Qaraqalpaq estrada - qosiqlari

BAHADÍR RAZÍMBETOV

Házirgi waqıtta Berdaq atındaǵı Qaraqalpaq mámleketlik akademiyalıq muzıkalı teatrında jumıs alıp barmaqta.

300

INTIZAR

Sózi: R.Tórequlov

Naması: G.Razımbetov

Qatarlasıp qol uslasıp júrgenim,

Say boyında birge gúller tergenim,

Ushırasıuǵa kel dep wáde bergeniń ,

Seniń jollarıńa boldım intizar .

Kelmediń sózimdi ilmediń kózge ,

Qayta almay turman sonda da izge,

Sen nesip etpegen shıǵarsań bizge,

Seniń jollarıńa boldım intizar.

Oyıma kelerseń sen áste-áste, Kózimde muń, kewilim de qápeste, Úmitli qarayman, biraq bir páske, Seniń jollarıńa boldım intizar.

2006-jıl

MUHABBAT GÚLI

Sózi: Z.Jandosımov

Naması: Q.Berdaqov

O ádiwli muhabbat gúli ,

Óz ǵumshańdı kimge bereseń? Gúlge ashıq búlbúldiń tili, Kewilińdi kimge bereseń?

Hár gózzalǵa tursam da qarap,

Kózlerine telmirip qarap,

Sendey etip súymedim biraq,

Sen she kimdi jaqsı kóreseń?

Qıyallarıń qaylarǵa tarttı?

Mendey bolıp kimdi súyeseń?

Sen ekenseń júrek hasılı,

Sen she kimdi jaqsı kóreseń?

Hár gózzalǵa tursam da qarap,

Kózlerine telmirip qarap,

Sendey etip súymedim biraq,

Sen she kimdi jaqsı kóreseń?

2010-jıl

302

SULÍWDÍ SAǴÍNÍP

Sózi: S.Embergenov

Naması: Á.Paxratdinov

Seniń sol bir sulıw kózińdi,

Kórdim-aw búgin bir qızda,

Seniń ay kibi júzińdi,

Kórgendey boldım -aw juldızda.

Seniń sol bir erke nazıńdı,

Kórdim-ǵoy kóldegi tolqında,

Tıńlasa seniń sazıńdı,

Sel bolıp jawar bultıńda.

Kórinbey kettiń qaylarǵa? Ózgeden baxıt taptıń ba? Tańlar aǵarıp atqanda, Sen meni oylap jattıń ba?

Ay júzer tınıq aspanda,

Sendey sulıwdı saǵınıp.

Juldızlar sáwle shashqanda,

Esleymen seni qamıǵıp.

Dalamnıń sulıw gúliseń, Ármanım meniń , altınım, Muń basıp qalmasın kúlisiń, Esleymen seni xár kúni .

2011-jıl

303

NÁZIK GÚLIMSEŃ

Sózi: S.Sırǵabaeva

Naması: B.Razımbetov

Úmit gúlin jıynatalmay solǵızdım, Aspanlarda jayǵaspadı juldızım. Muńlı taǵdirindey bir gózzal qızdıń, Endi dárya bolıp tasar ma kewlim? Adastırdı muhabbattıń baǵları, Súygen júrek súymegendi tańladı, Qıyalǵa aldanıp atar tańları,

Bir biyopa ushın jasar ma kewlim?

Názik gúlimseń, janım, názik gúlimseń,

Kel baǵıma, qushaǵımdı toltır sen, gúlim,

Názik gúlimseń , janım, názik gúlimseń,

Kel baxıtqa qushaǵımdı toltır sen.

Jırı muńlı sen jasaǵan qosıqtıń,

Dártten jaralǵan júregi ashıqtıń.

Sońı árman eken senlik baxıttıń,

Baxıt izlew menen jasar ma kewilim,

Qálesem de umıta almay saǵındım,

Jazılǵan sol taǵdirime baǵındım,

Qıyalmayman ózge janǵa qayteyin,

Dártlerden shadlıqtı tabar ma kewlim?

2013-jıl

305

LÁYLIM BOL

Sózi: M.Naǵmetullaev

Naması: Á.Paxratdinov

Tawıs qustay sen taranıp,

Ortaǵa shıqsań dolanıp,

Xosh qılıǵıń jandı alar,

Turarman mádat soranıp,

Aymalayın ay júzińnen, Giriptar boldım ózińe, Úmitdarman men ózińnen, Láyli bol janım ózime.

