Билет -№28

1. Гипо және гиперкалиемия кезінде ЭКГ-дағы өзгерістер.

2. Қарыншалар дірілі кезінде жедел жәрдем көрсету алгоритмі

3. ЭКГ талдау

1. Гипо және гиперкалиемия кезінде экг-дағы өзгерістер

Гиперкалиемия бүйрек аурулары, бүйрек жеткіліксіздігімен ауыратын науқастарда және калий препараттарымен уланғанда пайда болады. ЭКГ-да жиі кездесетін өзгерістер:

• Өткір, жоғары, оң Т тісше;

• QT интервалының қысқаруы;

• Атриовентрикулярлы және қарыншаішілік өткізгіштіктің бұзылысы, синусты брадикардия байқалады.

Гипокалиемия калийдің тамақпен аз түсуі, көп мөлшерде сұйықтық жоғалтқанда (құсу, диарея, массивті диурез), эндокринді аурулар кезінде (Иценко-Кушинг, біріншілік альдестеронизм), ұзақ уақыт кортикостероидтарды қолданғанда, жүрек гликозидтерімен уланған кезде дамиды.

• RS-T сегментінің горизонтальды төмен қарай ығысуы, Т тісшесінің амплитудасы төмен және теріс немесе 2 фазалы.

• U тісшесі амплитудасының жоғарлауы, QT интервалының ұзаруы.

2. Қарыншалар дірілі кезінде жедел жәрдем көрсету алгоритмі:

Бірінші реттік пароксизмда және миокард инфарктында лидокаин тағайындау керек. Препаратты тамыр ішіне 20 мл изотоникалық ерітіндімен 100-150 мг 3-4 минутта енгізу керек. Лидокаиннің әсері болмаған кезде төмендегі препараттар тағайындалады:

- Этмозин - 100 - 150 мг (4-5 мл 2,5 % ерітінді) 20 мл натрий хлор изотоникалық ерітіндісімен 4 - 5 мин.ішінде.

- Кордарон - 5 мг/кг+ 20 мл 5% глюкоза ертітіндісі т/і 4 - 5 мин.ішінде.

- Новокаинамид - 10 мл 10 % ерітінді+ 10 мл 5 % глюкоза ерітіндісі т/і, 4 - 5 мин.

- Ритмилен - 100 - 150 мг + 20 мл изотоникалық ерітінді немесе 5% глюкоза ерітіндісімен т/і, 4- 5 мин.ішінде.

Билет -№29

1. Гипо және гиперкальциемия кезінде ЭКГ-дағы өзгерістер

2. Жедел коронарлы синдром кезінде жедел жәрдем көрсету алгоритмі

3. ЭКГ талдау

1. Гипокальциемия қалқанша маңы безінің гипофункциясы кезінде, Д витаминінің жеткіліксіздігінде және көп мөлшерде сұйықтық жоғалтқанда дамиды.

• QT интервалының ұзаруы;

• Т тісшесі амплитудасының төмендеуі;

• PQ интервалының қысқаруы.

Гиперкальциемия гиперпаратиреоз, Д гипервитаминозы, миоломды ауру ауру кезінде дамиды.

• QT интервалының қысқаруы;

• Т тісшесі төмендеген, 2 фазалы немесе теріс;

2. Жедел коронарлық синдром кезінде жедел медициналық көмек көрсету Науқасты шалқасынан жатқызып,үстіңгі киімнің түймелерін ағытады;

• маңызды емдеу түрі – оксигенотерапия, тіндік гипоксия кезінде миокардтың жасушаларын оттегімен толтыру.

• Нитроглицериннің үш дозасын 5 минут кезеңділікпен тіл астына, қарама-қарсы көрсеткіштерін ескере отырып беру;

• Аспиринді 160-325 мг дозада бір рет беру;

• тері астына антикоагулянттар енгізеді – гепарин, фондапаринукс, фраксипарин т.б.;

• анальгезия морфинмен 10 мг дозада,5-15 минуттан соң қажет болған жағдайда сол дозаны қайталау; бета-адреноблокатор тобының препараттарының бірі ауыз арқылы тағайындалады,бірақ қарсы көрсеткіштерді (АҚҚ төмендеуі, брадиаритмия кезінде)ескере отырып,және асқынуларға да көңіл бөледі,мысалы: аритмия, өкпе ісінуі, кардиогенді шок және т. б.

• Кейін науқастың жағдайын тұрақтандыру мақсатында, оны шұғыл ауруханаға жатқызады ауруханада тромболизис (тромбтарды жою)жасалынатын жер болса, ал ол болмаған кезде қол жетімділігіне кез-келген стационар бөлімшесі, реанимация немесе қарқынды терапияға жолданады.

Билет -№30