Өзін - өзі тану сабағының жоспары.

Сабақтың мақсаты: - оқушылардың «өнер» құндылығы туралы түсініктерін кеңейту.

Сабақтың міндеттері: - ата-баба өнері, соның ішіндегі ою-өрнектің адам өміріндегі маңыздылығын түсіндіру;

- қазақ халқының ою-өрнек өнеріне қызығушылықтарын арттыру;

- қазақ халқының ою-өрнек өнерін бағалауға тәрбиелеу.

Фотосуреттер, плакат, маркер, үлестірме қағаз, қайшы, түрлі қағаз.

Сабақтың барысы: а) Ұйымдастыру кезеңі.

-оқушылармен сәлемдесу.

- сынып тазалығына көңіл бөлу. ( топқа бөлу)

Тыныштық сәті. «Нұрға бөлену» әуен арқылы.

2. Үй тапсырмасын тексеру: «Ананың асыл арманы» атты аңыз әңгімені сұрау және талдау.

Сабақ барысын талқылау.

Аңыз әңгімені айтып беруарқылы сабақтың мағынасын аша түсу.

3. Дәйексөз:

«Еңбек - өнер өрісі. Өнер - өмір жемісі.» деген халық даналығына оқушылардың зейінін аудару және мәнін түсіндіру. Жұмыс дәптерге жаздыру.

- Ата-баба өнері дегенді қалай түсінесіңдер?

- Өздерің өнердің қандай түрлерін ұнатасыңдар?

Халық даналығын оқу және талдау.

4. Әңгімелесу (сұхбат) «Өсиет әңгіме» - мәтінімен таныстыру. Сол мәтін бойынша өз ойларын ортаға салу.

Қорыту:

- Дүрияның Ыдырысқа айтқан сөздері туралы қандай пікір айта аласыңдар?

- Ыдырыстың ою-өрнек өнерін үйренгендігінің қандай көмегі болды ?

Өсиет әңгіме мәтінін оқып, өз ойларын айтып береді.

5. Шығармашылық жұмыс, топтық жұмыс.

Оқушылар екі топқа бөлінеді. Білім –біліктерін тиянақтау мақсатында тапсырма ұсынылады. Оқулықта берілген суреттерге қарап өнердің түрелері жайлы әңгімелеп беру ұсынылады.

Плакат, маркер, түрлі қағаз.

6. Топпен ән айту. «Бала тілегі»

Сөзі: С. Молдасанұлы әні:Ф. Лұқпанова

Бал-балалық, балдырған шақ сан арман,

Барлық бала армандауға жаралған.

Кел, достарым, әндетіңдер, билеңдер,

Гүлденсін деп атамекен қара орман.

Болашақтың иесіміз бәріміз,

Туған жердің түрлендірер нәріміз.

Алтын бесік – ұлан –байтақ елімде,

Жарқын болсын шырқап айтар әніміз

АКТ-ны пайдалану.

Әнді бірге шырқау ұсынылады.

7. Үй тапсырмасы. № 1 «Ою хан мен Жою хан» атты әңгімені оқып келу.

Келесі сабақ. № 2 «Туған тілім» атты өлеңді оқып келу.

С. Медеубекұлы

Өлеңді күнделікке жазып алады.

8. Соңғы тыныштық сәті. Баяу әуен қойылады. Бүгінгі сабақтан игерген жақсы қасиеттерді есімізге түсіріп, жүрегімізге сақтайық. «Қиянат жасамау, қиянат жасамау бар жерде, қиянат жасамау, қиянат жасамау» бүкіл әлемде.

Сабақтың мақсаты: - оқушылардың «тіл», «Отан» құндылықтары туралы түсініктерін кеңейту.

Сабақтың міндеттері: - ана тілінің адам өміріндегі маңыздылығын түсіндіру;

- ана тіліне деген құштарлықтарын арттыру;

- ана тілін сүюге, құрметтеуге тәрбиелеу.

Фотосуреттер, плакат, маркер, үлестірме қағаз, қайшы, түрлі қағаз.

Сабақтың барысы: а) Ұйымдастыру кезеңі.

-оқушылармен сәлемдесу.

- сынып тазалығына көңіл бөлу. ( топқа бөлу)

Тыныштық сәті. «Орманға саяхат» әуен арқылы.

2. Үй тапсырмасын тексеру: «Ою хан мен Жою хан» атты аңыз әңгімені сұрау және талдау.

Сабақ барысын талқылау.

Аңыз әңгімені айтып беруарқылы сабақтың мағынасын аша түсу.

3. Дәйексөз:

«Сүйемін туған тілді, анам тілін,

Бесікте жатқанымда-ақ берген білім» деген қанатты сөзін оқушылардың зейінін аудару және мәнін түсіндіру. Жұмыс дәптерге жаздыру.

- Неліктен тілді анамен байланыстырып айтамыз?

С. Торайғыровтың қанатты сөзін оқу және талдау.

4. Әңгімелесу (сұхбат) «Туған тілім» - атты өлеңді таныстыру. Сол мәтін бойынша өз ойларын ортаға салу.

Қорыту:

- Неліктен өз тілінде сөйлейтін адам сыйлы болады?

- Қандай адам өз тілін өте құрметтейді деп ойлайсыңдар?

Д. Әбіловтың өлеңін оқып, өз ойларын айтып береді.

5. Шығармашылық жұмыс, топтық жұмыс.

Оқушылар екі топқа бөлінеді. Білім –біліктерін тиянақтау мақсатында тапсырма ұсынылады. Оқулықта берілген сахналық көріністі көрсету ұсынылады.

Плакат, маркер, түрлі қағаз.

6. Топпен ән айту. «Өз елім»

әні: Н. Еспанов сөзі: З. Шүкіров

Келгенде көктемі,

Көңілін гүл басқан.

Шырағы көктегі,

Жұлдызбен сырласқан.

Өз елім менің,

Өзегім менің,

Жырыма қосып жүремін.

Төрім деп менің,

Жерім деп менің,

Соғады мәңгі жүрегім.

Қайырмасы:

Түлегі сендер,

Тілегі сендер,

Тірегі, сендер, сол елдің.

Назары сендер,

Базары сендер,

Ажары сендер сол елдің.

АКТ-ны пайдалану.

Әнді бірге шырқау ұсынылады.

7. Үй тапсырмасы. № 1 «Жүрегімнің бөлшегі» атты өлеңді жаттап келу.

Келесі сабақ. № 2 «Мен елімді сүйемін» атты мәтінді оқып келу.

Б. Үсенбаев

Мәтінді күнделікке жазып алады.

8. Соңғы тыныштық сәті. Баяу әуен қойылады. Бүгінгі сабақтан игерген жақсы қасиеттерді есімізге түсіріп, жүрегімізге сақтайық. «Сүйіспеншілік, сүйіспеншілік бар жерде, сүйіспеншілік, сүйіспеншілік» бүкіл әлемде.