Tawsılmas meniń dimarım,

Oynayın túsip oynıńa,

Xanzada qızdıń tumarın,

Taǵıp qoy , janım , moynıńa.

Aydan da arıw jamalıń,

Guwası bolǵan sózimniń.

Súydirseń qanbay qumarım,

Lábi qaymaǵım ózimniń.

2014-jıl

306

ADA BOLDÍM

Sózi: S.Ótambetov

Naması: B.Razımbetov

Gezsem deymen kewlińniń baǵın,

Sap ıshqıda tumar taǵınıp.

Seni oylap atar hár tańım,

Súyikli yar, seni saǵınıp.

Muhabbat bul mázi saǵım ba?

Bul ne halat shekken ahım ba?

Ada boldım ıshqı daǵında,

Súyikli yar, seni saǵınıp.

Júrgennen soń alısta jıraq,

Awhalıńdı samaldan sorap.

Telmiremen jolıńa karap,

Súyikli yar, seni saǵınıp.

2018-jıl

ÁKEJAN

Sózi: S.Jetkerbaev

Naması: B.Razımbeov

Áwel haq haslıńız Adam atadan,

Piyrim haq dep sóylersiz mehriyban anam, Bizge bul dúnyada ómir arnaǵan,

Baǵ –dáwletim, ar-namısım Ákejan.

Deysiz maǵan, balam, ar-namısım kózimseń, Bilseń izbasarım meniń ózimseń,

Keshirme baxtımdı bólek sezinsem, Baxtım da, taxtım da óziń Ákejan.

Bilmedim ne nárse teń keler sizge? Ólshem tabılar ma miynetińizge? Ómirin baǵıshlap jasaǵan bizge,

Eń ullı, eń biyik tawım - Ákejan.

Ómirdi uǵaman áke diydarıńızdan, Áwel Haq soń sizge tabınar balań. Dúnyada jigitke eń jaqın adam, Mártlikke baslaǵan jolıń Ákejan.

2018-jıl

308

BIR QÍZ BAR

Sózi: N.Ayımbetova

Naması: Á.Paxratdinov

Kózleri intizar, kewli biyqarar,

Men ne aytsam bárine úndemey ıqrar,

Sharlamas ózine jolıma qarar,

Bir qız bar, saǵınıp meni kútedi.

Kózinen jas tamsa shıdamım jetpes,

Kelbeti kún boyı kózimnen ketpes.

Bolmasın sezimim tek ǵana eles,

Bir qız bar, saǵınıp meni kútedi.

Tek meni súyedi , etpeymen inkar,

Júregi hallaslap meni dep urar.

Bunıńday muhabbat bolar ma tákirar?

Bir kız bar , saǵınıp meni kútedi.

2018-jıl

SHOQ-

SHOQ

Sózi: J.Maxametdinova

Naması: Á.Paxratdinov

Súygenim meniń senseń, Íshqıńda kúydim bilseń. Jadırap kewlim jaz bolar, Janımaw, súydim deseń.

Arnadım saǵan qosıq,

Muhabbatımdı qosıp.

Kel, súyiklim, oynayıq,

Shadlanıp yoshıp-yoshıp.

Jańlasa qosık shoq-shoq, Lúpildep júrek soq-soq, Unasa, janım, saǵan, Ármanım hasla joq-joq.

Kúydirdi hijran wah-wah,

Dártimdi ishte saqlap.

Baylanıp saǵan jipsiz,

Sırtıńnan júrmen baqlap.

Qosıǵım jańla-jańla,

Súygenim, shaǵla-shaǵla,

Nazlı qıya baǵıp qoy,

Muhabbatımdı ańlap.

2018-jıl

310

BAXÍTLÍMAN

Sózi: M.Naǵmetullaev

Naması: Á.Paxratdinov

Ómir bergen anamnıń men uwız sútin qanıp emdim, Xızmetine tayar turǵan perzentimen usı eldiń. Ata-anam - asqar tawım, aǵa-ini- bawır etim,

Kız tuwısqan boz otawım, baxıtlıman, quyqam putin.

