Uliwma_pedagogika_paninen

26)Qadaǵalawda jazba, kontrol jumısların tekseriw metodı haqqındaǵı túsinigińiz?

27)Grafikalıq hám ámeliy tájiriybe islerin tekseriw metodı haqqındaǵı túsinigińiz?

28)Bilim, uqıplılıq hám kónlikpelerdi bahalaw ólshemleri haqqında aytıp beriń?

29)Májbúriy standartlı baqlaw jumısı (MSBJ) degenimiz ne?

30)Shereklik standart reytińg balı (ShSRB) qashan hám qalay

qoyıladı?

31) Oqıw processinde qadaǵalaw hám esapqa alıw qaysı normativhuqıqiy hújjetler tiykarında alıp barıladı?

1.3. «TÁRBIYA TEORIYASI» BÓLIMINE TIYISLI

TAPSİRMALAR HÁM SORAWLAR.

1- tapsırma. Sabaqlıqtan “Tárbiya procesiniń mánisi hám mazmunı” temasın oqıń hám tómendegi sorawlarǵa juwap beriń:

1)Tárbiyanıń «maqseti» hám «wazıypaları» túsinikleri neni ańlatadı?

2)Milliy tárbiya degende neler túsiniledi?

3)Jámiyette tárbiyanıń maqseti hám wazıypaları qanday faktorlarǵa baylanıslı boladı?

4)Hár tárepleme rawajlanǵan hám úylesikli qáliplesken adam dep kimlerge aytıwǵa boladı?

5)Milliy tárbiyanıń quramlı bólimleriniń wazıypalarına sıpatlama

beriń?

6)Ótmishtegi ullı alım, pedagog babalarımızdıń milliy tárbiya teoriyası menen ámeliyatına qosqan biybaha úlesleri haqqında ne aytasız?

7)Aqıl miyneti mádeniyatı túsinigine neler kiredi?

8)Estetikalıq qabıl etiw hám talǵam degen ne?

9)Siz tárbiyaǵa kompleksli qatnas jasaw degendi qanday túsinesiz?.

10)Oqıwshılardıń háptelik aqlıy miyneti júklemesin tallań hám aqlıy miynet rejimin dúzip úyreniń.

11)Sizge tanıs mekteplerdiń birewiniń milliy tárbiyanı iske asırıwdaǵı tájiriybesin ámeliy sabaqta sóylep beriń.

12)Pedagogikalıq ámeliyat waqtında ózińiz qálegen klassta hám qálegen temada ótkeretuǵın bir etikalıq gúrrińniń jobasın dúziń.

22

13)Milliy tárbiya quramlı bólimleriniń óz-ara baylanısın mısallar, faktler menen dálilleń.

14)Oqıǵan mektebińizde oqıwshı shaxsın hár tárepleme úylesikli rawajlandırıwǵa baylanıslı alıp barılǵan isler haqqında aytıp beriń.

15)Ámeliy sabaqta tallaw ushın milliy tárbiyanıń maqseti hám wazıypalarına baylanıslı ózbetinshe dóretiwshilik túrde mashqalalı soraw, másele yamasa test dúzip keliń.

16)«Milliy tárbiya», «Milliy ideya», «Milliy ǵárezsizlik ideologiyası» temasında ótkeriletuǵın dóńgelek stol átirapındaǵı sáwbetlesiwge tayarlıq kóriń.

2- tapsırma. Ulıwma pedagogika sabaqlıgınan “Jámáát tárbiya ob’ekti hám sub’ekti sıpatında” temasın oqıń. Tómendegi sorawlarǵa juwaplar tabıń:

1)Jámáát degende neni túsinesiz?

2)Oqıwshılar jámááti haqqında túsinik beriń?

3)Oqıtıwshılar jámááti haqqında túsinik beriń?

4)Jámááttiń basqa qanday túrlerin bilesiz?

5)Jámáátti qáliplestiriwde perspektiva degende neni túsinesiz?

6)Jámáátte qanday dástúrler bolıwı múmkin?

