Qaraqalpaq estrada - qosiqlari

BARALMADÍM

Sózi hám naması: A.Allambergenov

Muhabbat baǵındaǵı sayraǵan búlbúl edim,

Sol baǵdaǵı qızıl gúllerden saylaǵanım sen ediń, Sayrayın búlbúl bolıp, janım, qapa kewlińe, Saǵınarsań qosıǵım, tıńla, qapa bolma súygen yarıńa.

Baralmadım qasıńa, baralmadım,

Toyalmadım júzińe, janım, qarap toya almadım. Baralmadım qasıńa, baralmadım,

Saǵınarsań qosıǵım tıńla, qapa bolma súygen yarıńa.

Telmirip qarap turǵan kózlerińdi saǵındım, “Súydim seni, janım” degen sózlerińdi saǵındım, Kettiń be kózińe jas alıp artıńa qaray almay,

Jılama, súygenim, jılama, keshir janım, keshir meni.

1997-jıl

120

AHÍW-ZARÍM

Sózi: A.Allambergenov

Naması: F.Xidirov

Men súyengen ahıw-zarım,

Janımda bolmasań bolmas.

Jollarıńa qarap seniń,

Saǵınıshım oydan talmas.

Ahıw-zarım, ahıwzarım,

Janıp ıshqıńda men jandım.

Bul diydarıń periy yańlı,

Súyikli yarım.

Qıyalımdı biylep árman,

Men gezermen baǵlarıńa,

Gúller bersem shın kewlimnen,

Alarmısań qollarıńa ?

1998-jıl

NAZÍŃNAN

Sózi hám naması: A.Allambergenov

Meni hayran etken kızsań,

Qıyalımdı alǵan qızsań.

Tańda atqan quyash kibi,

Sulıwımsań, sáwer-yarımsań,

Qáddi -qáwmetińe jarasqan,

Nazlarıńnan seniń.

Nazıńnan, nazlarıńnan,

Qıyılǵan qaslarıńnan,

Kewilimdi hayran etken,

Sayraǵan sazlarıńnan.

Kewlim yoshıp qosıq aytsam,

Kúlim qaǵıp nazlanarsań.

Sayran etsem baǵlarıńda,

Qıya-qıya baǵarmısań?

Quyash nurlarınan qamasqan,

Júzlerińnen seniń.

1998-jıl

122

ESLEP TUR MENI

Sózi hám naması: A.Allambergenov

Muhabbat qosıǵın sazǵa salayın, Ótken kúnlerimdi eske alayın.

Seniń súygen qosıqlarıń bolıp qalayın, Qaylarda bolsań da eslep tur meni.

Geyde kewlim tasıp, geyde muńayıp, Izleymen baxtımdı izime qaytıp,

Keshir janım, men bilmedim, ózimde ayıp, Sonda da jolıma qarap eslep tur meni.

Keter boldım sennen uzaq izge qaytalmay, Qalarsań sen óz baxtıńdı qaytara almay. Ishki sezim - sırlarıńdı maǵan aytalmay, Jalǵız qalǵanıńda, janım, eslep tur meni.

Bul kúnlerde óter aylanıp kelmes, Kewlimnin azapların bir bende bilmes. Bul keń dúnya kózlerime tar bolar sensiz, Kewlim saǵınǵanda eslep tur meni.

JIGIT SÍRÍ

Sózi hám naması: A.Allambergenov

Sıyqırlanǵan júregimdi qıynaysań, Sezbediń be, sezbediń be, yarım?

Názik seniń kewilińe, endi qanday sóz tabayın? Aytalmasam ashıqlıǵımdı.

Gózzallıqlarǵa tolǵan ájayıp keń dúnya, Sırlı názerlerge tolǵan júzi shırayıńa,

Qara qumay kózlerińe endi qanday sóz tabayın? Aytalmasam ashıqlıǵımdı.

Ashıǵıńman jamalıńa, gózzalım, Júzlerińe, sózlerińe, yarım,

Aqlım hayran tek ózińe, endi qalay yar bolayın? Aytalmasam ashıqlıǵımdı.

2000-jıl

124

MEHRIYBANÍM

Sózi hám naması: A.Allambergenov

Óziń súymey súymegenge nesiyp eterseń, Óziń menen kóz jasımdı alıp keterseń. Mennen uzaqlasıp júregimdi tilerseń, Mehriybanım, seni qıymayman.

