Qaraqalpaq estrada - qosiqlari

QAYDASAŃ, YAR?

Ájiniyaz sózine Naması: S.Qosekeev

Íǵbal tilep áwel bastan, Qayırqomlıq bolıp jastan, Kúndey kúlip kewil qosqan, Wáde bergen yar qaydasań?

Ómir gúlimkewil toǵım, Júregime salǵan shoǵıń. Kórmey sónbes janǵan otım, Qádirdanım, sen qaydasań?

Sen ushın gezdim dúnyanı,

Ziywarıń bolmay payanı,

Taqat etpey shiyrin janı,

Kewil xoshım yar qaydasań?

2007-jıl

60

SEN BOLMASAŃ

Sózi: M.Jumanazarova

Naması: S.Qosekeev

Qıs ayazı tońdırmas meni,

Jazı kúyip jandırmas meni,

Hesh pasılda máni joq, máni,

Sen bolmasań.

Yalǵanshı qoynına alajaq, Ármanlar ádira qalajaq.

Seni mennen júdá qılajaq, ańlasam, Sen bolmasań.

Qosıǵım da, sazım da óziń, Alǵır suńqar bazım da óziń,

Ókpe – giyne, nazım da óziń, oylasam, Sen bolmasań.

2007-jıl

QÍZLARÍMDÍ QÍZǴANAMAN

Sózi: G.Nurlepesova

Naması: A.Saparova

Qızlarımdı qızǵanaman jat kózlerden,

Janǵa jaysız tiyetuǵın gáp-sózlerden.

Tap ózimnen ózge jannıń bári jawday,

Qızlarımdı tasalayman ózgelerden.

Ushıǵanıń qıyqımınday hár qızımdı, Álpeshleymen mápeleymen hár qozımdı. Qızlarım bolsın deymen naǵız qızday, Aspanda kózdi tartqan shoq juldızday.

Qız ósse eldiń kórki, sawlatı ol,

Ata-ana el xalqınıń dáwleti ol,

Tumaris ,Qumar ana,Gúláyimdey,

Qızları elimizdiń áwmeti ol.

Qızlarım bolsın deymen sonday qızlar, Álemge nur taratqan tańday qızlar. Hár kimge óz balası ay kóriner,

Maǵan da óz qızlarım ayday qızlar.

Sonlıqtan qızǵanaman jat kózlerden,

Janǵa jaysız tiyetuǵın gáp –sózlerden.

Keshiriń kewlińizge tiyip alsam,

Qızlarımdı qorǵayman dep ózgelerden.

2008-jıl

62

YARÍ

BOLSA

Ájiniyaz sózine Naması: Á.Paxratdinov

Hár kimseniń yarı bolsa,

Qıyalıńdı aytpay bilsin.

Sóyler sózi bolıp shiyrin,

Ózi turıp kózi kúlsin.

Janıń alsın jállad kózi,

Xosh múláyim bolsın ózi.

Seniń sóziń-onıń sózi,

Misli gúl kibi shırmalsın.

Yarı bolsın xumay kibi,

Kewli bolsın saray kibi.

Yuzi bolsın hám ay kibi,

Xaksuniydiń ózi bolsın.

Sanı yoq bolsın qılıgı Jurttan ótsin zeyinligi, Anıń álpayımlılıǵı, Misli sánem kibi bolsın.

2010-jıl

63

KESHIRE ALMADÍM

Sózi: G.Dawletova

Naması: E.Akimov

Kórinsem de ármanım joqtay, Seniń dártiń qadalǵan oqtay. Órter jandı kúydirgen shoqtay, Hazarın óshire almadım.

Ármanlardıń bawrı qamıldı, Arzıwlar ılaǵıp shabıldı. Aspanımda shaqmaq shaǵıldı, Bultlardı kóshire almadım.

Házillesip keler kúldirgim,

Jurtqa zárre kelmes bildirgim.

