Uliwma_pedagogika_paninen

–Jaz keler.

–Jaz kelmese?

–Gúz keler.

–Pállenpish,

–Sen tur,

–Sen shıq.

Sorawlar hám tapsırmalar:

1.Bul oyınnıń tariyxıy áhmiyetine pedagogikalıq kóz-qarastan baha

beriń?

2.Bul oyındı zamanagóy formaǵa salıp, tárbiya processinde paydalanıw boyınsha pikirlerińiz?

3.Bunnan tısqarı qanday xalıq oyınların bilesiz?

4.Xalıq oyınlarınıń psixologiyalıq jaqtan áhmiyeti nede?

136- másele. Hákke qayda?

–Hákke qayda?

–Uyasında

–Ne qılıp atır?

–Keste tigip atır,

–Kestesi qanday?

–Alaqanday,

–Kimler ushın?

–Begler ushın?

–Dárwazańnıń aldı qaydan?

–Óte beriń, bunnan.

–Neshe atlasam ótemen?

–Eki atlasań óteseń.

–İrjaqlaysańba?

–Bir jaqlaysańba?

–Bir jaqlayman.

–Bir nan jeyseńbe?

–Jartı nan jeyseńbe?

–Bir nan jeymen.

–Al basla!

Sorawlar hám tapsırmalar:

1.Bul oyınnıń pedagogikalıq áhmiyeti haqqında aytıp beriń?

2.Ne ushın bul oyın ásirler dawamında umıtılmay kiyatır dep oylaysız?

3.Bul oyınlardı milliy qádiriyatlar qatarına kirgiziwge boladı dep oylaysızba?

132

4.Bul oyınnıń psixologiyalıq áhmiyeti neden ibarat?

5.Bul oyın arqalı oqıwshılarda qanday psixologiyalıq sezimlerdi qáliplestiriwge boladı?

137- másele. Túsimpaz bala

Ǵayıp oyınnan qaytıp úyine kelipː

–Apa, maǵan búgin súttiń kóbigin jalatqanıń qayda? Kúnde qaspaǵında beretuǵın ediń, - depti.

Apasıː-«Búgin buzawlar emip, malǵa qosılıp ketipti. Sıyır sawmasaq, neni bereyik»-dep juwap beredi.

Ǵayıp tómen qarap muńayıp tursa, azanda apasınıńː

–Shıraǵım, Ǵayıpjan, buzawlar emip ketpesin, xabardar bolıp oyna. Baspaqtı qaytarıp tur. Kiyimlerińiz jırtıla basladı. Men alaǵada bolmay otırıp, qozaqqa túsip, bóz toqıyın»,-degen sózin umıtıp ketkenligi esine túsip, uyalǵanınan beti qızarıp ketti. Sóytip turıpː-«Buzawlar malǵa qosılıp ketken bolsa, keshki súttende bos qalarmız»,-dedi de úyden juwırıp shıǵıp ketti.

Sorawlar hám tapsırmalar:

1.Siz balanıń is háreketlerine qanday baha bergen bolar edińiz?

2.Shańaraqtaǵı miynet tárbiyası haqqında pikirlerińiz?

3.«Miynet túbi ráhát» degen xalıq maqalınıń mazmunı boyınsha túsinigińiz?

4.Apasınıń perzentine aytqan sózleriniń psixologiyalıq mazmunın ashıp beriń.

138- másele. Eki pazna

Shoyınshı usta bir kúni eki pazna quyıptı. Paznanıń birewi keshikpey satılıp ketipti. Qalǵan birewine qarıydar tabılmay dúkannıń bir shetinde tot basıp jata beripti.

Bir sebep penen burın satılıp ketken pazna dúkanǵa kelipti. Óziniń birge quyılǵan jorasın kóripti, ol totıǵıp, shıraysızlanıp qalıptı. Satılıp, diyxannıń qolına túsken pazna bolsa hár kúni jer aydalıp turǵanlıqtan jıltırap, shıraylanıp ketipti.

Tot basqan pazna dostınan soraptıː - Sen qalayınsha usınday sulıw hám shıraylı bolıp kettiń?. Sonda dostı oǵanː - Sen hesh jumıs islemesten bir jerde jata bergennen keyin totıǵıp qalǵansań. Men bolsam hár kúni jumısta bolıp, jer súrip júrgennen keyin jıltırap, kórkemlesip ketkenmen,- depti.

