Ұйымдастырылған оқу қызметінің технологиялық картасы

Оқу іс- әрекетінің кезеңдері

Педагогтің іс-әрекеті

Балалардың іс-әрекеті

Мотивациялық- қозғаушылық

Балаларды шеңберге тұрғызу. «Бұзылған телефон» ойыны.

• Қандай байланыс құралдарын білесіңдер?

• Ақпарат құралдары деген не?

Педагог слайд арқылы соңғы заман технологиясының жаңа жетілдірілген құралдарын көрсетеді. (Компьютер, ұялы телефон, 3D теледидарлар, электронды рама, т.б.) Заманның ағымына қарай, бұл құралдардың барлығы күннен-күнге жетілдіріліп, жаңа бір іс-әрекеттер, тәсілдер қосылып, жаңартылып жатқаны жайлы әңгімеленеді.

• Кімнің үйінде қимыл-қозғалыстың не алақанның әсерімен жұмыс істейтін шам бар? Кімнің үйінде ауа салқындатқыш бар? Қандай жерлерде аяқ дыбысының әрекетінен өзі ашылатын есіктер бар?

• Бұл қазіргі заманның озық жетістігі деп саналады және гаджеттер деп аталады.

• Компьютер не үшін қажет?

Компьютердің қызметі жайлы не білесіңдер? Оның құрылымы қандай?

Компьютер суретін көрсету. Құрылысы жайлы әңгімелеу.

• Компьютердің жалпы қызметі туралы не айта аласыңдар?

– Компьютерді адамның миымен салыстыруға бола ма? Қалай ойлайсыңдар, компьютердің «миы» қай жерде орналасқан?

Педагог ноутбук алып шығады.

• Мынау не? Бұны компьютер деп атауға бола ма?

• «Ноутбук» – ағылшын сөзі, ол «қалта кітапшасы» дегенді білдіреді.

Педагог ноутбукке алдын ала жазылып, дайындалып қойылған слайдтарды балаларға көрсетіп, әңгімелейді.

• Балалар, біз компьютермен сөйлесе аламыз ба? Ал мына компьютер сендермен сөйлескісі келіп тұр.

1-слайд.Баланың суреті шығып, сөйлесіп тұрғандай іс-әрекет жасайды.

• Сәлеметсіңдер ме, балалар?

–Мен туралы өлең тыңдағыларың келе ме?

А. Әшірбекқызының «Компьютер» өлеңін оқу.

Таңданған талай даналар

Компьютер деген бала бар.

Есепті де шешеді,

Суретті де салады,

Тетігін тапса ол бала

Бар тіліңді алады.

2-слайд. Менің қызметім туралы сендер көп білесіңдер. Мен арқылы қандай жұмыстар орындалатынын мына суреттерге қарап айта аласыңдар ма?

а) Зауыт, фабрикалардағы автоматтандырылған жүйелер (контейнерлер, кнопкаларды басып тұрған адам).

ә) Көшедегі бағдаршамдар.

б) Ұшып бара жатқан зымыран, оның жұмысын аппаратпен басқарып отырған адамдар.

в) Су электр стансысындағы аппараттар.

– Балалар, мына суреттерге қарап, бүкіл әлемдегі жұмыстар компьютердің басқаруымен орындалады деп айтуға бола ма?

3-слайд.Компьютердің алдында көзі қызарып, шашы жалбырап, түсі бұзылып отырған бала суреті.

• Балалар, менің қандай зиянды жақтарым бар, білесіңдер ме?

Менің сендерге қатаң ескертетін талабым бар! Ешқашан компьютер алдында 20 –30 минуттан артық отырмаңдар!

Менің зиянды жақтарым:

1. Мен зиянды сәуле

шығарамын. Ол зиянды

сәуле сендердің денсаулықтарыңның нашарлануына әкеліп соғады.

2. Үнемі тесіліп қарап отырғандықтан, көздеріңнің көру қабілеті төмендейді.

3. Ұзақ уақыт компьютермен әуестену кішкентай балалардың компьютерге тәуелділігіне әкеп соқтыруы мүмкін.

Мен сендерді таза ауада серуендеп, жаттығу жасауға шақырамын!

Компьютерде көңілді әуен ойналып, жаттығу жасауға шақырады.

Дәптермен жұмыс.

Жүргізуші сайланады. Барлық балалар теріс қарап тұрады. Жүргізуші бір балаға құпия түрде дененің бір тұрысын көрсетеді (оны өзі ойлап табады). Өзі шетке барып, теріс қарап тұрады. Осы тұрысты тағы бір балаға құпия түрде көрсетеді. Осылайша барлық бала бір-біріне тұрыс түрлерін көрсетіп болған соң, барлығы бері бұрылады. Жүргізуші өзінің жасаған қимылын көрсетеді, ең соңғы бала өзіне алдыңғы бала көрсеткен қимылды көрсетеді. Ең бірінші қимыл мен ең соңғы қимыл салыстырылады.

• Теледидар, газет-журналдар, компьютер.

• Әлемнің алыс-жақын елдерінен жеткізілетін жаңалық, хабарларды тарататын құралдар

Балалар сұрақтарға жауап беріп, ойларын ортаға салады.

Балалар компьютер туралы білетіндерін айтады.

• Компьютер – монитор (экран), клавиатура, процессор, принтер, дыбыс күшейткіш колонкаларынан және «тышқаннан» (қозғалтқыш) тұрады.

• Компьютер байланыс- ақпараттық құралға жатады. Компьютермен сурет салуға, кино, мультфильмдер көруге, ойындар ойнап, хат жазуға т.б. көптеген іс-әрекеттерді орындауға болады.

• Болады.

• Балалар ойланып, жетекші сұрақтар арқылы компьютердің «миы» процессорда орналасқан деген шешімге келеді.

• Болады. Ноутбук – компьютердің кішірейтіліп, өзіңмен бірге алып жүруге ыңғайланған формасы.

Балалар амандасады.

• Иә.

Балалар жетекші сұрақтар арқылы өлең жолдарын талдайды.

Балалар компьютер арқылы қандай іс-әрекеттердің орындалатынын атайды.

Балалар әр слайд бойынша сұрақтарға жауап береді.

• Компьютердің алдында ұзақ уақыт отыруға болмайды.

Балалар әуен ырғағымен сергіту жаттығуларын жасайды.

Балалар дәптердегі тапсырмаларды орындайды.

Рефлексиялық-түзетушілік

Сұрақ-жауап әдісі арқылы оқу іс-әрекетінде алған білімдерін пысықтайды.

Сұрақтарға жауап береді, бір-бірінің жауаптарын толықтырады.