Qaraqalpaq estrada - qosiqlari

KEL BAǴLARÍMA

Sózi: S.Sırǵabaeva

Naması: A.Asqarov

Naz etip oynaǵanıń kózlerim bayladı ma? Júrekke jaylaǵanıń ot bolıp lawladı ma?

Ayǵa háwes , ay júziń qıyalımdı urlap tur, Aqshamları bir sezim qosıq jaz dep qıynap tur.

Dárt tolı sazlarıma, Úmitli tańlarıma, Baxıttan dárek berip, Kelshi baǵlarıma.

Ay sáwlesin shashqanda jáne oyǵa talaman, Kókte juldız ushqanda seni árman qılaman, Ayǵa háwes ay júziń qıyalımdı urlap tur, Aqshamları bir sezim qosıq jaz dep qıynap tur.

Dárt tolı sazlarıma, Úmitli tańlarıma, Baxıttan dárek berip, Kelshi baǵlarıma.

2016-jıl

160

ANAM-AW

Sózi: P.Dabılov

Naması: A.Asqarov

Dos-yaran bar dártim uǵar bende joq,

Ǵam láshkeri japırılǵan demde joq.

Sendey bolıp mehrin berer jeńge joq,

Payǵambarday sıyınǵanım kaabam-aw,

Súyengenim jalǵız ǵana anam aw.

Barlıǵımdı júregine kóshirgen,

Jan-dúnyamdı bir qarawdan túsingen,

Ne táǵdir ol kóz nurıńdı óshirgen?

Kóz aldımda solıp barǵan lalam -aw,

Súyengenim jalǵızǵana anamaw.

Kóp eken dım sınawlarıń, qudam aw,

Múmkin emes dawıllarǵa qulamaw,

Asqar tawım qulatıp bir jılattıń,

Endi buǵan múmkin emes jılamaw,

Súyengenim jalǵızǵana anam aw.

Kewli soqır nadanlar bar álemde,

Ot qoymaqshı tınısh háwli-háremge,

Zárreń qalmas bir gúl sınsa shámende,

Hásiret shekseń kókke jeter nalamaw,

Qálbińe keń dúnya sıyǵan anam aw.

Íǵbal qusı turmas eken turaqlap, Baratqanday kúnnen-kúnge jıraqlap, Húzirińe kelip turman soraqlap, Anamnıń kóz nurın qaytar Allam aw, Súyengenim jalǵızǵana anam aw, Mehriybanım jalǵızǵana anam aw.

2016-jıl

161

KEWIL

Sózi: I.Yusupov

Naması: B.Ótejanov

Kewil degen jaman zat, taw bolsam dep turadı, Náhánlikte hámmeden taw bolsam dep turadı, Kewil neni kúsemes, búrkit bolıp uyada,

Qus balası qonbaǵan qonsam deydi qıyaǵa.

Kewil degen jaman zat, dala bolsam deydi ol,

Qartayǵanda qaytadan bala bolsam deydi ol.

Qoy balası shóp otlap enapatqa semirer,

Kewil degen sonday zat: marapatqa semirer,

Kewil qusı yoshlansa juldızlarǵa ushar ol,

Kewil kózi jaslansa japalaqqa uqsar ol.

Kewil degen keńeyse - keń saraydıń ózi ol,

Kewil qurǵır taraysa - bir tebenniń kózi ol.

Kewil kúni qızdırsa tawdıń tasın jibiter,

Júreklerde muz tursa sol muzdıda eriter,

Kewil qurǵır muzlasa basqalardı tońdırar,

Kewil gúli jaynasa shólge bostan qondırar.

Aynadan qattı nárse joq - sál nársege sınar ol, Kewilden pátli dárya joq - sál jerdenaq tınar ol.

2017-jıl

162

KEL GÚLIM

Sózi hám naması: Á.Xojabergenov

Gúlim, seni qızǵanaman,

Júrek mende muzlamaǵan,

Kel, sulıwım, kel gúlim,

Nazlarıńdı qoymadıń,

Keliwińdi kóp oyladım,

Kel, sulıwım, kel gúlim.

Kel, kel, kel, kel,

Kel gúlim.