Kewil sandıǵımdı ildirdim,

Men seni keshire almadım.

Samallar húwlegen baǵlarım,

Jamǵırlar tınbadı jawradım,

Tútinim joq ishten lawladım,

Alawın óshire almadım .

Bultlardı kóshire almadım,

Men seni keshire almadım.

2018-jıl

64

MÍRZAGÚL SAPAEVA

1962 - jılı 25 - iyul kúni Shımbay rayonındaǵı Keńes awılındadúnyaǵa kelgen.

1982 - jılı óz dóretiwshiligin baslaǵan.

1987 - jılı Qaraqalpaqstan Respublikasına xızmet kórsetkenartist 1993 - jılı Ózbekistan Respublikasına xızmet kórsetkenartist 1994 - jılı Túrkmenistan Respublikasına xızmet kórsetkenartist

2000 - jılı Ózbekistan Respublikası xalıq artisti húrmetliataqlarına iye bolǵan.

Házirgi waqıtta Berdaq atındaǵı Qaraqalpaq mámleketlikAkademiyalıq muzıkalı teatrında jumıs alıp barmaqta.

65

BOLMASA

Sózi: I.Yusupov

Naması: B.Ábdireymov

Ómirde ne lázzet bar dos-yaranıń bolmasa?

Jan degen menen janbas óz jananıń bolmasa. Jılǵalar jıljıp túser bálent tawdıń basınan, Olsız máwjirep aqpas dáryalarıń bolmasa.

Bir dushpan kóplik eter doslarıń mıń bolsa az, Suńqar qusqa jarasar jalǵız áylemek párwaz. Ǵáriypke Sánem bolmas biyopalı Sárbinaz, Qasıńda qádir biler miyirbanıń bolmasa.

Qatnasar qarındassız el jayıńda ne sán bar? Barıs kelis qılmasań aǵayında ne sán bar? Doslar ilham bermese Ibrayımda ne sán bar? Eli xalqıń, dos yaranıń qádirdanıń bolmasa.

Búlbil qus qalǵıp ketse gúlin kórer túsinde, Jat jerde júrse adam elin kórer túsinde.

Qulan kiyik sekirip oynar óz shóliniń ishinde, Bazırgende bazar bolmas qarıydarı bolmasa.

1993-jıl

66

AWǴANÍSTAN

Sózi: A.Sultanov

Naması: Q.Hilalov

Seni armiyaǵa uzatıp salıp,

Qaldımǵoy qulınım taǵdirge nalıp,

Endi tek xatıń bar sol jaqta jazǵan,

Onıńda kóz jastan qaǵazı tozǵan.

Awǵanıstan analar kóz jası,

Awǵanıstan qayǵımnıń bası,

Analar kóz jası qayǵımnıń bası.

Jıllar ótti ulım tabıtında joq,

Dúzde qaldıń ba sen tiyip jawız oq? Bálkim jatqansańdı jerdi dastanıp, Ólmesin dep sońǵılar urıs baslanıp.

Seni kúte-kúte kóz jumdı ákeń,

Ulım qaytpaysań sen elege shekem.

Kóp edi sulıwlar ıshqında shayda,

Solardan tańlaǵan kelinim qayda?

SAǴÍNAMAN

Sózi: I.Yusupov

Naması: Q.Hilalov

Mudam seni oylay berip,

Bilgenimnen jańılaman.

Aysız túnde ayday kórip,

Diydarıńdı saǵınaman.

Kórip seni túslerimde,

Oyanǵanda jabıǵaman.

Jalǵız qalıp keshlerimde,

Janım seni saǵınaman.

Juldızlardan sorap seni,

Esken jelge jalınaman,

Jurtqa seniń kimligińdi,

Aytalmasam ne qılaman?

Jalǵız qalıp keshlerimde,

Diydarıńdı saǵınaman.

Jalbarınıp men bárháma,

Muxabbatqa tabınaman.