Dártke tolı kózlerimde kelbetiń qalǵan, Íshqı otına sarǵayıp júzlerim solǵan,

Janım, sonsha kúnler kórmey seni saǵındım, Mehriybanım, seni qıymayman.

Qollarımnan ushar baxtım jete almaspan,

Májbúrlep ózimdi hasla jubata almaspan.

Seni qalay umıtayın umıta almaspan,

Mehriybanım, seni qıymayman.

2009-jıl

BIR KÚN

Sózi: M.Naǵmetullaev

Naması: A.Allambergenov

Sennen uzaqlarǵa ketsem de, janım,

Mennen gúder úziwge asıqpa, janım.

Saǵınısh jas tolı kózińe qarap,

Diydar sharabınan qanarman bir kún.

Ayralıq azabı júrekke batıp,

Kúnler óter jáne tańlarım atar,

Miyrimsiz waqıtlar, ótse de jıllar,

Kelip esigińdi qaǵarman bir kún.

Sensiz men ótkizgen uyqısız túnler, Mensiz júrek dártińdi biler me kimler? Jaqın qaldı janım biz kútken kúnler,Seni qushaǵıma basarman bir kún.

Lábime tiygizip jazǵan xatıńdı,

Qosıǵıma sazǵa salıp atıńdı,

Isenim, úmit hám muxabbatımdı,

Aldıńa ákelip jayarman bir kún.

Kelip esigińdi qaǵarman bir kún!

2013-jıl

126

BOLAYÍN

Sózi hám naması: A.Allambergenov

Aq quwday bir periydi kórip qaldım,

Qaramıq kózleriń menen biylep aldıń,

Músindey kelbetińe berdim barlıǵımdı,

Kiyiktey kelbetli qızdı súyip qaldım.

Bolayın bolayın, Kewlińdi qalay tabayın? Qáddi-qáwmetińe men, Qurban bolayın.

Sın-sımbatıńa kóz tiymesin hasla,

Qáddi-qáwmetińe men qurban bolayın,

Kún kibi kúlimlegen gúldey jaǵımlı ózi,

Kiyiktey kelbetli qızdı súyip qaldım.

2014-jıl

BASQASHA

Sózi: T.Uzaqbergenov

Naması: T.Dosjanov

Awıldı shańǵıtqan balalıq shaǵım,

Eglenbes-eglenbes waqıt qas - qaǵım,

Nákasqa aylanıp atar tasların,

Keshegi dos-yaranlar búgin basqasha.

Jıǵılgan jańalar, sınǵan dúzeler,

Nadanlar kórkeyse kókti gózeler,

Jamanlar aldında jaqsı dizeler,

Keshegi kórgenimnen búgin basqasha.

Basqasha , basqasha, sira basqasha,

Tili ózge sóyleydi, dili basqasha,

Basqasha, basqasha, ómir basqasha,

Aldamshı bul ómirde bari basqasha.

Jamanlar dástinen názeriń sınar,

Sındırmay qoymas aw, sındırıp tınar,

Arzıwlar ármanlı kózimdi jumar,

Boladı sol gezleri bari basqasha

Mayısar janımnıń názik talası,

Wayrana megzeydi qálbim qalası.

Bunsha tez ózgerer adam balası?

Keshegi kórgenimnen búgin basqasha.

2015-jıl

128

ASHÍQPAN SAǴAN

Sózi: T.Uzaqbergenov

Naması: T.Dosjanov

Íshqı kamal ettiń qálbim qalasın,

Sezdim saǵan kóp jigitler talasın,

Kórkiń biyhush eter adam balasın,

Mende kóp qatarı ashıqpan saǵan.

Órtener qızǵanısh órlese boyǵa,

Sen bolsań almayman heshkimdi oyǵa, Bir shiyrin kúlkińdi keshegi toyda, Baǵıshlap ketkendey kórindiń maǵan. Mende kóp qatarı ashıqpan saǵan.

Ashıqpan saǵan, kórinip maǵan, Jaslıq qálbim menen ashıqpan saǵan, Árman perisindey kórindiń maǵan , Kórindiń, , ashıqpan saǵan,

Árman perisindey kórindiń maǵan Men de kóp qatarı ashıqpan saǵan.

Aqıldan azdırar kelbetiń, kórkiń,

Sezim jetegine baylandı erkim,

Meni on segizdegi jigit dep biler kim?

Jaslıq qálbim menen ashıqpan saǵan.

