2. Сурет - Теңіз карбонатты платформасының және оның қапталдарының сейсмографиялық сұлбасы

1.6 Мұнай және газ

Кен орнының құрылымы мынадай – орта және төменгі карбон шөгінділері разрездің ашылған ұңғымаларынан толық жойылғанға дейін қалыңдығы бойынша қатты өзгереді.

Т-10 ұңғымасы мұнай-газ әлеуетінің төменгі шекарасын көрсетті (5410 м – сусыз мұнай алудың ең төменгі жер). Су-мұнай жанасуы 5960 м төмен емес жерде орналасуы мүмкін деп болжанады. Сейсмикалық зерттеу мәліметтері бойынша Теңіз және Патшалық кен орындарын бөлетін эрозиялық бөліктің ықтималды тереңдігі 5960 м құрайды. Бөліктің болжамды тереңдігі Теңіз кен орны кенішінің таралуының максимальді бақылаушы ретінде қарастырыла алады. Сонымен қатар, кен физикалық түрде су-мұнай жанасуы (ВНК) болмайды, бірақ қуысты өтіміділігі бар жинауыш таужыныстарының өнімді қатқабаттың төменгі бөлігінің болмауы нәтижесінде жабық болып табылады деген нұсқа да бар. Су-мұнай жанасуы қуысты коллекторлар болатын аймақтың солтүстік-шығыс және оңтүстік-батыс бөліктерінде тек шеткі аймақ кендерінде ғана болады деген болжам бар. «Тенгизшевройл» БК қазірде кен орнынан мұнай алу үшін белгіленген орыннан 40 м төменде орналасқан су-мұнай жанасу орны үшін 5460 м деп қарастырады. Бұл болжам су-мұнай жанасуы белгіленбеген, бірақ судың ең жоғары деңгейі 4922 м жерде деп шамаланатын Патшалық кен орнымен гидродинамикалық тепе-теңдікке негізделген. Теңіз кен орнының су-мұнай жанасуы қысымның экстраполяция градиенттері жолымен есептелген. Су-мұнай жанасуы разрездегі белгіленген барлық нысандар үшін бірдей қабылданған, себебі, кен орны массивті болып табылады және коллектордың әр түрлі типтері арасында гидродинамикалық байланыс бар.

Жасалған зерттеулер бойынша жүргізілген қосымша жұмыстардан кейін І және ІІ эксплутация объектілері арасындағы бөлік ретінде қарастырылатын тульдік және окалық шөгінділер шекарасындағы туффиттік қабатты қоспағанда барлық ашылған карбонатты кешен қалыңдығы коллектор болып табылады (2 карта).

І объектінің өңдеу жұмыстарын башқұрт, серпухов және ока шөгінділерінде ашылған 16 ұңғыма бойынша қарауға болады.

ІІ объектінің өңдеу жұмыстары қазіргі уақытта ұңғымалар бойынша, сонымен қатар, бөлек ұңғымалар толық объектіге өнімді қалыңдығын бағалауға мүмкіндік бермейтіндіктен осы объект бөлігінің жасы бойынша әр түрлі ашылған.

ІІ объектінің кен шығаруында максимальді қалыңдығы ашылған Т-22 ұңғымасында барлық разрез ІІ және ІІІ топ коллекторлары арқылы берілген

Керннің лабораториялық зерттеу мәліметтері бойынша өткізгіштік үлестірімінің статистикалық қатары 1.2 кестеде берілген.

1.2 Кесте - Керннің лабораториялық зерттеу мәліметтері бойынша өткізгіштік үлестірімінің статистикалық қатары

Бөлінуі	Өткізгіштік өзгерісінің интервалы *10-3, мкм2								Анықтама саны
	>0-0,01	0,01-0,1	0,1-1	1-10	10-100	100- 1000	1000- 10000
	Жағдайларының саны, %
Башқұрт ярусы Платформа	0,5	21,9	41,6	28,1	6,2	1,7	0,0	178
Башқұрт ярусы. Беткей	23,0	27,7	24,4	16,4	5,9	1,8	0,9	336
Серпухов ярусы. Платформа	1,2	17,7	37,3	29,7	12,3	1,2	0,6	333
Серпухов ярусы. Беткей	33,0	34,2	17.9	10,5	2,2	2,0	0,2	409
Ока горизонттар бірлестігі. Платформа	7,1	40,6	28,4	16,9	5,4	1,4	0,2	496
Платформа	4,0	29,7	33,7	23,1	7,8	1,4	0,3	1007
Беткей	28,4	31,3	20,8	13,1	3,9	1,9	0,5	745
I объект	14,4	30,3	28,2	18,9	6,2	1,6	0,4	1752
Туль горизонты	31,7	46,1	17,8	3,3	1,1			449
Турне горизонты	25,1	29,9	30,6	14,0	0,4			278
II объект	29,2	39,9	22,7	7,4	0,8			727

Гипровостокнефть институтында (60-тан астам сынама) және «Корлабораториз» компаниясының заманауи технологиялар Орталығында орындалған (6 сынама) қабатты және газсызданған мұнайды сынамаларының алынған зерттеу нәтижесі бойынша мұнай мен газдың құрамы мен қасиеттерінің сипаттамасы. Қабатты мұнайдың негізгі қасиеттері 1.3 кестеде келтірілген.