Baxıtlıman tınısh elde sayran etip júrgenime, Baxıtlıman doslar menen birge oynap kúlgenime, Baxıtlıman hesh kimnen de joq alasım, talasım da, Baxıtlıman saz -sawbetim júrse xalıq arasında.

Búlbilleri sayrap tursa tınısh eldiń qushaǵı gúl, Elimizde toy kóp bolsa - toqshılıqtıń nıshanı bul, Shákirtpen men ustaz kórgen, bar ıqlasın sazǵa bergen, Baxıtlıman saxnadamansahra búlbúlleri júrgen.

Baxıtlıman óz xalqıma xızmetimdi jaratalsam, Baxıtlıman qosıq aytıp zibanımdı taratalsam, Baxıtlıman baxıt qusı qolǵa kelip qonǵanına, Jaratqanǵa mıń shúkirmen qosıq aytıp turǵanıma.

2018-jıl

311

QARAÓZEK

Sózi: Á.Ájiniyazov

Naması: Sh.Paxratdinov

Batısıńda Shımbay,shıǵısıń

Taxta, Ekkeniń sarı altın,aq altın paxta, Erbeńerbeń qos qulaǵım el jaqta,

Sensiz múshkil eken halım, Qaraózek.

Seniń aq qumıńda Berdaq tuwılǵan,

Kúnxoja teńizden qosıq suwırǵan,

Aydos ,Esengeldi el dep juwırǵan,

Táriypiń teberik tórim, Qaraózek.

Ernazar Alakóz ónip -ósken jer,

Aǵın suw aralǵa atlap túsken jer,

Qoldawlı ,Turımbiy aq sút ishken jer,

Axun baba kámil pirim, Qaraózek.

Tilim qısqa tariypińdi jırlawǵa, Ósh emespen sırttan boyap sırlawǵa,

Sıltaw bar dep oziń menen oynawǵa, Jol qoymaydı namıs-arım Qaraózek. Tuwılıp óstim men de elim, Qaraózek.

2018-jıl

312

ÁZIYZ ANALAR

Sózi: S.Jetkerbaev

Naması: Á.Paxratdinov

Shayır da, alım da bári balańız,

Siz sebep kórkeygen aqıl-sanamız,

Palapan biz bolsaq sizler panamız,

Mehirdiń bulaǵı - sizsiz analar!

Hár aytqan sózińiz aqıldıń káni, Siz barsız ómirde ózgeshe máni, Álemniń baylıǵı, sizlersiz sáni, Dúnyanıń kórki ¬- sizsiz analar!

Sapar shegip ketsek eger alısqa,

Bul ómirdiń maydanında jarısqa,

Jetsek eger azlı - kemli tabısqa,

Maqtanısh bolayıq sizge, analar.

Otızǵa kirsekte balamız sizge,

Usınday ómirdi usındıń bizge,

Bársheńiz mudamı shıqqaysız júzge,

Barlıqtıń bezegi - sizsiz analar!

Eliw atlap sán saltanat qursaq ta,

Kelin alıp qız uzatıp tursaq ta,

Aqlıq kórip alpıstanda assaq ta,

Siz ushın balamız, áziyz, analar.

Mehir bergen sheksiz xár bir balaǵa, Ómir bergen patshaǵa da danaǵa, Azdur sizdi aparsaqta kaabaǵa, Qálbi dárya sizsiz - áziz analar!

2020-jıl

313

ALMASPAYMAN ELIMDI

Sózi: B.Sultanov

Naması: Á.Paxratdinov

Hesh bir jerge almaspayman elimdi,

Qumlı giya, seksewilli shólimdi,

Ata - babam miyras etip qaldırǵan,

Hasıl ónim berip turǵan jerimdi.

Hesh bir jerge almaspayman shólimdi,

Aq quw júzgen aydınımdı, kólimdi,

Balalıqtan jalań ayaq juwırǵan,

Kózge ısıq may topıraq jerimdi.

Almaspayman aydınımdı kólimdi,

Kindik qanım tamǵan ana jerimdi,

Burqıp aqqan Ámiwdárya suwların,

Qaytıp keler Aralımız, teńizdi.

Almaspayman jerlerimdi ónimli, Shılpıq korǵan, Qara tawım, Ústirtti, Ál Beruniy , Ájiniyaz xám Berdaqtı, Álpeshlegen ana jurtım, elimdi.

