Qaraqalpaq estrada - qosiqlari

JANÍM KIMDI

Sózi: A.Óteniyazova

Naması: Q.Ámetov

Kóshemizden aldımnan kúnde,

Arman-berman óte bereseń:

Eh , ádiwlim, oylarıń kimde,

Janım, kimdi jaqsı kóreseń?

Qumay kóziń alar janımdı,

Oylarımdı qaydan bileseń?,

Júrekgenem janǵan jalınlı,

Janım, kimdi jaqsı kóreseń?

Janım, kimdi, janım kimdi,

Janım, kimdi jaqsı kóreseń?

Qolıń shıpa, dármandur sóziń,

Dártlerime dawa bereseń.

Adamlarǵa qádirdan óziń,

Janım, kimdi jaqsı kóreseń?

Zarın tarttım shın muxabbattıń,

Dawasısań ómirimniń sen,

Júregimde ıshqı oyattıń,

Janım, kimdi jaqsı kóreseń?

2018-jıl

280

SÓNBES JULDÍZLAR

Sum táǵdir qalbimdi jaralap, Kem kewlim suw boyın jaǵalap,

Raxmetli ata hám aǵalar, Búgin men esleymen sizlerdi.

Shálkem sóz jıymadı ayılın, Kórkem sóz eskeksiz qayıǵın, O meniń Ayaziy shayırım, Umıtıp bolarma sizlerdi?

Háziller salasız qırınday, Teatr huwildep qalǵanday, Shamurat atası jalǵanday, Umıtıp bolarma sizlerdi?

Náilaj Allanıń pármanı, Ishinde ketti mıń ármanı. Sahramnıń siz bulbil zibanı, Umıtıp bolarma sizlerdi?

Suwretke jan berip qálemi, Soǵıwdan toqtadı júregi. Jollıbay aǵa bir keledi, Umıtıp bolarma sizlerdi?

Xalqımız saǵınıp esleydi, Zamira apanı izleydi.

Siz aytqan qosıqlar ólmeydi, Umıtıp bolarma sizlerdi?

281

Sózi: P.Dabılov

Naması: Q.Ámetov

Bar edi Qádirdey aǵalar,

Oylasam dártke dárt jamalar,

Qaldı siz dóretken namalar,

Umıtıp bolarma sizlerdi?

Túsimde tınımsız shabasań,

Janımdı otlarǵa jagasań,

Eslep tur dedińbe, aǵajan?

Umıtıp bolarma sizlerdi?

Qosıqtıń shıńına jettiń sen,

Aradan dım erte kettiń sen,

Rashid Xojasov ediń sen,

Umıtıp bolarma sizlerdi?

Jollardı jaqtırtqan nursızlar,

Payıńa gúl qoyar ul-qızlar,

Siz máńgi sónbestey juldızlar,

Umıtıp bolarma sizlerdi?

Xalqımız umıtpas sizlerdi!

2019-jıl

282

QÍZǴALDAQ

Sózi hám naması: Á. Xojambergenov

MUHABBATÍŃNAN

Sózi: S.Sadıqov

Naması: D.Jańabaeva

Men seni megzetip bir sárwi talǵa,

Saz shertip otırsam sáhárde, tańda,

Shın ashıǵım bolsań kewlimdi ańla,

Bir jasap qalarman muhabbatıńnan.

Jaslıqtıń jawlánı tasar boyımda, Ájayıp ármanlar jasar oyımda,

Sol gezlesken sárhawızdıń boyında, Kelmeseń janarman muhabbatıńnan.

Sulıw shırayıńa kózlerim talar, Júrekte ıshqı otı jalınday janar, Aytalmay tilimde sózlerim qalar,

Lal bolıp qalarman muhabbatıńnan.

2004-jıl

SHAXNOZA

Sózi: G.Yusupova

Naması: Q.Ámetov

Ayday sulıw jamalıń, Ózińseń súygen yarım, Bolmasın jaman halıń, Taslap ketpe, Shaxnoza, Teńsizseń sen dúnyada, Baxıtlı bolayıq biz, Bul ómirde, Shaxnoza.

Shaxnoza ,Shaxnoza, keregimseń,

Shaxnoza ,Shaxnoza, tilegimseń.

Qızlardıń qızıl gúli,

Men sayraǵan búlbúli ,

Seniki kewlim tóri,

Súygen yarım Shaxnoza.

Júregim ózińe zar,

Jollarıńa intizar,

Bermegil sirá azar,

Súydim seni, Shaxnoza.

