5.17.Стандарт ««Милықтата» таңғыш салудың техникасы»

Мақсаты: таңғыш материалды баста бекіту.

Көрсеткіштері: бастың маңдай және желке аймақтарының жарақаты.

Ресурстар: ені 10см бинт, қайшы.

Іс алгоритмі:

1.Науқасты өзіңе қаратып отырғызып, тыныштандырып, іс-шаралардың мақсатын, негізін түсіндіру.

2.Ұзындығы 80-100см бинт дайындау (бау).

3.Бинттің ортасын бастың төбесіне орналастыру; шеттері науқастың немесе көмекшінің қолына беру.

4.Шеттерін төбеден құлақтың алдымен төмен түсіру.

5.Ені 10см бинтпен басты айналып циркулярды орам жасау.

6.2-ші орамды бауға жеткізіп, оны айналып, желке мен төбені жауып бинтті қиғаш жүргізу.

7.Бинтті бау арқылы қарсы жаққа ауыстырып, қиғаш жүргізіп маңдай мен төбені жабу (3-ші орам).

8.Бас күмбезі жабылғанша 2-3 орамдарды қайталау.

9.1-2 рет циркулярды ораммен бекіту.

10.Бинттің шетін баудың шетіне қосып, баудың шеттерін иектің астына байлап таңуды аяқтау.

5.18.Стандарт ««Жүген» таңғыш салудың техникасы»

Мақсаты: төменгі жақты қозғалтпау (шашырату).

Көрсеткіштері: төменгі жақтың, беттң жарақаты.

Ресурстар: ені 10см бинт, қайшы.

Іс алгоритмі:

1.Науқасты өзіңе қаратып отырғызып, тыныштандырып, іс-шаралардың мақсатын, негізін түсіндіру.

2.Бинттің шетін сол қолға, басын - оң қолға ал.

3.Маңдай мен желке арқылы басты айналып бекіту циркулярды орам жасау - 1 тур.

4.Бинтті желкеге, иекке түсіріп тіке самай мен төбенің екі жағынада ауысып бастапқы орынға қайтып келу - 2 тур.

5.2-ші турді 3-4 рет қайталау.

6.Бинтті сол жақтан желкеге түсіріп бекіту турға айналу.

7.Бекіту турімен таңуды аяқтау.

8.Бинттің шетін маңдайда бекіту.

5.19.Стандарт «Екі көзге таңғыш салудың техникасы».

Мақсаты: таңғыш материалдарды бекіту.

Көрсеткіштері: операциядан кейінгі жара, көздің жарақаты.

Ресурстар: ені 10-12см бинт, қайшы.

Іс алгоритмі:

1.Науқасты өзіңе қаратып отырғызып, тыныштандырып, іс-шаралардың мақсатын, негізін түсіндіру.

2.Іс-шаралардың мақсатын, негізін түсіндіру.

3.Жарақатын анықтау.

4.Ені 10-12см бинтті алу.

5.Бинттің шетін сол қолға, басын - оң қолға ал.

6.Басты айналып бекіту циркулярды орам жасау.

7.Бинтті төменнен жоғарыға қиғаш құлақтың астынан желкеге алып келіп 1 көзді жабу (1 тур).

8. Циркулярды ораммен бекітіп 1 турді 3-4 рет қайталау.

9.Бинтті желкені айналдырып маңдай арқылы жоғарыдан төмен қиғаш алып келіп 2-ші көзді жабу (2 тур).

10.Бинтті құлақтың астынан желкеге алып келіп, қарсы жаққа шығарып циркулярды бекіту турына айналдыру.

11.Циркулярды ораммен бекітіп 2 турді 3-4 рет қайталау.

12.Айналма көлденең ораммен таңғышты бекіту.

5.20.Стандарт «Бәрі саусаққа шиыршық «Қолғап» таңғыш салудың техникасы»

Мақсаты: таңғыш материалдарды бекіту.

Көрсеткіштері: күйік, ұсік, саусақтардың жарақаты.

Ресурстар: ені 5см бинт, қайшы.

Іс алгоритмі:

1.Науқасты өзіңе қаратып отырғызу, жарақаттан жақтың білегін үстелге орналыстыру, білезік салбырап түру қажет.

2.Науқасты тыныштандырып, іс-шаралардың мақсатын, негізін түсіндіру.

3.Бинттің шетін сол қолға, басын - оң қолға ал.

4.Білезікті айналып бекіту орам жасау.

5.Бинтті алақанның сырт жағынан қиғаш саусақтың басына алып келу (1 тур).

Ескерту: оң қолды таңу 1-ші саусақтан басталады, сол қолды - 5-ші саусақтан.

1.Шиыршық ораммен саусақты басынан бастап түбіне дейін толық жабу (2 тур).

2.Бинтті алақанның сырт жағымен білезікке алып келіп циркулярды тур жасау (3 тур).

3.1-3 турлармен бәрі саусақтарды таңу.

4.Білезікті айналып бекіту орам жасау.

Ескерту: таңғыш дұрыс салынғанда алақан ашық қалады.