Saǵınıp sezimlerim,

Seni oylap ezilgenim,

Kel, sulıwım, kel gúlim,

Kelseń, yarım, jaynayıq,

Taǵdirimizdi baylayıq,

Kel, sulıwım, kel gúlim.

2018-jıl

BEGIS TEMIRBAEV

1978 - jılı 29 - iyun kuni Nókis qalasında dúnyaǵa kelgen.1999 - jılı óz dóretiwshiligin baslaǵan.

2009 - jılı Qarqalpaqstan Respublikasına xızmet kórsetkenartist húrmetli ataǵına iye bolǵan.

Hazirgi waqıtta Ózbekistan Respublikası Filarmoniyası Qaraqalpaqstan Respublikası bóliminde jumıs alıp barmaqta.

164

YOSH BER

Atlar qıyqıwǵa mútaj, Búlbúl bostanǵa mútaj. Shayır ilhamǵa mútaj, Azıraq yosh ber bizge.

Yosh degen jaman nárse, Kórmegenge tań nárse. Qosıq tıńlaǵıń kelse, Azıraq yosh ber bizge.

Yosh degen jaman nárse, Qórmegenge tań nárse. Onı samalǵa berse, Dawıl tınar sol gezde.

Yosh bergende neń keter? Bir kúlip baqsań jeter. Qapa kewlimdi kóter, Azıraq yosh ber bizge.

Yosh degen jaman nárse, Qórmegenge tań nárse. Qosıq tıńlaǵıń kelse, Azıraq yosh ber bizge.

Yosh degen jaman nárse, Qórmegenge tań nárse. Onı samalǵa berse, Dawıl tınar sol gezde.

165

Sózi: I.Yusupov

Naması: Q.Zaretdinov

2002-jıl

BUL JER ELE ZOR BOLADÍ

Sózi: I.Yusupov

Naması: Q.Zaretdinov

Siz benen biz mákán qılǵan,

Bul topıraqta bári de bar,

Egin eqseń órre turǵan ,

Shóplerinde dári de bar,

Tegin emes tuwǵan topraq,

Beze almaydı adam degen,

Tereń tamır urǵan daraq,

Watan degen, watan degen.

Watan degen-

Kindikten qan tamǵan jer, Watan degen-

Atamákán tuwgan jerWatan degen-

Siz benen biz mákán qılǵan, Qaraqalpaqstan bul.

Usı jerde ósip-ónip,

Qara shańaraq el bolǵanbız,

Awır miynetine kónip,

Islep qara ter bolǵanbız,

Dárya ele tolıp-tasıp,

Jaǵısına qaytar teńiz.

Sál azıraq sabır etiń,

Bul jer ele zor boladı!

2007-jıl

166

KERME QAS

Sózi: T.Seytjanov

Naması: A.Qayratdinov

Sen meniń súygenim,

Basımdı iygenim

Taǵı da súygenim, Íshqında, kerme qas.

Oynaqla tay qusap, Aq júziń ay qusap, Ózime say qusap, Ózińdi, kerme qas.

Birlikte jol bolsın,

Tilekte sol bolsın.

Shiyrin pal mol bolsın,

Lábińde, kerme qas.

Sen meniń yarım bol , Qálbimde barım bol. Tez túsin alım bol, Qasıńnan, kerme qas.

2007-jıl

167

GÚZGI SAǴÍNÍSH

Sózi xám naması: Z.Xalmuratov

Gúzgi saǵınıshlar biylep janımdı, Íshqımnıń bir pútin aynası sındı. Altın japıraqlar úzildi sońǵı, Kewlimdi muzlatadı gúzgi saǵınısh.

Ílay suw móldirep tınǵan sıyaqlı, Say boyında ol ele turǵan sıyaqlı. Tallar basın iygen qızday uyatlı, Júregimdi sızlatadı gúzgi saǵınısh.

Quslar qıyqıwlasıp qaytıp baratır,

Sensiz hár bir kúnim jıllarǵa tatır.

Sen ketken tárepten bir yar kiyatır,

Kewilimdi muzlatadı gúzgi saǵınısh.

Aytsam házir ándiyshemdi haqıyqat,

Sol kúnlerdi eslep boldım biytaqat.

