Qaraqalpaq estrada - qosiqlari

ANAMNÍŃ QOLLARÍ

Sózi: A.Óteniyazova

Naması: Á.Temirbaev

Aq besik terbetken,

Bóbekti er etken,

Ullılıq dóretken,

Anamnıń qolları.

Miyrimde darasız,

Perzent dep janasız,

Men ushın bahasız,

Anamnıń qolları.

Qádemi nur kúni,

Názeri shadlıǵı,

Ol meniń barlıǵım,

Anamnıń qolları.

Jubanar bala hám, Jaǵımlı alaqan, Álemge ol málham, Anamnıń qolları.

Aq besik terbetken,

Bóbekti er etken,

Ullılıq dóretken,

Anamnıń qolları.

2013-jıl

260

ÁKEJAN

Sózi: M.Naǵmetullaev

Naması: Q.Ámetov

Eseysem de jas qosılıp jasıma,

Erkeleymen táshwishim joq basımda. Kewilim toq , barlıq zatım jeterli, Ákejanım, óziń barsań qasımda.

Júdá qatal bolsadaǵı mineziń,

Júk awırın tartıp júrseń bir óziń.

Tártipke shaqırıp baqırsań bizge,

Sizdi satıp qoyar mehriban kóziń.

Ulqızıńnıń toyın toylay bergeyseń, Aqlıq súyip , odan shawlıq kórgeyseń. Ákejanım - asqar tawım súyengen, Aldımızda sawsalamat júrgeyseń!

2015-jıl

ÁSTE

Sózi: S.Jetkerbaev

Naması: Q.Ámetov

Qálbimdegi gúlim derdim ózińdi men,

Kirpik bolıp qorǵar edim kózińdi men,

Íntıq bolıp kútsemdaǵı ózińdi men,

Sennen áste, sennen áste jıraqlastım.

Jollarıńda jarıq boldım túnińde men,

Ismiń yadta tákirar edi kúnimde sen.

Qaytalar em sıbırlaǵan únimde men,

Nege áste, nege áste jıraqlastım?

Ya sezimnen bezgenbediń bilmedim men? Ya tuyǵımdı házil-dálkek dermediń sen? Sennen ózge júregime túymedim men, Nege áste, jáne áste jıraqlastım?

Májnun emes, májgún bolıp qalǵanım ba?, Sezim mennen amanatqa alǵanıń ba?

Bul da seniń yaki bilmem jalǵanıń ba? Sennen áste, nege áste jıraqlastım?

2016-jıl

262

SHAYDAMAN

Sózi: Q.Táńirbergenov

Naması: Q.Ámetov

Bul ahwalǵa salıp qoyǵan,

Eshushımdı alıp qoyǵan,

Sezim sende qalıp qoyǵan,

Endi sensiz jasay almaspan.

Baǵlar gezgen shayda boldım,

Jolımda sen payda boldıń.

Mıń urınıp jete almaspan,

Qolım jetpes ayda boldıń.

Shayda boldım, shaydaman,

Baǵlar gezgen shaydaman,

Mıń urınıp qayǵırsam da,

Qol jetpestey aydasań.

Sen dep qolǵa qálem aldım,

Dil sózimdi xatqa saldım.

Shın júrekten súyip qaldım,

Bul sózlerdi jalǵan deme.

Baǵlar gezgen shayda boldım,

Jolımda sen payda boldıń.

Mıń urınıp jete almaspan,

Qolım jetpes ayda boldıń.

2016-jıl

263

QARAMASQA BOLMAYDÍ

Sózi: S.Jetkerbaev

Naması: B.Qádirimbetov

Ózgeshe qaras. kózi shıray, Gúl uzatsam nege almaydı? Kózlerim hátte talǵansha men,

Es - huwshımdı jawlap alǵansha sen, Sen bolmasań kewlim tolmaydı, Qaramastan yarǵa bolmaydı.

Sulıw nazlarıńnıń qumarıman,

Qaramastan yarǵa endi bolmaydı.

