Оңтүстік Қазақстан Мемлекеттік Медицина Академиясы «Жұқпалы аурулар» кафедрасы Ситуациялық есеп №1

Бала 7 жаста, жедел ауырды, дене қызуы 37,4ºС. Тексергенде аранның доғасының шырышты қабатында гиперемия байқалады, артқы мойын лимфа түйіндері үлкейген, арқасында, жамбасында, аяқ-қолдарында, әсіресе бүгілетін жерінде майда дақ сияқты бөртпелер пайда болған. Бөртпелер ақшыл-қызыл түсті. Өкпеде везикулярлы тыныс. Жүрек тондары ритмді, анық, іші жұмсақ, бауыры қабырға доғасынан шықпайды. Қан анализінде /ауруының 2-ші күнінде/ л – 10,0х10⁹/л: Э – 4%, с – 43%, Л – 50%, М – 1%. Плазматикалық клеткалары – 2%, СОЭ – 8 мм/сағ.

1. Болжамды диагноз қою.

2. Қандай мәліметтерге сүйене отырып диагноз қойылған?

3. Қандай аурулармен дифференциальды диагноз жүргіземіз?

Кафедра меңгерушісі, доцент, м.ғ.к. Өтепбергенова Г.А.

Оңтүстік Қазақстан Мемлекеттік Медицина Академиясы «Жұқпалы аурулар» кафедрасы Ситуациялық есеп №2

Бала 9 жаста, аурудың қызылша ауруымен ауырып жүргенінің 8-ші күнінде дене қызуы 39ºС-қа көтеріліп, қайталап құсып, басы ауырып, қозуы байқалды. Кейін бала есінен танып, қысқа уақыттық қалтырау пайда болды. Тексере келгенде дене салмағы 29кг, Т – 39,4ºС, пульсі 106-1 мин. Баланың есінен танғаны, ошақты симптомдар байқалады, ол сол жақ гемипарезімен, сол мұрынының қатпары тегістелген. Терісі құрғақ, бөртпе жоқ, өкпесінде қатты тыныс естіледі. Жүрек тондары таза, жиіленген, іші жұмсақ, ауырмайды. Бауыры мен көкбауыры үлкеймеген. Қан анализі: Л – 7,8х10⁹/л, Э – 1%, п – 45%, Л – 49%, М – 5%, СОЭ – 12 мм/сағ.

1. Болжамды диагноз қой.

2. Науқасқа қосымша қандай зерттеулер тағайындау керек?

3. Балаға жасына байланысты қандай ем қолдануға болады?

4. Дәл ем жоспарын құр.

Кафедра меңгерушісі, доцент, м.ғ.к. Өтепбергенова Г.А.

Оңтүстік Қазақстан Мемлекеттік Медицина Академиясы «Жұқпалы аурулар» кафедрасы Ситуациялық есеп №3

8 жасар бала кешке дене температурасы 39ºС болып көтерілген. Тамақ аймағында ауырсыну пайда болады, бір ретті құсу болған, келесі күні денесінде бөртпелер пайда болған. Клиникаға түскен кезде /аурудың 2-ші күні/ шаршағандық анорексия, денесінде, аяқтарында нүкте тәрізді бөртпелер және терісінің қыртыстарында да бөртпелер пайда болған. Зевінде – анық шектелген гиперемия көрінеді. Тілі қою ақ-сары түсті шөгінділермен жабылған. Өкпесінде везикулярлы тыныс, жүрек тондары тұйықталған. Пульсы 136 рет минутына, іші жұмсақ. Бауыры қабырға доғасынан 1см төмен. Үлкен дәреті және зәр шығаруы қалыпты. Қан анализінде эр – 3,8х10¹²/л, НВ – 130 г/л, ЦП – 0,9, л – 12х10⁹/л, п – 4%, С – 78%, Л – 13%, М – 4%, СОЭ – 20 мм/сағ.

1. Болжамды диагнозды қойыңдар.

2. Қандай клиникалық-лабораториялық мәліметтер диагнозды дәлелдейді?

3. Дифф.диагноз?

4. Толық емдеу жоспарын құрыңдар, дозаларын анық көрсетіңдер.

Кафедра меңгерушісі, доцент, м.ғ.к. Өтепбергенова Г.А.