Uliwma_pedagogika_paninen

ÁJINIYAZ ATÍNDAǴÍ

NÓKIS MÁMLEKETLIK PEDAGOGIKALİQ INSTITUTİ

A.K.PAZILOV, Q.SEYTMURATOV,

Z.SH.SHERIMBETOVA

ULÍWMA PEDAGOGIKA

PÁNINEN MÁSELELER

TOPLAMÍ

110000 – pedagogika bilimlendiriw tarawınıń barlıq bakalavr baǵdarı talabaları ushın oqıw qollanba

KIRISIW

Házirgi waqıtlarda elimizde basqa tarawlar siyaqlı bilimlendiriw tarawında da burın kórilmegen dárejede alǵa qaray ilgerilewler júz berip atır. Bilimlendiriw baǵdarında, ilim, texnika, texnologiya, ekonomika hám mádeniyatta qatar jetiskenliklerge erisildi. Xalıq bilimlendiriw sisteması aldıńǵı baǵdar dep járiyalandı. Ásirese, Qaraqalpaqstannıń joqarı oqıw orınlarında óz ana tilinde sabaqlıqlar, oqıw qollanbalardı tayarlaw hám baspadan shıǵarıw islerine pát engizildi.

Pedagogikalıq institut studentleri ushın tariyxta birinshi mártebe qaraqalpaq tilinde «Pedagogika hám psixologiya pánlerinen russhaqaraqalpaqsha túsindirme sózlik» (1994), «Pedagogika páninen kórsetpe qurallar al‘bomı» (1994), «Pedagogika» (2009) «Pedagogika» (2010), «Pedagogika páninen testler toplamı» (2011) oqıw qollanbaları, «Pedagogika teoriyası» (2018), «Pedagogika tariyxı» (2020) sabaqlıqları jaratıldı hám studentlerdiń keń túrde paydalanıwı ushın múmkinshilikler tuwdırıldı.

Degen menen elege shekem qaraqalpaq tilinde «Pedagogikalıq enciklopediya», «Pedagogika páninen túsindirme sózlik», «Pedagogika páninen ámeliy, laborotoriyalıq hám seminar jumısların orınlawshılar ushın metodikalıq kórsetpeler» hám basqada qollanbalardı jazıw islerine jeterli dárejede itibar qaratılmadı.

Joqarıda kórsetilgenlerdi inabatqa ala otırıp, avtorlar jámááti birgelikte oylasqan halda, «Ulıwma pedagogika páninen máseleler toplamı» atlı oqıw qollanbasın baspaǵa tayarlaw isleriniń zárúrligin sezinip, qolıńızdaǵı oqıw qollanbanı tayarladı.

Oqıw qollanba tiykarınan úlken eki bólimnen ibarat bolıp, onıń birinshi bólimin pedagogika hám psixologiya pánleri boyınsha «Oqıwtárbiya procesin óz betinshe úyreniwge baylanıslı sorawlar hám tapsırmalar»dı, ekinshi bólimi «Pedagogikalıq máselelerdi» óz ishine aladı.

«Oqıw-tárbiya procesin óz betinshe úyreniwge baylanıslı sorawlar hám tapsırmalar» atlı birinshi bólimde tiykarınan «Ulıwma pedagogika» pániniń «Pedagogikaǵa kirisiw», «Didaktika», «Tárbiya teoriyası», «Mektep tanıw hám arnawlı pedagogika», «Pedagogika tariyxı» tarawlarına tiyisli bolǵan hár bir tema boyınsha jetkilikli dárejede sorawlar hám tapsırmalar berilgen. 2020-jıldıń 23-sentyabrinde qabıllanǵan «Bilimlendiriw haqqında»ǵı Nızamnıń hár bir babı boyınsha úyreniwge qolaylastırılǵan sorawlar dizbegi jaylastırılǵan.

3

Ekinshi bólimde kórsetilgen máseleler tiykarınan «Ulıwma pedagogika» páni temalarına sáykes toplanıp, «Didaktika», «Tárbiya teoriyası», «Mektep tanıw» bólimlerine, sonday aq, «Pedagogika tariyxı» atlı bólimlerge jaylastırıldı. Studentlerdiń oylaw sheńberin keńeytiw, olardıń erkin pikirlewine imkániyatlar jaratıw, olardıń is-háreketlerin motivaciyalawǵa qolaylıqlar jaratıw maqsetinde toplanǵan máselelerdiń hár birine hám pedagogikalıq, hám psixologiyalıq baǵdardaǵı sorawlardı berip barıw maqsetke muwapıq dep esaplandı.