7)Jámáátte birgeliktegi miynet qalay shólkemlestiriliwi múmkin?

8)Baslanǵısh jámáát degende neni túsinesiz?

9)Jámáát rawajlanıwınıń basqıshların túsindirip beriń?

10)«Parallel háreket pedagogikası» túsinigin táriplep beriń?

11)Formal` hám formal` emes balalar jámáátleri degende neni túsinesiz?

12)Jámáátte mikrotoparlardıń ornı haqqında aytıp beriń?

13)Jámáát aktivi degenimiz ne?

14)Jámááttiń tárbiyalawshılıq xızmetin qalay túsinesiz?

15)Mektep jámááti qanday jámátlerden quraladı?

3- tapsırma. Sabaqlıqtan «Tárbiyanıń ulıwma metodları» temasın oqıp, kórsetilgen sorawlarǵa juwaplar beriń:

1)Tárbiya metodları degende nelerdi túsinemiz?

2)Tárbiyanıń frontal` yamasa massalıq, gruppalıq yamasa krujok

formaları neni ańlatadı?

3)Shınıqtırıw metodınıń usılların kórsetip beriń.

4)Axborot saatların ótkeriw qaysı tárbiya metodınıń quramında?

5)Maqullawdı qaysı tárbiya metodınıń quramına qosamız?

6)Oqıw xızmetin qaysı tárbiya metodınıń quramına qosqanımız durıs boladı?

23

7)Gúrriń qaysı tárbiya metodınıń usılı?

8)Xoshametlew metodınıń qanday usılları bar?

9)Isendiriw metodınıń qanday usılları bar?

10)Jazalaw metodınıń qanday usılları bar?

11)Oqıwshınıń minez-qulqına qoyılatuǵın bahanı kemitiw qaysı tárbiya metodınıń quramına qosıladı?

12)Oqıwshı minez-qulqına qanday bahalar qoyıladı?

13)Úlgili bahası qanday oqıwshılarǵa qoyıladı?

14)Qanaatlandırarsızlıq bahası menen kimler bahalanadı?

15)Kúndelik rejimdi dúziwge járdemlesiw qaysı tárbiya metodınıń usılı sıpatında qollanıladı?

16)Oqıwshılardıń aqıl hám fizikalıq miynetler menen shuǵıllanǵanda tez sharshap qalıwına jol bermeytuǵın shınıqtırıw metodınıń usılın tabın?

17)Axborot saatların ótkeriwdi oqıwshılardı tárbiyalawdıń qaysı formasına qosasız?

18)Tárbiya quralları qanday maqsette isletiledi?

19)Oqıwshılarǵa kimnin úlgi bolıwı ayrıqsha ahmiyetli?

20)Ata-balarımız óz balalarına kimlerden úlgi alıwdı násiyat etken?

21)Tárbiya procesinde eń jeńil jaza qaysı?

22)Ózbek xalqı hesh kimnen kem emes, kem bolmaydı da degen uran qaysı tárbiyalaw metodınıń qatarınan orın aladı?

23)Ne sebep teńdey sociallıq sharayatlarda jaqsı hám tómen xojalıq iyeleri ósip jetilisedi?

24)Etikalıq temadaǵı gúrrińlerdi ótkeriwdiń ayrıqshalıǵı nelerden

ibarat?

4- tapsırma. Sabaqlıqtan «Oqıwshılardıń ilimiy dún’ya qarasın qáliplestiriw. Aqıl tárbiyası» temaların oqıp, tómendegi sorawlarǵa juwaplar tabıń:

1)Ilimiy kóz-qaras dún‘yaǵa bolǵan kóz-qarastıń ajıralmas

bólegi ekenligin dálilleń. Bul túsiniklerdiń bir-biri menen baylanısı hám ózine tán ózgeshelikleri nelerden ibarat?

2)Oylaw, pikir júritiw hám olardıń túrleri. Pikirlewdiń ilimiy bilim menen óz-ara baylanısın anıqlań.

