19.Мектепке дейінгі балалардың дене тәрбиесі мен бұқаралық спорт жұмыстарын жоспарлау құжаттарын атап оларға анықтама бер.

Балалардың дене тәрбиесін ұйымдастыру формаларына мыналар жатады:

1) физкультура сабақтары;

2) физкультуралық-сауықтыру шаралары (ертеңгілік гимнастика, физкультминутка, дене жаттығуларымен ұштастырылған шынықтыру процедураллары);

3) балалардың дене тәрбиесіжөніндегі күнделікті жұмыс (қимыл – қозғалыс ойындары, серуендер, жекелеген балалармен және шағын топтармен дербес жұмыс істеу, дене жаттығуларының сан алуан түрлерімен өз беттерінше айналысу, мейрамдар).

21. Дене тәрбиесі сабағы – мектептегі дене тәрбиесін ұйымдастырудың негізгі түрі: сабақтың құрылымы және сабақ бөлімдерінің мазмұны, үлгерімді тексеру және бағалау.

Оқу сабағы жалпы білім беретін мектептерде басқа пәндермен қатар сабақтар кестесі бойынша аптасына үш рет жүргізіледі. Дене тәрбиесі сабағының бір-біріне байланысты сабақтың мазмұны және сабақтың құрылымы деген екі түрі болады. Сабақтың мазмұны төрт негізгі элементтен тұрады: 1. Оқу сабағына кіретін дене тәрбиесі жаттығуларының құрамы 2. Оқушылардың іс-әрекеті. Оқушылардың іс-әрекеті ұсынылған жаттығуларды орындауымен байланысты. Олар: мұғалімді тыңдау, жаттығуды орындау, орындау техникасын бақылау, көрген немесе естігенді түсіне білу, орындайтын әрекеттің ойша жобасын құру, оны орындау, өз әрекетін бақылау, бағалау т.б. оқушылардың көптеген әр түрлі әрекеттерінен тұрады. 3. Мұғалімнің қызметі. Сабақ міндетін қою, оны орындауды ұйымдастыру, жаттығушылардың әрекетін бақылау, қателерін түзеу, орындауын бағалау, баға қою, талдау, жүктемені реттеу т.б. 4. Сабақ кезінде оқушылардың ағзасында болып жатқан физиологиялық, психологиялық үрдістер мен жаттығушылардың көңіл-күйлері. Физиологиялық үрдістер: жүрек соғысы, тыныс алу жиіліктері, зат алмасу жүйесінің жұмыстары. Психикалық үрдістер: ықылас, еске ұстау, ойлау, қозғалыс реакциясы жылдамдығы т.с.с. Жаттығушылардың көңіл-күйлері: дене тәрбиесі жаттығуларымен айналысу, ойын ойнау барысындағы қуануы, күйінуі, ренжуі, рақаттануы, күлуі, жылауы. Жаттығушылардың көңіл-күйлері мен осы физиологиялық, психологиялық үрдістер қосылып білімде, қозғалыс ептілігінде, дағдысында жағымды, дұрыс өзгерістер тудырады. Ол өзгерістер оқу сабағы мазмұнының көрінбейтін жағын құрайды. Уақыт бойынша бір-бірімен байланысты орналасқан сабақ мазмұнының барлық элементтерін сабақ құрылымы деп атаймыз. Дене тәрбиесі жүйесінде оқу сабағы үш бөлімге бөлінеді: 1. Кіріспе. 2. Негізгі. 3. Қорытынды.

22. Жоғарғы оқу орындағы дене тәрбиесі кафедрасы жұмысының құрылымы және мазмұны.

«Дене тәрбиесі» кафедрасы келесі бағыттарда жұмыс атқарады:

Оқу жұмысы бойынша:

Дене тәрбиесі бойынша оқу үрдісін жетілдіру жүргізілуде.

Оқыту әдістемесін дамыту бағытында айқындалған жұмыс атқарылуда. Ұдайы оқу пәнінің оқыту сапасына ішкі бақылау жүргізіліп отырылады. Кафедраның кестесіне сәйкес өзара сабаққа қатысу  жүйелі түрде жүргізіледі.

Әлемнің көптеген елдерінде білім алушылар спортының дамуына үлкен көңіл бөлуде. Осы білім алушылар спортының арқасында Олимпиадалық ойындарына және әлем біріншіліктеріне қатысатын  ұлттық құрамалардың негізі қалыптасады.

Университет білім алушыларының дене – сауықтыру және спорттық – бұқаралық спорттық жұмысын арттыру мақсатында, білім алушылар арасына   белсенді демалыс пен  саламатты өмір салтын енгізу, спорттық шеберліктерін және кафедраның спорттық қорын жоғарылату үшін төмендегідей негізгі бағыттар айқындалған:

Дене тәрбиесі үрдісінің бағдарламалық-әдістемелік қамтамасыз етілуін жаңғырту, қазіргі заманға сай жаңа дене шынықтыру – сауықтыру технологияларын жасау ,  спорттық-бұқаралақ қызметтің және дене жаттығулармен өз беттерінше айналысудың жаңа үлгілерін енгізу

Дайындық және біліктілікті көтеру, магистратура мен докторантурада оқу арқылы дене тәрбиесі кафедрасының ғылыми әлеуетін нығайту

Оқытушылар мен қызметкерлерді, білім алушы жастарды бір-бірімен араластыруға, саламатты өмір салтын қалыптастыруға бағытталған  спорттық-бұқаралық және сауықтыру іс-шараларын ұдайы өткізу. (Факультет аралық жарыстар, білім алушылар үйі біріншліктері, атақты спортшылармен дәстүрлі кездесу, атақты спорт ардагерлерімен кездесу, ҚР ЖОО арасындағы Унивеиадаға қатысу т.б.)

Жоғары дәрежелі білім алушы – спортшыларды дайындауға қажетті жағдайлар жасау.

 

Спорттық-бұқаралық жұмыс:

Денсаулықты нығайту мақсатында дене тәрбиесі және спорт құралдарын қолдану, білім алушылардың жұмыс қабілетін арттыру және оларды кәсіби қызметтеріне даярлау үшін жүргізіледі.  Университет білім алушылары университет, аудан, қала, Республика көлемінде ұйымдастырылатын спорттық-бұқаралық іс-шараларға белсене араласады.