V. Науқастың жеке гигиенасы.

41. Стандарт «Науқастың іш киімін ауыстыру»

Мақсаты: науқастың жеке бас гигиенасын сақтау.

Қолдану көрсетілімдері: науқастың іш-киімнің ластануы, қатты терлеуі.

Асқынулары: науқастың кереуеттен құлауы, жалпы жағдайының нашарлауы, мейірбикенің науқас терісін қолымен жарақаттап алуы және жұқпа жұқтыруы.

Дайындау қажет: таза іш киім жиынтығы, ластанған киімдерді салуға арналған клеенка қапшық.

Іс-әрекеттер алгоритмі:

1. Науқасқа емшараның мақсатын түсіндіріңіз, келісімін алыңыз.

2. Қолыңызды гигиеналық деңгейде жуыңыз.

3. Сол қолыңызды науқастың арқасының астына салыңыз.

4. Науқастың денесінің жоғарғы бөлігін көтеріңіз.

5. Ластанған жейденің етек жағынан жинап, оны қолтық асты жағынан желкесіне дейін шиыршықтаңыз.

6. Науқасты сүйемелдеп тұрып, ластанған жейдені басынан асырып шешіп алыңыз.

7. Науқасты жастыққа жатқызып, қолдарын жейденің жеңдерінен босатыңыз (егер қолының біреуі жарақаттанған болса, онда жейдені алдымен сау қолдан, сонан кейін ауру қолдан шешіңіз).

8. Таза жейденің жеңдерін қолдарына кигізіңіз (егер қолының біреуі жарақаттанған болса, онда алдымен жарақаттанған қолға, сонан сау қолға кигізіңіз).

9. Жейдені науқастың басынан кигізіп, арқасынан түзетіңіз.

10. Науқасты жастыққа жатқызың, кеудесіндегі жейдені түзетіңіз.

11. Ластанған жейдені клеенка қапқа салыңыз.

12. Қолыңызды жуып, кептіріңіз.

Ескерту: Қатаң төсек тәртібінде жатқан науқасқа түймесіз кең жейде кигізіңіз. Кеуде торының алдын жауып, алдымен абайлап бір қолына, сонан кейін екінші қолына кигізіңіз. Науқастың төсектегі қалпын өзгертпей, кең жейденің бос қалған екі жағын кеуде торының екі жақ шеттеріне қайырып қойыңыз.

V. Науқастың жеке гигиенасы.

42. Стандарт «Халі нашар науқастың шашына күтім жасау»

Мақсаты: науқастың жеке бас гигиенасын сақтау.

Қолдану көрсетілімдері: науқастың енжарлы қалпы.

Дайындау қажет: жылы су (37°-38°С), сабын немесе сусабын, шылапшын, кружка, жиі тісті тарақ, сүлгі, 6% сірке су ерітіндісі, таза орамал (мақта матадан жасалған), лас киімдерді салатын қапшық.

Іс-әрекеттер алгоритмі:

1. Халі нашар науқастың басын төсегінде жуыңыз.

2. Басын көтеріңкіреп қойыңыз, а.а. арнайы бастың астына қоятын құралды қойыңыз немесе матрацты шиыршықтап, науқастың басының астына бүктеп қойыңыз, оның үстіне клеенка төсеңіз.

3. Науқастың басын мойнынан артына қарай шалқайтыңыз.

4. Кереуеттің бас жағындағы орындыққа науқас мойнының деңгейінде жылы суы бар шылапшынды қойыңыз.

5. Науқастың басына су ағызып ылғалдаңыз, шашын сабындаңыз, бас терісін мұқият ысқылаңыз.

6. Науқастың шашын басының маңдайынан артына қарай сабынмен немесе сусабынмен жуыңыз.

7. Шашын сумен шайыңыз, сүлгімен құрғатып сүртіңіз.

8. Науқастың шашын жиі тісті тарақпен күн сайын тараңыз, қысқа шашты түбінен ұшына қарай, ал ұзын шашты бұрымға бөліп алып, ұшынан түбіне қарай жаймен тараңыз, жұлмауға тырысыңыз.

9. Басына таза мақта-матадан жасалған орамал кигізіңіз.

10. Басының астындағы құралды төмен түсіріңіз, барлық күтім заттарын жинап алыңыз, матрацты түзетіңіз.

11. Қолданылған күтім заттарын зарарсыздандыратын салыңыз.

Ескерту:

- халі нашар науқастың басын (егер қарсы көрсетілімдері болмаса), аптасына бір рет жуу керек. Осы емшараны жүргізу үшін бастың астына қоятын арнайы құрал ыңғайлы болып табылады, кереуеттің арқасы алмалы-салмалы болуы тиіс, ол күрделі емшараны жеңілдетеді;

- әйелдердің шашы күн сайын жиі тісті тарақпен таралуы тиіс;

- ерлердің шашын қысқартып алып тастайды;

- 6% сірке су ерітіндісімен суландырылған жиі тісті тарақ қайызғақ пен шаңды жақсы тарайды.