Sen qol jetpes ármanımsań,

Seni bárhá saǵınaman.

Kórip seni túslerimde,

Oyanǵanda jabıǵaman,

Jalǵız qalıp keshlerimde,

Janım seni saǵınaman.

1995-jıl

68

NAYMANDÍ, YARÍM

Sózi: K.Karimov

Naması: Ǵ.Amaniyazov

Esigimniń aldı naymandı, yarım,

Naymannıń saǵası baylandı, yarım,

Ózge birewlerde kewliń barmedi? Toydı tezletpesem boylandı yarım.

Qara kamzol jarasadı iynińe, Qattı ketip tiymedim be zeynińe?

Erteli kesh ere berme meniń keynime, El arası duw-duw sóz bolar yarım.

Qara taldıń japıraǵı qalıńdı,

Ne qılayın seniń dúnya malıńdı? Jollarıńa pidá etip janımdı, Ómirdegi maqset sol bolar yarım.

Suwǵa barsam iynaǵashım qayısar,

Suw kótersem názik belim mayısar,

Intizar kewiller qashan tabısar?

Sonı oylap

BAYRAM BÚGIN

Sózi: N.Ámetov

Naması: N.Muxametdinov

Uzaq jıllar árman etken ,

Baxıt juldızı bolıp,

Qanǵa sińip súyek pitken ,

Sulıw ármanday bolıp.

Bizde bayram bayram búgin, Gúl ashılıp jaynań búgin. Ámiw - ómir aynam búgin, Kewlim juldız aydan búgin, Baǵlarımda sayrań búgin, Jańla, sazım, kel búgin.

Nur oynasar aspanında ,

Biyik shıńlar asqarı.

Máńgi jańlar dástanında,

Altın jaǵıs bayramım bar.

Ǵáziynemdur - ústirt dalam, Iymanımwatan anam, Mehriybanım, áziyz sanam, Quwanıshım, kel búgin!

1995-jıl

SEZBEDIŃ BE SEN?

Sózi: G.Dawletova

Naması: Q.Hilalov

Sırǵa tolı názerińnen jalınlı, Kewilim shuǵlalı nurǵa malındı. Ándiysheli sezim biylep janımdı,

Dúnya tar bolǵanın janım sezbediń be sen?

Júregim tawlanar seni soraǵlap,

Kózlerim intizar jolǵa qaraǵlap.

Bir iláhiy móldir sezim alawlap,

Ot bolıp janǵanın janım sezbediń be sen?

Sezbegenge salıp qıya baqpadım, Qız patshadur beglik tuwın jıqpadım. Kózge ilmegensip sırttan baqladım,

Dúnya tar bolǵanın janım sezbediń be sen?

Tilsim sezimlerge janıp qaytadan, Sawlatıńdı kórsem úmit artaman, Dilgir sánem bolıp qosıq aytaman,

Kewlim awlanǵanın janım sezbediń be sen?

1996-jıl

BAXÍT TILE

Sózi: B.Genjemuratov

Naması: Q.Hilalov

Bayaǵı baǵlardı umıtqım keler,

Pinhámi dártimdi men jutqım keler.

Ómir keń, Ózge yar men kútkim keler, Sen maǵan baxıt tile.

Qalsın bul eski dárt eski jıllarda,

Endi qaytalmaspız aw eski jıllarǵa,

Hár bir jańa jılda atqan tańlarda,

Sen maǵan baxıt tile.

Ómirdiń jumbaǵın keshlew uǵındım, Erke bulaqlarday shaypalıp tındım, Kewilim dım názik, kelmeydi sınǵım, Sen maǵan baxıt tile.

Búgin xoshlasayıq, jumbaǵım meniń, Miywası sırǵıǵan gúlbaǵım meniń. Patshalıq altın taxt hám tajım meniń, Sen maǵan baxıt tile.