3)Aqıl tárbiyasınıń mazmunı nelerden ibarat? Aqıl, intellekt, erudiciya, talanttıń ózine tán ózgesheliklerin dálilleń

4)Aqıl tárbiyasınıń tiykarǵı túsiniklerin sanap beriń hám olar arasındaǵı óz-ara baylanıslardı ilimiy pedagogikalıq hám ilimiy – psixologiyalıq jaqtan dálilleń.

24

5)Aqıl tárbiyasınıń maqseti neden ibarat? Onıń zamanagóy wazıypaların belgileń.

6)Aqıl tárbiyasın ámelge asırıw jolları hám quralların túsindirip

beriń.

7)Ekonomikalıq tárbiyanıń jaslarda ilimiy kóz-qarastı qáliplestiriwdegi ornın anıqlań.

8)Ekologiyalıq tárbiyanıń mazmunı nelerden ibarat.

9)«Ekologiya» sóziniń kelip shıǵıw tariyxın túsindirip beriń?

10)Ekologiyalıq tárbiya degenimiz ne?

11)Ekologiyalıq tárbiyanıń maqseti hám wazıypaların aytıp beriń?

5- tapsırma. Sabaqlıqtan «Puqaralıq tárbiyası» temasın oqıń.

Tómendegi sorawlarǵa juwap tabıń:

1)Puqaralardıń Watan súyiwshilik pazıyletleri qanday háreketlerde óz kórinisin tabadı?

2)Insan, shaxs, puqara, puqaralıq túsinikleriniń ózine tán ózgesheliklerin túsindirip beriń. Respublikamızda puqaralardıń minnetleri qanday hújjetler tiykarında belgilep qoyılǵan?

3)Puqaralıq sana menen puqaralıq tárbiyanıń óz-ara baylanısı nelerde kórinedi?

4)Puqaralıq tárbiyanı ámelge asırıwdıń baǵdarların sanap beriń hám olardıń mazmunı nelerden ibarat ekenligin aytıp beriń.

5)Mámleketlik belgilerge neler kiredi hám olar qanday xızmetlerdiatqaradı?

6)Mámleketlik belgilerdiń jaslardı tárbiyalawda tutqan ornı hám áhmiyeti qanday?

7)Puqaralıq tárbiyanıń jaslarda Watan súyiwshilik hámde milletleraralıq doslıq tárbiyası menen baylanısı nelerden ibarat?

8)Jaslardı milletleraralıq doslıq ruwxında tárbiyalawda «2017-2021 jıllarda Ózbekstan Respublikasın rawajlandırıwdıń bes tiykarǵı baǵdarı boyınsha Háreketler strategiyası»nıń ―5 - qáwipsizlik, diniy ken peyillik hám milletleraralıq tatıwlıqtı támiynlew hámde tereń oylangan, óz-ara paydalı hám ámeliy sırtqı siyasat salasındaǵı tiykarǵı baǵdarı»nıń tutqan ornın belgileń.

9)Huqıqıy tárbiyanıń mazmunın ashıp beriń.

6- tapsırma. Sabaqlıqtan “Ruwxıy, ádep-ikramlılıq tárbiya” teması menen tanısıp shıǵıń hám tómendegi sorawlarǵa juwaplar beriń:

1)Ruwxıy, ádep-ikramlılıq tárbiyanıń mazmunı nelerden ibarat?

2)Ne sebepten hár bir tárbiyalıq istiń formasınıń óz maqseti hám

jeke wazıypaları belgilenedi?

25

3)Mektepte sabaq processinde ruwxıy, ádep-ikramlılıq tárbiyası qanday ámelge asırılıwı múmkin?

4)Shaxstıń «tárbiyası» menen «socializaciyalanıwı» túsiniklerin salıstırıń. Oqıwshı-jaslardı ruwxıy, ádep-ikramlılıq ruwxta tárbiyalawda olardıń roli qanday?

5)Balalardı ruwxıy, ádep-ikramlılıq jaqtan tárbiyalawda hám olardı tártip-intizamǵa úyretiwde shańaraq tárbiyası menen jámiyetlik tárbiyanıń ózine tán ózgeshelikleri nelerden ibarat?

