiń jilwasınan, Et lábiń soǵan shıpa, dártinen azat áyle.
Men bilemen ermeydi ol shuǵıllardıń sózine, Sadıqlıǵı, sabırlıǵı ayandur tánha ózime,
Shóp salarma Shaxsánem qız Ǵáribiniń kózine, Pikiri iplastıń kózi túspes ol janan júzine,
Sol gózzal júzdi sen pák tutıp yad áyle.
Sonday gózzal júzdey júzdi kórgenińiz barma hárgiz, Jánnettegi perishteler bolmas sirá bunday minsiz, Jáyhun jábir kórip bárha, jánnet ishinde gúlsiz, Gúldey ol gúl iyisinen túndi kába et, Hafız,
Túnniń payandozı ol, qáddińdi shámshad áyle.
***
Bul álemde tabılmas onday sulıwlar sultanı, Dúnya ele kórmegen bunday shashları qaranı, Sabırım kesesi toldı, basıma sawdalar salǵalı, Eger kewlimdi xosh etse, Sherazdıń sol jananı, Baǵısh etermen meńine Samarqand hám Buxaranı.
Eger bir kórseń dástinen dáli bolıp datlaysań, Májgún bolıp sandıraqlap, hár zattı bir otlaysań, Íshqında ǵázzel jazıp, kúni-túni xatlaysań,
Quy áy saqıy máyińdi sırqıp jánnette tappaysań, Bul ruxnabad jaǵasındaǵı sulıw musallanı.
Oǵan bir pul, meyli ıshqıńda ózińdi otqa at, Páyweri pálek onıń, meyli teńiz túbine bat,
Ol sonday rehimsizdur hám de sonday tákabbır zat, Sol aldawshı, qızıqshı, pitneshi shoxlar qolınan dat, Kewilden aldı ol sabırım, qılıp túrklershe yaǵmanı.
Sen qansha kúyseń kúye ber, ol sonsha etedi ház, Sebebi, ol biyiktedur, bizler onnan tómende, pás. Juldızlar ara bolǵannan soń, kewli kóterińki más, Meniń nuqsanlı ıshqıma, onıń husni emes mútáj, Gózzal júz hesh talap qılmas boyaw menen zebu-aranı.
Kórkin kórip sen onıń intizar bolıp kóz súzbe, Sırıń hárgiz pash etpe mazaq eter, onnan gizne, Onıń káspi-kári sol, aldap-arbaw oǵan sóz be,
16
Sóyle sazendeden, máyden, jáhán sırın sen kem izle, Sheshealmas hesh kim hikmet penen bul awır mashqalanı.
Qızıl kórip perishte joldan shıqqanlıǵın kórdim, Sulıwlıq bul apatdur, dástinen mıń tirilip, óldim,
Sır sandıǵın ashalmay sarsıldım, sarǵaydım, búldim, Men ol Yusuptegi sheksiz gózzallıqtan anıq bildim, Shıǵardı ıshqı namıs perdesinen ol Zulayxanı.
Sóz qatsań bizde sirá bolmas sabır taqat-turmıs, Jarılqawshım ózińseń sen, meyli maqta, meyli urıs, Husnıń táriypleymen dep biyádeplik ettim, qılmıs, Jaman dediń, quwandım men quda haqı sóziń durıs, Shiyrinlew etti, ashshı sózi, láli shekerxanı.
Alla onı jaratqan, asıqpastan birde minsiz, Kókirek kergen sulıwlar qalar onı kórip únsiz, Jáyhun aspan astında tánhalıqta tekte, sol qız, Ǵázzel aytıp dúr shashtıń, jaǵımlı bolsın, áy Hafız, Pálek jolıńa marjanday shashsın surayyanı.
***
Qayda ketti Kayxısıraw, Zulqarnaylar Bahram-Sultan, Bul ómir qádirine jet, shıqpay turıp tánnen bul jan, Murnıń iyis bilmeytuǵın, qurı súlder bolma ultan, Shiyrin miywe berer doslıq teregin tikgil, áy insan, Ókpe-giyne tamırın suwır, berer ǵam-álem, árman.
Ketkenlerden hesh xabar joq kórmedik bir qaytıp kelgen, Qolı bálent bul ómirde shadı-qorram dáwran súrgen,
Eń bir bilimli danadur ǵam-shadlıqtıń parqın bilgen, Bolıp máyxana miymanı, máy ish mástanalar menen, Qumarı bolma sen hárgiz basıń awırar áy janan.
