Qaraqalpaq estrada - qosiqlari

BIZGE KEL

Sózi: A.Ábdimuratov

Naması: K.Abdullaev

Biziń el jaylasqan Ámiw boyına, Baylıǵı sıǵasqan qırı oyına, Inkar bolsań eldiń gúlshırayına,

Dostım, qarsı alaman, tuwrı bizge kel, Meyli báhárde kel, meyli jazda kel.

Biziń jerdiń topıraǵı dım hasıl,

Egislikke qoynı tolı mol hasıl,

Jeri ǵayrı naǵısh gilemdey jasıl,

Sulıw tabiyattı kórsen bizge kel,

Meyli báhárde kel , meyli jazda kel.

Miywalardıń mazalısı baǵında,

Tilińdi úyirer jegen waǵıńda,

Ne kerekbári bar el qushaǵında,

Dostım , keler bolsań tekke bizge kel,

Meyli báhárde kel, meyli jazda kel.

Aspanı juldızlı, baǵı miywalı,

Jasıl jaylawında jayılar malı, Aral teńizim bar - balıqtıń káni, Altın sazanlardı jeseń bizge kel,Meyli báhárde kel, meyli jazda kel.

2009-jıl

200

QUMARMAN

Sózi: Q.Tańirbergenov

Naması: S.Qosekeev

Kerme qastıń astında,

Sonday sulıw kózleriń.

Maqtap-maqtap jazsam da,

Jeterme eken sózlerim?

Kózleriń bar qap -qara, Júregim boldı jara. Sol kóz benen tigilip, Men tárepke bir qara.

Kózlerińde jılıw bar,

Sonday sulıw bolar ma ?

Dúnyada kóp sulıw bar,

Teń kórmeymen olarǵa.

Názerińe il meni,

Qáytsem saǵan unarman?

Aya mendey bendeni,

Kózlerińe qumarman.

2009-jıl

201

GÚLZIYBA

Sózi: Q.Tańirbergenov

Naması: S.Qosekeev

Meniń ushın húr ziyba ,

Dúnyadaǵı bir ziyba,

Aytsam saǵan sırımdı,

Seni súydim, Gulziyba .

Qıyallarım sharq urıp, Aspanda júr jananım, Júrseń oyǵa batırıp, Tek sırtıńnan qaradım.

Bul dúnyada barımsań, Shertken jipek tarımsań, Jolıńda shayda bolıp, Izlep tapqan yarımsań.

2010-jıl

QÍZÍL KÓYLEK

Sózi: I.Yusupov

Naması: Q.Hilalov

Qızıl kóylek qına belińe, Qáddi-boylarıńa jarasıp,

Kirip keldiń, janım, sen endi,Men otırǵan esikti ashıp.

Kóz benen kóz aytısıp jumbaq,

Biraz waqıt turdıq qarasıp,

Pútkil dúnya súysinip sonda ,

Diydarıńa bolǵanday ashıq.

Súysem dedim alıp qushaqqa, Láblerińe lábimdi basıp, Kóz qarasıń suwıǵıraq ta, Albıradım aqıldan sasıp.

Otırdım men eńkeyip páske,

Aytar sózimnen de adasıp.

Shashlarıńdı sıypadım áste,

Qorqqanımday tur dep jarasıp.

2010-jıl

JUP POSA

Sózi: X.Dawletnazarov

Naması: S.Qosekeev

Ózińnen tek jup posa, Dámedarman, bileseń, Sezbegensip biraq sen, Bawırımdı tileseń.

Ǵumsha lábiń úlbirep, Kúydirgish gúl ashadı. Qara kóziń qálbime, Kúydirgish nur shashadı.

Qaqlanarman dártińnen, Sezimlerim duzlanıp, Birew saǵan jantassa, Ólerdeymen qızǵanıp.

Jup posa ,jup posa,

Alsam deymen jup posa.

Qáne endi, sáwer yar,

Saǵan bul sóz xop bosa.

Kewilimnen keshkenin,

Bolmas endi jasırıp.

Sorarım tek jup posa,

Ayaǵıńa bas urıp.

Qáne endi qálbińe,

Bul tilegim xop bosa.

Buyırǵay aq júzińnen,

Shiyrin-shiyrin jup posa.

