6. Педагогиканың оқыту пəні ретінде дамуы.

1922-1925  жж.  П.П.  Блонский,  А.П.  Пинкевич,  А.Г.  Калашников,  М.С.  Григорьевский,  В.Я.Струминский, 

М.Жұмабаев, А.Байтұрсыновтың кітаптары жарыққа шығады. 

1927-1930 жж. өткізілген педагогикалық пікірталастар педагогиканың дамуына өз үлесін қосты. 

1931  ж.  ең  алғаш  педагогикадан  бағдарлама  жасалады.  Бағдарлама,  оқулықтардың    авторлары  негізінен 

орта жəне жоғары мектеп оқытушылары жасайды.  

1933 ж. педагогикалық техникум жəне педагогикалық жоғарғы оқу орнына арналған бағдарлама енгізіледі. 

Бағдарлама  мынадай  негізгі  бөлімдерден  тұрады:  1)  Совет  педагогикасының  мəні,  маңызы  жəне  мақсаты; 

2)халыққа    білім  беру    жүйесі;  3)  оқу  жоспары  жəне  бағдарламалар;  4)  политехникалық    мектептегі  оқыту 

əдістері; 5) мектептегі білім беру  жұмысын ұйымдастыру формалары; 6)оқулықтар; 7)дисциплина; 8)мектептен 

тыс жұмыс; 9)мұғалім; 10)мектептің ұйымдастырушылық педагогикалық мəселелері. 

Оқулықтың  теориясы  қалыптаса  бастайды.  70-ші  жылдың  басында  еліміздің  педагогикалық  жоғарғы  оқу 

орындарында  психологиялық-педагогикалық  пəндер  жəне  педагогикалық  практика  жүйесінің    жаңа  түрі  

енгізіледі. Бұл педагогика курсы үш тарауға бөлінді. Педагогикаға кіріспе, дидактикаға, тəрбие теориясы. 

7. Шет елдеріндегі педагогика курсы.

Шет  елдердегі  мұғалімдерді  дайындау  жүйесі  алуан  түрлі.  Оның  құрылуына  қоғамдық  жəне  мемлекеттік 

құрылым,  экномикалық    дамудың  деңгейі,  мұғалім  кадрларын  дайындау  дəстүрі,  халыққа  білім  беру  жүйесінің 

даму факторлары əсер етеді.  

Азия,  Африка,  Америка  елдерінде  бастауыш  сынып  мұғалімдерін  орта  педагогикалық  оқу  орындары 

(колледж, лицеи жəне т.б.), орта мектеп мұғалімдерін – университеттер дайындайды.  

Кейбір  жоғарғы  оқу  орынында  педагогика  курсы  мүлдем  оқытылмайды.  Мысалы,  Францияда  педагогика 

дербес  ғылым  ретінде  берілмейді.  Ал  студенттерді  педагогикалық  дайындау  тəжірибелі  мұғалімдердің  

басқаруымен  жүзеге  асырылады.  Олар  стажировкадан  өткізіледі.  Стажировка  аяқталған  соң  мұғалім  болуға 

кандидаттар  мұғалім  атағын иемдену үшін емтихан тапсырады. 

Шет ел педагогикасындағы ерекшеліктер: 

1.Педагогиканың  философия  бағыттарымен  тығыз  байланыстылығы,    курстың  абстрактілігі.  Мысалы, 

«Тəрбиелеу философиясы», «Тəрбиелеу теориялары». 

2.  Оқу  курстарын  майдалау.  Мысалы,  Жапонияда    бастауыш  білім  принциптері,  орта  білім  принциптері, 

білім беру мазмұны, оқыту əдістері жəне т.б. курстар жеке жеке оқытылады. 

3.Барлық курстардың міндетті емес сипаты, таңдап оқудың болуы. 

8Педагогика курсының мазмұнын құрудың негіздері.

Кез  келген  оқу  пəнінің  мазмұны  тəрбиенің 

мақсатымен  белгіленеді,  оның  нақты  көрініс  болып  табылады.  Қоғам  дами  отырып,  білім  берудің  жаңа 

міндеттерін  белгілейді,  олар  барлық  оқу  пəндерінің  мазмұнында  көрініс  табады.  Педагогика  қоғамдық  ғылым 

болғандықтан ол қоғам талаптарын көрсетеді.  Оқу  пəнінің    мазмұнына  педагогиканың  ғылым  ретінде  дамуы  əсер  етеді.  Біздің    еліміздегі  жалпы  орта 

білім,  кəсіби  орта жəне  жоғары мектептің дамуы педагогикада жаңа  мəселелердің туындауына, оның əрі қарай 

дамуына  əкеледі.  Осылдайша,  педагогиканың  жаңа    салалары  пайда  болуда:  педагогикалық  этика,    жоғарғы 

мектеп педагогикасы, халыққа  білім берудің экономикасы, педагогикалық психология, дефектология жəне т.б. 

Педагогика  курсының  мазмұнын  құруда  оқушылардың  жас  шамасы,  олардың  жалпы  білімділік  деңгейі, 

болашақ  кəсіби  қызметтің  сипаты  сынды  параметрлер  есепке  алынады.  Мазмұнды  белгілеуде  педагогикалық 

мəселелердің теориялық өңделу  деңгейі де  маңызды.  

Оқу жоспарлары мен бағдарламаларды тəжірибелі  мамандар жасады.  

Соңғы  уақытта    білім  берудің  мазмұнын    жасауда    жаңа  тұрғы    кең  тарлған.  Ол  болашақ  маманның  

еңбегінің    сипаты    мен  мазмұнын  зерттеудің  негізінде  жасалады.  Осы  зерттеулер    нəтижесінен  мұғалімнің  

кəсібилігіне қойылатын талаптар белгіленеді. Бұл мұғалімдердің профессиограммасын жасауда қолданылады.