І. Инфекциялық қауіпсіздік

15. Стандарт. III кезең. «Медициналық бұйымдарды стерилизациялау»

Мақсаты: науқастардың ауруханаішілік инфекция жұқтыруының және қызметкерлердің кәсіби инфекция жұқтыруының алдын алу, медициналық бұйымдардағы барлық микроорганизмдер мен ұрықтарын жою.

Бұйымның материалына байланысты стерилизациялау әдісі мен режимі таңдалады.

1. Құрғақ бұйымдарды сеткамен немесе ыдыстарымен, салу нормасына сәйкес стерилизаторға салыңыз.

2. Стерилизацияның химиялық бақылауын өткізіңіз. Стерилизациялау көрсеткіштерін булау стерилизаторына конверттеу әдісімен, ауалы стерилизаторға 3 жеріне қабаттап қойыңыз.

3. Стерилизацияның әрбір түрі үшін тиісті режимін қолданыңыз:

- автоклавта - t°- 132°C -2°C, 2 атм., 20 минут, t°-120°С+2°С, 0,1 атм., 45 минут;

- қуыру шкафында - t°-180⁰С, 60 минут, t°- 160°C, 150 минут.

4. Стерилизациялау режимін бақылаңыз. Термиялық стерилизация аяқталғаннан кейін көрсеткіштің эталонға сәйкестігін тексеріңіз.

5. Стерилденген бұйымдарды стерилдеу аймағында алыңыз.

6. Химиялық стерилизациялау барысында медициналық бұйымдарды стерилянттары бар ыдысқа салып, қақпағын қатты жабыңыз. Химиялық стерилизация аяқталғаннан кейін бұйымдарды стерилденген сумен жуып болып қолданыңыз немесе әрі қарай сақтау үшін асептикалық жағдайда ораңыз.

7. Стерилизаторлар жұмысын есептеу журналын толтырыңыз.

І. Инфекциялық қауіпсіздік

16. Стандарт «Таңу материалдарын стерилизациялау қораптарына салу»

Мақсаты: автоклавта стерилизациялау үшін таңу материалдарын орау және регламенттелінген уақыт аралығында сақтау барысында стерильділікті сақтау.

Дайындалуы тиіс: зарарсыздандыру ерітінді, «для биксов» зат таңбасы бар арнайы шүберек - 2 дана, арнайы шүберектер, қолғап дезинфекциясына арналған ыдыс, қолғап, маска, бикстің ішкі жағына төсеуге арналған үлкен бөз майлық, дәке қапшықтардағы таңу материалдары (майлықтар, турундалар, мақта шариктері, т.б.), стерилділік көрсеткіштері – әрбір бикске 3 данадан, бөлімі (кабинет), бикстің ішіндегі заттар, орау күні мен стерилизациялау күні көрсетілген және таңу материалдарын ораған, стерилизация үшін жауапты медбике қол қоятын жері бар қағаз жапсырма, стерилизациялау коробкілері (СК), фильтрі бар коробкілер (ФК) немесе фильтрі жоқ әртүрлі сыйымдылықтағы және пішінді коробкілер.

Іс-әрекеттер алгоритмі:

1. Гигиеналық деңгейде қолыңызға деконтоминация жасаңыз.

2. Бикстің жарамдылығын тексеріңіз.

3. Қолғапты, масканы киіңіз.

4. Бикстің іші мен сыртын зарарсыздандыру ерітіндімен біртіндеп 2 рет әртүрлі шүберекпен тазартыңыз.

5. Шүберекті зарарсыздандыру үшін зарарсыздандыру ерітіндісі бар ыдысқа тастаңыз.

6. Қолғапты, масканы шешіңіз.

7. Қолыңызды жуып, құрғатыңыз.

8. Биксті жүктеу нормасына және орау түріне (түрлі, мақсатты және әмбебап) сәйкес таңу материалдарын орауға дайындалуы тиіс.

9. Бикстің сеткасын ашыңыз (фильтрсіз).

10. Фильтрсіз бикстің түбіне және іштеріне биіктігінен 2/3 түсіп тұратындай етіп майлық төсеңіз.

11. Бикстің түбіне (бақылау нүктесіне) стерилділік көрсеткішін қойыңыз.

12. Таңу материалдарын қабаттап салыңыз:

- секторалды;

- тігінен (қақпағына тігінен);

- бос.

13. Стерилділік көрсеткішін бикстің орталық бөлігіне қойыңыз.

14. Бикс шеттерінен шығып тұрған майлықпен салынған материалдың бетін жабыңыз.

15. Бикстің қақпағының астына стерилділік көрсеткішін қойыңыз.

16. Бикстің қақпағына құлып салыңыз.

17. Бикстің тұтқасына қағаз жапсырманы байлап қойыңыз.

18. Оралған күнін жазыңыз, оған жауаптының қолы болуы тиіс.