Kóz aldımda húrden sulıw shırayıń,

Túnleri túsimde tınısh qoymaydı.

Qıyaldan keshpege ilaj tappadım,

Naz etip júrek tarımdı oynaydı,

Arzıw etken yarım meniń janımda,

Qaramastan yarǵa heshte bolmaydı.

Isenbeseń hátte kózlerime,

Hayran qılıp shiyrin sózlerińe,

Jánnet baǵdıń misli gúllerindey,

Sol mákánnıń teńsiz húrlerindey,

Qushtar boldım bilmem izlerińe,

Qaramastan endi bolmaydı.

2016-jıl

264

“AWÍLǴA”

Sózi: S.Jetkerbaev

Naması: Q.Ámetov

Táy-táy basıp altın izler basqan jer, Ámiwdárya onda tolıp tasqan jer, Jaratqanım baxıt shańın shashqan jer, Baratırman men saǵınǵan awılǵa.

Japlar suwǵa belin basıp jatqan jer,

Quwanıshlar marjanların taqqan jer,

Hár tańları nesiybeli atqan jer,

Baratırman men saǵınǵan awılǵa.

Apam japqan nanlarına juwırıp, Nesiybemnen úlesimdi suwırıp, Ósken edim bul topıraqta tuwılıp, Jaqınladım men saǵınǵan awılǵa.

Atam aytqan aqılların saǵındım,

Apam aytqan naqılların saǵındım,

Jaslıǵımnıń men guwasın saǵındım,

Mine júrmen men saǵınǵan awılda.

Bir silkeyin ilham atlı shaqamdı,

Qalsańızlar kútip meniń bahamdı,

Mawqım bastım kórip atam-apamdı,

Shúkir, jettim men saǵınǵan awılǵa.

Awılǵa, awılǵa, awılǵa,

Baratırman men saǵınǵan awılǵa.

Awılǵa, awılǵa, awılǵa,

Kiyatırman men saǵınǵan awılǵa.

2017-jıl

265

SULÍWÍM

Sózi hám naması: Á.Xojambergenov

Bir arıw qız mıń oylarǵa saldı,

Júrekgenem basqasha qozǵaldı,

Barıp búgin-aq kórip keleyin,

Kózlerińiz dım yadımda qaldı.

Sulıw, sulıwım, Janday jılıwım,Meniń sulıwım , Ózimniń sulıwım.

Sınawlarıń kóp qıynadı jandı,

Qıynaǵanıń aqılımdı aldı:

Seniń ushın bir qosıq jazayın,

Sulıwım-aw, qıynama aǵańdı.

2018-jıl

266

KÚLIP KELER

Sózi hám naması: Á.Xojambergenov

Kúlip keler yarım meniń, kúlip keler, Mayda-mayda qádem basıp júrip keler. Men seniń kelerińdi biler edim,

Sen bolsań kóp nazlanıp júrer ediń, Dúnyanıń sulıwları jete almaydı, Tek óziń tabarsań júrektiń emin.

Kúlip keler yarım meniń, kúlip keler , Mayda-mayda qádem basıp júrip keler.

Qádemiń jarasadı júrgenińde,

Kózlerim qamasadı kúlgenińde,

Meni dep bir kelip ketseń ne bolar?

Saǵınısh basılar sen kelgenińde.

2019-jıl

BAǴLAR

Sózi hám naması: Á.Xojambergenov

Sulıw júzińdi kórgenmen,

Íshqı bunsha azap eken yar? Ózim aytalmastan júrgenmen, Sezimlerim jetermeken, yar?

Baǵlar ,baǵlar, Qosıqlar endi Ózińsiz jańlar.

Orınlasam ayqtan gápińdi,

Qushaǵıma kelermediń, yar?

Toqtatpadıń nege shártińdi?

Qıynalǵanım bilermediń, yar?

Baǵlar,baǵlar,

Qosıqlar endi

Baǵlarda jańlar.

BAYRAM PERDEBAEV

TEK ÓZIŃ

Sózi: Q.Táńirbergenov

Naması: P.Baydullaev

Kaman etken ózińdi men bir kókten, Muhabbattıń alınbas sháháriseń. Júregime jarqırap nurın sepken, Ómirimniń jaynaǵan báháriseń.

