Qaraqalpaq estrada - qosiqlari

GÚLNARA MUNTEEVA

1965 - jılı 23 - aprel kúni Nókis qalasında dúnyaǵa kelgen.1981 - jılı óz dóretiwshiligin baslaǵan.

1994 - jılı Qaraqalpaqstan Respublikasına xızmet kórsetkenartist 2019 - jılı Qaraqalpaqstan Respublikası xalıq artistihúrmetli

80

ESLEP JÚR

Sózi: H.Dáwletnazarov

Naması: Q.Hilalov

Júregimde kópten beri bir túrli halat,

Oylarım shırpınısıp qaǵısar qanat.

Sen bir kóz jaslı dártli muhabbat,

Eger esley alsań meni eslep júr.

Bálkim umıtqansań, bálkim yadıńda,

Men tentene boldım ıshqı baǵıńda.

Jasap qalǵım keler kewil baǵında,

Eger esley alsań meni eslep júr.

Oylasam gúl paslı báhár kelgende,

Qıyallar sharshatıp táshwish engende.

Janım, seni izlep tánim ólgende,

Eger esley alsań meni eslep júr.

1991-jıl

ÁMIW GÚLI

Sózi: G.Nurımbetova

Naması: Q.Hilalov

Ámiwdiń boyında ósken gúl bolsam, Tınıshlıq qoynında atsa tańlarım.

Xalqımnıń kewline qosıq bop qonsam,

Meniń sonda iske asar jalǵız ármanım.

Keń paytaxt elim bar Qaraqalpaqta,

Tuwılǵan jeri bul shayır Berdaqtıń,

Miymandos eli dep atalar jerin,

Kewilden táriyplep sózlegim keler.

Ómirge kelgenmen náwshe gúldey bop, Kózimde tursa da móldir tamshılar, Elim meniń óziniń keń qushaǵında, Erkin ósken gúlmen men tuwılǵan jerim.

2001-jıl

82

ANA JER

Sózi: A.Óteniyazova

Naması: Q.Hilalov

Keń peyillik kelbetińe,

Qas qoyǵanday jarasadı.

Qaraqalpaqtıń perzentine,

Dúnya tań bop qarasadı.

Qaraqalpaq mártler eli,

Quyash súygen sahrayı el.

Aydın bolǵay keleshegiń,

Sizge tájim, ey Ana jer!

Táriyplesem kúsh bop maǵan,

Qıyalımda balqıp tursań.

Bir qızıńman ata mákan,

Tawsılmaǵan qosıǵımsań.

2002-jıl

DÚNYA

Háyyiwlerdiń ırǵaqlarınday, Duwtarlardıń jipek tarındayÓmir dárya aǵadı tınbay,

Jaqsılıqtan jaralǵan dúnya.

Dúnya jaqsılıqtan jaralǵan dúnya

Ómirlerge sewip nurlarıńdı, Jaqsı niyet bezer qırlarıńdı. Yoshqa bóler ul hám qızlarıńdı, Jaqsılıqtan jaralǵan dúnya.

84

Sózi: A.Óteniyazova

Naması: Q.Hilalov

2002-jıl

KÚTERMEN

Sózi: G.Dáwletova

Naması: K.Ikmetullaev

Qálbimniń kózi bar bir sırdı ańlar,

Bayqamaydı emes sezimge jan bar.

Saǵan sıńarlastay jilwalı tańlar,

Men seni saǵınıp kútermen, janım.

Báhár samalları ópse júzimnen,

Sıydamlanıp sabır - taqat, tózimnen,

Juldız jansa kózim be dep súzilgen,

Men seni saǵınıp kútemen, janım.

Kórinbeseń gúńgirt tartıp átirap,

Bozǵı duman tartıp qalar tunjırap,

Kewlimnen sen ketegórme sál jıraq,

Men seni saǵınıp kútemen, janım.

2003-jıl

SAǴÍNAMAN

Sózi: G.Dáwletova

Naması: Q.Hilalov

Gezgende baǵlardı búlbúl sayraǵan,

Jaslıq dáwran eske túser qaytadan.

Jawdırap kózleri gúldey jaynaǵan,

Qara kózli súygenimdi saǵınaman men.

Kelbetiń mórlengen yadımda meniń,

Bir qulaq salmadıń dadıma meniń.

Tırnalar eline qaytsa dizilip, Qarayman izinen kózim súzilip, Qıymaslıqtan júrek júrek ezilip,

Qara kózli súygenimdi saǵınaman men.

2004-jıl

86

TUWǴAN JER

Sózi: A.Óteniyazova

Naması: U.Abdullaeva

Súrme bolǵan shın perzentlik kózlerge,

Xosh iyisli seniń altın topıraǵıń.

