5. Чыстапісанне.

На двух радках вучні прапісваюць літары і іх элементы о // о // ф фф фл

Слоўнікавая работа

Настаўнік прапануе адгадаць загадку. Адгадку прагаварыць арфаэпічна.

Хто малюе ярка, лоўка?

Сябар-дружа ён алоўку. Ф___________р

• Запісаць у сшытак слова фламастар, падкрэсліўшы “цяжкае” для напісання месца.

Работа па групах.

1гр. правярае па арфаграфічным слоўніку напісанне слова ў адпаведнасці з новымі “Правіламі беларускай арфаграфіі і пунктуацыі”, складае сказ з дадзеным словам.

2 гр. працуе над практ.12. Вучні знаходзяць словы, у якіх э пішацца не пад націскам: тэатр, тэлефон, тэлевізар, гардэроб. Складаюць сказы з адным словам.

3 гр. рашае галаваломку, запісвае атрыманыя словы і складае адзін сказ са словам на выбар.

ОЛАКАВ (аловак) АРМАСФАЛТ(фламастар) АКУРЧ (ручка)

Выкананыя заданні вучні прэзентуюць для ўсяго класа.

Практ. 10 і 13 вучні выконваюць на выбар.

6. Падагульненне вывучанага.

Самастойная работа.

Вучні працуюць на індывідуальных картках па варыянтах. Затым праводзяць узаемаправерку выкананага задання.

1. Вызначыць у словах націскны склад. Падкрэсліць у ім галосную літару.

1в. Холад, столік, горы, стрэлы 2в. Вожык, цэгла, заморскі, жолуд

2. Уставіць прапушчаныя літары.

1в.г..рады - г..рад стр..хі- стр..ха 2в. ц..ны –ц..на с..сны – с..сна

3. Вызначыць, якая пара слоў “лішняе”. Адначыць яе знакам “+”

1в. воўк – ваўкі, лось –ласі, заяц - зайцы

2в. рэчка - рака, мост – масты, смак – смачны

7. Рэфлексія.

Я магу пахваліць сябе за …

Я не вельмі задаволены сабой, таму што…

8. Дамашняе заданне: практ.11.

Урок 3.

Тэма: “Галосныя гукі пасля мяккіх зычных. Іх абазначэнне на пісьме”

Мэты:паўтарыць асаблівасці ўжывання галосных е, ё, я ў беларускай мове; фарміраваць правапісныя ўменні; пашыраць слоўнікавы запас; развіваць і ўзбагачаць звязнае маўленне вучняў.

Абсталяванне: падручнік, перакладныя слоўнікі, дыдактычны матэрыял.

Ход урока

1. Арганізацыйны момант.Стварэнне псіхалагічнага настрою.

Настаўнік чытае верш Э.Агняцвет.

І надзьмуты, і сярдзіты

вельмі “ветлівы”Мікіта!

Ён паклаў свой “добры дзень”

У партфель або ў кішэнь.

• Ці быў ветлівым Мікіта?

• Паглядзіце адзін на аднаго і скажыце ветлівыя словы для сваіх суседзяў па парце.

2. Праверка дамашняга задання.

• Практ.11. Самаправерка. (гадоў, малады, жалуды, полем, рэжа, чорны, са страхі, морква, вырастае).

• Г ульня “Збяры словы” (уставіць “о”ці “э” і запісаць атрыманыя словы.)

2 вучні выконваюць заданні на індывідуальных картках.

1. Замяніць словы, запісаць іх, паставіць націскі, растлумачыць правапіс о, э, -а.

адзін вада поле страла мароз рака

многа

2. Перакласці прапанаваныя словы на беларускую мову, запісаць іх. Паставіць націскі.

головка
голос
цена
холод

• Запісаць словы пад дыктоўку. Змяніць словы або ўтварыць новыя так, каб у іх замест літар о, э пісалася літара а. Паставіць націск.

Крот, корань, шоўк, сэрца, трэск, вокны, дождж.