Бидай жармасы
Бидайдан манный, полтава және артек жармасы дайындалады. Манный жармас ын сапалы бидайдан дайындайды. Басқа жармамен салыстырғанда манный жармасыида клетчатка мөлшері аз болады (0,4%-тен аспайды). Осы қасиетіне байланысты диеталық және балалар тағамын дайындауға пайдалы. Манный жарманы сұйық тағамға себуге болады, одан қою тағам (ботқа, құймақ, запеканка, биточка, котлет) және тәтті тағам (пудинг, суфле, мусс) дайындалады.[1]
Полтава жармасын қатты бидай сортының дәнінен алады. Ол үшін дәнді қабықтан (қауыздан) тазартады. Ол ақталған арпа жармасына ұқсас болады. Ірі жарманы суп, ал ұсақ жарманы ботқа, биточка т.б. тағам дайындауға пайдаланады.
Артек жармасын қатты бидай сортының дәнінен дайындайды. Ұнтақталған бидай дәнінен алынған артек жармасы манный жармасына ұқсас келеді. Артек жармасынан сүтке пісірген сұйық және қоймалжың ботқа, запеканка, биточка т.б.
Жүгері жармасы
Жүгері жармасын көбіне жүгерінің ақшыл және сұрғылт түсті сортының кремнийлі, тіс тәрізді дәндерінен дайындайды. Үй аспазшылығының қажеті үшін жүгері жармасының бес түрлі нөмірі шығарылады. Бұларданботқа, котлет т.б. дайындалады. Сонымен бірге үлпілдек дән алуға ірі жүгері жармасы, ал қытырлақ«түтікше» пісіруге жүгерінің ұсақ жармасын пайдаланады.
Саго
Ең алғаш саго тропикалық елдерден әкелінетін. Оны саго пальмасының дәнінен алынатын крахмалдандайындайтын. Қазір сагоны картоп пен жүгерінің крахмалынан алады. Басқа жармаға қарағанда саго құрамында белок аз болғанымен углеводқа бай болады. Сагоны супқа салады, ботқа, пудинг тағамдарымен қатар самсаның ішіне салып пісіреді.
Технологиялық процесс
Жарма өндіру процесі бірнеше кезеңдерден тұрады:
1. Астық тазалау – астық ірі және ұсақ қосындылардан екі рет тазартылады, осы бөлімшеде астық тастардан тазартылады, аспираторлардан өткізіледі және триер-овсюгтік іріктеу мен куколе іріктеуден өткізіледі. .
2. Булау, кептіру және салқындату операцияларынан тұратын гидротермикалық өңдеу.
3. Қосымша аспирациялар жүргізе отырып ірілігі бойынша фракцияларда калибрлеу.
4. Ірі және ұсақ фракциялардан қауыздану бөлек жүргізіледі. Қабықтан, жармадан және бүлінген дәнінен бөлу үшін әрбір қауыздану жүйесінен кейін өнім аспираторлардан өткізіледі. Басқа дақылдарға қарағанда қабыршақталған бидай үш реттік өңдеуге және үш реттік тазартуға жіберіледі.
5. Пади-машинада жұмыс жасау.
Жоғарыда сипатталған барлық технологиялық өңдеу кезеңдері жоғары сапалы жарма өндіруге мүмкіндік береді.
Шағын жарма цехы шағын көлемді қауыздану-өңдеу, ұнтақтау пневмокөліктік елеу және электр жабдықтары кешенін білдіреді.
Конструкцияның жинақталуы, шағын көлемі және салмағы, алынатын жарманың жоғары сапасы мен түр-түрінің көптігі осы жарма цехының осыған ұқсас басқа жабдықтардан ерекше екенін көрсетеді.
Технологиялық жабдық пультпен басқарылады. Шағын жарма цехына қызмет көрсету үшін 2 адам қажет болады.
Жарма дайындау жабдығының бірқатар басымдықтары бар – ол жан-жақты, сенімді және бірегей. Онда керексіз қосымша функциялар жоқ, бұл тапсырыс берушінің талаптарына сәйкес дайындалған жабдықтың өзіндік құнын барынша төмендетеді.
|
|