1.2. Берілістерді ауыстыру механизмі

Берілістерді ауыстыру механизмі қораптағы берілістерді ауыстыру үшін қызмет етеді және автомобильдің салонынан берілістерді ауыстыру үшін иінтіректің (рычаг) көмегімен жүргізушімен басқарылады. Бұл кезде құлыптау құрылғысы біруақытта екі беріліске қосылуға мүмкіндік бермейді, ал блоктау құрылғысы берілісті өздігінен өшіп қалуын тойтарады.

Картердің оң қабырғасында орналасқан мойын арқылы қорапқа май құйылады. 2 суреттегі 1 тығынында май деңгейін көрсеткіш орналасқан. Картердің ішінде аралық бар, сондықтан майды міндетті түрде тығыны бар 2 ағынды тесіктер арқылы ағызу керек. Алдымен төменгісі, кейін бүйіргісі арқылы. Майдың ішінде болуы мүмкін металлдық бөлшектерді ұстап қалу үшін алдыңғы тығында магнит орнатылған. Картердің екі жағынан қуатты іріктеу қораптарын орнату үшін люктар бар. Люктар тығыздатқыш төсемесі бар қақпақтармен жабылған. Рұқсат етілген қуатты іріктеу әр люктан 30 л.с. Қозғалыс кезінде қуатты іріктеу рұқсат етілмейді.

2- сурет

Өлшем кезіндегі майдын деңгей көрсеткішінің орналасуы: 1 – майдың деңгейін көрсеткіші бар тығын; 2 – беріліс қорабының картері

Техникалық қызмет көрсету.

Қызмет көрсету май деңгейін қадағалау мен оның тұрақты ауыстырылуын бақылаудан тұрады. Майдың деңгейін тексеру үшін, 1 тығынын меңзермен алып шығу керек. Одан кейін, 2 суретте көрсетілгендей, меңзерді сүртіп, жіпке тірелгенше мойынға тығу керек. Май деңгейі, меңзердегі жоғарғы бөлігіне дейін жетіп тұруы тиіс. Майды ауыстыру үшін, меңзері бар 1 тығынын және ағын тығындарын алып шығу керек. Төменгі тығынның магнитін металлдық бөлшектерден тазартып, майды ағызғаннан кейін тығындарды орнына қою керек. Майды ағызудың соңы, май ағынының тамшы құлауына дейін ауысуымен анықталады. Майды химмотологиялық картаға сәйкес құю керек.

2. Механикалық беріліс қораптарының ақаулығы

2.1. Беріліс қорабының жалпы ақаулықтары

Жүк көліктеріне орнатылатын механикалық беріліс қорабы құрылысында айтарлықтай өзгешеліктерге ие. Сәйкесінше жеке ақаулықтары да бар. Сонымен қатар механикалыө беріліс қорабының жалпы ақаулықтарын да атап өтуге болады. Шартты түрде оларды екіге бөліге болады: беріліс қорабының ақаулықтары мен берілістерді ауыстыру механизмінің ақаулықтары. Беріліс қорабының жалпы ақауларына келесілер жатады:

1) муфталар синхронизаторларының қажалуы;

2) муфталар синхронизаторларының шлицтык қосылысының қажалуы;

3) тістегеріштердің қажалуы;

4) қораптағы май деңгейінің төмендігі;

5) жетекші, жетекті және аралық біліктердің мойынтіректерінің қажалуы;

6) беріліс қорабының бекітпесінің резьбалық қосылыстарының әлсізденуі;

7) сальниктардың қажалуы.

2.2. Беріліс қорабының сыртқы белгілері бойынша ақаулықтар

Беріліс қорабының ақауларын сыртқы белгілері бойынша анықтауға болады:

1) беріліс қорабының шуылы;

2) берілістердің қиын қосылуы;

3) берілістердің өз бетінше сөнуі;

4) майдың аздап ағуы.

Белгілер	Ақаулар
Бейтарап позициядағы шу	Жетекші білік мойынтірегінің қажалуы; Қораптағы майдың төмен деңгейі.
Берілістерді қосы кезіндегі шу	Бұғаттау құрылғысының қажалуы немесе деформациялануы; Муфта синхронизаторларының қажалуы; Беріліс қорабының бекітпесінің резьбалық қосылыстарының әлсізденуі; іліністің толықтай сөнбеуі.
Қораптың жұмысы кезіндегі шу	Мойынтіректердің қажалуы; Муфта синхронизаторларының қажалуы; Қораптағы майдың төмен деңгейі.
Берілістердің қиын қосылуы	Муфта синхронизаторларының қажалуы; Тістегеріштердің қажалуы; Қораптағы майдың төмен деңгейі ; Ауыстыру қорының қажалуы немесе зақымдануы; Бекітпенің әлсізденуі немесе жетектің тросының зақымдануы; Іліністің толықтай сөнбеуі.
Берілістердің өз бетінше сөнуі	беріліс қорабының бекітпесінің резьбалық қосылыстарының әлсізденуі; Жетек тросының кептелісі; Муфта синхронизаторларының қажалуы; муфталар синхронизаторларының шлицтык қосылысының қажалуы; Тістегеріштердің қажалуы; Ауыстыру қорының қажалуы ; Ауыстыру шаңышқысының қажалуы; Жетекті (аралық) біліктің мойынтіректерінің қажалуы;
Майдың аздап ағуы	Беріліс қорабының бекітпесінің резьбалық қосылыстарының әлсізденуі; Сальниктердің қажалуы.

3. КАЗ- 608в берлістерді ауыстыру қорабының есебі