Оңтүстік Қазақстан Мемлекеттік Медицина Академиясы «Жұқпалы аурулар» кафедрасы Ситуациялық есеп №8

1,5 жасар Наташа дене қызуы 37,8ºС-қа көтеріліп, жедел ауырды. Мұрыннан су ағу, жөтел пайда болды. ЖРВИ-ға амбулаторлы емделді. Т – 37,5ºС 5-ші күнге дейін сақталып, мойын аймағында ісіну пайда болды. Нәресте инфекциялық стационарға жатқызылды. Преморбидті фоны ауырмаған. Түскен уақытта жағдайы ауыртпалықтың деңгейінде /яғни орташа/, салмағы 11,100, пульсі минутына 125 соққы, тынысы минутына 28 рет. Мұрнымен тыныс алуы ауырлаған, бөлінді жоқ. Аранында миндалиналар ұлғайған. Алдыңғы және артқы мойын лимфа түйіндері «цепочка» түрінде. Өкпеде везикулярлы тыныс. Жүрек тондары таза, ырғақты. Іші жұмсақ. Бауыр қабырға доғасы астынан 4 см төмен түседі, ал көкбауыры 2 см төмен түседі. Нәжіс пен несеп шығаруы бұзылмаған. Қан анализінде: эр – 3,5х10¹²/л, НВ – 120 г/л, ТК – 0,9, л – 20х10⁹/л, Э – 1%, С – 17%, Л – 59%, М – 10%, атипиялық мононуклеарлар – 17%.

1. Клиникалық диагноз қою.

2. Неге негіздеп диагнозды қойдыңыз?

Кафедра меңгерушісі, доцент, м.ғ.к. Өтепбергенова Г.А.

Оңтүстік Қазақстан Мемлекеттік Медицина Академиясы «Жұқпалы аурулар» кафедрасы Ситуациялық есеп №9

Балаға 1 жас 6 ай, жедел ауырған, дене қызуы 38,7ºС, жөтел пайда болып, мұрнынан су аға бастаған, жұтқыншақтың артқы қабырғасында бұдыр білінеді. 2-ші күні лимфа түйіндері, бауыр, талақтың ісінуі көрінеді.

1. Болжам диагнозы. Дифференциальды диагноз.

2. Тексеру жоспары.

Кафедра меңгерушісі, доцент, м.ғ.к. Өтепбергенова Г.А.

Оңтүстік Қазақстан Мемлекеттік Медицина Академиясы «Жұқпалы аурулар» кафедрасы Ситуациялық есеп №10

Балаға 7 ай. Отбасында әкесі мен шешесі гриппен ауырады. Баланы ауруы тәбетінің төмендеуімен, тамақ ішкенде тамағының қайта аузына келуі, жалпы тынышсыздық, ұйқысының бұзылуы, мұрыннан су ағумен, дене қызуы 37ºС болуымен басталған. Қараған кезде терісінің сұрланғаны, мұрын кілегейінде ісіну байқалады, аранның гиперемиясы, өкпесінде – жайылған құрғақ сырыл және коробкалы дыбыс пен тыныс алуы қатты.

1. Болжам диагнозы.

2. Диагнозды анықтау әдістері.

3. Емдік тактика.

Кафедра меңгерушісі, доцент, м.ғ.к. Өтепбергенова Г.А.

Оңтүстік Қазақстан Мемлекеттік Медицина Академиясы «Жұқпалы аурулар» кафедрасы Ситуациялық есеп №11

Поликлиникаға кезекші дәрігердің қабылдауына 5 жастағы баланы алып келген, ол 30 минут кабинет алдында күтіп отырған. Шағымдары: жұтынғанда көмейінде ауырсыну және дене қызуының көтерілуі. Қарағанда: араны қызарған, бадамша бездері қызарған, қалың, тығыз, ақ-сұр шөгіндімен жабылған, қиын алынатын, алғанда орны қанайды. Бала ауылды жерден 1 апта бұрын келген. Егу туралы мәлімет жоқ.

1. Шамамен диагноз қою.

2. Кезекші дәрігер қандай шаралар қолданады?

Кафедра меңгерушісі, доцент, м.ғ.к. Өтепбергенова Г.А.