Ómir nanday tatlı, biraq palınıń záhári mol, Aqırı tuyıq, jarqabaq tússe tappaysań hesh bir jol,
Suwı shiyrin qaynar bulaq, talpınǵan menen jetpes qol, Bul suxbet kúnlerin bilgil, ǵániymet shadı qorram bol, Qarańǵılıq jaqtılıqlar keler, kóp ózgerer dáwran.
Biyshara ashıqlar ushın sawlatlı saray saldıń sen,
Bir qal menen Buxara, Samarqandtı jawlap aldıń sen, Sóytip júrip jurt jalası, hijran otında jandıń sen, Mádarıń ketti-aw kewlim, ǵam júgi astında qaldıń sen, Barıp bir kesa máy ish, bálkim bolar dártińe dárman.
Jáyhun shadlı kúnleriń joq, kúnleriń kóp boldı búlǵen, Zaman daǵdarıslarında, sarǵaydıń, soldıń dástinen, Bárine bir qoldı siltep, waz keshtiń ǵam-táshwishinen, Kekselik shaǵında Xafız, tiler bul baǵda táńirinen. Sárhawız boyında tapsa, sárwi boylı gózzal janan.
***
Balalıqqa qaytayıq shıbıqtı al, at qıl,
17
Shabayıq shańǵıtıp, umıt ǵamdı bárbat qıl,
Táǵdirden kútpe, hesh onnan qattı talap qıl,
Tań attı, nigar, qadaqtı lıq-lıq sharap qıl,
Sharqı-pálekke hesh isenim joq, esap qıl.
Nazdı qoy sánem, ráhim áylep baq sen beri,
Belli boldı bári, qalmadı gizner jeri,
Isiń kelispese talabıń ketedi keri,
Panıy dúnya qárep bolar, sonnan ilgeri,
Gúlgúl dóngen máyler menen bizdi qárep qıl.
Bul bir sonday jumbaq, kisi joq onı uǵar, Alla ázelden sheshimsiz jaratqan shıǵar, Bir kún kúlbemizdi basımızǵap jıǵar, Sóytip ılayımızdan pálek gúze soǵar, Álbette, basımız kesesin lıq sharap qıl.
Áne sóytip tındırar ada bolmas táshwishti, Izge qaldırma búginnen sawaplı isti,
Bul ómir - tún jarpı tatlı bir kórgen tústi,
Ash kózińdi názer sal, kóbikdur ol qadaq ústi, Dúnya negizin sol, kóbik dep, esap qıl.
Jurt sheshpegen jumbaqqa Jáyhun sen ber juwap,
Juwap izlep júrip sarayıń qalmasın qulap,
Qulatpawdıń sırın danalardan al sen sorap,
Hafız esit sen, máyge tabınıw bolar sawap,
Tur waqıttı qoldan bermey, tezden sawap qıl.
Xafız Xarezmiy ǵázzeline taxmis
26-04-2010j.
Tap sol sózi shekerstanım meniń, Basqan izi jánnet máskanım meniń, Párman qolında sultanım meniń, Ax neteseń júzi gúlistanım meniń. Qáddi-boyı sárwi rawanım meniń.
Ol kelip jáhánge bir nıshan boldı,
Sulıwlar albırap páriyshan boldı,
Baqıshı al endi bir gúman boldı,
Baqsa mexrinen kewil ráwshan boldı.
Júzi jap-jarıq aspanım meniń.
Zawıq etermen men oǵan kúyiw menen,
Zawıq etermen jinine tiyiw menen,
Zawıq etermen otlı ton kiyiw menen,
Zawıq etermen lábinen súyiw menen.
Tap sol ózi ayshı-áshiretim meniń.
Men dártinen júrsem nalayu – jılap,
Sebebin atqan joq, ómirde sorap,
Keyinge qayırılıp qoymadı qarap,
18
Láli-lábi, palı-qırmızı sharap.
Kózden aqqan qıp-qızıl qanım meniń.
Kúlse kewil xoshı, júrse jolı men,
Bilse juldızlarǵa jeterlik qolı men,
Bar baylıǵı ońı menen solı men,
Tánde janımday súymen onı men.
Bar baylıǵım jaqtı jáhánim meniń.
Táǵdiriń usı eken bolma qapa,
Basımnan ayırılmadı jábir-japa,
Kórmediń ómirde bir ráhát-sapa,
Wáde ıqrarına qılmadı opa.
Wádesi-ıqrarı jalǵanım meniń.
Onsha bir itibar bermeńiz oǵan,
Hálek bop sóz aytıp júrmeńiz oǵan,
Jáyxun aldap keter ermeńiz oǵan,
Xafızu biysharaday kúlmeńiz oǵan.