2011-jıl

204

SEN SULÍW

Sózi: Á.Tájimuratov

Naması: M.Jiyemuratov

O, sulıwlar, aspandaǵı juldızlar,

Jıltıldaǵan suw túbindegi qundızlar,

Sulıw eken ózi qay jer eken?

Kim eken, qaysı biri men sulıwman der eken?

Jıl ishinde báhár sulıw, jaz sulıw,

Kólden ushqan aqquw menen ǵaz sulıw, Ádiwlegen ata menen ananı,

El ishinde bala menen qız sulıw.

Jel qayısqan baǵ-baqshalı el sulıw Eli ushın xızmet etken er sulıw,

Jas bóbekti háyyiw aytıp jubatqan,

O anajan, anajanım, bárinen de sen sulıw.

Jıl ishinde aq qırawlı qıs sulıw,

Kórer kózge ishten kóre tıs sulıw,

Shayırıńnıń yosh-ilhamın shalqıtqan,

Bárinen de mol qırmanlı gúz sulıw.

205

ESIŃDE ME?

Sózi: P.Dabılov

Naması: S.Qosekeev

Ay tolısıp juldız janǵan,

Tallar shashın suwǵa malǵan,

Qol uslasıp birge barǵan,

Sol bir aqsham esińde me?

Gáp bolasız deyip kúndiz, Ím qaǵadı sholpan juldız, Maysalarda qalmaǵan iz, Tınıq aspan esińde me?

Esińde me,janım esińde me?

Sol bir aqsham esińde me?

Say sıǵalap nama shalǵan,

Tınıq aspan esińde me?

Sol bir aqsham esińde me?

Balalıqlar izde qalǵan,

Jazda gúli ǵumsha jarǵan,

Láblerińnen posa alǵan,

Tatlı árman esińde me?

Irke almadıq waqıttı biz,

Terezemnen baǵıp bir gúz,

Ańlap jetken baxıttı biz,

Altın dáwran esińde me?

2012-jıl

206

MUQADDES

HAYAL

Sózi: Q.Tańirbergenov

Naması: Q.Zaretdinov

Sen desem oyıma kelmeydi neler,

Shiyrin sózlerimdi arnaǵım keler.

Dúnyada ullı insan kim dese eger,

Aytarım ózińseń, muqaddes hayal.

Dúnyanı terbetip ana sawlatı,

Qálbimdi bir ómir boyap qaladı.

Biypatpanın naǵız senseń áwladı

Aqıldıń kóziseń, muqaddes hayal.

Kózleriń mehrge tolı qarasań,

Perzenttiń jolında kúyip-janasań,

Sen maǵan ádiwli aziyz anasań,

Miyirman, bawrı keń, muqaddes hayal.

2013-jıl

QOŃSÍ QÍZ

Sózi: Q.Tańirbergenov

Naması: S.Qosekeev

Máhálde men azanǵı,

Keshir alsam mazańdı.

Súygenimdi jurtlardan,

Jasıraman qashanǵı.

Mıyıq tartıp kúlgende,

Sen gózzalsań gúlden de.

Periydeyseń arzıwlım,

Aǵlası sen húrden de.

Qaramasań qarama,

Duz seppegil jarama,

Pánt berme sen, qońsı qız,

Tiyip alıp jorama.

Alma atsam almadıń, Ózge yardı tańladıń. Júregińdi sen kimniń, Júregine jalǵadıń?

Aynalayın, qońsı qız,

Janıma bir kelshi, qız,

Eń bolmasa túsimde,

Tek meniki bolshı, qız.

2015-jıl

SÁRBINAZ ANNAQULOVA

1983 - jılı 6 - oktyabr kuni Qońırat rayonında dúnyaǵa kelgen.2001 - jılı óz dóretiwshiligin baslaǵan.

2007 - jılı “ Nixol” sıylıǵı laureatı.

2013 - jılı Qaraqalpaqstan Respublikasına xızmet kórsetkenartist húrmetli ataǵına iye bolǵan

Házirgi waqıtta Berdaq atındaǵı Qaraqalpaq mámleketlikakademiyalıq muzıkalı teatrında jumıs alıp barmaqta.

SÁNEMJAN

“Ǵárip Ashıq” dástanınan, “ Kepter muxalles” namasına Qayta islegen: Z.Xalmuratov

Sabır áylegil, Sánemjan, hálek etpe ózińdi,

Kewlim meniń inanbas aldap aytqan sózińdi.

