№2 Практикалық сабақ

Тақырыбы: МТС-ті ұйымдастыру және қызмет бағыттары. МТС-тің өндірістік базасы

Тапсырма:

МТС-ті ұйымдастырумен танысу және қызмет бағыттарын белгілеу

Қызметтің түрлері:

• Қосалқы бөлшектермен қамтамасыз ету;

• Сату алдындағы сервис;

• Дилерлік қызмет;

• Диагностикалық жұмыстар;

• Машиналарды және жабдықтарды жөндеу;

• Бөлшектерді, жинақ бірліктерді және механизімдерді жаңарту және беріктігін арттыру;

• Машиналарды сақтауға қою (консервация);

• Машиналарды жабдықтауда қосалқы бөлшектерді сертификаттау;

• Сату, есепке қою, есептен шығару;

• Жанар және жағар майларды жинау және утилизациялау;

• Экспертиза және бағалауды жүргізу;

• Клиенттерді және жұмыскерлерді тамақтандыру және т.б.

Құқықтық талаптар:

• Кәсіпорынның құжаттарында көрсетілген қызметтің түрлеріне лицензия болу керек;

• Міндетті түрде сертификатталатын а/ш машиналарына жасалатын жөндеу-техникалық қызметкөрсетуге сертификаттар болу керек;

• Кәсіпорынның мекен-жайы белгіленуі керек.

Тапсырыс қабылдайтын орындарда тұтынушыларға жақсы көрінетін жерлерде қызмеькөрсету туралы ақпарат болу керек, онда төмендегілер көрсетілуі керек:

1. кәсіпорынның атқарылатын жұмыстар бойынша бұйрығы;

2. жергілікті әкімшіліктің нормативтік құжаттары;

3. жергілікті әкімшіліктегі тұтынушылардың құқығын қорғайтын орган туралы мәлімет;

4. қызмет көрсетудің негізгі турлері туралы тізім;

5. белгілі қызмет көрсетуге құқықтық лицензияның көшірмесі;

6. қызметкөрсетулердің сертификаттарыныцң көшірмелері;

7. қызмет көрсетулердің бағалары;

8. тұтынушылар кіруге рұқсат етілген учаскелер тізімі;

9. ұсыныс және шағымдар кітабы;

10. тапсырысты орындау туралы мәлімет;

11. жеңілдікке ие бола алатын азаматтардың категорияларының тізімі;

12. келісім-шарттардың, тапсырыстардың, қабылдау-тапсыру актілерінің, квитанциялардың, тіл-хаттардың, талондарды және т.б. құжаттарды толтырудың үлгілері.

МТС-тің өндірістік базасын ұйымдастыру

Жөндеу-қызмет көрсету мекемесінің техникалық жабдықталуына техниканы жөндеу сапасының деңгейіне қойылатын талапқа байланысты.

Бірақ, көптеген жөндеу-қызмет көрсету мекемелерінде ауыстыруды талап ететін ескірген жабдықтарды қолданады, әдетте, жабдықтарды пайдалану мерзімі 7...9 жылдан аспауы керек. Жалпы, кейінгі кезде жөндеу-технологиялық жабдықтарды шығарудың өзі едәуір қысқарған. Қолданылатын ескірген метал кескіш жабдықтарбөлшек беттерін өңдеудің берілген дәлдігін және сапасын қамтамасыз ете алмайды. Кейбір техникалық сервис мекемелерінде өлшеу құралдары да жеткіліксіз.

МТС-ті техникалық жабдықтаудың негізгі бағыттары:

арнайы мобильді құралдарды қолдану, мысалы, қажетті құралдармен жабдықталған жылжымалы шеберханаларды, бұл дала жағдайында жөндеу жұмыстарын жүргізу уақытын едәуір қысқартады; орындалатын жұмыстар-дың көлеміне байланысты ауданы 300...600м² болуы мүмкін жөндеу шеберханасын салу.

Шеберханалар төмендегі жабдықтармен қамтамасыз етіледі:

Бу-су жуу қондырғылары;

Тұрақты гидравликалық пресс;

Электр және газбен пісіру жабдықтары;

Жылжымалы гидросұырғыш;

Қолды таль;

Клапандарды үйкеу станогы;

Токарлық, бұрғылау және қайрау станоктары;

Бөлшектерді жууға арналған ванналар; кіліттер жинағы және т.б.

Жөндеу шеберханасы қалыпты жұмыс істеуі үшін онда мына учаскелер болғаны қажет:

сыртқы тазалау; жөндеу-монтаждау; бөлшектерді тазалау; жинақ бірліктері және агрегаттары; қозғалтқыштарды жөндеу; слесарлық-механикалық; қозғалтқыштарды баптау; жанар май және гидравлика аппаратурасын жөндеу; аккумуляторларды заряддау; бояу; темір соғу; құралдар қоймасы; компрессорлық; трактор мен автомобильдерді диагностикалау.