Sorawlar hám tapsırmalar:

1.Bul ertekten qanday pedagogikalıq juwmaq shıǵarıwǵa boladı

dep oylaysız?

133

2.Xalqımızdıń «miynet túbi sarı altın» degen maqalınıń mánisin túsindirip beriń?

3.Miynet tárbiyası haqqında qanday naqıl-maqallardı bilesiz?

4.Ertek mazmunınıń psixologiyalıq áhmiyeti nede?

5.Balalar psixologiyasında ertektiń tutqan ornın analiz etiń.

139- másele. Ataqlı milliarder Stiv Djobstıń sońǵı sózi:

Ol 56 jasında asqazan beziniń raginen kóz jumadı.

«Men,- deydi Stiv Djobs -isker adamlardıń áleminde jurt jetpegen shıńǵa shıqtım, basqa adamlardıń kózi menen maǵan qaraǵanlar meniń ómirimdi káramat tabıslı ómirdiń úlgisi dep sanaydı. Biraq, meniń ómirimde, jumıstan basqa quwanıshım kóp bolǵan emes. Toq eterin aytqanda, baylıq – meniń ómirimniń bir ǵana haqıyqıy kórinisi, úyrenshikli, qáliplesken túri.

Házir tósekte awırıw bolıp jatırman, pútkil ómirimdi kóz aldımnan ótkerip otırsam, meniń bar baylıǵım menen ataǵım – Ájelge bir kúni jeteklep aparatuǵın eń joqarǵı ómir haqıyqatlıǵınıń túkke turǵısız, mánmaǵınasız bir nársesi ǵana ekenin túsindim.

Siz kóligińizdi júrgizetuǵın adamdı jallap alıwıńızǵa boladı, siz ushın miynet etip tabıs alıp keletuǵın adamlardı jallap alıwıńızǵa boladı, biraq siz heshkimdi siziń awırıwıńızdı ózine alıp awıratuǵın adamdı aqshańızǵa jallay almaysız.

Dún‘ya menen múlikti izlep satıp alıwıńızǵa boladı. Bir ǵana nárseni

– ómirdi, joǵalǵan ómirińdi izlep, satıp ala almaysań. Ómirdiń erketayı bolıńız. Basqalardı sıylańız.

Adam eseygen sayın aqılı tolısadı, kóp nárselerdi túsine baslaydı. 30 dollar turatuǵın saǵat penen 300 dollar turatuǵın saǵat ekewi birdey waqıttı kórsetedi eken...

30 dollar turatuǵın shıjlan menen 300 dollar turatuǵın shıjlannıń ishine birdey aqsha sıyadı eken..

150 mıń dollar turatuǵın kólik penen de, 30 mıń dollar turatuǵın kólik penen de, jolı da, qashıqlıǵı birdey jerge jetemiz.

300 yamasa 3000 sharshı metrlik úyde jalǵız tursań, jalǵızlıǵıń ekewinde de birdey.

Siziń ishki jan dún‘yańızdıń baxtı mal-múlk penen dún‘yadan nár almaydı.

Siz birinshi klass penen yamasa ekonom klass penen ushsańız, eger samolyot qulasa, bári birge qulaydı.

Eger siziń sóylesetuǵın doslarıńız yamasa sóylesip turatuǵın adamıńız bolsa, bilip qoyıńız, naǵız baxıt sol!

134

Bes haqıyqatlıq:

1.Balalarıńdı bay bolsın dep tárbiyalama, baxıtlı bolsın dep tárbiyala. Sonda ǵana olar úlkeygende, dún‘yanıń bahasın emes, hár nárseniń qádirin-qımbatın biletuǵın boladı.

2.«Awqatıńdı shıpalı dári dep ish». Olay etpeseń ishkeniń tek awqat boladı».

3.Sizdi jaqsı kóretuǵın adamlar, siz qansha «kereksiz» bolsańız da, sizdi hesh waqıtta taslap ketpeydi.

4.Adam bolıw menen insanıylıqtı saqlawdıń úlken ayırmashılıǵı

bar.

Tez júrgińiz kelse, jalǵız júrińiz! Alısqa barǵıńız kelse, birge júrińiz! Álemdegi eń mıqlı 6 shıpakerː

1.Kúnniń sáwlesi

2.Demalıs

3.Sport penen shuǵıllanıw

4.Dieta

5.Ózińe isenimiń

6.Doslarıń

Ómir boyı usılar menen birge bol».

