Oqıw 4 kl

BILIMLER BAYRAMÍ

Ekinshi sentyabr — bilimler bayramı. Bul kúndi hár jılı xalqımız úlken quwanısh penen kútip aladı.

Júzlerinde quwanısh belgileri jaynap qushaqlasıp kórisip atırǵan oqıwshılardı kóreseń. Al, muǵallimlerdiń qushaǵı gúl menen tolǵan. Ózleriniń bilim berip, tárbiyalap ósirgen oqıwshıların saǵınısh penen kútip aladı.

Awa, bul kúni hárkimde hár túrli oy-sezimler hám maqsetler boladı.

Mine, endi bizler jazǵı dem alıstı kewilli ótkerip

Sorawlar:

1.Sentyabr ayınıń ekinshi sánesi qanday kún bolıp belgilenedi?

2.Sizler bul kúndi qalay kútip aldıńız?

BILIM

X. Saparov

Bilim — sóyler tilimseń,

Jańlap shıqqan únimseń,

Tirishiliktiń anası,

Jarqıraǵan kúnimseń.

Júrektegi qanımsań,

Hújdan, namıs-arımsań

Quwat bergen boyıma,

Bilim — tatlı nanımsań.

Bilim — kelbet, sánimseń,

Qapshıq-qapshıq dánimseń,

Heshqashan da azaymas,

Tasqınlaǵan kánimseń.

Bilim sónip óshpeydi,

Elge xızmet isleydi.

Turmısımda kórdim men, Sensiz kúnim keshpeydi.

Bilim — hasıl tozbaǵan, Hesh waqıtta azbaǵan. Bilimsizdiń kóshede, Tayaǵın iyt ǵayzaǵan.

Tereń bilim alǵalı, Toltırdım men ortanı, Kóterildi mártebem,

Bilimim, sen arqalı.

Barar jerge baraman,

Dańqım kópke taraǵan,

Jumsamasam seni men,

Obalıńa qalaman.

Bilim ushar qanatım, Ońǵa bastı talabım,

Bilim menen taǵı da, Abat bolar elatım.

Bilim — biyik asqarım, Soǵan qádem tasladım, Alaqanda turǵanday, Jáhánge kóz tasladım.

Soraw hám tapsırmalar: 1. Qosıqtı tásirli etip oqıń.

2.Qosıq qatarlarında shayır neni sóz etedi?

3.Qosıqtıń dáslepki 4 kupletin yadlań.

Naqıl-maqallar

Bilegi kúshli birdi jıǵadı,

Bilimi kúshli mıńdı jıǵadı.

Oqıǵan ozar,

Oqımaǵan tozar.

Aqılı kámil, ilimi zor, Bilimli el bolmaydı xor.

(Berdaq)

ÓZBEKSTAN — WATANÍM MENIŃ

ÓZBEKSTAN — WATANÍM MENIŃ

A. Sultanov

Baǵları miywalı bir jánnet yańlı, Xalqı tınıshlıqta qarsı aldı tańdı, Ǵárezsizlik alıp ıǵbalı jandı, Jayna-jasna, gózzal mákanım meniń, Ózbekistan — ullı Watanım meniń.

Islam áleminde Naqıshband babam, Xiywa, Buxara — bul ullı Kaabam, Tashkentim — shıǵısta shamshıraq qalam, Jayna-jasna, gózzal mákanım meniń, Ózbekistan — ullı Watanım meniń.

Beruniy, Uluǵbek, Hákim Ulıqpan, Sonday danıshpanlar shıqqan xalıqtan, Háziret Nawayıdan sabaq alıppan, Jayna-jasna, gózzal mákanım meniń, Ózbekistan — ullı Watanım meniń.

Tapsırma:

Qosıqtı yadlap alıń.

ÓZBEKSTAN — GÚLBAǴÍM

G. Shamuratova

Gúller kibi gúlzardıń, Íǵbalı ul-qızlardıń, Ózbekistan — gúlbaǵım,

Jaynay bersin ıǵbalıń.

Kóz kórgenimiz bastan,

Perzentpiz bawır basqan,

Diyarımız baǵı-bostan,

Sawlatım — Ózbekistan.

Jolıma shıraq jaqqansız, Iske alıq shaqqanbız, Kóksińde qanat qaqqanbız, Ózińnen baxıt tapqanbız.

Doslıqqa qushtar jas bizler, Alda keleshekti gózler, Bizler júrek, bas sizler, Tutas denege megzer.

Tuwısqan bir túbimiz, Siz aǵasız — ini biz, Nurǵa tolǵan túnimiz, Jarqıraǵan kúnimiz.

Mánzil júgin kóterer, Elge de xızmet óteler,

Bizdey hadal perzentler, Keleshekke jeteler.

Kóz kórgenimiz jastan, Perzentler bawır basqan,

Diyarım baǵı-bostan, Sawlatım — Ózbekistan.

Gúller kibi gúlzardıń, Íǵbalı ul-qızlardıń,

Ózbekistan — gúlbaǵım, Jarqıray bergey nurlarıń!

Tapsırma:

Qosıqtı túsinip oqıp, mazmunın óz sózlerińiz benen aytıp beriń.

TASHKENT

T. Jumamuratov

Kóńli dárya Ámiw, Sır hám Zarafshan, Úlken ózbek aǵamızǵa sharap-shan. Atlas dónip, gúl jamılǵan sháhárim, Kún shıǵısta jarqıraǵan daraqsań.

Sálem, Tashkent — mehribanlı bas qalam, Jer júzine dańq kótergen astanam, Ziyaratqa kelip turman elimnen, Qaraqalpaq bawırıńnan assalam!

Tapsırma:

Qosıqtı yadlap alıń.

Sózlik

Sharap-shan — abıroy-danq mánisinde Astana — paytaxt mánisinde

XALÍQ SÓZLERI

I. Yusupov

Xalqımdı dana desem bolar, Naqıl etken bile-bile, Sóyleysóyley sheshen bolar,

Kósem bolar kóre-kóre.

Naqıl kóptiń múlki bolar,

Adam sumı túlki bolar,

Iyt juldızǵa kúlki bolar,

Ayǵa qarap úre-úre.

Qorqqanlarǵa qos kóriner,

Joldaslıq jolda biliner,

Júrgenge jormal iliner,

Kóp kórerseń júre-júre.

Shayırlıq etse nadanlar,

Bálege qalar adamlar,

Axmaq aytar, aqıl tıńlar,

Zeyin menen ile-ile.

Dúnya quwǵan bayır óter,

El qıdırǵan sayıl óter,

Iz qaldırıp shayır óter,

Sóz marjanın tere-tere.

QARAQALPAQSTAN — BUL!

T. Qabulov

Quyash nurı kún shıǵıstan, Qoynı bolar nur, gúlistan, Bir úlke bar baxtı bálent,

Quyash penen bir tuwısqan,