Oqıw qollanbanı tayarlaw islerinde Ózbekstanlı hám sırt elli ilimpazlardıń, belgili jazıwshı hám shayırlardıń dóretpelerinen, gazeta hám jurnal betlerinde járiyalanǵan tárbiyalıq mazmundaǵı shıǵarmalar úlgilerinen, internet materiallarınan keńnen paydalanıldı. Sonday-aq, hádislerden, Muxammed payǵambarımız hikmetlerinende orınlı jerlerinde paydalanıldı.

Oqıw qollanbanı tayarlaw islerine ayrım studentlerde óz úleslerin qostı. Olardan Tábiyattanıw fakul‘tetiniń 2-kurs studenti Á.Ázilxanovanı, Baslawısh tálim fakul‘tetinen Ú.Qosımbetova, D.Seytjanova hám M.Jumambetovanıń atların ayrıqsha atap ótkenimiz orınlı boladı.

Oqıw qollanba pedagogika páninen seminar hám ámeliy jumıslardı orınlaw barısında hár bir studentke jaqınnan járdem beredi degen úmittemiz.

Oqıw qollanba qaraqalpaqstanda birinshi mártebe shıǵarılıp atırǵanlıqtan geypara qáte-kemshiliklerde orın alǵan bolıwı múmkin.

Avtorlar jámááti usınday qáte-kemshiliklerdi kórsetip, óz pikirusınısların bildirgen kitap oqıwshılarına aldın ala óz minnetdarshılıǵın bildiredi. Bul usınıslar kelesi basılımlarda álbette inabatqa alınadı dep isendiremiz.

Avtorlar jámááti

4

1- BÓLIM. OQIW-TÁRBIYA PROCESIN ÓZBETINSHE ÚYRENIWGE BAYLANİLİ SORAWLAR HÁM TAPSİRMALAR

1.1. “PEDAGOGIKAǴA KIRISIW” BÓLIMINE TIYISLI

SORAWLAR HÁM TAPSİRMALAR

1- tapsırma. 2020-jılı 23-sentyabr’de qabıllanǵan Ózbekstan Respublikasınıń «Bilimlendiriw haqqında»ǵı Nızamınıń birinshi «Ulıwma qaǵıydalar» degen bólimin oqıń hám tómendegi sorawlarǵa juwaplar tabıń:

1)Jańadan qabıllanǵan Nızam neshe bólim hám stat‘yalardan

ibarat?

2)Nızamnıń birinshi bólimi neshe stat‘yanı óz ishine qamtıydı?

3)Bilimlendiriw haqqındaǵı Nızamnıń maqseti qalayınsha óz sáwleleniwin tapqan?

4)Bilimlendiriw haqqındaǵı Nızam hújjetleri nelerden ibarat?

5)Nızamda neshe túrli tiykarǵı túsinikler berilgen?

6)Mámleketlik akkreditaciya menen bilimlendiriw mákemelerin attestaciyalaw degende neler túsiniledi?

7)Mámleketlik bilimlendiriw mákemeleri menen mámleketlik emes bilimlendiriw mákemeleriniń ayırmashılıqları nelerden ibarat?

8)Mámleketlik bilimlendiriw standartları menen mámleketlik bilimlendiriw talaplarınıń arasında qanday ózgeshelikler bar?

9)Uqıplılıq penen qánigeliktiń arasında qanday ózgeshelikler bar?

10)Tálim, tárbiya hám olardıń qatnasıwshıları degende neler

túsiniledi?

11)Bilimlendiriw kampusı qanday ortalıqlardıń qatarınan orın

aladı?

12)Bilimlendiriw tarawında tiykarınan neshe princip bar hám olar qalayınsha ataladı?

13)Bilim alıw hquqı kimlerge beriledi hám ol qanday jollar menen ámelge asırıladı?

2- tapsırma. Ózbekstan Respublikasınıń «Bilimlendiriw haqqında» Nızamınıń ekinshi «Bilimlendiriw sisteması, túrleri hám formaları» degen bólimin oqıń hám tómendegi sorawlarǵa juwaplar tabıń:

1)Nızamnıń ekinshi bólimi neshe stat‘yanı óz ishine qamtıydı?