Shıray berer gúl kórkińe, dúzlerge,

Hár bir giyań, hár bir gúliń japıraǵıń.

Tuwǵan jer,

Elim meniń ana topıraǵım meniń, Tuwǵan jer,

Óziń ullı miyras babalarımnan.

Ámiwdáryam anamdayın áziyzim, Saǵındırar alıslasam azǵana,

Óziń deyip tolıp-tasar bir sezim, Tuwǵan jerim almaspayman basqaǵa.

2006-jıl

JIGITLER

Sózi: A.Óteniyazova

Naması: Q.Serimbetov

Badıraq kózlerińiz, Suq názer júzlerińiz, Gezlessem albıraysız, Ídırap sózlerińiz.

Kózińiz túsip ketse,

Izimde tentenesiz.

Qıyalım meniń kókte,

Qay biriń teń kelesiz?

Hey, jigitler, qaramań,

Kewlim meniń awlamań.

Meniń súygen yarım bar,

Mánzilimdi soramań,

Názikli ashıq jolı, Túnleri ayǵa tolı, Eger mıń bolsańızlarBárińe jeter qolım.

Ózim, bir ózim ayman Namártke tabılmayman. Qádirlep qásterlegen, Bir mártke buyırǵayman.

2006-jıl

88

XALQÍMA MEN ASHÍQPAN

Sózi: M.Naǵmetullaev

Naması: Q.Zaretdinov

Baxıt qusın uslaǵan xalqıma men ashıqpan, Men de baxtımdı taptım saxna menen qosıqtan. Aytqan qosıqlarımdı baylıǵım dep bilemen, Tilegimde januyam jannan artıq kóremen.

Meni gúlge bólegen minnetdarman xalqıma,

Qálbinen baha bergen azı kem talantıma,

Xızmet saparǵa shıqsam asıǵaman qaytıwǵa, Gúlnaraman elimde hájeti joq aytıwǵa, Doslıq tilimde qosıqtı sazǵa qosıp aytaman, Taj berse de basqa elde Qárekeńe qaytaman.

2009-jıl

SHAŃARAQ

Sózi: M.Naǵmetullaev

Naması: K.Zaretdinov

Sende tuwǵan insan ushın,

Sen kiyeli topıraqsań.

Qaraqalpaq - ata tegim,

Negiz salǵan shańaraqsań.

Aytaberse áwel bastan,

Tariyxıń bar tilde dástan.

Shejireńdi tawsalmaspan,

Baba miyras shańaraqsań.

Tatıw-tatlı turmıs qurǵan, Aǵa-ini qarındassań,

Qız uzatıp, kelin alǵan, Ónip-ósken shańaraqsań.

2010-jıl

90

ÁRMANLARÍM

Sózi: M.Naǵmetullaev

Naması: Á.Temirbaev

Qálbimdegi ármanım meniń,

Qushaǵıńnan alıslap men ketermen.

Sen diydarıma toyalmastan,

Saǵınıp, sarǵayıp sen jasarsań.

Ańsaǵan ármanlarım,

Baǵıńa baralmayman.

Jeter aw jalǵanlarıń,

Júrekte qaldı daǵıń.

Bul dúnyada ayralıq jaman,

Muhabbatım bolmaǵay da jalǵan,

Bahıtlı bol, jasa sen aman,

Dep soranaman men bir Alladan.

2013-jıl

SENI IZLEYMEN

Sózi: Á.Qurbaniyazova

Naması: U.Abdullaeva

Aqsham juldızlardıń gúmis nurınan,

Qızlarǵa tán názik sezim sırınan,

Shayırlardıń mıń san tatlı jırınan,

Seni izleymen.

Ay jalǵız quyashta jalǵız aspanda, Arnamısım aydanda bálent haslında, Átirap jasıl jarǵanda báhár paslında, Seni izleymen.

Appaq qar ústinde qalǵan izlerden,

Kózińde saǵınısh nurlı júzlerden,

Qayǵı hám kuwanısh pitken sózlerden,

Seni izleymen.

Gúzde gúl ashılmas oǵan ne shara, Ármanlı júrekte ókinish jara, Tańdaǵı saǵımday elesler ara, Seni izleymen.

2018-jıl

92

ELE MEN

Sózi: M.Jumanazarova

Naması: Á.Xojambergenov

Sen sezbeseń ele men,

Túslerińe enemen.

Hár jıl sayın qaytadan,

Báhár bolıp kelemen.

Ele meni izleyseń,

Shólde segbir tartıp sen.

Hátte óziń sezbeyseń,

Hijran bolıp kelemen.

Saǵınadı kózler,

Sen kelmediń izlep.

Meni de bir eslep,

Kelmegeniń be?

Kárwan kóshse tusıńnan, Ótse dáwran basıńnan, Doslar qashsa qasıńnan, Hámdárt bolıp kelemen.