1996-jıl

72

NIGARÍM

Xalıq kosıǵı

Qayta islegen K.Asqarov

Sóyle meniń bawrımdı kábab etpe,

Nigarım, Kewlim ǵamlı kórindi, páryad etpe, Nigarım, Bul ómirimdi xor áylep, dilgir etpe , Nigarım,

Salıp turman sizdi dártke, biytap etpe, Nigarım,Ráxim aylegil halıma, qarap etpe, Nigarım.

Bilmem seniń xalıńdı, kewlimde kóp ármanım, Qaramaysań yuzime, ketti tánnen dármanım, Ot jaǵılıp janıma lal bolıp tur zibanım,

Párwaz etip tánimnen shıqpaqlıqta bul janım, Júrek bawrım eritip, qarap etpe, Nigarım.

Kelbetińe qarasam aqlı - hushım ketip tur,

Hám júrek, hám bawırdan ǵam nishteri ótip tur, Zulımıń bilen sáwir yar, janǵa japa jetip tur, Ǵamǵa kewlim qayǵısınan ǵam láshkeri tutıp tur, Hám ózińdi, hám meni hayran etpe, Nigarım.

Súwretiń hosh minayım, sóylemekke tiliń yoq,

Qurı baǵqa megzeyseńaw, sirá ashılǵan gúliń yoq, Gúl ishinde sayraǵan xosh hawaz búlbúliń yoq, Mágar bul baǵ ishinde shashı súmbil yarıń yoq, Aysanemniń halını qarap ǵana etpe, Nigarım.

2001-jıl

73

ÓMIR ZAYA JULDÍZ

Sózi: I.Yusupov

Naması: Q.Zaretdinov

Ómirimniń keshinde gewgim tuskende, Tawlar qabaǵında janar bir juldız. Kiyikler urlanıp qaq suw ishkende, Qápelimde birden sóner bir juldız.

Aspan jiyeginde janǵanı nesi?

Janıp turıp birden sóngeni nesi?

Azaplap bizge pánt bergeni nesi?

Janımdı otlarǵa salar sol juldız.

Joǵaltqanday sırlı saqıyna júzik,

Bir sulıw ármanlı kózlerin súzip,

Hár qaraǵan sayın bawırımdı úzip,

Aqsham túslerime ener sol juldız.

Ayralıq azabın kewlimde giznep,

Jawtańlap qarayman men onı izlep,

Jasawdan da ziyat bir ǵayrı lázzet,

Aldap áketken be ? Qáne sol juldız?...

2003-jıl

74

QUMAY QUS

Sózi: S.Nietullaev

Naması: N.Muxametdinov

Tánim ishinde janım, Dańqdawrıǵı orasan, Ózbekistanwatanım, Dúnya bizden sorasań. Aqıl dana Turannıń, Kamal tapqan qolında, Shınlıq, mártlik uranı,Ullı jipek jolında. Dúnya, bizden sorasań: Ózbekistan - watanım.

Giya bolıp kógerip, Ziya bolıp tolaman, Topıraǵı teberik, Túrkistannan bolaman, Dúnya, bizden sorasań: Ózbekistan watanım.

Mustaqillik kámárı, Túspesin hesh belinen, Ibn Sino janarı, Men Beruniy elinen, Qaraqalpaq aspanın, Biyikletken qarshıǵam, Timur babam dástanım, Jáhángershil ,jarshıman, Dúnya, bizden sorasań: Ózbekistan - watanım.

Tánim ishinde janım, Jasaǵay bul el aman, Ózbekistan watanım, Qaraqalpaqtan bolaman, Dúnya, bizden sorasań: Ózbekistan - watanım.

2004-jıl

75

KESHIR JANÍM

Sózi: H.Dáwletnazarov

Naması: Q.Hilalov

Sen kewlimniń tórinde barsań,

Sherge tolı hijranlı tarsań.

Jaqtım ózge úydiń shıraǵın,

Keshir, janım, keshire alsań.