Sorawlar hám tapsırmalar:

1.Bul maqaladan qanday juwmaq kelip shıǵadı?

2.Siz Stiv Djobstıń aytqanlarına qosılasızba?

3.Bul Stiv Djobstıń sózlerinen házirgi úzliksiz bilimlendiriw processinde tárbiyalıq maqsette paydalanıw boyınsha usınıslarıńız?

4.Maqala mazmunın psixologiyalıq jaqtan analiz qılıń?

5.Siz Stiv Djobstıń ómiri haqqındaǵı aytqan sozleri basqalarǵa ne beredi dep oylaysız?

140- másele. Teńiz haqqında

–Bir balanıń ayaq kiyimi teńizge túsip ketti. Ol sonda suw

shetindegi qumǵa bılay dep jazdı: "BUL TEŃIZ - URİ"...

Sál arılawda bir balıqshı torına túsken bir talay balıqtı shetke tartıp shıǵarıp bolıp. Qumǵa bılay dep jazdı

"BUL TEŃIZ - SAQİY"...

Bir jigit teńizge shógip ketti. Jılaǵan dawsı kókke esitilip qayǵırǵan Anası teńiz shetindegi qumǵa bılay dep jazdı:

"BUL TEŃIZ - JİNAYaTShİ"...

Ǵarrı balıqshı úlken qımbat bahalı taslar menen qaplanǵan teńiz shıǵanaǵın tawıp aldı hám qumlarǵa bılay dep jazdı:

135

"BUL TEŃIZDIŃ KEWLI BAY"...

Suw tolqınları qumdaǵı jazıwlardı óshirer eken, tolqınlanıp sonday dedi: "Teńiz bolmaqshı bolsań, átiraptaǵılardıń sózlerine itibar berme!.."

Sorawlar hám tapsırmalar:

1.Bul maqaladan sizińshe qanday tárbiyalıq juwmaq shıǵarsa boladı?

2.«Ómirde tek ǵana alǵa qaray umtıl» degen sózge qalay qaraysız?

3.Bul danalıq sózlerden tálim-tárbiya processinde paydalanıw boyınsha usınıslarıńız?

4. Teńiz haqqındaǵı aytılǵan sózlerge psixologiyalıq jaqtan sıpatlama beriń hám analiz qılıń.

141- másele. Aqilli ustaz

Shákirt ustazına ruwxıy kámillikke erisiw ushın bir neshe sorawlar berdi:

«Awırıwdıń dawası ne?», dep soradı. Ustazı: «Dawası – sabır», dep juwap berdi.

«Jetiskenlikke erise almawdıń dawası ne?» dep soradı. «Dawası – sol isti tákirar ámelge asırıw» dep juwap berdi. «Kóre almawshılıqtıń dawası ne?» dep soradı.

«Dawası – ózin bilmegenge alıw», dep juwap berdi.

«Kámbaǵallıqtıń dawası ne ? » dep soradı. «Dawası – qanaat», dep juwap berdi. «Ázziliktiń dawası ne ? » dep soradı. «Dawası – iyman», dep juwap berdi. «Kórimsizliktiń dawası ne? » dep soradı.

«Dawası – shıraylı ádep-ikramlılıq», dep juwap berdi. «Nadanlıqtıń dawası ne?» dep soradı.

«Dawası – ilim úyreniw», dep juwap berdi.

«Aqmaqlıqtıń dawası ne?» dep soradı. «Dawası – indemey turıw», dep juwap berdi.

«Dushpanshılıqtıń dawası ne?» dep soradı. «Dawası – ihsan, jaqsılıq qılıw», dep juwap berdi. «Jaqtırmawdıń dawası ne?» dep soradı.

«Dawası – muhabbat», dep juwap berdi. «Músiybettiń dawası ne?» dep soradı. «Dawası – istiǵfar aytıw», dep juwap berdi.

«Nápsiniń gúna qılıwǵa bolǵan qálewiniń dawası ne?» dep soradı. «Dawası – nápsini qálep atırǵan sol qálewlerinen ayırıw», dep

juwap berdi.

136

Sorawlar hám tapsırmalar:

1.Bul soraw-juwaplardan qanday pedagogikalıq juwmaqlar shıǵarsa boladı?

2.Házirgi zaman kóz-qarasınan bul soraw-juwaplarǵa mısallar keltiriń?

3.Bulardan házirgi zaman tárbiya processinde paydalanıw boyınsha usınıslarıńız?