Balalıǵım gózzal bostan baǵıma, Qıyal tartar óziniń bilgen jaǵına,

Bir zum qaytqım keler jaslıq shaǵıma. Árman perisindey kórindiń maǵan, Mende kóp qatarı ashıqpan saǵan.

2015-jıl

129

AŃLADÍM

Sózi: T.Uzaqbergenov

Naması: T.Dosjanov

Ańladım, ey kewil, qalmas sharasız,

Dúnyanıń aqıyrın yalǵan ańladım.

Sózimdi túsinbes aqıl-sanasız,

Bul bes kún ómirimdi árman ańladım.

Bayaǵı sárháwiz qaldı tartılıp,

Qálbimde mıń táshwish hásiret artılıp.

Til qaldı sóylewge tursam tartınıp,

Kewlimdi tabıwdı endi ańladım.

Tınımsız dúnyada bolmaydı neler, Mártebeń jıǵılsa doslar ózgerer, Sońında bir-birin kóralmay óter, Ómirde kórgenim dárman ańladım.

Hár dayım haqıyqattıń juwabı biyik,

Yalǵan dos insanlar janıma tiyip,

Aytayın bir ómir doslıqtı súyip,

Sózimdi doslıqqa qırman ańladım.

2015-jıl

130

TANÍDÍM

Sózi: B.Ábdikarimov

Naması: X.Tólegenov

Ómir táshwishinen biraz sharshaǵan,

Ay júzińe ájim túsip baslaǵan,

Saǵınıshtan muńlı názer taslaǵan,

Sol bayaǵı kózlerińnen tanıdım.

Tanıdım, tanıdım,

Sol bayaǵı kózlerińnen tanıdım.

Qıya baǵıp qálem qastı kergende, Siz bayaǵı sol qızbediń degende, Bastı iyzep, kúlim shıray bergende,

Mıyıq tartıp kúlgenińnen tanıdım.Tanıdım, tanıdım,

Mıyıq tartıp kúlgenińnen tanıdım.

Hesh qanbaǵan muxabbatqa miyrimi,

Saǵındım dep sıbırladı erini,

Esletkendey ertektegi perini,

Sulıwǵana jamalıńnan tanıdım,

Tanıdım, tanıdım,

Sulıwǵana jamalıńnan tanıdım.

Sezimińe dál qaǵılǵan qazıǵım,

Júrek ushın bir ómirlik azıǵım,

Shın súygenim bálkim meniń jazıǵım,

Sol ushın da bir kórgennen tanıdım,

Tanıdım, tanıdım,

Sol ushın da bir kórgennen tanıdım.

2017-jıl

131

QÁDIRLE

Sózi: T.Uzaqbergenov

Naması: T.Dosjanov

Qara bult qaplaǵan kókti túnerip,

Ishki ıza keler maǵan teń erip,

Saǵınsamda qıyalımnan elesin,

Áste-áste barar janım gónerip.

Yarıń bolsa ózgelerden alma gúl,

Qapa bolma opasızda bar ma dil?

Azar berip súygenine búgingi,

Aspan kibi kóz jas tógip qalmaǵıl.

Qádirle, qádirle, qádirle,

Bul ómirde súygenińdi qádirle, Qádirle, qádirle, qadirle,

Ómir boyı súygenińdi qádirde.

Isenemen meniń ushın bar baxıt,

Qaramayman sonda saǵan párwa qıp,

Bul ómirde qıynalmawdıń bir jolı,

Súygenińdi qádirley bil hár waqıt.

Súyemen dep meni nege aldadıń?

Muxabbattıń qıya salıp qarmaǵın,

Qıyın eken óziń taslap ketkensoń,

Men ózime qayta kele almadım.

2018-jıl

132

“JIGITLER” TOPARÍ

“ Jigitler ” toparı 2001 - jılı dúzilgen bolıp, sol jılı óz dóretiwshiliklerin baslaǵan.

BAXTIYaR ESEMURATOV

1979 - jılı 19 - mart kúni Nókis qalasında dúnyaǵa kelgen.

2008-jılı Qaraqalpaqstan Respublikasına xızmet kórsetken artist húrmetli ataǵına iye bolǵan.

Xázirgi waqıtta Ózbekistan Respublikası filarmoniyası Qaraqalpaqstan Respublikası bólimi direktorı lawazımında jumıs alıp barmaqta.

ÁJINIYaZ PAXRATDINOV

1978 - jılı 23 - mart kúni Nókis qalasında dúnyaǵa kelgen. Házirgi waqıtta Ózbekistan Respublikası filarmoniyası

Qaraqalpaqstan Respublikası bóliminiń kórkem basshısı lawazımındajumıs alıp barmaqta.

