Qaraqalpaq estrada - qosiqlari

AHÍW-ZAR ETTIŃ

Sózi: A.Sultanov

Naması: P.Baydullaev

Ox, ne degen janım ashıq em saǵan,

Ushırassaq telmirip qarareń maǵan,

Soń negedur kelmey ózgege kettiń,

Diydarıńdı kórmege intizar ettiń.

Mine báhár keldi taǵı aylanıp, Únsiz otırarman uzaq oylanıp. Quslar tereklerge qaldı jıynalıp, Biraq sen kelmediń, ahıw-zar ettiń.

Shiyrin tús bolıp qaldı nurlı júzleriń,

Maǵan jok endi otlı kózleriń,

Endi kele almaysań, onı bilemen,

Sebebi yarısań endi ózgeniń.

2004-jıl

MUHABBATÍM, QAYLARDASAŃ?

Sózi: A.Sultanov

Naması: N.Muxammeddinov

Kúni-túni segbir tartıp,

Hasla uyqı kórmey jartıp,

Bir basıma múshkil artıp,

Izledim seni, muhabbat.

Muhabbatım, qaylardasań?

Qaysı mánzil jaylardasań?

Bálkim yarıń dilgir etken,

Suw keshken sol saylardasań.

Muhabbatım, qaylardasań?

Xosh eken kewil sarayıń,

Jolıńa shıǵıp qarayın.

Májnún tal betke barayın,

Saǵındım seni, muhabbat,

Qayda wáde bergen sóziń?

Jollarıńda eki kózim.

Quwanıshım jalǵız óziń,

Isen sen maǵan, muhabbat.

2007-jıl

NETERMEN

Sózi: A.Óteniyazova

Naması: N.Muxametdinov

Tolǵan ayday júziń bar,

Saǵındırǵan kóziń bar,

Bul dúnyada óziń bar,

Beze almayman netermen.

Kel, málikam, kútermen,

Ashıq kewil sarayım,

Men ózińsiz netermen,

Ońnan tuwǵan kún ayım.

Bunsha shiyrin muhabbat,

Bunsha piyri muhabbat.

Bir ómirge amanat,

Birge alıp ketermen.

Kózlerimdi jumsam da,

Kórinedi elesiń.

Ashıqlarıń mıń san da,

Sen, dilbarım, bir óziń.

Zorım jok ta zarım bar,

Qálbim tola arzıwlar,

Sen tárepke talpınar,

Qaytalmasam netermen?

2008-jıl

242

ANAJANÍM

Sózi: A.Óteniyazova

Naması: N.Muxammeddinov

Kúlimlese altın quyash,

Sizge uqsar, anajanım,

Bizge arnap mehir-ıqlas,

Shuǵla shashar, anajanım.

Jannan áziyz tawday biyik, Húrmet sizge, anajanım, Perzentlerdiń bası iyik, Ózińizge, anajanım.

Tún uyqısın tórtten bólip,

Jan anajan mehir bergen,

Jollarıma kózin tigip,

Saǵınarım anam dermen.

Orınlanǵan árman bolǵan,

Nur bolayın kózińizge,

Quwat bolǵan , dárman bolǵan,

Ul bolayın ózińizge.

Anajanım, Anajanım!

2008-jıl.

243

KEL, SÚYIKLIM

Sózi: A.Óteniyazova

Naması: N.Muxammeddinov

Qansha kúnler jadırap ótti óziń júrgen jollarda,

Talay qazan japıraq tókti óziń júrgen jollarda.

Ne ashıqlar baxıt taptı óziń júrgen jollarda,

Qádemleriń gúl jaynatıp, kel súyiklim, janıma.

Bar dawlettiń qızıǵı ne sen bolmasań qasımda? Túnlerimde juldız qáne sen bolmasań qasımda? Qosıq sıymas kewilime sen bolmasań qasımda, Shadlı sazım shoq jańlatıp, kel súyiklim, janıma.

Ox, súyiklim, saǵan aytar sırlıqupıya sózim bar, Júregimniń tórlewinde óziń degen sezim bar, Ármanlarǵa aylanbastan qalbimdegi arzıwlar, Bir kun baxıt kusı bolıp qonsań alaqanıma.

2008-jıl

244

SÁLEM JOQDUR

Sózi: I.Yusupov

Naması: N.Muxammeddinov

Ashıqlardıń óz jolı bar,

Súymegenge sálem joqdur,

Sulıwlıqta seniń menen,

Bás baylasar sánem joqdur.