Yarıń seniń Shaxwalet súrme etsin izińdi,

Aldap meni hayran etip, qılma giryan ózińdi

Endi qıymay ketermen bálki kórmey yuzińdi.

Búginshe sabır et, Sánem, muradıńa jeterseń,

Neke qıysa Shaxwalet zawqı - sapa eterseń,

Meni deseń, Sánemjan, ras ólimge keterseń,

Shaxnı taslap meni de biysharalar eterseń,

Men paqırdı aldama qoyǵıl, Sánem, sózińdi.

Endi hiyle áyleme, men biyshara, gedaya,

Shaxnı taslap bolmassań biz paqırǵa pármana,

Sennen úzdim úmitim, jalbaraman qudaǵa,

Shaxwalettiń mútajin Sanemjan etpe sen zaya,

Sen birzaman sabır áyle, taslamaǵıl ózińdi.

2001-jıl

210

JASLÍQ BALLADASÍ

Sózi: Sh.Paxratdinova

Naması: N.Muxametdinov

Men jaslıqdúnyanıń kórki,

Maǵan jarasadı shoq erke kúlki.

Meniń ıǵbalıma kewili tolıp,

Jarqırap aspanda kúledi kúnde.

Gózzal jaslıǵım.

Tawdan aqqan bulaq kibi sarqırap,

Jaslıǵım, ómirge sán ber jarqırap!

Muxabbat aldıma kelse bas iyip,

Qosıqlarım ketsin álemge tarap.

Gózzal jaslıǵım.

Jaslıǵım ,ıqlasım ,minnetim sizge,

Megzeymen báhárge, ashılǵan gúlge,

Keleshek baxıtlı zamanım ushın,

Ana Watan, Watan anam,

Watanım máńgige,

Watanım máńgige pármana bizge.

Gózzal jaslıǵım.

AZAT

WATAN

Sózi: N.Ámetov

Naması: U.Abdullaeva

Kewilimniń batıl bolmay arnası,

Qosıqlarım bolsın ıshqı sırlası.

Jan dúnyama kirip barar jımbırlap, Ómirimniń dawamınıń jalǵası.

Qosıqlarımsúyenishim, sırlasım Watan,

Aqqan darya aǵısınan tınbasın Watan,

Azat Watanımda ómir gúl jaynap,

Hawazımdı pútkil álem tıńlasın.

Tebrenedi pútkil deneń sezdirmey,

Keń jáhánnen hesh waq gúder úzdirmey.

Kewil xoshıńdır shadlıǵıń bir kúlkiń,

Qoymas seni tolqınlarda júzdirmey.

2009-jıl

212

SHASHÍW

Sózi: M.Jumamuratova

Naması: Á.Paxratdinov

Xosh keldiń bul álemge, Qutlı ómir qádemge, Dep yashullı bópege, Shashıw shashar ájeler.

Shashıw shashar atalar ,

Shashıw shashar ájeler.

Kóp miyweli daraqtan,

Sheber usta jaratqan,

Oyma sózler bar aqtan,

Altın besik ákeler.

Toppısında tumarı, Dastıǵında quranı. Keleshektiń muradı, Áhli insan bópeler.

Húr watanı qádirlep, Ata-ana ádiwlep,

Mehir menen háyyiwlep, Úmit penen mápeler.

2010-jıl

213

JASLÍǴÍM

Sózi: A.Óteniyazova

Naması: B.Ismayılov

Kózlerimnen bir ushıp bazda,

Tar zibannan tógilgen sazda,

Jańǵırasań óshpes hawazda,

Qálbimdegi tarsań, jaslıǵım.

Ushqım keler keń aspanıńda, Úmitler kóp atqan tańımda, Arzıwlarǵa oranǵanımda,

Sen qollawga barsań, jaslıǵım.

Altın gúzde appaq xanam sen,

Ilim quwsam aqıldanam sen,

Jańalıǵıń kóp eken bilsem,

Hár demimde nursań , jaslıǵım.

Shıńlarım kóp ele shıqpaǵan,

Hár máwritim qádirdan maǵan,

Saǵım bolıp jılawlanbaǵan,

Qol bılǵap turarsań, jaslıǵım.