2020-jıl

314

ARÍSLANBEK ASQAROV

1992 - jılı 13 – fevral kuni Bozataw rayonında dúnyaǵakelgen. 2008 - jılı óz dóretiwshiligin baslaǵan.

Házirgi kúnde Ózbekistan mámleketlik filarmoniyası Qaraqalpaqstan bólimi qosıqshısı.

315

ASHÍQLAR

Sózi: M. Naǵmetullaev

Naması: B. Ismaylov

Sulıwdı sırtınan súymegen kim bar?

Hár kimniń súygeni ózine dilbar.

Dúnyada ármansız adam bolǵanda,

Qosıq jazbas edi jırlap shayırlar.

Ómir sulıw bolar bolsa ashıqlar, Olarǵa arnalǵan dástan qosıqlar, Ótti muhabbettiń tımsalı bolıp,

Láyli-Májnún menen Ǵáriyp ashıqlar .

Ashıqlar, ashıqlar, kewli pák ashıqlar, Íshqı otında janǵan ǵáriyp ashıqlar.

Pák muhabbat ıshqı otın jaqqanda,

Súyip súyilgenniń bar ma ármanı?

Esten shıqpas ıntıǵısıp qos júrek,

Aylı aqsham tún jamılıp turǵanı.

Tusıńnan ótkende janıńdı alar,

Qáwmeti shırayı, nazlı júrisi.

Onı kórgen jigit zibansız qalar,

Keler jetegine únsiz ergisi.

2010-jıl

316

BARSAŃ

BA?

Ájiniyaz sózine Naması: Sh. Tólegenov

Kúygen júregimdi qandan áyleme,

Bul tárki dúnyada janım barsań ba?

Bul ashıqlıq kewlimdi zindan áyleme,

Bolmasa sahrada, janım, barsań ba?

Sensiz meniń appaq siynem kúl boldı,

Pıraǵında kúydim, tánim kúl boldı,

Kózlerime qızıl sheńgel gúl boldı,

Bul tárki dúnyada, janım, barsań ba?

Pıraǵıńda aqKan meniń kóz jasım,

Kózimniń jasların súrtpes qardashım.

Bilseń ǵariyplikke tústi bul basım,

Bul janımnıń dimarları barsań ba?

Ashıqlıqtıń qadirin sen bilseń, Júrek bawırım kúyer kózge ilmeseń. Qapadaman yarım kúnde kelmeseń, Janımnıń aramı, yarım, barsań ba?

2010-jıl

317

SENIŃ

Sózi: Ú. Áshirbekov

Naması: N. Muxammeddinov

Ot bolıp janǵanda ıshqı qumarı,

Kózge kórinbegen jánnettiń baǵı.

Aqıldan azdırıp júrektiń zarı,

Meni bende etti perishteń seniń.

Sımbatıń qaraǵan kózleri toyǵanday, Dál boyıń eń sheber usta oyǵanday,

Kerme qas, oq kirpik qoldan qoyǵanday, Taqatımdı aldı qáwmetiń seniń.

Jánnettiń baǵında ashılsa gúller,

Seniń shırayıńa bası iyiler.

Júrek ǵaziynemnen shashılsa dúrler,

Basqan qádemińe jolıńa seniń.

Oylaǵan oylarıń jumbaq sır maǵan,

Sensiz maǵan tar kóriner keń jáhán.

Daǵlı júregimniń dártin jırlasam,

Duwtarıń bolayın qolıńda seniń.

2010-jıl

318

JÚREGIMDE QALǴAN QÍZ

Sózi: A. Óteniyazova

Naması: Sh. Tólegenov

Hesh birewge aytpaǵan,

Jaqsı sózim bar saǵan.

Baxıtımsań ańsaǵan,

Kóp oylarǵa talǵan qız.

Túnlerimde túsimde,

Oyanǵanda esimde,

Tańımda hám keshimde,

Kóz aldımda turǵan qız,

Júregimde qalǵan qız.

Jollar boylap izleymen,

Izlesem hesh tózbeymen,

Daraǵı joq dúzdeymen,

Kel óziń bol baǵman , qız,

Júregimde qalǵan qız.

Men kútemen ózińdi,

Hár aytajaq sózińdi,

Qanday qızsań tózimli?

Meniń ushın árman qız,

Júregimde qalǵan qız.

2011-jıl

319