2)Bilimlendiriw sisteması nelerdi óz ishine qamtıydı?

5

3)Bilimlendiriw haqqında Nızamda qanday bilimlendiriw túrleri orın alǵan?

4)Nızamda mektepke shekemgi tárbiya haqqında qanday túsinikler berilgen?

5)Nızamda ulıwma orta hám orta arnawlı bilimlendiriw ámelge asırıw haqqında neler óz sáwleleniwlerin tapqan?

6)Nızamda kásiplik bilimlendiriw qalayınsha ámelge asırıladı dep kórsetilgen?

7)Joqarı bilimlendiriw hám joqarı bilimlendiriwden keyingi bilimlendiriwdiń bir-birinen ayırmashılıqları nelerden ibarat?

8)Kadrlardı qayta tayarlaw hám olardıń qánigeligin arttırıw máseleleri qabıllanǵan Nızamda qalayınsha óz sheshimin tabadı?

9)Nızamda kórsetiliwinshe mektepten tısqarı bilimlendiriw qalayınsha ámelge asırıladı?

10)Nızamda bilim alıwdıń qanday túrleri názerde tutılǵan?

11)Aralıqtan oqıtıw menen dual bilim beriwdiń bir-birinen

ayırmashılıǵı nelerden ibarat?

12)Shańarakta bilim alıw hám ózbetinshe bilim alıwdıń ózgeshelikleri nelerden ibarat?

13)Úlken jastaǵılardı oqıtıw hám olarǵa bilim beriw isleri qalayınsha ámelge asırıladı?

14)Inklyuziv bilimlendiriw menen eksternat tártibindegi bilimlendiriwdiń bir-birinen parqı nelerden ibarat?

15)Qorǵanıw, qáwipsizlik hám huquqtı qorǵaw xızmeti tarawındaǵı kadrlardı tayarlaw islerin ámelge asırıw jolları qalayınsha óz sáwleleniwlerin tapqan.

3- tapsırma. «Bilimlendiriw haqqında» Nızamnıń úshinshi «Bilimlendiriw sistemasın basqarıw» degen bólimin oqıń hám tómendegi sorawlarǵa juwaplar tabıń:

1)Nızamnıń úshinshi bólimi neshe stat‘yanı óz ishine qamtıydı?

2)Ózbekstan Respublikası Ministrler Kabinetiniń bilimlendiriw tarawındaǵı wákillikleri nederden ibarat?

3)Ózbekstan Respublikası Ministrler Kabineti janındaǵı Bilimlendiriw sıpatın qadaǵalawshı mámleketlik inspekciyanıń bilimlendiriw tarawındaǵı wákillikleri nederdi óz ishine aladı?

4)Ózbekstan Respublikası Ministrler Kabineti janındaǵı Prezident, dóretiwshi hám qánigelestirilgen mekteplerdi rawajlandırıwshı agentliktiń bilimlendiriw tarawındaǵı wákillikleri qanday?

6

5)Bilimlendiriw tarawındaǵı wákillikli mámleketlik basqarıw organlarınıń jumısları nelerdi óz ishine aladı?

6)Jergilikli mámleketlik hákimiyat organlarınıń bilimlendiriw tarawındaǵı wákillikleri qanday?

7)Bilimlendiriw mekemelerin basqarıw qalayınsha ámelge

asırıladı?

4- tapsırma. «Bilimlendiriw haqqında»ǵı Nızamnıń tórtinshi «Bilimlendiriw xızmetlerin shólkemlestiriw hám onıń qadaǵalawın ámelge asırıw» degen baptı oqıń hám tómendegi sorawlarǵa juwaplar tabıń:

1)Nızamnıń tórtinshi bólimi neshe stat‘yadan ibarat?

2)Bilimlendiriw mákemeleri qanday huquqıy maqamlarǵa iye?

3)Nızam boyınsha bilimlendiriw mákemelerin shólkemlestiriw, qayta shólkemlestiriw hám jumısların toqtatıw isleri qalayınsha ámelge asırıladı?

4)Mámleketlik emes bilimlendiriw mákemeleri qanday xızmetlerdi óz ishine aladı?

5)Bilimlendiriw mákemeleriniń ustavı nelerge tiykarlanıp dúziledi hái mazmunında nelerdi islewge óz itibarların qaratadı?