4.Berilgen soraw-juwaplardıń psixologiyalıq jaqtan mazmunı ne?

142- másele. Adam sırtqı kórinisi menen bahalanbaydı

Jorj Maklorin 1948-jılı Oklaxoma universtitetinde qabıl qılınǵan

birinshi qara deneli talaba.

Ol aq deneli talabalardan bólek otırıwǵa májbúr qılınǵan edi. Biraq soǵan qaramay, ol óziniń atın universtitet tariyxında ótken eń jaqsı úsh talaba dizimine kirgize aldı.

Maklorin aytadı: "Kurslaslarım maǵan haywanǵa qaraǵanday qaraytuǵın edi. Meniń menen hesh kim sóylespeytuǵın edi. Muǵállimler de ózlerin meni oqıtıw ushın kelmegendey tutar edi. Soraw bersem, juwap bermeytuǵın edi.

Biraq, men bar kúshimdi iske salıp, talabalardıń hámmesinen ozıp kettim. Hátteki olar bilmegen nárselerin mennen sorawǵa májbúr bola basladı.

Hámme nárseni arzıw etse boladı, biraq álbette miynet penen oǵan jetiledi".

Basqalar saǵan túriń, kórinisiń hám kiyimiń ushın pás názer menen qarasa, júzińdi quyash hám ay kibi nurlı qılatuǵın ádepke iye bolıwǵa háreket et. Sonda hámmesi jaqsı boladı.

Sorawlar hám tapsırmalar:

1.Sırtqı kóriniske qaray otırıp insanǵa baha beriliwine qalay qaraysız?

2.«Tanıǵan jerde boy sıylı, tanımaǵan jerde ton sıylı» degen xalıq maqalına kóz-qarasıńız?

3.Milletler-ara keńpeyillik túsinigine anıqlama beriń?

4.Tilekke qarsı házirgi waqıtlarıda ayırım shet el mámleketlerinde ushırasıp turatuǵın ırqshılıq máselesine kóz-qarasıńız?

5.İrqshılıq máselesine Islam táliymatı qanday kóz-qarasta dep esaplaysız?

6.Insannıń sırtqı kórinisine qaray psixologiyalıq sıpatlama beriwge bolama?

137

7. Siz sol balanıń kurslası bolǵanda qanday qarım-qatnasqa kirisken bolar edińiz?

143- másele. Bir qalta shege

Bárqulla adamlar menen básekilesip, urısıp júretuǵın bir jigit bar eken. Bir kúni ákesi oǵan bir qalta shege berip:

—Adamlar menen tartısıp qalǵanıńda, hár saparı aǵashqa bir shege qaq, - depti.

Jigit birinshi hápteden-aq aǵashqa 37 shege qaǵıptı. Keyingi háptelerden baslap, ózin basqarıwǵa háreket etipti. Kúnnen-kúnge shege qaǵıwdı azaytıptı. Aqırı, bir kúni bir shege de qaqpaptı. Bul jaǵdaydı ákesine kelip aytıptı. Ákesi onı aǵashtıń qasına alıp kelipti.

—Búginnen baslap hesh kim menen urıspaǵan kúnleriń ushın bir shegeni suwırıp al, - depti.

Kúnler óte beripti. Aqırı bir kúni aǵashta bir de shege qalmaptı. Ákesi oǵan:

—Bárekálla, jaqsı is qıldıń, endi bul aǵashqa dıqqat penen qara, ilme-tesik bolıp ketipti. Aldınǵıday kórkem emes. Adamlar menen urısar ekenseń, hár bir jaman sóz kewilde daq payda etedi. Endi keshirim sorap, jaqsı sózler aytıp, kewillerine málhám bolıwıń kerek, - depti.

Sorawlar hám tapsırmalar:

1.Perzentin jaqsı jolǵa salıwǵa qaratılǵan ákeniń is háreketlerine baha beriń?

2.Bunday házirgi dáwirdede kóplep ushırasatuǵın balalarǵa qanday pedagogikalıq tásir sharaları kóriliwi kerek dep oylaysız?

3.Perzent tárbiyası boyınsha xalıq pedagogikası úlgilerinen mısallar keltiriń?

4.Ákesiniń prezent tárbiyalawda islegen tárbiya usılına psixologiyalıq jaqtan sıpatlama beriń?

5.Balada agressiv minez-qulıq neniń sebebinen kelip shıqqan dep oylaysız?

6.Balaǵa psixologiyalıq jaqtan sıpatlama beriń.