EDILBAY AKIMOV

1979 - jılı 13-martta Shımbay rayonında dúnyaǵa kelgen. 2020 - jılı Shuxrat medalı menen sıylıqlanǵan.

Házirgi waqıtta Ózbekistan Respublikası Filarmoniyası Qaraqalpaqstan Respublikası bólimi “ Muxalles ” duwtarshılar ansambilinde baqsı lawazımında jumıs alıp barmaqta.

133

Xalık tolǵawı

2002-jıl

ATA JURTÍM

Táriypiń ullı dástan,

Sóz etsek áwel bastan, Shejireń adam atadan, Qaraqalpaq ata jurtım.

Xalqım abat el bolǵan, Márt atanıp taq turǵan, Ul-qızı márt tuwılǵan, Dańqım bálent ata jurtım.

El baslar bilimdanım, Abat xalqım mákánım, Qollaǵaysań, ya Rábbim, Ana watan el-jurtım.

Tórt máwsim - ırısqısı, Miynet isler jaz - qısı, Qozǵalmay el shırısı, Ullı jurt ata jurtım.

Jiyen jıraw, Ájiniyaz, Kúnxoja, Berdaq, alǵır baz,Sóz aytsa qıs boldı jaz, Táriypiń ullı jurtım.

Gúllenip jer, kógergen, Ótkinshi kósh shógirgen, Sawdıraǵan kewli keń, Qaraqalpaq ata jurtım.

136

Sózi: T.Qálliev

Naması: K.Asqarov

2002-jıl

KEL DOSLAR

Sózi: T.Qálliev

Naması: Á.Paxratdinov

Dúnya qanday gózzal, sulıw tábiyat,

Kel, doslar, gúlbaǵdan gúller tereyik,

Eldiń tınıshlıǵı bárinen zıyat,

Bul shadlı zamanda oynap, kúleyik.

Aytılsın qosıqlar jáhándi boylap, Sazlı hawaz alsın álemdi jawlap.

“Doslıq” dep atalmısh gúlsheńber bawlap, Siz bolıp, biz bolıp jaynap júreyik.

Aydın keleshekke jollar ashılǵan, Bir bólek ózgeshe nurlar shashılǵan, Aqıl jastan bolsa , altın hasıldan, Úmit arǵımaǵın ertlep jeleyik.

Jaslıq óter qayta izge aylanbay,

Bir kelgen máwritke hámme xayranday, Qol uslasıp birge júrip sayranlay,

Aydın keleshekti barıp kóreyik.

2005-jıl

137

NÓKIS

Sózi: T.Qabulov

Naması: Q.Berdaqov

Nókis - názik nama, qanatlı qosıq,

Aytqan sayın aytqıń keledi yoshıp,

Baǵlar gúl-gúl jaynar búlbúller sayrar,

Nama ırǵaǵına sulıwlıq qosıp.

Nókis - gózzal sháhár , nawqıran qala, Átirapı átir jaynaǵan dala,

Tábiyattıń sulıw jerlerin qorǵap,Saǵan sadıq perzent bolamız bárhá.

Tolqınlanıp turar ana tábiyat, Quslar ál - hawada áyleydi páriyad, Bir jaǵında dárya, bir jaǵında baǵ,

Gúl gúline qonǵan naǵıslarday tap.

2007-jıl

138

OYNA,

GÓZZAL

Sózi: A.Óteniyazova

Naması: Á.Paxratdinov

Qıpsha beller, barmaqlar, Írǵaq berer boyıńa, Qas-kirpikler qaǵılıp, Qosıladı oyınǵa.

Shır-gúbelek aylansań,

Sharqı-pálek aylanar,

Bir óziń toy-bayramsań,

Kózler jipsiz baylanar.

Qaytalanbas bir dáwran,

Jaratasań oyınnan.

Nazlarıńa zar qılǵan,

Oyınıńa qayılman.

Shaqıldaqlı barmaǵıń,

Shaqırǵanday ózińe.

Múshkil uslap almaǵım,

Bir baqpasań kózime.

Oyna , gózzal, sharıqlap,

Tuwlap-tuwlap yosha ber,

Uqsap altın balıqqa ,

Yosh-ilhámdı qosaber.

Jeyran kibi ótkeniń,-

Jigitlerdiń dáwranı,

Saǵan qolı jetkenniń ,

Bar ma eken ármanı?

2007-jıl

139