5.21.Стандарт ««Дезо» таңғыш салудың техникасы»

Мақсаты: бұғана және иық сынғанда қолды бекіту.

Ресурстар: ені 20см бинт, қайшы, түйреуш.

Іс алгоритмі:

1.Науқасты өзіңе қаратып отырғызып, тыныштандырып, іс-шаралардың мақсатын, негізін түсіндіру.

2.Қолтық астына дәкемен оралған мақта көпшік қою.

3.Жарақаттанған қолды тік бұрыш түрде бүгу. Білекті кеудеге басу.

4.Иықты денеге бекітіп кеудені айналып бекіту орам жасау. Сау жақтан жарақаттанған жаққа қарай таңу.

5.Бинтті сау қолтық астынан жарақаттанған иықтың үстіне иықтың артқы жағымен тіке түсіріп білек буынына алып келу (2 тур).

6.Бинтті қиғаш білек арқылы сау қолтық астына алып келу.

7.Бинтті арқа арқылы жарақаттанған иықтың үстіне, кейін иықтың алдыңғы жағымен төмен алып келіп, білек буынын алдыңғы жақтан алға қарай арқа арқылы сау қолтық астына алып келу (3 тур).

8.Жетімді бекіту үшін әрбір 2, 3 турларды 1-ші турдан кейін қайталау.

Ескерту: оң қол жарақаттанғанда таңу - сол жақтан оң жаққа, сол қол жарақаттанғанда таңу - оң жақтан сол жаққа қарай басталады. Таңғыш ем ретінде салынса, бұрыштары баумен байланады.

5.22 Стандарт «Масақ тәрізді иық білекке таңғыш салудың техникасы»

Мақсаты: қолдың жарақаты кезіндегі иммобилизация.

Көрсеткіштері: таңғыш материалдарды, гипсті лонгетті, құрсауды бекіту.

Ресурстар: жалпақ бинт, қайшы.

Іс алгоритмі:

1.Иықтың 1/3 жоғарғы бөлігін айналып 1-2 бекіту тур жасау (1 тур).

2.Бинтті кеуденің артқы жағымен жүргізу.

3.Қарсы қолтық асты арқылы кеудені циркулярды түрде орау (2 тур).

4.Бинтті кеуденің алдыңғы жағымен жарақаттанған иыққа алып келу (3 тур).

5.Циркулярды түрде иықты орап бинтті арқаға шығару, алдыңғы орамның ½ немесе 1/3 бөлігін жауып.

6.Иық білегі толық жабылғанша 1, 2 турларды қайталау.

7.Бинтті иық білегінен төмен бекіту.

5.23. Стандарт «Жіліншік буынына таңғыш салудың техникасы»

Мақсаты: жіліншік буынның иммобилизациясы

Көрсеткіштері: жіліншік буынның шығуы, сіңірлерінің созылуы.

Ресурстар: бинт, қайшы.

Іс алгоритмі:

1.Бинтті алып жіліншік буыннан жоғары циркулярды бекіту тур жасау.

2.Бинтті табанның үстінен жүргізу.

3.Жіліншік буынды айналып циркулярды тур жасау.

4.Бинтті табанның үстінен жоғарыға қиғаш жүргізу.

5.Жіліншік буынды айналып циркулярды тур жасау.

6.Аймақ толық жабылғанша орамдарды қайталау.

7.Бинтті буынды айналып бекіту.

Ескерту: табанды таңу үшін саусақтармен бірге жасалатын таңғыш қажет.

5.24. Стандарт «Білезікке «Қолғап» қайталамалы таңғыш салудың техникасы»

Мақсаты: таңғыш материалдарды білезікте бекіту.

Көрсеткіштері: күйік, ұсік, жаралар, білезіктің іріңді-қабыну процесстері.

Ресурстар: жіңішке бинт, қайшы.

Іс алгоритмі:

1.Бинтті алып білезік буынды айналып циркулярды орам жасау.

2.Бинтті қиғаш алақанның сыртымен саусақтардың басына алып келу.

3.Бинтті алақанға ауыстырып білезік буынына алып келу.

4.Қайталамалы орамдар арқылы алақанды толық жабу.

5.Бинтті қиғаш саусақтардың басына алып келіп бағытын ауыстыру - білезік буынына қарай бірнеше көлденең орам жасау.

6.1-ші саусақты бөлек таңу.

7.Білезік буынын айналып бинтті бекіту.

Ескерту: ампутациялық тұқылға бінттік таңғыш салынады.