Jamalıń neshshe bir júrekti qozǵar,

Sırtıńnan tigilgen qanshama kóz bar?

Jımıńlap naz etip júrse de qızlar,

Men ushın tek ǵana bir óziń gózzal.

Kel, janım, sen meni qıynama bunsha,

Túnlerdi ótkerdim qanshadan-qansha,

Qánekey dúnyada teń qádem taslap,

Táǵdir jolımızdı bir jerden salsa.

2005-jıl

270

DERMISEŃ?

Dermiseń, yar, dermiseń? Maǵan bir sóz dermiseń?

Ya biynesip qıldırıp ,

Qol jetpestey húrmiseń?

Bilegińnen tutalmay, Júrmen saǵan jetalmay. Maǵan ıshqıń tutanbay, Ózge baǵda júrmiseń?

Baǵda alma piskende, Úzip bersem jermiseń? Saǵan ıshqım túskende , Kúyip-jandım dermiseń?

Júrmiseń, yar, júrmiseń? Ózge baǵda júrmiseń? Hijranıńda kúyermen, Seni bir kún kórmesem.

Shırayıńa ashıqlar ,

Bir kún sennen qashıqlar. Bilsin ashıq-mashıqlar, Meniń baxtım , gúlimseń.

271

Sózi: P.Dabılov

Naması: Q.Ámetov

2008-jıl

AYXAN QÍZ

Xalıq qosıǵı

Ayxan degen yar-yar kimniń qızı?

Xojamurat sumnıń qızı.

Kiygen kiyimleri húr qırmızı?

Bul joldan Ayxan qız ótti me?

“Dáw kempir”ge ektim tarı, Ol tarıǵa Ayxan jarı.

Orta boylı ózi sarı,

Bul joldan Ayxan qız ótti me?

Ayxan qızı allı-salı

Kiygen kiyimi jarasadı.

Kórgen jigit talasadı,

Bul joldan Ayxan qız ótti me?

Jol boyında otırǵan tarǵıl pıshıq,

Ne qılıp otırsań húrreń ushıp?

Qamıs orıp atırǵan Berdimurat pushıq,

Bul joldan Ayxan qız ótti me?

Jol boyında qatar tigilgen úyler,

Jarasıqqa tigilgen shiyler,

Qaraqalpaqta atı shıqqan biyler,

Bul joldan Ayxan qız ótti me?

2010-jıl

272

KÓZLERIŃ

Sózi: Ó.Embergenov

Naması: A.Asqarov

Kózleriń nur shashıp kúlip turǵanıń,

Maǵan esletedi shóldiń jeyranın:

Baxıtım ba ya dártim be biydawa?

Bir kóriwden ashıq bolıp qalǵanım.

Álemge jar salayın ba? Gúlim seni súydim dep, Ya qalsın ba sır halında? Eki júrek bilsin tek.

On segiz báháriń artıńda qalıp,

Iybeli qız bolıp jetildiń anıq:

Seniń qıya baǵıslarıń ózgeshe,

Mıń qızdıń ishinen alaman tanıp.

2013-jıl

JAQSÍ KÓRGENIM UShÍN

Sózi: Ó. Embergenov

Naması: A. Asqarov

Aq jamǵırı bolıp sáwirdiń,

Shólin basıp sahranıń, shóldiń,

Aq quwına aylandım kóldiń,

Seni jaqsı kórgenim ushın.

Tájim etip baǵlarda gúller,

Sırlas bolıp juldızlı túnler,

Baslanajaq baxıtlı kúnler,

Seni jaqsı kórgenim ushın.

Dúnya maǵan jalǵanshı emes,

Sezimlerim aldamshı emes,

Baxtım ushın basladım gúres,

Seni jaqsı kórgenim ushın.