2004-jıl

NAZÁLIM GÓZZAL

Sózi hám naması: D.Atadjanov

Ilajım jok kózim tústi kózińe,

Eller hayran shiyrin-sheker sózińe,

Bir kórgennen ashıq bodım ózińe,

Meni hayran etken nazálim gózal.

Shalqısa kún menen kúlgende júziń,

Meyli qaramasańda ol da óz isiń,

Tawıs qusqa meńzer jayılsa shashıń,

Gózzallıqta bir óziń, nazálim gózzal.

Ashıq boldım júzińdegi qalıńa,

Men ashıq, men lábińdegi palıńa,

Ráhim etpeyseń be Dáwletyarıńa?

Gózzallıqta bir óziń nazálim gózzal.

2007-jıl

288

TUWǴAN JER

Sózi: G.Dáwletova

Naması: N.Muxametdinov

Biyǵárez el gul jaynaǵan,

Baǵında búlbúl sayraǵan,

Jasıl gilem maqpal dónip,

Kóz quwantqan hár aymanań.

Abat watan tuwılǵan jer,

Kóz qumarım tuwılǵan jer,

Qaraqalpaq - tuwılǵan jer.

Jan ishinde janım meniń, Tamırdaǵı qanım meniń, Namıs,jiger,arım meniń, Altın besik tuwılǵan jer, Ózbekstan - tuwılǵan jer.

Babalarım etken árman, Maqset sol erkin zaman, Xalqım ushın bar tilegim,Qara bórkim bolǵay aman, Abat

watan , tuwılǵan jer, Altın besik - tuwılǵan jer,Qaraqalpaq - tuwılǵan jer.

Ana quyash shıǵıs jaqtan, Úmit ushqın nur taratqan, Kózi qıymay keń dalamdı, Kók jiyekke zorǵa batqan, Kóz qumarım tuwılǵan jer, Qaraqalpaqtuwılǵan jer, Ózbekistantuwılǵan jer !

2007-jıl

289

GÁWHAR

Sózi: G.Yusupova

Naması: Q.Ámetov

Júregimde janǵan gáwhar,

Boldım jolıńa intizar.

Kewlime aldım jaqın,

Gúl qálbime berme azar.

Jasıralmay sırlarımdı,

Tostım kúnde jollarıńdı.

Nazlı sulıw qaraslarıń,

Aldı aqıloylarımdı,

Bar gózzallıq bir ózińde,

Juldız jarqırar kózińde.

Sıńǵırlap turǵan dawısıń,

Jaǵadı hár bir sózińde.

2008-jıl

290

BIYOPA

Sózi: G.Yusupova

Naması: Q.Ámetov

Súyemen ózińdi,

Qumsayman júzińdi.

Qıynaysań, janım, sen,

Azarlap ózińdi.

Muhabbat sawdası,

Túsipti basıma,

Saǵındım seni kóp,

Saǵındım júzińdi.

Biyopa bolma sen maǵan, Júregim bergenmen sagan, Kewlimde tek bir muhabbat, Ármanım óziń ańsaǵan.

Unatıp qalıppan, Ózim de sezbesten. Berippen kewlimdi, Ózińe bilmesten.

Qıynaqlar berip sen, Ashıq gúl qálbime. Ilajsız qalǵanman, Seni shın súymesten.

2008-jıl

291

ÓZIME

AYaN

Sózi: G.Yusupova

Naması: Q.Ámetov

Sol demlerdi saǵındım,biz birge júrgen, Kewilim shoq órtenip,otlarǵa kúygen. Aytsam dártlerimdi,bilmes, kimse bilmes, Júregimde qayǵım,ózime ayan.

Túsinse de geyde kewilim seni,

Negedur qıynaydı sonda da meni.

Azar kórip eki ottıń shoǵınan, Ayrılǵanman seni dep barı-joǵımnan, Hesh nárse kelmeydi házir qolımnan, Óz dártim ózime ayan, súygenim.

2008-jıl

292

SENNEN BASQA

Sózi: J.Izbasqanov

Naması: D.Atajanov

Búlbil ashıq bolǵanday baǵda gúlge, Óziń ornap qalǵansań kewilime. Sayran etip júrsem de qaysı jerde, Kórinbeydi-aw kózime sennen basqa.

Biylese de oyımdı túrli sazlar,

Dolansa da aldımda sárwinazlar,

Shaqırsa da ózine shoq juldızlar,

Kórinbeydi-aw kózime sennen basqa.