Ashıq baqpas óz halına,

Qanat piter qıyalına,

Mashaqatsız visalına,

Jetsem degen dámem joqdur.

Kelmeliketpeli dáwran,

Bizden ótip, sizden qalǵan,

Men bayǵus dártińnen janǵan,

Biydártlerge bánem joqdur.

Búlbil ańsar gúl jamalın,

Sırtım pútin ishim jalın,

Ashıq Ayaz arzıw halım,

Xatka salar qálem joqdur.

Biydártlerge bánem joqdur,

Súymegenge salem joqdur.

2008-jıl.

245

WATAN TOPÍRAǴÍ

Sózi: Ú.Áshirbekov

Naması: N.Muxammeddinov

Táǵdir inam etken seni babama, Áwladıńnıń payı watan topıraǵı, Sennen dene alǵan Adam ataǵa, Júregimniń qanıwatan topıraǵı.

Oypatıń lalazar bálent qırıń bar,

Mal-jaylawǵa Ústirt, Qızılqumıń bar,

Qoynıń tolı baylıq, tereń sırıń bar

Eldiń ǵáziynesiwatan topıraǵı.

Maman biyin seniń ushın saldı jar,

Janın berdi batır tuwgan Ernazar ,

Bozatawdı uran etip Allayar,

Sen ushın gúresti, watan topıraǵı.

Bawırıńda qád kótergen qalalar,

Elimniń shırayı, huwshı lalazar,

Jol kórseter jurt basshısı aǵa bar,

Keleshegiń ullı, watan topraǵı.

2008-jıl

246

SAǴÍNDÍM

Sózi: M.Naǵietullaev

Naması: Á.Temirbaev

Súmbil shashlı dilbarımsań,

Qálbimdegi gúlbaǵımsań,

Tawıstay bolıp taranıp,

Jarasadı turǵanıń,

Mıyıq tartıp baqqanlarıń,

Júrekke ot jaqqanlarıń,

Meni jilwa-naz benen,

Qazıq qılıp qaqqanıń.

Saǵındım, saǵındım,

Seniń qara kózińdi,

Saǵındım, saǵındım,

Seniń ayday júzińdi.

Móldir bulaq kózlerińnen,

Ay qamasar júzlerińnen,

Súrme bolsın kózlerime,

Hár bir basqan izleriń.

Mıyıq tartıp baqqanlarıń,

Júrekke ot jaqqanlarıń,

Meni jilwa-naz benen,

Qazıq qılıp qaqqanıń.

2010-jıl

247

GÚLBANU

Sózi: M.Naǵmetullaev

Naması: Á.Temirbaev

TUŃǴÍSH MUHABBAT

Sózi: M.Naǵmetullaev

Naması: Á.Temirbaev

Táriyp etsem ózińdi,

Sulıwsań aw ózgeden.

Sezimimde turıppan,

Jetkize almay sózimdi.

Kórset jilwa-nazıńdı,

Maǵan kerme qasıńdı,

Ora meniń moynıma,

Qos órimli shashıńdı,

Gúlim meniń Gúlbanu,

Sen gózzalsań hám arıw,

Biylep alǵan qálbimdi,

Húr periyseń, Gúlbanu.

Ráhim áyle, Gúlbanu,

Kórip tursań halımdı,

Sırlarımdı aqtarıp,

Tóktim ishte barımdı.

2010-jıl

Waqıt attay shabar, jasqa jas qosar,

Mende zerigiw joq jolıńdı tosar,

Ne dep aytarımnıń esabın tappay,

Sonda da maqsetim: birinshi posa.

On segiz báhárim ótti qaylarda?

Sárwi tallar shayqaldı ma saylarda?

Ayralıq shınjırı ayaqqa túsip,

Baralmadım sen jasaǵan jaylarǵa.

Tuwrı joldan sırtqa qádem buzbaysań,

Meniń ishim jalın, al sen qızbaysań,

Sen birinshi jay alǵansań júrekten,

Maǵan ele on bes jasar qızdaysań.

2010-jıl

KÓRGIM KELER

Bir awılda tuwıldıq, Ótti balalıǵımız. Awıldan kóship kettiń, Ayra tústi aramız.