Uwayımǵa salıp sátsiz muhabbat,

Júregimdi sızlatadı gúzgi saǵınısh.

2008-jıl

QARAQALPAQ TANGOSÍ

Sózi: B.Uzaqov

Naması: Á.Paxratdinov

Júz mıń jilwa menen qádemin atıp,

Gózzallıqtı álem boylap taratıp,

Nazıń menen sezimlerdi oyatıp,

Júregime qozǵaw salǵan sen,

Kewlimdi biylep alǵan qız.

Periyzatsań, teńsiz arıw qızsań,

Tawıstay dolanǵan,

Qolımdı sozsam sheksiz juldızsań,

Kewlimdi biylep alǵan.

Misli bir búlbúlmen shamensiz, gúlsiz,

Gáp aytayın desem qalaman tilsiz,

Gúzetemen tekte sırtıńnan únsiz,

Júregime qozǵaw salǵan sen,

Kewlimdi biylep alǵan qız,

Periyzatsań ,teńsiz arıw qızsań,

Tawıstay dolanǵan,

Qolımdı sozsam sheksiz juldızsań,

Kewlimdi biylep alǵan.

2008-jıl

INANBA

Sózi: K.Karimov

Naması: Sh.Tólegenov

Sózlerge inanba, sózler aldamshı,

Kózlerge inanba, kózler aldamshı,

Quyash bolıp baqqan júzler aldamshı,

Inan júregińe, inansań, janım.

Sóz benen súygenler pánt berip keter, Kóz benen súygenler telmirip óter, Shın ashıqlar ıshqı qádirine jeter, Inan júregińe, inansań, janım.

Báhárde kóz jarǵan japıraqlar jasıl,

Gúzde sarǵısh tartıp aylanar pasıl,

Sap ıshqı júrekte jasar muddasıl,

Inan júregińe, inansań, janım.

Bul dúnya ótkinshi , ótkinshi dúnya, Arzıwlarǵa tolı máwrit , hár saniya, Muhabbat tilsimli ájep márgiya, Inan júregińe, inansań, janım.

2010-jıl

170

DÚRKIN

Sózi: X.Dawletnazarov

Naması: S.Qosekeev

Báhárde nish urǵan jasıl súyriktey,

Quwǵanǵa jetkermes asaw júyriktey,

Shapqır jeyran kibi hesh oq tiydirtpey,

Jetinshi dúrkinde baratır bir qız.

Muhabbat baǵına qonǵan qusımnan,

Kóz jazıp qalarman, qalsam usınnan,

Jan alǵısh janarı janıp tusımnan,

Jetinshi dúrkinde baratır bir qız.

Sezimler jetelep hár yan júrgizip, Árman jaǵısında qıyal súrgizip, Muhabbat baǵına aldap kirgizip, Jetinshi dúrkinde baratır bir qız.

2012-jıl

BASQAǴA

QÍYALMAYMAN

Sózi: M.Tarixov

Naması: Q.Sultanov

Tıńla meni , háy gózzalım,

Bolǵayman men súygen yarıń,

Kelip turman men aldıńa,

Birge bolıwǵa bárqulla,

Aytıp muhabbat sırların.

Júrsek birge aylı keshte, Qollarıńnan uslap áste, Úlken baxıt meniń ushın, Lalazarda seniń ushın, Gúller tersem dáste-dáste,

Oylar oyımtek ózińseń,

Aytar sózim - tek ózińseń,

Súygen yarım tek ózińseń,

Basqaǵa qıyalmayman.

Júregime túsinbediń, Íqlasıma isenbediń,

Wáde berip kelmeseń de , Bostan-bosqa kóp kútsem de, Sonda da men hesh bezbedim.

Júrsek birge aylı keshte, Qollarıńnan uslap áste, Úlken baxıt meniń ushın , Lalazarda seniń ushın, Guller tersem dáste-dáste.

2013-jıl

172

DILBAR

Sózi: T.Abdijapparov

Naması: Sh.Tólegenov

Qumartıp qaraǵan qara kózleriń,

Júrekti eritken nazlı sózleriń,

Men ushın baxıtsań janım sen óziń,

Súydim júregimnen ózińdi, dilbar.

