T/b	MAZMUNY	sahypa
	Giriş. Berkarar döwletiň bagtyýarlyk döwründe standartlaşdyrmagyň tutýan orny	5
1	Edebi syn. Türkmenistanyň standartlaşdyrmak boýunça döwlet ulgamy	7
1.1	Türkmenistanyň döwlet standartlarynyň maksady we meseleleri	7
1.2	Türkmenistanyň standartlaşdyrmak boýunça döwlet ulgamy	8
1.3	Standartlaşdyrmagyň kanunalaýyklygy we ähmiýeti	11
1.4	Türkmenistanyň çäginde hereket edýän kadalaşdyryjy resminamalaryň görnüşleri we derejeleri	12
2	Türkmen döwlet standartlarynyň işläp düzülişiniň tehnologiýasy	15
2.1.	Standartlaryň işläp düzüliş işlerini gurnamak	15
2.2.	Döwlet standartlarynyň işläp düzülmeginiň tehnologiýasy	15
2.3.	Döwlet standartyň taslamasynyň gutarnykly rejegärliginiň işlenip taýýarlanylyşy	16
2.3.1.	Standart taslamasynyň tassyklanylmagy, resmileşdirilmegi	18
2.4.	Standartyň neşir edilmegi we ýaýradylmagy	19
3.	Tikin önümiň hil häsiýetlerini TDS 1.5-2016 standartynyň talaplaryna laýyklygyny anyklamak	20
3.1	TDS 1.5-2016 standartyň hereket edýän kadalaşdyryjy resminamanyň mazmunyna edilýän talaplar.	20
3.1.1	Tikin önümi üçin çig malyň düzümi, häsiýetleri, we görnüşleri	20
3.1.2	Erkek adam üçin köýneklere edilýän tehniki talaplar	28
3.1.3	Tikin önümiň synag usullary	29
3.1.4	Belgilemek, gaplamak, daşamak we saklamak talaplary	31
3.2	Kadalaşdyryjy resminamanyň mazmunyň talaplara laýyklygyny anyklamak	34
3.3	Derňewiň netijesini jemlemek we teklipleri goşmak	35
	Netije	36
	Edebiýatlar	37

Giriş. Berkarar döwletiň bagtyýarlyk döwründe standartlaşdyrmagyň tutýan orny

Berkarar döwletimiziň bagtyýarlyk döwründe hormatly Prezidentimiziň ýolbaşçylygynda ýurdumyzyň ykdysadyýeti çalt depginler bilen ösýär. Halkara gatnaşyklaryň işjeň ösmegi bilen standartlaşdyrmak, sertifikatlaşdyrmak we metrologiýa bu gün tutuş ykdysady ulgamyň özgermegine düýpli täsir edip, ony täze iş şertlerinde ulanyp, önümçilik pudaklarynda bäsdeşlige ukyply we ýokary hilli önümleri öndürmäge höwes döredýär.

Ýurdumyzda öndürilýän önümleriň dünýä bazarynda eýeleýän ornuny giňeltmek üçin, türkmen döwletiniň tehniki we ykdysady garaşsyzlygyny, daşary ýurtly hyzmatdaşlaryň biziň ýurdumyz bilen söwda gatnaşyklaryny we ylmy-tehniki standartlaşdyrmak, sertifikatlaşdyrmak, ölçegleriň bitewiligini üpjün etmek ulgamlaryny ösdürmegiň strategik maksatlaryna ýetmek üçin mümkinçilikler döredilýär.

Häzirki döwürde standartlaşdyrmak işleri ýokary depginlerde geçirilip ýurdumyzyň durmuşynyň dürli ugurlarynda ozaly bilen ykdysadyýetdäki özgerşiklere doly laýyk gelýär. Kärhananyň öndürýän önümleriň ýokary hililigini we bäsdeşlige ukyplylygyny üpjün edip möhüm serişdesi bolmak bilen standartlar önümçiligi ösdürmäge, milli ykdysadyýeti senagatlaşdyrmaga, onuň bazar gatnaşyklaryna geçmegine ýardam etýär. Hormatly Prezidentimiz Gurbanguly Berdimuhamedowyň başyny başlan döwlet bähbitli özgertmeleriniň standarlaşdyrmagy ösdürmäge giň ýol açýandygyna göz ýetirmek bolýar. Milli Liderimiz ähli pudaklaryň önümçilik ulgamynda hil, laýyklyk we howpsuzlyk standartlarynyň ähmiýetiniň örän uludygyny nygtaýar. Milli ykdysadyýetmiziň diwersifikasiýalaşdyrylmagy maýalary diňe pul görnüşinde däl-de, eýsem täze tehnologiýalar görnüşinde hem çekmek zerurlygyny şertlendirýär. Ýokary tehnologiýalar we innowasiýalar okgunly ösýän Türkmenistanda aýratyn zerur bolup durýar we halkara hyzmatdaşlyklar üçin geljegi uly ugurdyr.

Hormatly Prezidentimiziň gönüden-göni goldaw bermeginde oýlanyşykly döredýän milli standartlar ulgamy netijeli häsiýete eýe bolup, onuň geljekde "Türkmenstandartlary" Baş döwlet gullugynyň uly mümkinçiliklere daýanjakdygyny we mundan beýläk-de ýurduň ösüşiniň, türkmen halkynyň abadançylygynyň we rowaçlygynyň hatyrasyna giň möçberli durmuş-ykdysady maksatnamalary durmuşa geçirmekde uly üstünlikler gazanjakdygyny çaklamaga mümkinçilik berýär.

Dünýä ösüşiniň häzirki şertlerinde gullugyň öňünde täze wezipeler durýar. Milli standartlaşdyrmak we ygtyýarlandyrmak boýunça işiniň kämilleşdirilmegi, dünýä tejribesiniň netijeli çemeleşmeleriniň önümçilige batyrgaý ornaşdyrylmagy, bu pudagyň häzirki döwürde gazanýan üstünlikleri ýurdumyzyň standartlar ulgamynda düzümleýin özgertmeleriň geçirilmeginiň zerurdygyny äşgär edýär.

Meniň bu ýyllyk işimiň esasy maksady türkmen döwlet standartlarynyň işlenip düzüliş tehnologiýasyny we tikin önümi bolan erkek adamlar üçin üstki ýeňli ak köýnegiň hil häsiýetleriniň TDS 1.5-2016 standartynyň talaplaryna laýyklygynyň yzygiderligini öwrenmek. Bu ýyllyk işinde şu aşakdaky meselelere seredilýär:

• Türkmen döwlet standartlarynyň işläp düzülişiniň tehnologiýasy

• Standart taslamasynyň tassyklanylmagy, resmileşdirilmegi

• Tikin önümiň hil häsiýetlerini TDS 1.5-2016 standartynyň talaplaryna laýyklygyny anyklamak

• Erkek adam üçin köýneklere edilýän tehniki talaplar

• Kadalaşdyryjy resminamanyň mazmunyň talaplara laýyklygyny anyklamak

• Derňewiň netijesini jemlemek we teklipleri goşmak