6)Bilim qaysı tilde beriledi7

7)Mámleketlik bilimlendiriw standartları hám mámleketlik bilimlendiriw talapları kimler tárepinen qabıllanadı hám qanday máselelerdi óz ishine qamtıydı?

8)Nızam talapları boyınsha oqıw procesine oqıw rejeleri menen oqıw baǵdarlamaları qanday tártipte engiziledi?

9)Bilimlendiriw tarawındaǵı eksperimental‘ hám innovacion xızmetler arasında qanday parıq bar?

10)Bilimlendiriw mákemeleriniń ashıqlıǵı degende neler túsiniledi?

11)Bilimlendiriw mákemelerine oqıwǵa qabıllaw hám mámleketlik oqıw orınlarında oqıwǵa maqsetli qabıllaw isleri qalayınsha ámelge asırıladı?

12)Bilimdi alǵanlıǵı haqqında hújjet qanday tártipte beriledi?

13)Bilimlendiriw mákemeleriniń reytingi qalayınsha anıqlanadı?

14)Bilimlendiriw sistemasında monitoring isleri qalayınsha ámelge

asırıladı?

15)Bilimlendiriw tarawındaǵı mámleketlik qadaǵalaw isleri qalayınsha iske asırıladı?

7

5- tapsırma. «Bilimlendiriw haqqında»ǵı Nızamnıń besinshi «Bilimlendiriw mákemelerindegi oqıtıwshılardıń huqıqıy statusı» degen baptı oqıń hám tómendegi sorawlarǵa juwaplar tabıń:

1)Nızamnıń besinshi bólimi neshe stat‘yadan ibarat?

2)Pedagogikalıq xızmet penen shuǵıllanıw huquqı kimlerge

beriledi?

3)Pedagog xızmetkerler qanday statusqa iye?

4)Pedagog xızmetkerler jumısları qalayınsha kepillenedi?

5)Pedagog xızmetkerler qanday minnetlemelerdi óz moynına

aladı?

6- tapsırma. «Bilimlendiriw haqqında»ǵı Nızamnıń altınshı «Bilim alıwshılardıń, olardıń ata-anasınıń hám basqa da nızamlı wákilleriniń huquq hám minnetlemeleri» degen baptı oqıń hám tómendegi sorawlarǵa juwaplar tabıń:

1)Nızamnıń altınshı bólimi neshe stat‘yadan ibarat?

2)Nızam boyınsha bilim alıwshılar qanday huquqlarǵa iye?

3)Bilim alıwshılardıń minnetlemeleri nelerden ibarat?

4)Bilim alıwshılardıń kiyiniwine qanday talaplar qoyıladı?

5)Bilimlendiriw mekemelerinde bilim alıwshılardı waqtınsha jasaw jayları menen támiyinlew qalayınsha ámelge asırıladı?

6)Er jetpegen bilim alıwshılardıń ata-anaları hám basqa da nızamlı wákilleriniń huquq hám minnetlemeleri nelerden ibarat?

7- tapsırma. «Bilimlendiriw haqqında»ǵı Nızamnıń jetinshi «Tálim-tárbiya procesiniń qatnasıwshıların sociallıq qorǵaw» degen baptı oqıń hám tómendegi sorawlarǵa juwaplar tabıń:

1)Nızamnıń jetinshi bólimi neshe stat‘yadan ibarat?

2)Nızam boyınsha bilim alıwshılardı sociallıq qorǵaw isleri qalayınsha ámelge asırıladı?

3)Nızam talaplarına muwapıq bilimlendiriw shólkemleriniń xızmetkerlerin sociallıq qorǵaw máseleleri qalayınsha ámelge asırıladı?

4)Nızam talaplarına muwapıq jetim hám ata-ana qaramaǵınan ajralǵan balalardı oqıtıw hám olardıń tolıq tásiyinleniwi máselesi qanday jol menen óz sheshimin tabadı?

5)Nızam boyınsha fizikalıq, aqılıy, sensor (seziw) yamasa ruhıy jaqtan kemshiligi bar balalardı oqıtıw hám tárbiyalaw isleri qalayınsha ámelge asırıladı?

6)Sociallıq jaqtan járdemge zárúrligi bolǵan balalardı oqıtıw hám tárbiyalaw isleri Nızamǵa muwapıq qalayınsha jolǵa qoyıladı?