6)Tárbiyanıń gumanistik koncepciyasınıń mazmunın túsindirip

beriń.

7- tapsırma. Sabaqlıq kitaptan «Oqıwshılardıń miynet, dene hám estetikalıq tárbiyası» temasın oqıń. Tómendegi sorawlarǵa juwaplar tabıń:

1)Estetikalıq tárbiya túsinigi qaysı tilden alınǵan hám qanday maǵananı ańlatadı?

2)Estetikalıq tárbiyanıń maqseti nelerden ibarat?

3)Estetikalıq tárbiyanıń tiykarǵı wazıypaları nelerdi óz ishine

aladı?

4)Estetikalıq talǵam degende neni túsinesiz?

5)Estetikalıq sezim degende neni túsinesiz?

6)Kórkem tárbiya túsinigi neni ańlatadı?

7)Estetikalıq hám ádep-ikramlılıq tárbiyasınıń óz-ara baylanısın qalay túsinesiz?

8)Estetikalıq tárbiyada dene mádeniyatınıń ornın kórsetip beriń

9)Estetikalıq tárbiyada muzıkanıń áhmiyetin túsindirip beriń.

10)Súwretlew óneriniń gózzallıq tárbiyasındaǵı ornı qanday?

11)Insanlarda ishki hám sırtqı gózzallıq degende neni túsinesiz?

12)V.G.Belinskiy estetikalıq tárbiyanıń áhmiyeti haqqında qanday pikir bildirgen?

13)Estetikalıq tárbiyaǵa baylanıslı qanday naqıl-maqallardı bilesiz?

14)Xalqımızǵa belgili kórkem-óner ǵayratkerlerinen kimlerdi

bilesiz?

15)Miynet tárbiyasınıń maqseti ne?

16)Miynet tárbiyasınıń wazıypaları nelerden ibarat?

17)Aqıl miyneti degende neni túsinesiz?

18)Fizikalıq miynet degende neni túsinesiz?

19)Oqıw miynetin qalay túsinesiz?

20)Sociallıq-paydalı miynet degende neni túsinesiz?

21)Dene tárbiyasınıń maqseti ne?

26

22)Dene tárbiyasınıń wazıypaları nelerden ibarat?

23)Dene mádeniyatı túsinigin táriyplep beriń?

24)Úsh basqıshlı sport jarısları haqqında nelerdi bilesiz?

25)Dene tárbiyasınıń basqa tárbiya túrleri menen baylanısı nelerden

ibarat?

1.4.«BILIMLENDIRIW MEKEMESINIŃ MENEDJMENTI» BÓLIMINE TIYISLI TAPSİRMALAR HÁM SORAWLAR.

1- tapsırma: Sabaqlıqtan «Bilimlendiriw mekemesin basqarıwdıń teoriyalıq tiykarları» atlı temanı oqıń hám túsiniklerińiz boyınsha tómendegi sawallarǵa juwap qaytarıń:

1)Bilimlendiriw mekemesiniń menedjmenti degende neni túsinesiz?

2)Sabaqtı tallaw qanday túrlerge bólinedi?

3)Bilimlendiriw tarawındaǵı menedjmentlik xızmettiń wazıypası, atqaratuǵın xızmetleri nelerden ibarat?

4)Orta arnawlı, kásip-óner bilimlendiriwiniń mazmunı haqqında túsinigińizdi aytıp beriń?

5)Ózbekstan Respublikası Ministrler Kabinetiniń 1998 jıl 13 maydaǵı «Ózbekstan Respublikasında orta arnawlı, kásip-óner bilimlendiriwin shólkemlestiriw haqqında»ǵı 204 sanlı qararına sáykes qabıl etilgen Reje qanday bólimlerden ibarat?

6)Orta arnawlı, kásip-óner táliminiń maqseti nelerden ibarat?

7)Orta arnawlı, kásip-óner táliminiń wazıypaları nelerden ibarat?

