20-tema

20-tema. Referat teksti, onıǹ dúzilisi hám ózgeshelikleri

Jobası:

1.Referat teksti, onıǹ dúzilisi

2.Kurs jumısı haqqında maǵlıwmat

3.Referat hám kurs jumısınıǹ tiykarǵı ózgeshelikleri 4.Ózleriǹizdi qızıqtırǵan temalarda referat jazıwdı úyreniǹ.

5.Qánigeligiǹiz baǵdarında kurs jumısına tema taǹlaǹ hám tiyisli ádebiyatlar menen tanısıp shıǵıǹ.

1. Referat teksti, onıǹ dúzilisi

Referat (latın tilinen alınǵan, “Referre” - esabat beriw) - studentti qızıqtırǵan hám dáwirdiń aktual mashqalasına aynalǵan temadaǵı iri dóretpe yamasa

tabıladı. Bunda student ilimiy basshısı menen birge, óziniń qızıqtırǵan aktual

Jumıs procesi tómendegi basqıshlarǵa bólinedi:

1.Mashqalanı anıqlaw.

2.Mashqalalardı ózbetinshe úyreniw ushın baslanǵısh dáreklerdi úyreniw.

3.Saylanǵan ádebiyatlardı kórip shıǵıw.

4.Materialdı usınıw logikası.

Referattıǹ dúzilisi:

1.Kirisiw - jumıstıń maqseti hám wazıypaları, temalardı tańlaw tiykarları jáne onıń aktuallıǵı. (1-2 bet)

2.Tiykarǵı bólim - mashqala boyınsha ádebiyatlardı analiz etiw tiykarında avtordıń kózqarasları. (12-15 bet)

3.Juwmaq - juwmaqlar hám usınıslar qáliplestiriledi. Juwmaq qısqa, anıq bolıwı kerek, juwmaqlar tiykarǵı bólektiń mazmunınan kelip shıǵıwı kerek. (1-3 bet)

4.Paydalanılǵan ádebiyatlar dizimi.

Referattıǹ ishinde diagramma, anketa hám basqa kórinistegi qosımshalar bolıwı múmkin. Referattıǹ kórinisinde sızılmalar hám kesteler bolǵanı maqul.

2. Kurs jumısı haqqında maǵlıwmat

Kurs jumısı - bul kórip shıǵılıp atırǵan obyekttiń hám jámáát tárepinen birlestirilgen analitik, esaplaw hám izertlew wazıypaları kompleksi. Kurs jumısınıń maqseti studentlerdiń ilimiy-izertlew jumıslarında tájiriybesin qáliplestiriw.

Studentlerde bilim hám kónlikpeler payda etiwi ushın kurs jumısı tómendegishe baǵdarlanǵan:

-Studentlerdiń dóretiwshilik hám baylanıs qábiletlerine isenim;

-wazıypanı orınlawda úzliksiz túrde islew kónlikpeleri.

Kurs jumısı studentlerdiń rawajlanıwına da járdem beredi:

-sistemalı pikirlew;

-intellektuallıq dóretiwshilik;

-professional jazba hám awızeki til.

Kurs jumısların jazıwdıǹ tiykarǵı basqıshları:

1)izertlew temasın tańlaw;

2)ádebiyatlardı úyreniw, úyrenetuǵın materiallardı tańlaw hám bibliografiyalıq sıpatlamanı tayarlaw;

3)joba dúziw;

4)jobaǵa muwapıq ilimiy jumıstı jazıw;

5)ilimiy jumıstıń sırtqı kórinisi;

6)jumıstı kórip shıǵıw hám ilimiy basshınıǹ pikirleri hám usınısların orınlaw menen tanısıw;

7)Kurs jumısın qorǵaw.

3.Referat hám kurs jumısınıǹ tiykarǵı ózgeshelikleri

Referatbul tema boyınsha monografiyalar, jurnallar hám maqalalardaǵı maǵlıwmatlardı logikalıq jaqtan úyreniw hám talqılaw arqalı jazılatuǵın ilimiy tekst.

Kurs jumısı - bul ilimiy jumıs túri bolıp, kópshilik jaǵdaylarda onı jazǵanda qánigelik penen baylanıslı dáreklerden paydalanamız, sonıǹ menen birge avtorlıq pikirler hám juwmaqlar qosıladı.

Studentlerdiǹ kurs jumısın jazıwdan maqseti oqıw ornında jıl dawamında alǵan bilim hám kónlikpelerdi bekkemlew, iyelegen bilimler tiykarında jańa bilimlerdi

anıqlay alıwǵa úyretiw. Yaǵnıy teoriyalıq bilimler tiykarında ilimiy bilimler qáliplesiwine kónlikpelerdi qáliplestiriw bolıp tabıladı.

Referat jaratıw student ushın qızıǵıwshılıq payda etken maǵlıwmatlardı logikalıq túrde úyreniw múmkinshiligin ańlatadı.

Kurs jumısınıǹ ózgesheligi bul studenttiǹ izertlew qábiletiń kórsetiw bolıp tabıladı. Álbette, studentten hesh kim jańa ashılıwlardı kútpeydi, biraq student ele de maǵlıwmatlardı analiz etiw qábiletin kórsetip beriw kerek.

Referat hám kurs jumısın jazǵan waqıtta bir zárúrli fakttı esten shıǵarmaw kerek: ilimiy jumıslar mudamı ámelde bolǵan maǵlıwmatlardı sistemalastıradı, sonday-aq kurs jumısı tek ǵana mashqalanı anıqlawǵa emes, bálki onı sheshiwge háreket etedi.

Kurs jumısın jazdırıwdan maqset taǹlaǵan kásibi boyınsha bilim alıwdıń belgili bir basqıshta barlıq pánlerden alǵan bilimlerin bekkemlew, óz ara baylanıstırıp, olardı ulıwmalastırıw bolıp tabıladı. Kurs jumısın jazıw da, referat jazıw sıyaqlı temanı tańlawdan baslanadı. Kurs jumısı bir neshe jıl dawamında hár qıylı pánlerden iyelegen teoriyalıq bilimlerin hám ámeliyatta qáliplestirgen kónlikpelerin bir baǵıtqa birlestiriw jolı menen tema saylanadı.

Kurs jumısın jazǵanda izertlew jumısında zárúr bolǵan bir neshe wazıypanı atqaradı. Yaǵnıy dáslep kurs dawamında qánigeligi boyınsha ótilgen arnawlı pánlerden alǵan bilimlerin ámeliyatta kompleksli qollanıwǵa úyrenedi. Kurs jumısın jazıw barısında student hár qıylı ádebiyatlar menen tanısadı hám olardı analizleydi. Sol sebepli onıń ádebiyatlar menen islew kónlikpesi ilimiy tájiriybege baǵdarlaydı. Soǹında kurs jumısın jazǵan student óz pikirin basqalarǵa jazba til arqalı jetkere alıw kónlikpesin iyeleydi.

4.Ózleriǹizdi qızıqtırǵan temalarda referat jazıwdı úyreniǹ.

5.Qánigeligiǹiz baǵdarında kurs jumısına tema taǹlaǹ hám tiyisli ádebiyatlar menen tanısıp shıǵıǹ.