8

8- tapsırma. «Bilimlendiriw haqqında»ǵı Nızamnıń segizinshi «Mámleketlik emes bilimlendiriw mekemeleriniń xızmetlerin licenziyalaw, bilimlendiriw mákemelerin attestaciyadan hám mámleketlik akkreditaciyadan ótkeriw, Shet mámleketlerde alınǵan bilimlendiriw haqqındaǵı hújjetlerdi tán alıw, bilimlendiriw tarawındaǵı hújjetlerge apostil’ qoyıw» degen baptı oqıń hám tómendegi sorawlarǵa juwaplar tabıń:

1)Nızamnıń segizinshi bólimi neshe stat‘yadan ibarat?

2)Mámleketlik emes bilimlendiriw shólkemleriniń xızmetlerin

licenziyalaw isleri Nızam talapları boyınsha qalayınsha iske asırıladı?

3)Nızam boyınsha bilimlendiriw mekemelerin attestaciyadan hám mámleketlik akkreditaciyadan ótkeriw tártibi qalayınsha jolǵa qoyıladı?

4)Bilimlendiriw mekemeleriniń xızmetlerin ishki hám sırtqı bahalawdan ótkeriw tártibi qalay belgilenedi?

5)Shet mámleketlerde alınǵanbilimlendiriw haqqındaǵı hújjet Nızam talapları boyınsha qalayınsha tán alınadı?

6)Bilimlendiriw tarawındaǵı rásmiy hújjetlerge apostil‘ qoyıw tártibi qanday?

9- tapsırma. «Bilimlendiriwdi ǵárejet penen támiyinlew hám mámleket tárepipen qollap quwatlaw» degen baptı oqıń hám tómendegi sorawlarǵa juwaplar tabıń:

1)Nızamnıń toǵızınshı bólimi neshe stat‘yadan ibarat?

2)Bilimlendiriw mekemelerin ǵárejet penen támiyinlew isleri qalayınsha iske asırıladı?

3)Bilimlendiriwdi rawajlandırıw qorları hám bilimlendiriw tarawındaǵı mámleketlik-jeke sherikliklerdiń bir-birinen qanday ayırmashılıqları bar?

4)Bilimlendiriw tarawlarına investiciyalar qalayınsha engiziledi?

5)Bilimlendiriw mekemeleriniń mal-múlkleri nelerden ibarat ham ol qalayınsha esapqa alınadı?

10- tapsırma. «Bilimlendiriw tarawındaǵı xalıq aralıq birge islesiwler» degen baptı oqıń hám tómendegi sorawlarǵa juwaplar tabıń:

1)Nızamnıń onınshı bólimi neshe stat‘yadan ibarat?

2)Bilimlendiriw mekemeleriniń xalıqaralıq birge islesiwleri

qalayınsha ámelge asırıladı?

3)Bilimlendiriw tarawındaǵı xalıq aralıq birge islesiwler qalayınsha ámelge asırıladı?

4)Shet ellerde kimler oqıy aladı?

9

11- tapsırma. Nızamnıń «Juwmaqlawshı qaǵıydalar» degen bólimin oqıń hám tómendegi sorawlarǵa juwaplar tabıń:

1)Nızamnıń on birinshi bólimi neshe stat‘yadan ibarat?

2)Nızam boyınsha dawlar qalayınsha sheshiledi?

3)Nızamǵa muwapıq bilimlendiriw haqqındaǵı Nızam hújjetlerin buzǵanlıǵı ushın juwapkershilik qalayınsha belgilenedi?

4)Jańa Nızamǵa muwapıq Ózbekstan Respublikasında qaysı Nızam hújjetleri 2020-jıldıń 23-sentyabrinen baslap óz kúshin joǵaltqan dep esaplanadı?

5)Usı Nızamnıń orınlanıwı, jetkerip beriliwi, mánisi hám áhmiyetiniń túsindiriliwi menen támiyinlew isleri kimler tárepinen ámelge asırıladı?

6)Basqa nızam hújjetlerin usı Nızamǵa muwapıqlastırıw isleri qaysı mákeme tárepinen ámelge asırıladı?

7)Jańa bilimlendiriw haqqındaǵı Nızam qaysı waqıttan baslap kúshke kiredi?

