Ход урока

1. Арганізацыйны момант. На кожную літару выразу ДЗЕНЬ ДОБРЫ пажадаць сваім сябрам у класе – дабра, здароўя, еднасці , настрою і г.д.

Для стварэння псіхалагічнага настрою і развіцця маўлення можна выкарыстаць выразы з практ.32.

2. Праверка дамашняга задання. Як праверыць напісанне парных звонкіх і глухіх зычных? Дыферэнцыраваная работа. Заданне на выбар.

1. Прачытайце. Спішыце словы, закрэсліўшы лішнія літары ў дужках.

Запісаць іх, вусна падбіраючы праверачныя словы. Ло(д,т)ка, бера(г,х), прыкла(д,т), блі(з,с)кі, шля(г,х), сце(ш,ж), ду(д,т)ка, но(з,с), ба(п,б)ка, скры(б,п)ка, маро(з,с.) дзя(дзь,ць)ка.

2. Дапісаць словы

ог, ох уз, ус уд, ут аз, ас

твар.. гарб.. пос.. кол..

гар.. гр.. маршр.. зак..

пір.. гладыёл.. ц.. адр..

3. Скласці сказы з дадзеных слоў і запісаць іх. Выдзеленыя словы змяніць па сэнсу.

Каля, дарога, магутны, вырас, дуб.

У, садок, паспелі, ягадкі, салодкія.

Уначы, першы, снег, выпаў.

3. Чыстапісанне.

Школьнікі чытаюць скорагаворку і вучацца правільна чытаць.

У бабулі быў баран, Біў ён бойка ў барабан. Настаўнік высвятляе,

• якія гукі часцей за ўсё сустракаецца ў скорагаворцы?

• Якой літарай на пісьме абазначаюцца гэтыя гукі?

На двух радках вучні прапісваюць б ббб бі бу ба бо

• Дапоўніць да прапісаных складоў, каб атрымалася слова.

Запісаць па адным слову на наступным радку.

(Рабіла, біў, бульба, булка, бабулька,просьба, боты, работа)

• Які зычны гук чуем у складах? (бі – мяккі, ба , бо, бу– цвёрды)

4. Паўтарэнне вывучанага матэрыялу.

Вучні чытаюць пары слоў і параўноўваюць іх вымаўленне.

Мышка- Мішка, сена – Сеня, быў – біў, Луша - Люся , воз –вёз, вугал –вугаль

• Знайсці літары, якія абазначаюць мяккасць зычных гукаў.

• Знайсці літары, якія абазначаюць цвёрдасць зычных.

Працягні фразу:

Цвёрдасць зычных гукаў на пісьме абазначаецца галоснымі літарамі…

Мяккасць зычных гукаў на пісьме абазначаецца галоснымі літарамі… і літарай …

Работа па падручніку.

Дзеці вусна выконваюць практ.28, разглядаюць малюнак на стар.17.

Запісваюць прыказкі пад дыктоўку з каменціраваннем. Тлумачаць іх сэнс і падкрэсліваюць галосныя, якія абазначаюць мяккасць зычных адной рыскай, а цвёрдасць – дзвюма.

Пры сонейку цёпла, пры мамачцы добра. Птушка рада вясне, а дзіця маці.

Слоўнікавая работа.

Параўнай па-беларуску – па-руску

тэма тема

тэатр театр

тэлефон телефон

дэльфін дельфин

ордэн орден

Самастойная работа. Практ. 31.

• Якія галосныя літары прапушчаны?

• Назваць усе мяккія зычныя гукі ў словах.

• Як мяккасць кожнага з іх перадаецца на пісьме?

Успомні правілы пераносу слоў з ь (мяккім знакам)!

Школьнік, бацька, карась, пісьмо, альбом, бульба, апельсін.

Вучні запісваюць словы, падзяліўшы іх для пераносу. Падкрэсліваюць мяккія зычныя.