144- másele. Paydali tas

Gilem toqıw menen atı shıqqan bir toqıwshınıń bay bir dostı bar eken.

Bir kúni ekewi sóylesip otırǵanda, toqıwshı bay dostınıń qolındaǵı júzikke tigilip qarap qaldı. Bunı sezgen bay soradı:

–Júzigime qarap tursań ba?

–Awa, ortasındaǵı tasına qarap turman.

–Bul tas – almaz.

138

–Shıraylı eken. Bunıń qanday paydası bar? Bay oylanıp-oylanıp aqırında:

–Írasın aytqanda sulıwlıǵınan basqa hesh qanday paydası joq.

–Bul tas bir dáramat keltire me?

–Yaq.

–Qızıq ǵoy! Inimde ákemnen qalǵan bir jup tas bar. Biraq ol bir jılda eliw tillá payda keltiredi.

Bay dostınıń ústinen kúlip soradı:

–Ol qanday tas eken?

Toqıwshı juwap berdi:

– Digirman tası! Inim onıń menen xojalıǵın baǵadı, ol arqalı sadaqa beredi, adamlarǵa xızmet kórsetedi, duwa aladı. Bul tas júdá qádirli.

Sorawlar hám tapsırmalar:

1.Máselege pedagogikalıq kóz-qarastan analiz jasań hám túsinigińizdi aytıp beriń?

2.Xalqımızdaǵı «Baylıq-qoldıń kiri» degen sózdiń mánisin túsindirip beriń?

3.Jaslar tárbiyasında óner úyreniw, miynet tárbiyasınıń áhmiyeti haqqında aytıp beriń?

4.Paydalı tas haqqındaǵı gúrrińge psixologiyalıq jaqtan sıpatlama

beriń.

5.Bul gúrriń jaslar tárbiyasında qanday psixologiyalıq áhmiyetke

iye?

145- másele. Balama násiyatım.

1)Jigittiń eki sóylegeni - ólgeni. Wáde bermewge háreket et. Wáde berseń, sózińde tur.

2)Qısqa, nusqa sóyle. Dawısıń anıq bolsın.

3)Kóp tıńla. Az sóyle. Sóziń menen isiń birdey bolsın.

4)Ósek aytılatuǵın jerde otırma. Kesip naq aytıwdı úyren.

5)Tas penen urǵandı as penen sıylasonda jeńeseń. Sonnan keyin onnan awlaq júr.

6)Kewline tiyme! Júyeli qarǵıs iyesin tabadı.

7)Hesh qashan maqtanba! Jurt maqtasın.

8)Ózińdi sıyla, Ózgeler sıylasın.

9)Kúnde ózińe esap ber. Ózińdi tárbiyalay ber.

10)Qumar oyın - hálsizdiń talabı. Mıqlı adamnıń ruwxı bálent, denesi nurlı.

11)Bilimi kúshli, miyrimli ustazıń bolsın. Biraq pir tutıwda aljaspa!

12)Sıylaǵannıń qulı bol. Kishipeyillik bárha dárejeńdi kóteredi.

139

13)Eń aldı menen ózińe ózińniń kewliń tolatuǵınday ómir súr.

14)Sayaxatta sana - sezimiń keńeyedi.

15)Qaytımınan úmitlenseń, jaqsılıq isleme.

16)Júykeń aldaǵı waqıtta kóp kerek boladı. Bolmas nársege onı tozdırma. Sheshiwshi waqıtlarǵa tayarla.

17)Uwayımǵa salınıwdan awlaq bol. Arba da sınbaytuǵın, ógiz de ólmeytuǵın jolın tap. Tez sheshim qabılla. Táwekelshiniń qayıǵı suwǵa batpasjúzeseń de óteseń. Uwayım túbi tuńǵıyıq, batasań da keteseń.

18)Sırıńdı hesh kimge aldırtpa. Eki eli awzıńa sıymaǵan sóz, ózgeniń otız eki tisiniń arasına sıymaydı.

19)Ókpeleme. Ósh alma. Sanasına bersin. Allaǵa tapsır!

20)Qıran qustay qıraǵı bol. Ózgelerdi ózińdey kórme!

21)Bendeniń bendeden ayırmashılıǵı adamgershiligi menen biliminde. Allanıń ilimin oqı!

22)Óner úyren. Óz kásibińniń sheberi bol.

23)Ómirińniń sapalı ótiwine óziń sebepshiseń!