Mánzilińdi soramay, Men ǵaybana qalıppan. Sırımdı men aytalmay , Balalıqqa salıppan.

Házir qanday qız boldıń? Kórgim keler ózińdi, Keshir, ayta almadım , Súydim degen sózimdi.

250

Sózi: M.Naǵmetullaev

Naması: Á.Temirbaev

2010-jıl

JANDÍ OTQA JAǴARMÍSAŃ?

Sózi: Ú.Áshirbekov

Naması: N.Muxammeddinov

Gúl ashılǵan nurjamalıń,

Júregime salıp jalın,

Meni etip biyqararım,

Jandı otka jaǵarmısań?

Qáddi-qawmetli totısań,

Kewilime kewil qussań,

Tájim etip qoldı sozsam,

Birge baǵqa bararmısań?

Ahıw -zarım tıńlap óziń,

Dártke dawa tabarmısań?

Júregimniń qáste daǵın,

Alıp taza qılarmısań?

Jandı otqa jaǵarmısań?

Terip baǵdan gúldástesin,

Táriyplep qálbim qastesin,

Aytsam dártimniń wáspisin,

Jandı otqa jaǵarmısań?

Qaramıqtay kúlgen kóziń,

Janǵa lázzet berer sóziń,

Ahıw-zarım tıńlap óziń,

Dártke dawa tabarmısań?

Mendey Ǵáriyptiń sálemin,

Bersem álik alarmısań?

Ayaǵıńa bas urayın,

Bizge miyman bolarmısań?

Jandı otqa jaǵarmısań?

2011-jıl

251

GÚL ARTÍNDA

TURAR SÚYGENIM

Sózi: B.Qayıpnazarov

Naması: J.Tólegenov

Tań samalı gezgen espelep,

Dalalarda júrdim ástelep.

Saylap-saylap terdim dástelep,

Qushaǵıma gúller úygenim,

Gúl artında turar súygenim.

Gúl sulıwın jıynap saz etip,

Qoysam jaynar jilwa-naz etip,

Jilwasına janım ház etip,

Qushaǵıma gúller úygenim,

Gúl artında turar súygenim.

Giya bórtken jılǵasayınan ,

Qulpı dóngen qırlı-oyınan,

Izlep tawıp Ámiw boyınan,

Qushaǵıma gúller úygenim,

Gúl artında turar súygenim.

2012-jıl

AŃLATTÍŃ MAǴAN

Sózi: A.Óteniyazova

Naması: Q.Serimbetov

Ákem asqar tawlar úlgisi boldı, Anam – mehirim, ómirim ullısı boldı, Perzentlerim menen qushaǵım toldı, Táńirim, ómir jibin baylattıń maǵan.

Jay berdiń xalqımnıń kewil baǵınan,

Shaǵladım, jańladım, kelsem haǵınan,

Yosh berip búlbiller párwazlarınan,

Qanatlı qosıqlar saylattıń maǵan.

Usındıń opadar ómirlik joldas, Olsız kúnlerimniń mazmunı bolmas. Íǵbalım hám baxtım, jollarım tutas, Ómir baǵlarıńnan saylattıń maǵan.

Haqıyqat bar jerde jalǵannıń barın, Doslarım bar jerde dushpannıń barın, Arzıwlar bar jerde ármannıń barın, Ómir, sen bárshesin ańlattıń maǵan.

2012-jıl

SALAMAT QÁLLIBEKOV

1986 - jılı 11 - fevral kúni Nókis qalasında dúnyaǵa kelgen.2004 - jılı óz dóretiwshiligin baslaǵan.

2011 - jılı Qaraqalpaqstan Respublikasına xızmet kórsetkenartisti

Qaraqalpaqstan Respublikası bóliminde jumıs alıp barmaqta.

254

MENIŃ JIGIT WAQTÍM

Sózi: I.Yusupov

Naması: Q.Turdıqulov

TASHGU desem dárhál túsedi eske ,

Meniń jigit waqtım, seniń qız waqtıń.

Tuwrı samolyottan tústim de keshte,

Jataq jayıńızdıń esigin qaqtım.

Meniń jigit waqtım, seniń qız waqtıń.

Gúlshanda ashılǵan bir taza gúldey, Shırayıńa shıray qosqan ekenseń. Hind qolına túsken asırandı pildey, Únsiz jetegińe ere berdim men. Meniń jigit waqtım, seniń qız waqtıń.