Bildim azap shekkenlerińdi,

Dártli kóz jas tókkenlerińdi,

Meni ańsap kútkenlerińdi,

Keshir, janım, keshire alsań.

Kewil jaqın, aramız jıraq,

Janımdasań hár demde biraq,

Endi óziń ózge baǵdaǵı,

Nárwan bolǵan sayalı daraq.

Kóz aldımda májnún hallarıń, Íshqı azap jandıń lawladıń. Shoq bolıp alıstı sezimler, Táǵdirdi men jeńe almadım.

2004-jıl

76

MEN QÍZÍMAN

Sózi: G.Dawletova naması: N.Qállibekov

Kókiregimde sezim tolı el degen,

Kewlim taza nákaslarǵa ermegen,

Ar-namısın hesh waq qoldan bermegen,

Men qızıman Qaraqalpaq xalqınıń.

Haqıyqatlıq degen tajı-taxtım bar, Erkinlikte nur jaynaǵan baxtım barJurtım ushın janıp-jasaw axdım bar,

Men qızıman Qaraqalpaq xalqınıń.

Aytsa bir sóz hasla onı shaymaǵan, Júrekte yosh, kózinde ot jaynaǵan, Beglik tuwın bálentlerge baylaǵan,

Men qızıman Qaraqalpaq xalqınıń.

Senlik árman tamırdaǵı qanımda, Jan ishinde jansań meniń janımda,

Erkin erke óstim alaqanıńda, Perzentimen

DÍM SAǴÍNÍP

KETTIM SENI

Sózi: H.Dáwletnazarov

Naması: Á.Paxratdinov

Súyiw qanday edi jaqsı,

Ayralıǵı átteń ashshı.

Kózlerińniń oyǵan naqshı,

Jan dúnyama pitti seni.

Kewlimdi dárt dápter etip,

Ishimde ne gápler etip,

Qolǵa úyrengen kepter etip,

Jawtań qaǵıp kúttim seni.

Az bolmaǵan posa sıyım,

Júreklerge saldı tıyım.

Muhabbatta biraz qıyın,

Sabaq etip óttim seni.

Janımnıń zer sabaǵına,

Dizip talay sóttim seni.

Barǵım keler saǵan qaytıp,

Dım saǵınıp kettim seni.

Ada qılıp bolmas aytıp,

Xosh ettiń sońıra muńaytıp,

Barǵım keler saǵan qaytıp ,

Dım saǵınıp kettim seni.

Óz-ózime tek jur teklep, Qoymadım ba baxtım sheklep? Sezimlerim basa kóklep,

Azap qılıp shektim seni.

2014-jıl

78

SAXNA

Sózi: B.Genjemuratov

Naması: Á.Paxratdinov

Báhárde ashılǵan qızǵaldaqlarda,

Jaslıq muhabbatım sırlarım qaldı.

Aylı aqshamlarda appaq qarlarǵa,

Sen bilmeyseń kózden jaslarım tamdı,

Muńlasarım bolıp tek saxna qaldı.

Jazda ánar-alma uwıljıǵanda,

Saǵınısh siresip jansızlaǵanda,

Janımda sırlasar dos qalmaǵanda,

Maǵan sadıq bolıp tek saxna qaldı.

Saxna - sırlasım meniń,

Saxna - muńlasım meniń,

Saxna - táǵdirim meniń,

Saxnaaspanım meniń.

Sen kettiń, yar, ózge gúlzar baǵlarǵa,

Al men qaldım pitpes hijran daǵlarda,

Hátte men ózimdi joytqan waqlarda,

Opalı dos - saxna kewlimdi aldı,

Muńlasarım bolıp tek saxna qaldı.

Men báhár,jaz boldım sarǵısh gúz boldım, Muńlı nala shekken búlbúl qus boldım, Saxna aspan boldı, men juldız boldım, Saxna meniń ómirime aylandı.

2017-jıl

79