9. Дәрігерлік амбулаторияның мақсаты мен жұмыс көрсеткіштерін анықтаңыз.

Амбулатория – келіп көрінген науқастарға және оларға үй жағдайында медициналық көмек көрсететін емдеу алдын алу мекемес. Амбулатория қызметі – территориялық аймақтық жүйе бойынша атқарылады. Емханамен салыстырғанда амбулаторияда жасалынатын қызмет түрі аз. Ауылдық елді мекенде орналасқандықтан , онда дәрігерлер аз құрамында терапевт , хирург, акушер гинеколог және балалр дәрігері қызмет көрсетеді.

Амбулаторлық-емханалық мекеменің негізгі жұмыс бағыттары:

- профилактикалық жұмыс, диспансерлеу, халықты гигиеналық оқыту және тәрбиелеу, салауатты өмір салтын наихаттау; - емдеу-диагностикалық жұмыс (уақытша еңбекке жарамсыздықты сараптаумен бірге);

- ұйымдастыру-әдістемелік жұмыс (басқару, жоспарлау, статистикалық тіркеу және есеп беру, жұмысты талдау, денсаулық сақтаудың басқа мекемелерімен өзара қызметтестік, біліктілікті жоғарылату және т.б.);

- ұйымдастыру-массалық жұмыс.

Қазіргі уақытта амбулаторлық -емханалық жұмысты күшейту үшін медициналық жәрдем көрсетудің жаңа түрлері пайдаланылуда. Ол емханада ұйымдастырылатын : «күндізгі аурухана», «үйдегі аурухана», « амбулаторлық хирургия орталыға және бөлімшелері», «отбасы дәрігерлік амбулатория» т.б.

10.Ауылдық жерде акушерлік гинекологиялық көмек көрсетудің жұмыс ерекшеліктерін түсіндіріңіз.

Ауылдық жерлердегі елді мекендерде орналақан тұрғындарға акушерлік гинекологиялық көмек фельдшерлік пункт , фельдшерлік – акушерлік пункт, ауылдық дәрігерік амбулатория , ауылдық аймақтық аурухана , аудандық әйелдерге кеңес беру емханасы аудандық перзентхана және орталық аурухана мекемелері арқылы көрсетіледі.

Аул тұрғындарына акушерлік гинекологиялық көмекті ұйымдастыру кезеңдік принцип бойнша жүргізіледі.

1-кезең. Көмекті фельдшерлік акушерлік пункттың , ауылдық дәрігерлік амбулаторияның және ауылдық аурухананың акушеркалары көрсетеді. Бұл сатыда акушеркалардың атқаратын жұмысы негізінен профилактикалық бағытта жүргізіледі. Оған гинекологиялық ауруларды, жүкті әйелдерді ерте анықтап есепке алу, алдын алу және жүктілік жағдайлар мен гинекологиялық аурулар асқынғанда оларды аудандық е деу алдын алу мекемелеріне дер кезінде емделуге жіберу жатады. Сонымен қатар қажетті жағдайда акушерка жедел жәрдем көрсетуге , ауыр жағдайда ауданнан жедел түрде маман дәрігер шақыртуға және науқаты аудан оралығына өзінің тікелей бақылауымен сүйемелдеп жеткізуге міндетті.

2-кезеңде акушерлік гинекологиялық көмекті ауылдық аймақтық аурухана мекемесеінің дәрігер акушер – гинекологы көрсетеді. Бұл мекемеде тұрақты акушер гинекологтың бақылау жүргізуі мүмкін болмағандықтан науқастар көбінесе стационарлық ем алуға аудандағы алдын алу мекемелеріне жіберіледі.

3-кезеңде акушерлік гинекологиялық көмекті аудандық әйелдерге кеңес беру емханасының , аудандық емхана , аудандық перзентхана және аудандық аурухана дәрігер акушер гинекологтары көрсетеді.

Жоғары мамандандырылған акушерлік – гинекологиялық көмек қажет болған жағдайларда жүкті әйелдермен гинекологиялық науқастардың аурулары асқынып жергілікті жерде емдеу шараларынан нәтиже болмаған жағдайда облыстық әйелдерге кеңес беру емханасына , облыстық перзентханаға және ғылыми зерттеу институттарының мамандандырылған акушерлік-гинекологиялық орталықтарына жіберіледі.

Ауылдық жерлерде акушерлік гинекологиялық қызметті жақсарту бағытында орта буын медицина қызметкерлерінің акушерлердің, мамандық сапасын , біліктілігін арттырудың маңызы зор.