Jay alıp kewliń tórinen,

Aǵla shıǵıp bárinen,

Bir bir ushıp kózińnen,

Túslerińe enemen.

2019-jıl

93

JALǴAN SEZIM

Sózi hám naması: Á.Xojambergenov

Wádeleriń qansha, sırıńdı kóp ashpa,

Bilinip tur kózlerińnen seniń,

Alıs kúnler kayda, jetermedi ayda,

Qádirli insanım ediń meniń.

Júrekti jawladıń, Nege kóp aldadıń?

Sharshadım , sharshadım sennen.

Jalǵan sezimlerge, aldamshı kózlerge,

Bolmas wádelerge taqat joq.

Júrekti jawladıń nege kóp aldadıń,

Sharshadım,sharshadım taqat joq.

Jaqsı kórgenińde bulay bolmas edi,

Negedur saǵındım biraq seni,

Kewlim tolmadı isenim qalmadı,

Maǵan degen sezimińde seniń.

SHÍRAZ NURATDINOV

ShAYXANA

Sózi hám naması: Sh.Nuratdinov

Shayxananıń kósheleri tar eken,

Tar kóshede qız-jigitler bar eken

Qárekeńniń jigitleri qızları,

Shayxanalı qosıqlarǵa zar eken.

Shayxana gózzal shayxanam,

Gózzal shayxanam, Shayxana meniń shayxanam, Gózzal chayxanam.

Shayxanada oynap-ósken balaman, Qosıq aytsam quwanıshqa tolaman, Aynalayın, aynalayın, doslarım,

Men ózimde shayxanadan bolaman.

1991-jıl

96

OYLAN, DOSTÍM

Sózi hám naması: Sh.Nuratdinov

Sol gezde jalǵız edim, aldıma óziń keldiń,

Jas tolı kóziń menen súygenim óziń dediń.

Sensiz maǵan ómir joq, keshirshi, keshir dediń, Júrekti eljiretti sol bir sóziń.

Oylan, dostım, men ketemen sen qalasań, Oylan, dostım, mendey dostı qaydan tabasań? Oylan ,dostım, tek sen ushın seni dedim, Oylan , dostım, sońınan óziń janasań.

Quslarday párwaz etip alısqa ushar edim, Ushırasıp aylı túnde belińnen qushar edim, Muhabbat juldızların sanasıp sırlasqanda, Juldızımdı tapqanǵa usar edim.

1991-jıl

KLASLASLARÍM

Sózi hám naması: Sh.Nuratdinov

Jeti jastan uqsap egizge,

Mektepke qatnadıq biz birge,

Doslarım xoshlasqısı kelmey,

Toǵızınshını pitkerer gezde,

Xoshlasıw keshesin ótkerip,

Attestat qolǵa alǵanımızda,

Ustazlarımız da bizge hayran,

Erjetip qalǵanımızǵa.

Klaslasslarım, saǵınıshlarım, Xoshlasqım kelmeydi, meniń doslarım.

Kózimdegi quwanısh jasları,

Keshirińler eger bolsa ayıp,

Sonda da,sonda da, doslarım,

Jılamay-jılamay xoshlasayıq.

1995-jıl

98

SÍNSHÍLARÍM

Sózi hám naması: Sh.Nuratdinov

Sınshılarım, sınamańlar meni kóp,

Bul dúnyanıń aytatuǵın jeri kóp.

Jaz dep júrek hámir etken qolıma,

Al júrektiń onnan basqa emi joq.

Dúnya jalǵan artıńızdan atadı,

Sen miynet et, al ol mayǵa batadı.

Qıyametlik dostıń bolıp júrse de,

Gez kelgende sırtıńızdan satadı.

Dúnya jalǵan, haqlıǵına isenbe,

Pulım bar dep mardıyma sen, kúshenbe,

Dáwlet ketip baxtıń taysa basıńnan,

Taslap keter hátte tuwǵan shesheń de.

Birewler bar: pulım joq dep jılaydı,

Birewler bar: nan tabalmay qulaydı.

Birewler bar: pulı da bar, nanı da,

Izde qalar ulım joq dep jılaydı.

Birewler bar sholaq bolıp jaralǵan,

Qolsız bolıp oyıp gilem toqıydı,

Birewler bar soqır bolıp jaralǵan,

Kózsiz bolıp kózlilerdi shoqıydı.

Birewler bar maqtap seni kózińshe,

Kózin qısıp qaptalǵa der ózinshe.

Tósegen tósegin dárriw jıynaydı,

Esikten shıqpay - aq dárriw izińshe.

Adam tuwılǵan kúnlerin asıǵıp, Kúter eken doslar menen másirip, Ómirińniń bir jılın ótkenin, Jalǵan dúnya turar sennen jasırıp.

99