8)Orta arnawlı, kásip-óner bilimlendiriwin basqarıw degende nelerdi túsinesiz?

9)Akademiyalıq licey qanday oqıw ornı?

10)Kásip-óner kolledji qanday oqıw ornı?

11)Bilimlendiriw mekemesiniń Ustavı – bul qanday hújjet?

12)Bilimlendiriw mekemesiniń Ustavı qanday bólimlerdi óz ishine

aladı?

2- tapsırma: Sabaqlıqtan «Oqıw ornın basqarıw ámeliyatı» atlı temanı oqıp shıǵıń hám tómendegi sawallarǵa juwap qaytarıń:

1)Basqarıw metodları degenimiz ne hám onıń qanday túrlerin

bilesiz?

2)Mektepti basqarıw metodlarınıń klassifikaciyası haqqında aytıp

beriń?

3)Verballı – individual metodlarǵa qanday metodlar kiredi?

4)Aldıńǵı pedagogikalıq tájiriybelerdi izertlew-úyreniw metodları

haqqında aytıp beriń?

27

5)Illyustrativ – kórgizbeli metodlarǵa qanday metodlar kiredi?

6)Texniko – texnologiyalıq metodlarǵa neler kiredi?

7)Oqıw ornı xızmetin rejelestiriw degende nelerdi túsinesiz?

8)Mektepti basqarıwdıń qanday funkciyaları bar?

9)Mektep Rejeleri qanday faktorlarǵa tiykarlanıp dúziledi?

10)Oqıw páni degenimiz ne?

11)Oqıw rejesi degende qanday rásmiy hújjet túsiniledi?

12)Oqıw baǵdarlaması haqqında túsinigińiz?

13)Mektepte rejelestiriwdiń qanday túrleri ámel etedi?

14)Mekteptiń perspektivalıq rejesi degende qanday hújjetti

túsinesiz?

15)Mekteptiń oqıw – tárbiya isleri boyınsha jıllıq rejesi degende qanday hújjetti túsinesiz?

16)Mekteptiń shólkemlestiriwshi, metodikalıq hám klasstan tıs tárbiyalıq islerdiń grafikalıq (shereklik) rejesi degende qanday hújjetti túsinesiz?

17)Mektepte jámiyetlik shólkemlerdiń is rejeleri haqqında aytıp

beriń?

18)Oqıw orınlarında ishki qadaǵalaw jumısların shólkemlestiriw haqqında aytıp beriń?

19)Oqıw orınlarında ishki qadaǵalaw jumısları qanday basqıshlarda ámelge asırıladı?

20)Bilimlendiriw tarawında attestaciya jumısları haqqındaǵı túsinigińiz?

21)Attestaciya ótkeriwde qanday principler basshılıqqa alınadı?

22)Attestaciya ótkeriwdiń tiykarǵı wazıypaları nelerden ibarst?

23)«Portfolio» haqqında túsinigińiz?

24)Oqıw ornında metodikalıq jumıslardı shólkemlestiriw haqqında aytıp beriń?

25)Mektepte Pedagogikalıq keńestiń maqset hám wazyıpası haqqında aytıp beriń?

26)Metodikalıq birlespeler haqqında aytıp beriń?

1.5.«ARNAWLİ PEDAGOGIKA» BÓLIMINE TIYISLI TAPSİRMALAR HÁM SORAWLAR.

1- tapsırma. Sabaqlıqtan «Korrekciyalıq pedagogika» temasın oqıń hám kórsetilgen sorawlarǵa juwaplar beriń:

1)Korrekciyalıq pedagogika pániniń wazıypaları nelerden ibarat?

2)Korrekciyalıq pedagogika páni qanday tarawlardan quralǵan?

28

3)Arnawlı járdemge mútáj balalar dep kimlerge aytamız?

4)Tiflopedagogika páni nelerdi úyrenedi?

5)Oligofrenopedagogika páni nelerdi úyrenedi?

6)Anomal balalar túsinigi nenii iańlatadı?