Talay tańlar ótti uyqısız atqan,

Seni dep ájayıp oylarǵa batqan,

Senlik muhabbatım tawsılmas dástan,

Arzıw-ármanımdı bilseńiz, dilbar.

Ómir bar, insan bar, muhabbat qalmas, Ómirge muhabbatol máńgi joldas, Hadal muhabbatsız baxıt ta bolmas, Meniń muhabbatım ózińseń, dilbar.

Qıynama , janım, sen súygen júrekti, ,

Biykar etpe arzıw-árman tilekti.

Báhár quslarınday sharıqlap kókke,

Bálentlerge

QANDAY SULÍW

SENIŃ KÚLGENIŃ

Sózi: S.Jetkerbaev

Naması: Sh.Tólegenov

Kewil ayna sındırǵıshpediń?

Sezimlerdi búldirgishpediń?

Búlk-búlk etip kúldirgishleriń,

Qanday sulıw seniń kúlgeniń.

Tábiyattıń báhári , jazı, Ómirimizdiń qosıǵı, sazı, Gózzallıqtıń jilwası-nazı, Bárinen de sulıw kózleriń.

Húr qızınday, háy, sahibjamal, Kirpigi oq , qasları káman, Eki quyash kórindi maǵan, Órteytuǵın shıǵar kózleriń.

Óńirinde eki tumarıń, Qaraybersem keter qumarım, Ápiw etkil bizdi nigarım. Dım sulıw-aw seniń kúlgeniń.

2017-jıl

TÁNHA ÓZIŃDI DEDIM

Sózi: S.Jetkerbaev

Naması: Q.Serimbetov

Qıya baǵıp kúlsen perishte bir húrseń, Qálbimde ashılǵan jalǵızǵana gúlseń.

Tánha juldızımsań ómir boyı izlegen, Baxıtqa bólegil kútpegen.

Tánha, tánha, tánha, tánha,

Tánha juldızım deymen,

Bárha, bárha, bárha, bárha,

Bárha juldızım deymen.

Qıyal aqshamında muhabbat baǵında,

Tek ǵana ózińdi kórermen janımda.

Tánha juldızımsań ómir boyı izlegen,

Baxıtqa bólegil kútpegen.

Tánha, tánha, tánha, tánha,

Tánha ózińdi ózińdi deymen,

Bárhá, bárhá, bárxá, bárxá,

Bárhá ózińdi deymen.

2017-jıl

INTIZARMAN

Sózi: K.Raxmanov

Naması: S.Jetkerbaev

Tún jamılıp kútip turman,

Kelerme dep ay barında,

Kózlerińe intizarman,

Muhabbattıń aydawında.

Órtense de júrek qansha, Samallarǵa aldanarman. Sholpan juldız uyqlaǵansha, Qıyallarım álwan-álwan.

Salmadaǵı aǵın suwlar, Sıńsıp kúlip atırǵanday.Keshewillep ushqan quwlar, Jalǵız meni shaqırǵanday.

Jaz samalı elpip esken,

Gáhi lázzet , gáhi árman.

Juldızlarday móltildesken,

Kózlerińe intizarman.

Órtense de júrek qansha, Samallarǵa aldanarman. Sholpan juldız uyqlaǵansha, Qıyallarım álwan-álwan.

2018-jıl

176

SAǴÍNDÍM

Sózi hám naması: Á.Xojambergenov

Janım desem otqa meni jaqqanıń, Izlep-izlep bir ozińdi tapqanım, Shara barma súymeytuǵın jureklerge? Ne qılsam da, janım, saǵan jaqpadım.

Saǵındım, saǵındım,

Saǵındım, saǵındım,

Saǵındım, saǵındım,

Gúlim ózińdi.

Meni, gúlim, súyip júrgeniń qayda?

Meniń kewlim sende, seniki ayda.

Táǵdirime jazılǵanı bar shıǵar,

Sirá meniń qolım jetpeydi ayǵa.

Saǵındım, saǵındım,

Saǵındım, saǵındım,

Saǵındım, saǵındım,

Janım ózińdi.