2013-jıl

274

SENI OYLAYMAN

Sózi hám naması: O.Karimov

Ay sáwlesi áynegimnen baqqanda,

Sárwi tallar kókshil japırak taqqanda,

Baǵ ishinen sulıw gúller tapqanda,

Men seni oylayman, seni oylayman.

Gózzal awılımda seni saǵındım,

Tábiyat kúshine únsiz baǵındım,

Janıńa jetiwge saǵan asıqtım,

Men seni oylayman, seni oylayman.

Kún sáwlesi túsip turǵan muzlarǵa,

Toy-mereke háwij alıp qızǵanda,

Qaraǵanda qayta-qayta qızlarǵa,

Men seni oylayman, seni oylayman.

Báhár libasınan dala ózgerse,

Miywege malınıp altın gúz kelse,

Qos búlbúldiń sayraǵanın kóz kórse,

Men seni oylayman, seni oylayman.

PAL BOLSÍN

“Sayatxan-Hámra” dástanınan “Tábriz” namasına

Saltanatlı boylım sárbi sánáwar,

Láblerińde shiyrin - sheker pal bolsın.

Boyıń gúlge megzer, qáwmetiń shınar,

Shámenler ishinde qáddiń dal bolsın.

Súrme sheklilikdur shul qara kózge, Yarım jasıń jetsin endi toqsanǵa, júzge, Jańıldım, jazıldım, táǵdirim sizge,

Bir ǵálet sóylesem endi tilim lal bolsın.

Baǵıńda ashılǵan ráń-bárań gúliń, Mudam sayrar shaqasında shayda búlbúliń. Gá kúyer, gá janar xızmetker qulıń,

Keshe - kúndiz xızmetińde yana bar bolsın.

Meniń yarım kiyer atlas darayı, Ashıq eken anıń endi kewil sarayı. Hámre aytar ayaǵında duwpayı,

Sarı gewish altın , endi gúmish nál bolsın.

2014-jıl

276

ATA-ANA

Sózi: P.Dabılov

Naması: A.Asqarov

Párwazdı úyretken palapanına,

Júregi bir umman mehirge tolı.

Bir ómir terbetip alaqanında,

Kóklerge kótergen anamnıń qolı.

“Janıńnan keshseń de arıńnan keshpe, Perzentim, elińdi qızǵıshtay qorı”, Tuwrılıq sabaǵın saqlayman este, Baxıtqa jetkergen ákemniń jolı.

Demleri ǵániymet hár bir adamnıń,

Máńgige jaynamas ómirdiń gúli.

Qánekey bola alsam ata-anamnıń,

Beliniń mádárı, kóziniń nurı.

Raxmetler aytayın qolınan uslap,

Shámenzar baǵlarǵa kireyin baslap.

Dúnyanıń islerin bir shetke taslap,

Ulıń bolıp

ÚYLENIP ALAMAN

Sózi: M.Naǵmetullaev

Naması: A.Asqarov

Qızǵanıshtan ottay jansın júregiń,

Shayda ettiń orınlamay tilegim,

Bálkim joqdur meniń saǵan keregim,

Zar ettiń meni bunsha ıshqıńda,

Úylenip alaman jaqın dostıńa.

Júregiń tas tilkimleydi bawırım, Qáyteyin bul ashıqlıqtıń awırın. Juldızday jaynatıp jaslıq dáwirim, Kúydirdiń, súygenim, bunsha ıshqıńda, Úylenip alaman jaqın dostıńa.

BIR QÍZ BAR

Sózi: A.Óteniyazova

Naması: A.Asqarov

Keń sháhárdiń húr qızı,

Aspandaǵı juldızı,

Shashbawları qırmızı,

Kewilimde bir qız bar.

Kóshesinen ótermen ,

Qońırawlar etermen,

Taqat tappay kútermen,

Asıqpaǵan bir qız bar.

Bir qız bar, sulıw qız bar,

Kewilimde bir qız bar,

Taqat tappay kútermen,

Asıqpaǵan bir qız bar.

Jaǵımlı nazlar eter, Sıyqırlı sazlar sherter,

Qálbim sol qızdı kúter, Íntıq etken bir qız bar.

2016-jıl