7)Logopediya páni nelerdi úyrenedi?

8)Surdopedagogika páni nelerdi úyrenedi?

9)Korrekciyalıq pedagogika pániniń maqseti nelerden ibarat?

10)Oligofreniyanıń rawajlanıw ózgesheliklerin túsindirip beriń.

11)Korrekciyalıq pedagogikada anomal‘ balalar qanday kategoriyalarǵa bólinedi?

2- tapsırma. Sabaqlıqtan «Inklyuziv tálim» temasın oqıp shıǵıń hám tómendegi sorawlarǵa juwap qaytarıń:

1)Inklyuziv tálim degende neni túsinesiz?

2)«Inklyuziv» termini qanday maǵananı ańlatadı?

3)«Tálim hámme ushın» baǵdarlaması kim tárepinen hám qashan qabıl etilgen?

4)«Arnawlı tálimniń zárúrligi» hújjeti qashan hám kim tárepinen qabıllanǵan?

5)Inklyuziv tálimniń ulıwmapedagogikalıq principlerin aytıp

beriń.

6)Inklyuziv tálimniń ózine tán principleri degende nelerdi

túsinesiz?

7)Inklyuziv tálimde oqıtıwdıń qanday metodların bilesiz?

8)Inklyuziv tálim alıwdıń shárt-sharayatların túsindirip beriń.

9)Inklyuziv tálim menen arnawlı tálimniń bir-birinen ayırmashılıǵı nede?

10)Inklyuziv tálimde defektologtıń wazıypaları nelerden ibarat?

1.6. «PEDAGOGIKA TARIYXİ» BÓLIMINE TIYISLI

TAPSİRMALAR HÁM SORAWLAR.

1- tapsırma. Sabaqlıqtan «Áyyemgi jámiyetten VII ásirge shekemgi tárbiya hám pedagogikalıq pikirler» teması menen tanısıp shıǵın hám tómendegi sorawlarǵa juwaplar tabıń:

1)Xalıq pedagogikasınıń jaslar tárbiyasındaǵı ornı hám áhmiyeti haqqında túsinigińiz?

2)«Avesto»da bilimberiw hám ádep-ikramlılıq tárbiyası máseleleriniń sáwlelendiriliwi haqqında nelerdi bilesiz?

3)Orxon-Enisey estelikleriniń áhmiyeti haqqında aytıp beriń?

29

4)Pedagogika tariyxın úyreniwdiń maqseti nelerden ibarat?

5)Pedagogika tariyxı óz izertlewlerinde qanday dereklerge súyenedi?

6)Qanday xalıq dástanların bilesiz?

7)Xalıq dástanlarınıń tárbiyalıq áhmiyeti haqqında aytıp beriń?

8)«Avesto» qashan dóretilgen hám kitap halına keltirilgen?

9)Túrk qaǵanatlıǵı qashan payda bolǵan?

10)Túrk qaǵanatlıǵında jaslar tárbiyası máselesi qanday dárejede

bolǵan?

11)Qaraqalpaqstandaǵı tariyxıy dáwirlerge tiyisli qanday esteliklerdi bilesiz?

12)«Avesto»da qaysı dinge tiyisli maǵlıwmatlar berilgen?

13)«Avesto»nı izertlegen alımlardan kimlerdi bilesiz?

14)Zardushtiylik táliymatında awqatlanıw qádeleri haqqındaǵı maǵlıwmatlarǵa pikirińiz?

15)«Avesto»da aytılǵan ana tábiyattı saqlaw, ekologiyalıq tárbiya haqqındaǵı pikirlerge múnásibetińiz?

2- tapsırma. Sabaqlıqtan «VII ásirden XIV ásirdiń birinshi yarımına shekemgi Orta Aziyada tárbiya, mektep hám pedagogikalıq pikirler» temasın oqıp, tómendegi sorawlarǵa juwaplar tabıń:

1)Islam táliymatına qashan hám kim tiykar salǵan?

2)Maverennaxr qashan hám kim tárepinen jawlap alınǵan?

