Оңтүстік Қазақстан Мемлекеттік Медицина Академиясы «Жұқпалы аурулар» кафедрасы Ситуациялық есеп №12

Бала 3 жаста, жедел ауырды, дене қызуы 38ºС-қа көтерілген, тынышсыз болып ұйқысы бұзылған, тәбеті төмендеген. 4-ші күні дене қызуы қалпына келген, адинамия сақталған, әлсіз болған, осыған байланысты госпитализацияланған. Жалпы жағдайы аз бұзылған. Терісі сұрланған, ылғалдылығы аздау, әсіресе бас терісі. Өкпесінде везикулярлы тыныс. Жүрек тондары таза ритмді. Іші жұмсақ, ауырмайды. Нәжіс пен несепте өзгеріс жоқ. Есі анық. Оң жақтағы мұрын-ерін қатпары тегістеліп кеткен, аузының бұрышы түсіңкіреген. Дәм сезуі сақталған, бет терісінің сезімталдылығы сақталған.

1. Диагнозды тұжырымдау.

2. Қандай қосымша зерттеу қолдану керек?

3. Қандай өзгерісті күтесіз.

4. Ауру адаммен контактте болған балаға қандай алдын алу шараларын қолданады?

Кафедра меңгерушісі, доцент, м.ғ.к. Өтепбергенова Г.А.

Оңтүстік Қазақстан Мемлекеттік Медицина Академиясы «Жұқпалы аурулар» кафедрасы Ситуациялық есеп №13

3 жасар бала түнде дөрекі үрмелі жөтелден оянды. Даусы қатаң, қарлыққан, жөтелі үрмелі, температурасы 39ºС, мұрнынан шырышты бөлінділер бөлінеді. Тыныс алғанда эпигастрияның тартылуы байқалады. Жұмсақ таңдайдың доғасының бадамша бездерінің әлсіз қызаруы бар.

1. Диагноз қойыңыз.

2. Қандай шара қолдану керек?

3. Осы аурудың этиологиясын ретроспективті анықтау үшін не қолданылады?

Кафедра меңгерушісі, доцент, м.ғ.к. Өтепбергенова Г.А.

Оңтүстік Қазақстан Мемлекеттік Медицина Академиясы «Жұқпалы аурулар» кафедрасы Ситуациялық есеп №14

2 айлық бала, жедел ауырған, іш өтумен, нәжісі сұйық сулы, құрамында кілегей мен қан көп мөлшерде, күніне 17 рет. Терісі таза, тургоры төмендеген, сұйықтық көп ішеді, көзі кіртиген, тілі ылғалданған, диурезі сақталған. Бірінші бала болып туылған, салмағы 3600,0. Туылған кезде кіндік жарасы іріңдеген және пиодермия. Түскен кездегі салмағы 4500,0. Бактериологиялық зерттеу кезінде нәжісінде стафилококк бөлінген және ЭКПК 0111 типті. Жалпы қан анализі эр – 5,0х10¹²/л, Нв – 130 г/л, ТК – 0,9, л – 6,8х10⁹/л, Э – 2%, п – 1%, М – 9%, СОЭ – 6мм/сағ.

1. Диагнозды тұжырымда.

2. Қандай қосымша зерттеу жүргізу қажет?

3. Қандай ауытқуларды күтесіз?

4. Нақты емдеу жоспарын және дозасын көрсетіңіз.

Кафедра меңгерушісі, доцент, м.ғ.к. Өтепбергенова Г.А.

Оңтүстік Қазақстан Мемлекеттік Медицина Академиясы «Жұқпалы аурулар» кафедрасы Ситуациялық есеп №15

5 айлық бала, жедел ауырды, бүгін дене қызуы 38ºС-қа көтерілді, тынышсыздық пайда болды. Құсу болмады. Күннің 2-ші жартысында жасыл түсті болып, көп мөлшерде, сұйық қан аралас нәжіс бөлінді, тенезм пайда болды. Объективті тексергенде: дене қызуы 38ºС-қа көтерілген, әлсіз, тері жабындылары қалыпты, бөртпелер жоқ. Тілі ылғалды, түбі ақ жабындымен жабылған. Араны таза, өкпесінде везикулярлы тыныс, жүрек тондары анық, ритмді. Пульсі қалыпты. Терең пальпациялағанда іште ауырсыну байқалған және сигма тәрізді ішектің спазмы, шорылдау білінеді. Анусы босаңсыған, жан-жағы қызарған. Менингеальды белгілер жоқ. Анасында аз уақыттық ішек дисфункциясы байқалған.

1. Алдын ала диагноз қой.

2. Қандай зерттеулер жүргізу керек?

3. Қандай ауытқуларды күтесіз?

4. Дозасын көрсетіп, дәл емдеу жоспарын құрыңыз.

Кафедра меңгерушісі, доцент, м.ғ.к. Өтепбергенова Г.А.