2011-jıl

214

USTAZLAR

Sózi: A.Óteniyazova

Naması: Á.Paxratdinov

Bul ájayıp dúnyanıń siz,

Ashıp sırlı jumbaqların,

Quyash kibi nur bolǵansız,

Anam kibi qádirdanım.

Eger de siz bolmaǵanda,

Jan dúnyamız bolmas edi.

Asıqtırıp atar tańǵa,

Bunsha baxıt bolmas edi.

Siz ashqan jol olaltın tań, Muǵallimim,ustazlarım, Alǵıs alsam elxalıqtan, Úmitińdi haqlaǵanım. Bilim menen tárbiyanıń, Mıń mashaqat jolları bar, Alǵıs sizge, ustazlarım, Shákirt ushın qaharmanlar.

Qanday tabıs qushsa da kim,

Siziń miynet, siziń baǵdar.

Eslep júrer sizdi xár kim,

Hátte álemge tanılǵanlar.

Tabıslarǵa shadlanasız,

Qollap eldiń ul-qızların.

Haqılısız maqtansańız,

Sizge tájim ustazlarım.

2011-jıl

215

SONDAY

ZAMANLAR

Sózi: G.Matyakupova

Naması: Á.Paxratdinov

Ana jerge tamır jayıp óstik biz,

Erkinlik jolında adım attıq biz.

Xalqım súygen jurt basıma súyenip,

Sonday erkin zamanlarǵa jettik biz.

Atababam hikmetine nurlanıp, Jer jáhánniń názerine sırlanıp, Ǵárezsizlik nápesinen húrlenip, Jeti ıqlım jáhánlerge jettik biz.

Jurt basımız hár sózi hikmet búgin,

Ul -qızımnın qálbinde qudiret búgin.

Jańalanǵan hár awıl jánnet búgin,

Gúl búrkengen bostanlarǵa jettik biz.

El kórkinde hár shańaraq mehriban, Arzıwlarda azatlıqtıń sehri bar, Ǵárezsizlik degen óshpes atı bar, Biyik taxtı ráwanlarǵa jettik biz.

2012-jıl

216

SÚYDIRIP, KÚYDIRIP

Sózi: S.Jetkerbaev

Naması: Á.Temirbaev

Dúnya ishinde barsań - barman,

Jandım ıshqıńda saǵan zarman,

Baxıtlı bolarman bolsaq birge,

Sen bar kewlimde, joqdur ózge.

Toymadım janıwdan,

Júrek jaralawdan,

Seni súyemen janımnan.

Súydirip, kúydirip ,

Janımdı alasań,

Azaplap kúnde mıń,

Dártlerge salasań,

Ketsem men jalbarıp,

Izimde qalarsań,

Men janǵan otlarda,

Sende bir janarsań.

Júrek sózimde boldıń tákirar,

Hár kún dártińde qıynarsań yar,

Sen dep órtener júrek jáne,

Qálbim diydarıńdı saǵındı yar.

2013-jıl

217

Hesh alańsız júr edim, Dáslep kózge ilmedim. Muxabbattıń otına, Kúyerimdi bilmedim.

Sen kewlime ornadıń, Qıyalımdı urladıń. Endi barıp túsindim, Muxabbattıń sırların.

Bárháma kóz aldımda, Baǵda birge júrgenim. Saǵınaman yadımda, Gúller terip bergeniń.

Maǵan degen kewiliń, Háp zamatlık bolmaǵay. Íshqıńa qumar dáwirim, Eslew bolıp qalmaǵay.

Sezimlerim seni deydi,

Al sen bolsań ne oylaysań?,

Qıldan názik qız kewlimdi,

Nelik bunsha sen qıynaysań?

Súydim deyseń súye almaysan,

Shın sezimdi seze almaysań,

Aldamshı bul sózleriń menen,

Júregimdi geze almaysań.

Jáne kelseń sen aylanıp,

Júregimdi bere almayman,

Unatsa kewlim unatar,

Keshir, biraq súye almayman.

Sonda da tınımsız qalbim, Ózgege de qıyalmayman, Túsin meni, ápiw et sen, Aldınǵıday súye almayman.

Ushıratqanda men ózińdi, 2013-jıl “Janım” dediń barlıǵım dep,

Búgin jáne sen aldadıń, Júrseńdaǵı jalǵızım dep.

2014-jıl