12- tapsırma. Ózbekstan Respublikası Prezidentiniń 2017 jıl 7 fevraldaǵı “Ózbekstan Respublikasın jáne de rawajlandırıw boyınsha Háreketler strategiyası haqqında”ǵı PF-4947-sanlı Pármanı menen tanısıp shıǵıń hám tómendegi sorawlarǵa juwaplar tabıń:

1)Pármanda xalıq bilimlendiriwi tarawına baylanıslı qanday pikirler bildirilgen?

2)Ózbekstan Respublikasın rawajlandırıwdıń bes baslı baǵdarı nelerden ibarat?

3)Háreketler strategiyasınıń birinshi baǵdarı qanday máselelerdi óz ishine qamtıydı?

4)Nızam ústinligin támiyinlewge baylanıslı pikirler Háreketler strategiyasınıń neshinshi baǵdarında ózsáwleleniwlerin tapqan hám onıń mazmunı nelerdin ibarat?

5)Háreketler strategiyasınıń úshinshi baǵdarı qanday máselelerdi óz ishinde sáwlelendiredi?

6) Sociallıq tarawdı jetilistiriw máseleleri Háreketler

strategiyasınıń neshinshi baǵdarınan orın alǵan hám ol nelerdi názerde tutadı?

7) Háreketler strategiyasınıń besinshi baǵdarı qanday máselelerdi óz ishine qamtıydı?

tapsırma. 2018 jıl 25 yanvardagı “Ulıwma orta, orta arnawlı kásip-óner bilimlendiriwin túpten jetilistiriw ilájları

10

haqqında”ǵı Ózbekstan Respublikası Prezidentiniń PF-5313-sanlı Pármanı menen tanısıp shıǵın hám tómendegi sorawlarǵa juwaplar tabıń:

1)Qaysı oqıw jılınan baslap 11 jıllıq bilimlendiriw sisteması engizildi?

2)Qaysı oqıw jılınan baslap 11-klasstıń esabınan 2 jıllıq hám 6 aylıq kásiplik bilim beriw isleri ámelge asırıla basladı?

3)Qaysı oqıw jılınan baslap sol jılı oqıwǵa qabıllanǵanlar tiyislisinshe oqıw baǵdarlamalarına muwapıq oqıwların tamamlaw múmkinshiliklerine iye boldı?

14- tapsırma. Ózbekstan Respublikası Prezidentiniń 2019 jıl 29 apreldegi “Ózbekstan Respublikası Xalıq bilimlendiriw sistemasın 2030 jılǵa shekem rawajlandırıw koncepciyasın tasdıyıqlaw haqqında”ǵı PF-5712-sanlı Pármanı menen tanısıp shıǵıń hám tómendegi sorawlarǵa juwaplar tabıń:

1.Pármannıń birinshi qosımshasına sáykes xalıq bilimlendiriw sistemasın 2030 jılǵa shekem rawajlandırıwdı názerde tutıwshı qanday áhmiyetli hújjet qabıl etilgen?

2.Párman menen qabıl etilgen koncepciya neshe baptan ibarat?

3.Koncepciyanıń 1-babı qalay ataladı hám onda neler kórsetip ótilgen?

4.Koncepciyanıń 2-babı qalay ataladı hám onda xalıq bilimlendiriw sistemasınıń qaysı tárepleri jarıtılǵan?

5.Koncepciyanıń 3-babı ne dep ataladı hám onda neler haqqında sóz boladı?

6.Koncepciyanıń 4-babı qalay ataladı hám onda qanday máseleler óz sáwleleniwin tapqan?

7.Koncepciyaǵa qosımsha etilgen ―Ózbekstan Respublikası Xalıq bilimlendiriw sistemasın 2030 jılǵa shekemgi rawajlandırıw koncepciyasınıń tiykarǵı kórsetkishleri‖nde qanday máseleler haqqında sóz etilgen?

8.Prezident Pármanınıń ekinshi qosımshası menen qanday ―Jol kartası‖ tastıyıqlanǵan?

15- tapsırma. 2018 jıl 14 avgusttaǵı “Jaslardı ruwxıy-ádep- ikramlılıq hám fizikalıq jaqtan jetilisken etip tárbiyalaw, olarǵa tálim-tárbiya beriw sistemasın sıpat jaǵınan jańa basqıshqa kóteriw ilájları haqqında”ǵı PQ-3907-sanlı Qarar menen tanısıp shıǵın hám tómendegi sorawlarǵa juwaplar tabıń:

11