Qarasam átirapqa taw basında,

Gezsemde úlkemniń keń dalasında,

Júrsemde jasıl baǵlar arasında,

Kórinbeydi-aw kózime sennen basqa.

2008-jıl

MALIKA

Sózi: G.Yusupova

Naması: Q.Ámetov

Kewilimniń tarın shertken,

Sırımdı sezip bilgen,

Málikam óziń boldıń,

Júregim shınnan súygen.

Malika, malika, súyemen seni.

Súymeymen ,súymeymen deme meni,

Juldızımız teń keldi,

Jollarımız bir endi.

Sazımda nazıń bar ma?

Shertilmey tawlanadı,

Malikam óziń boldıń,

Júregim shınnan súygen.

2009-jıl

294

ERKE QÍZ

Sózi: G.Yusupova

Naması: Q.Ámetov

Ashıq qálbim ózińe zar,

Kózlerim tek saǵan qumar.

Baǵ ishinen saylap gulzar,

Erke qız, unattım seni.

Sen, erke qız, jaqtır meni,

Janımnan súydim seni.

Erkeligiń unar maǵan,

Kewlimde jasaysań endi.

Aylı aqshamlardan juldız,

Izleymen qarap-qarap.

Ashıq aspanımnan,

Tek seni sorap-sora.

Erke qız, unattım seni.

2009-jıl

MEN SÚYIWDEN

QORQÍP QALDÍM

Sózi: M.Naǵmetullaev

Naması: Q.Ámetov

Sharshattı qurı wádeler, jalǵanlar,

Hayranlar qalıp men oyǵa talǵanman.

Kóz jas tógip atsa ashıq bolǵanlar,

Men súyip qalıwdan qorqıp qalǵanman.

Íshqı muxabbattıń dártinde, Júrekten janıp-kúygen barma?

Men súyip qalıwdan endi qorqıp qalǵanman.

Jaqsı kórgenimdi aytıp sulıwǵa, Jazıqsız jazıqlı bolıp qalǵanman. Ózime sóz bergenmen saq bolıwǵa,

Men súyip qalıwdan qorqıp qalǵanman.

2011-jıl

KEWLIM

Sózi: S.Satullaev

Naması: Q.Ámetov

Oq kibi qaslarıń, súmbil shashlarıń,

Aqlımdı alǵan seniń shıray-nazlarıń.

Kóz aldımnan ketpes ayday jamalıń,

Meni hayran etken nazlarıń seniń.

Men seni kútkenmen jollarıńa qarap,

Aylı aqshamlarda juldızlar sanap,

Geyde tań jarısar juldızlar tarap,

Meni biyhush etken nazlarıń seniń.

Kewlim tek ózińde, Ashıqlar kóp izińde,Nazıń, iybeń menen,

Sıyqırlanǵanman ózim ózińe.

Nazlanıp júrisiń aqlımdı alǵan,

Júrekke muxabbat otların salǵan,

Nazlı júrisińe telmirip tursam,

Kózimdi taldırıp nazlarıń seniń.

2017-jıl

JAǴÍMLÍSAŃ

Sózi: S.Satullaev

Naması: Q.Ámetov

Men ózińdi oylasam oylay bergim keledi, Ay júzlerińe telmirip qaray bergim keledi. Júregimde bir sezim meni qıynay beredi, Aylı túnler uyqısız tańlar ata beredi.

Jaǵımlı seniń kózleriń aqıl-huwshım aldı, Arzıwlarǵa sen dep baǵınǵan men, men, men. Jılıw berer seniń sózleriń ashıq júregime,

Seniń bul ómirde súygen yarıń men, men, men.

Sorawlarım juwapsız samal alıp ketedi, Sorawlarım juwabın kewlim saǵına kútedi, Júregimde bir sezim meni qıynay beredi, Aylı túnde uyqısız tańlar ata beredi.

2018-jıl

298

MUHABBAT

Sózi: S.Satullaev

Naması: Q.Ámetov

Qosıq dep jazǵanım dástan boldı ma?

Berilgen wádeler jalǵan boldı ma?

Muhabbat men ushın árman boldı,

Bilmedim júregi tastan boldı.

Qıynalsam quwanıp shadlanarsań sen,

Muhabbat jolında adastım ba men?

Qıynalsam quwanıp shadlanarsań sen,

Muhabbat, muhabbat.

Ayrıldım yarımnan, muhabbatımnan,yarımnan, Ayrıldım sennen,aqıl-huwshımnan,huwshımnan, Kózlerim kór bolıp muhabbatıńnan,

Ózińnen ózgeni kóre almay turman.

2018-jıl