Usı sóz wáde hám zibanım meniń.
Lutfiy ǵázzeline taxmis
10-04-2010j.
Qáddi hám boyıńa sóz joq, xina kerek bolsa, Táriyp hám sıpatqa sóz joq, bina kerek bolsa, Qılmıs hám apatqa sóz joq, gúna kerek bolsa, Jamalu, husnıńa sóz joq, wapa kerek bolsa.
Meni tap óltire jaqsań, rawa kerek bolsa.
«Qultay kewli qurt kúsep», halın bilmey seni depti, Sonnan basına mıń túrli apat málamat kepti, Jábiriń jannan ótip endi barıp súyekke jetti,
Kewil qurǵır halın bilmey, way dat seni súyipti. Bále hám ǵussa menen muptala kerek bolsa.
Qas qaǵımda janıńa qısmet eter janan bir kún,
Jáhánnem otına taslap keteri ayan bir kún,
Qutılıwǵa, qutqarıwǵa joqdur bir imkan bir kún,
Japanı janıma az etkil, nágahan bir kún.
Japa tawsılsa neteseń, japa kerek bolsa.
Nazı-jilwası onıń tawdan beter awır, zildur,
Sózi, aytarı onıń, kemsitiw, kinaya, mindur,
Sulıwlıqtıń sultanı Afrodita menen birdur,
Kewildi ózgege bergil demegil, múshkúldur.
Jáxande siz kibi diliraba kerek bolsa.
Eger kim dárt penen muptala órter, seni súysin,
Kelmey atıp ómirin, qazan eter ,seni súysin,
Jábirińniń japası ólgenshe jeter, seni súysin,
Kisi ol óz janına qas eter, seni súysin.
Dárhal esigińe kelsin, bále kerek bolsa.
19
Sen mıń jábir etseń, mıńda bir ráhátim bardur,
Sabır túbi sarı altın, hámde taqatım bardur,
Tuw sırtıńnan bir kórsem jeter, qanaatım bardur,
Jamalıń sol elinen júz faraǵatım bardur.
Esikte iytiń maǵan ashna kerek bolsa.
Uqqıl aytılǵan sózdi-mánisi-jılwasını,
Kórsete berme tájjaldıń qılıǵı, qılwasını,
Alǵıl Jáyxun qanı menen jazǵan qol jazbasını,
Oqı bul Lutfiyden miskin niyaznamasını.
Sawap penen alǵıs júz mıń duwa kerek bolsa.
Jámiy ǵázzeline taxmis
27-04-2010j.
Bilmedim janan qay kún, tánde janım boladı, Bar baylıǵım hám jáne qolda barım boladı, Sesti biyxush etiwshi, tilla tarım boladı, Bilmedim dildar qay kúni, mexribanım boladı. Maǵan sonday janajan aramijanım boladı.
Ayrılmadı sorlı bas páryad penen hám dattan,
Derek penen juwap joq sol bir jazılǵan xattan,
Aǵı-qarasın bilmey hayranda otqan zatpan,
Súyek boldı bul dene hájrinde soǵanda shadpan.
Iytleri ǵayzawǵa ermek, ústixanım boladı.
Qarawǵa qorqadurman kirpigi oq, qası káman,
Nigar qáhár-ǵázebi, hár nársedendur jaman,
Júrek bawrım paralap, qan ústine jáne qan,
Ot qalap janıma áy axım, meni jandır tamam.
Eger yarıma ayan daǵım, nixanım boladı.
Men bilsem sol sulıwdıń on tórt, on bes jası bar, At kótermes nazları mıń túrli jilwası bar, Ázázúl mákkarda joq, hiylesi, qılwası bar,
Naz benen jáwlan urıp, shıqsa eger ol shaxsuar. Daǵ bolǵan siynede, diy laxtaqanım boladı.
Ol Márǵılan shayısı, biz shala toqılǵan bóz,
Sonnan ol mensinbeydi, sonnan ol etalmas tóz,
Pátegine teńgermey, hám de bizge salmas bir kóz,
Bir esitsem, ol sháker láb, awızınan men dana sóz.
Usı sóz maxsharǵa deyin, zikri zibanım boladı.
«Xalın bilmey qurt kúser bul sorlı Qultay kewli», Qalmadı aqıl-xuwıshtan, páhim-parasat zeyini, Qanday jábir-japa berse, bere-bersin meyli, Ráhim áylep yar eger aytsa, iytimseń dep meni. Men sol aytqan kópek iyt, joqdur gúmanım boladı.
20