Kettik qol uslasıp kósheni boylap, Únsiz kiyatırmız, esnep qoyarsań, Janım, aytshı kiyatırsań ne oylap?

Erteń ushırasamız qay jerde, qashan? Meniń jigit waqtım , seniń qız waqtıń.

Tawıstay taranǵan ózbek qızları,

Doslıq izzetlerin kórsetti maǵan.

Eski doslarımday kúlisip bári,

Jaydı aldıma studentlik dastúrxan,

Meniń jigit waqtım, seniń qız waqtıń.

TASHGUbilim baǵı xalqlar doslıǵı,

Qansha kewillerge nur berer jaqtı.

TASHGU - bilim baǵı jaslar doslıǵı,

TASHGU -mıń-mıń qız jigitler jaslıǵı,

Menin jigit waqtım ,seniń qız waqtıń.

2007-jılı qayta islengen

255

QARA

KÓZ

Sózi: A. Óteniyazova

Naması: S. Qosekeev

Qıya salıp kúlkini , gúl-gúl dónip ay júzi, Qaptalımnan hár kúni bir qara kóz ótedi. Erteńine jáne de sol waqta sol kóshede,

Tigiledi ol nege sol qara kóz keshegi.

O, qarakóz, qara kóz, Ózim jaqsı jigitpen. Aytaraw dep jaqsı sóz,Seni kútip júrippen.

Kózińde sır kóremen, túsine almay bilemen, Aytpasa da bilemen: sol qarakóz kútedi, Aynanayın, qarakóz, múmkin bolsa toqtap al, Aytajaqpan bir - eki sóz, maqul deseń qulaq sal.

2010-jıl

BIYTANÍS QÍZ

Sózi: M.Naǵmetullaev

Naması: Á. Temirbaev

Biytanıs qız, xabarlas ,

Biytanıslıq etpe sen.

Qarındasım, zamanlas,

Xabarlaspay ketpe sen.

Sorasqanda ayıp joq,

Bildir ata - tegińdi,

Urıwlasqa shara joq,

Tisletedi tilińdi.

Biytanıs qız, xabarlas,

Biytanıslıq etpe sen,

Qarındasım, zamanlas,

Xabarlaspay ketpe sen.

Bir kóriwden unattım,

Aytsam qulaq isenbes,

Muhabbattı oyattıń,

Júrek tınıshlıq bermes.

2010-jıl

UNATQANMAN

Sózi: A.Tajimuratova

Naması: B.Ismayılov

Janıma jaǵıp janday,

Jarqırap atqan tańday,

Júrekte sezim barday,

Kózińdi unatqanman.

Kúlimlep qarawlarıń,

Jaǵımlı sorawlarıń.

Kórmesem turalmadım,

Sózińdi unatqanman.

Unatqanman ózińdi, Unatqanman sózińdi. Súyip qaldım, Janım ózińdi.

Qálbimdi biylep aldıń, Táǵdirge qayıl qaldım. Hesh teńew tabalmadım, Ózińdi unatqanman.

2011-jıl

258

KELGENIŃ QAYDA?

Sózi: Q.Tańirbergenov

Naması: E.Akimov

Ashıqlıqqa seni aldıǵa baslap,

Yar ıshqında keldim nıq qádem taslap. Shiyrin sezimim menen turman hallaslap, Sen dep tigilemen juldızǵa , ayǵa,

Seniń kelemen dep kelgeniń qayda?

Júrek sırlarımdı saǵan aytsam dep,

Baǵarman hár jaqqa meni joytsań dep,

Keler - aw usınnan eger qaytsam dep,

Wádeli orında kúttim ne payda?

Seniń kelemen dep kelgeniń qayda?

Qayda, Kelgeniń qayda ?

Seniń kelemen dep kelgeniń qayda.?

Jaǵımlı samallar maydalap eser,

Maǵan shıdam berip saǵan kel deser,

Tún urısı yańlı júrgen el gezip,

Ele kúteyin dep turman sol jayda,

Seniń kelemen dep kelgeniń qayda?

Kúteyin sabırım sarqılǵanınsha,

Saatlar ótpedi qanshadanqansha?

Sergizdan áylediń sen meni bunsha,

Bálkim xosh kórmegen kewliń qalay da

Seniń kelemen dep kelgeniń qayda?

2013-jıl

259