3)Maverennaxr sóziniń maǵanası neni ańlatadı?

4)«Quran» sózi qanday maǵananı ańlatadı?

5)Musılmanshılıqtıń shártlerin aytıp beriń.

6)Xadis ilimine tiykar salǵan alımlar haqqında aytıp beriń.

7)«Xadis» sóziniń maǵanasın túsindirip beriń.

8)Islam dún‘yasında altı isenimli toplam dep tán alınǵan shıǵarmalardıń avtorları kimler?

9)Sufizm táliymatı haqqında nelerdi bilesiz?

10)Sufizm táliymatınıń tiykarın salıwshılar kimler?

11)Ilim haqqındaǵı xadislerden úlgiler keltiriń.

12)Imam Ismayl al-Buxariydiń ómiri hám dóretiwshiligi haqqında nelerdi bilesiz?

13)Muxammed Isa at-Termiziydiń ómiri hám dóretiwshiligi haqqında aytıp beriń.

14)Xoja Axmed Yassauiydiń ómiri hám dóretiwshiligi haqqında nelerdi bilesiz?

30

15)Islam táliymatındaǵı tálim-tárbiyalıq ideyalar haqqındaǵı

pikirińiz?

16)Ne ushın Islam táliymatı pedagogikanıń metodologiyalıq tiykarlarınıń biri sıpatında tán alınǵan?

17)Muxammed payǵambarımızdıń ómiri haqqında nelerdi bilesiz?

18)Islam fundamentalizmine qarsı gúresiw degende nelerdi

túsinesiz?

19)Dáslepki waqıtları mektep hám medreselerdiń shólkemlestiriliwi haqqında nelerdi bilesiz?

20)Quranı Kárim eń dáslep kim tárepinen xatqa túsirilgen?

3- tapsırma. Sabaqlıqtan «Shıǵıs oyanıw dáwirinde bilimlendiriw, ádep-ikramlılıq haqqındaǵı pikirlerdiń rawajlanıwı» temasın oqıp shıǵıp, tómendegi sorawlarǵa juwaplar beriń:

1)Shıǵıs Oyanıw dáwirinde tálim-tárbiyanıń rawajlanıwına ózleriniń úleslerin qosqan alımlardan kimlerdi bilesiz?

2)Muxammed ibn Musa al-Xorezmiydiń ómiri hám dóretiwshiligi haqqında nelerdi bilesiz?

3)Abu Nasr al-Farabiydiń ómiri hám dóretiwshiligi haqqında aytıp

beriń.

4)Abu Rayxan al-Beruniydiń ómiri hám tálim-tárbiyalıq pikirleri haqqındaǵı túsinigińiz?

5)Abu Ali ibn Sinonıń ómiri hám dóretiwshiligi haqqında aytıp

beriń.

6)Shıǵıs Oyanıw dáwiri qaysı dáwirlerdi óz ishine aladı?

7)Axmed al-Ferǵaniydiń ómiri hám dóretiwshiligi haqqında nelerdi

bilesiz?

8)«Al Jabr va al muqabala esabı haqqında qısqasha kitap» shıǵarmasınıń avtorı kim?

9)Al-Xorezmiydiń didaktikalıq kóz-qarasları haqqında túsinigińiz?

10)Abu Nasr al-Farabiy shıǵarmalarındaǵı pedagogikalıq pikirler haqqında túsinigińiz?

11)Abu Rayxan al-Beruniydiń ilimiy-pedagogikalıq kóz-qarasları haqqında nelerdi bilesiz?

12)Abu Ali ibn Sinonıń shıǵarmalarında tálim-tárbiya máseleleri qalayınsha sáwlelengen?

13)Abu Ali ibn Sinonıń medicina ilimine baylanıslı dóretken shıǵarmaları qanday?

14)«Baytul hikma» (Danıshpanlıq úyi) haqqında nelerdi bilesiz?

15)«Tib qonunları» shıǵarmasınıń áhmiyeti haqqında aytıp beriń?

31