24)Urpaq tárbiyası eliw payız seniń moynıńda. Ulıń ózińnen bilimli bolsın. Qızıń saǵan qarap óz joldasın tawıp baxıtlı bolsın.

25)Kim qansha tómen tússe de, sen óz biyligińde qal.

B.Momısh.

Sorawlar hám tapsırmalar:

1.Bul násiyatlardı puqta oqıp shıǵıp, túsinigińizdi aytıp beriń?

2.«Atanıń balaǵa qaldıratuǵın eń úlken baylıǵı-onıń násiyatları» degen hádiske qalay qaraysız?

3.Bul násiyatlardan tálim-tárbiya processinde paydalanıw boyınsha usınıslarıńız?

4.Atanıń perzentine bergen násiyatına psixologiyalıq jaqtan sıpatlama beriń.

5.Bir eslep kóriń, sizge atańız qanday násiyat berdi hám sol násiyatqa ámel qılıp atırsızba?

146- másele. Zaxira uyde bir perzenti bar shańaraqqa kelin bolıp tústi. Onıń aldıńǵı turmısınan bir qız perzenti bar edi. Ol sol úyde 3 jıl jasadı. Atası, enesi, ómirlik joldası menen jaqsı jasaytuǵın edi. Báhár aylarınıń bir kúninde atası qaytıs bolıp qaldı. Atasınıń sadaqasınıń erteńine barlıq nárselerin jıynap, taksi shaqırıp úyine ketip qaldı. Shańaraq aǵzaları túsinbey qaldı. Ol ne ushın ketti, qızı jańa usı shańaraqqa úyrenisip qalıp edi. Keyinirek nege ketip qalǵanınıń sebebi de anıqlanbadı. Enesi izinen barıp hal jaǵdaydı sorastırsa, Zaxiranıń

140

apası, jaslar qoyısa qoysın, seniki sende, meniki mende qalsın dep juwap aytqan. Basqa qosımsha hesh nárse aytpaǵan.

Sorawlar hám tapsırmalar:

1.Bul jaǵdayda siz ne islegen bolar edińiz, siziń másláhátińiz.

2.Shańaraq aǵzaları ne islew kerek edi?

3.Zaxiranıń ornında bolǵanda siz ne islegen bolar edińiz?

4.Zaxiranıń minez-qulqına sıpatlama beriń.

5. Zaxira shańaraqta qanday tárbiya alǵan qız hám onıń psixologiyasına sıpatlama beriń.

147- másele. Klass basshısı 5- klass oqıwshılarınıń ata-anaları menen tómendegi temada anketa toltırıwların usınıs etti:

1.Siz perzentińizdi tuwrı tárbiyalap atırman dep esaplaysızba?

2.Onı tuwrı tárbiyalaw ushın sizge neler tosqınlıq beredi?

3.Perzentińizdiń minez-qulqındaǵı qaysı qásiyetler sizge jaqpaydı?

4.Perzentińizde qanday jaqsı pazıyletlerdi tárbiyaladıńız?

5.Onıń tárbiyası ushın qanday járdem kerek dep oylaysız?

6.Jáne perzentlerińiz barma? (Ájepası, ájaǵası, úkesi,sińlisi)

Sorawlar hám tapsırmalar:

1.Oqıtıwshı oqıwshılardıń ata-anaları hám shańaraq shárayatı menen bul jaǵdayda tanısıw járdeminde qanday pedagogikalıq mashqalanı sheship atır?

2.Anketa jolı menen toplaǵan maǵlıwmatlardan oqıtıwshı qanday paydalanıwı múmkin?

3.Siz balalar hám ata-analar menen is alıp barıwda onnan qanday paydalanar edińiz?

4.Anketada berilgen sorawlardıń mazmunına psixologiyalıq sıpatlama beriń.

148- másele. Klass basshısı oqıwshınıń anası menen sáwbetlespekshi;

– Balamnıń dostısın unatpayman, biraq balam onnan hesh ayırılmaydı.

Men balamnıń dostısın neshe márte úyden quwıp salǵanman, balamdı olardıkine jibermey qoydım, báribir paydası joq. Kindikleri birew-me deymen, doslıqların úzbeydi.

– Bul doslıqtıń nesi sizge unamaydı?

– Bilmedim, biyzarı, óte shoq, qaysar.

– Arıslan emes, bálkim hár waqıtta Batır ayıpker ekenligine isenesiz-be ?

141