4 Есеп.

53 жастағы жүргiзушi гематология бөлiмiне келесi шағымдармен келдi: лимфа түйiндерiнiң барлығының үлкеюi, дене қызуының 37,5⁰С-ке, әсiресе, кештерде көтерiлуi, тершеңдiк, есту қабiлетiнiң төмендеуi, жалпы әлсiздiк.

1,5 жыл бұрын тыныс жолдарының жедел респирациялық ауруы (ЖРА) кезiнде емхана дәрiгерi жақ асты, мойын, қолтық асты лимфа түйіндерінің үлкейгенiн анықтаған, қан анализiнде лейкоциттерi өте жоғары болған (600х10⁹/л). Гематология бөлiмiнде 1,5 ай лейкеран және преднизолонмен емдеген, жағдайы жақсарып, лимфалық түйіндері кiшiрейген. Соңғы бiр жылда аптасына 2 рет 2 мг-нан хлорбутиннiң сүйемелдеушi дозасын қабылдап жүрген. Ал кейiнгi 3 айда дәрi iшудi доғарған, суықтап ауырған соң лимфалық түйіндері қайта үлкейе бастаған.

Об-тi: жалпы жағдайы қанағаттанарлық, терi жамылғылары қалыпты түстi. Жақ және қолтық асты, мойын, шап лимфалық түйіндері үлкейген, жұмсақ эластикалық, ауырсынусыз, өзара жабыспаған, өлшемдерi 1-2-ден 3-4 см-лік диаметрде. Бауыры оң қабырға иiнiнен 5 см-ге түсiңкi, қатты эластикалық, бетi тегiс, ауырмайды. Талағы қабырға доғасында пальпацияланады, ауырмайды.

Қан анализiнде: гем. 100 г/л, эрит. 3,4х10¹²/л, т.к. 0,9, ретик. 1,3%, тромб. 75х10⁹/л, лейк. 5,0х10⁹/л, эоз. 1%, с/я 3%, лимф. 92%, пролимфоциттер 4%, лейкоцитолиз 35:100, ЭТЖ 20 мм/сағ., анизоцитоз, пойкилоцитоз айқын.

1. Алғашқы диагнозыңыз.

2. Тексеруді толықтырыңыз, қажетті дәрiгерлiк манипуляциялар.

3. Дифференциялық диагнозды жүргiзетін нозологиялық бiрлiктер (лимфа

түйiндердiң ұлғаюымен жүретiн аурулар).

4. Клиникалық диагнозы.

5. Емi, маңызды бөлiмдері, принциптерi?

6. Асқынулары, прогнозы.

5 Есеп.

Науқас Г. 70 жаста, соңғы 5 жыл iшiнде гемотологиялық стационарда 2 рет және амбулаторияда созылмалы лимфолейкоз диагнозымен емделген. Науқасқа хлоробутин және кезеңдермен преднизолон тағайындалған, жағдайы қанағаттанарлыққа жеткізілген. 2 ай бұрын тұмаумен ауырған соң науқаста перифериялық лимфалық түйiндерi ұлғайған, аз көлемдi физикалық күштен соң жүрегiнің соғып кетуі, ентiгу дамыған, терiсі мен склерасының сарғаюы байқалған, солармен қатар жалпы әлсiздiк үдей түскендiктен стационарлық емге жолдама берiлген.

Об-тi: жалпы жағдайы орташа ауырлық дәрежесінде. Терi жамылғысы және склерасы сарғайған, геморрагия ошақтары жоқ. Жақ асты, мойын, қолтық асты, шап лимфа түйiндерi (1-2 см-ден 3-4 см-ге дейiн) ұлғайған, жұмсақ, ауырсынусыз, қозғалмалы, бiр-бiрiмен және терiмен жабыспаған. Тыныс алу жүйесi ерекшелiксiз. Жүрек тондары тұйықталған, бiрен-сараң экстрасистолалар, жүрек ұшында систолалық шу, аорта үстiнде II тонның акцентi естiледi. АҚ 150/70 мм сын. бағ., пульсi минутына 82 рет, қанағаттанарлық толумен, ырғақсыз. Бауыры қабырға доғасынан 3 см төмен, талағы 4 см-дей төмен анықталды, пальпацияда ауырсынусыз.

Қанның жалпы анализiнде: эр. 2,1х10¹²/л, гем. 62 г/л, т.к. 0,9, лейк. 280х10⁹/л, эоз. 14%, лимф. 32%, пролимфоцит. 2%, лимфобласттар 14%, с/я 44%, рет. 3,84%, тромб. 190х10⁹/л, ЭТЖ 42 мм/сағ.

Эритроциттердiң осмостық резистенттiлiгiнің минимальдiсі 0,60, максимальдісі 0,34.

Билирубині 58 мкмоль/л (босы – 46 мкмоль/л).

Зәрдiң уробилиннге реакциясы оң.

Қандағы трансаминазалар белсендiлiгi өзгермеген.

1. Алғашқы диагнозыңыз.

2. Тексеруді толықтырыңыз, қажетті дәрiгерлiк манипуляциялар?

3. Дифференциялық диагнозды жүргiзеін нозобiрлiктерді жетекші синдромда арқылы іздеңіз (лимфотүйiндердiң ұлғаюымен жүретiн аурулар).

4. Клиникалық диагнозы. Емi, маңызды бөлiмдері, принциптерi?

5. Асқынулары, прогнозы.

1. Тақырыбы: Геморрагиялық синдром. Геморрагиялық диатездер. Даму себептері. Жіктемесі. Қанағыштық түрлері. Гемофилияның, геморрагиялық диатездің, идиопатиялық тромбоцитопениялық пурпуранының клиникасы, диагностикасы, емдеу принциптері. Болжамы.

2. Сабақтың мақсаты: Студенттерге Геморрагиялық диатездердің этиологиясын, патогенезін, клиникасын, жіктемесін, дифференциялық диагнозын жүргізуді (абсолютті және салыстырмалы), диагноз құруды, адекватты тексеру жоспарын және тағайындауды үйрету.